Собор святых Челябинской митрополии

Месяца сентября в 27-й день

Собор новомучеников Челябинския митрополии

Зри. Ве́стно бу́ди, я́ко а́ще сий 27-й день случи́тся в Неде́лю, слу́жба новому́чеников пое́тся в сию́ Неде́лю.

А́ще же 27-й день случится в понеде́льник, вто́рник, четверг, пятницу или субботу слу́жба их пое́тся в Неделю после 27-го дне.

Аще же в сре́ду, служба им переносится на 24-й день, понеже в Неде́лю после 27-го дне празднуется Покров Пресвятыя Богородицы.

Тропарь, глас 4:

Святии угодницы Христовы,/ скорбяще, гоними и унижаеми,/ сокровище Евангелиа в сердцах ваших сохранисте/ и живот вечный наследовасте,/ темже и нас молитвами вашими в чистоте и правде сохраните/ и люди земли нашея/ разумом истины просветите.

Кондак, глас 3:

Вас, святии угодницы наши,/ Челябинская земля славословит/ и подвигу вашему дивится,/ вы бо, телеса ранам предавше,/ венцы нетленныя от Христа прияли есте,/ темже молитвами вашими ко Господу/ помозите нам в терпении крест свой понести/ и душам нашим испросите велию милость.

Молитва

О, святии угодницы Божии, святителие, пастырие и мирстии, верность Христу даже до смерти явившии и венец жизни от Него приемшии! Вы во вся дни жизни вашея образ терпения, непостыднаго упования и совершенныя любве показали есте и землю нашу Южноуральскую подвигом своим освятили есте. Ныне же, в раи сладости наслаждающеся, Престолу Божию во славе предстоитé и присно хвалу и ходатайство со Ангелы и всеми святыми Триединому Богу возносите. Сего ради мы, недостойнии, молим вас, святии сродницы наши: не забудите земнаго отечества вашего, беззаконии отягченнаго; умолите Господа Сил, да утвердит Церковь Свою непоколебиму в мире сем многомятежнем и лукавом, в земли же нашей возродит дух разума и благочестия, дух братолюбия и мира, яко да возможем врага спасения нашего победити, в чистоте и правде живот свой сохранити и Царствия Небеснаго достигнути, идеже вкупе с вами сподобимся прославляти Отца и Сына и Святаго Духа во веки веков. Аминь.

Величание:

Велича́ем вас,/ вси святи́и, в земли́ Южноуральстей просия́вшии,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.

Месяца сентября в 27-й день Собор новомучеников Челябинския митрополии Зри. Ве́стно бу́ди, я́ко а́ще сий 27-й день случи́тся в Неде́лю, слу́жба новому́чеников пое́тся в сию́ Неде́лю. А́ще же 27-й день случится в понеде́льник, вто́рник, четверг, пятницу или субботу слу́жба их пое́тся в Неделю после 27-го дне. Аще же в сре́ду, служба им переносится на 24-й день, понеже в Неде́лю после 27-го дне празднуется Покров Пресвятыя Богородицы. Тропарь, глас 4: Святии угодницы Христовы,/ скорбяще, гоними и унижаеми,/ сокровище Евангелиа в сердцах ваших сохранисте/ и живот вечный наследовасте,/ темже и нас молитвами вашими в чистоте и правде сохраните/ и люди земли нашея/ разумом истины просветите. Кондак, глас 3: Вас, святии угодницы наши,/ Челябинская земля славословит/ и подвигу вашему дивится,/ вы бо, телеса ранам предавше,/ венцы нетленныя от Христа прияли есте,/ темже молитвами вашими ко Господу/ помозите нам в терпении крест свой понести/ и душам нашим испросите велию милость. Молитва О, святии угодницы Божии, святителие, пастырие и мирстии, верность Христу даже до смерти явившии и венец жизни от Него приемшии! Вы во вся дни жизни вашея образ терпения, непостыднаго упования и совершенныя любве показали есте и землю нашу Южноуральскую подвигом своим освятили есте. Ныне же, в раи сладости наслаждающеся, Престолу Божию во славе предстоитé и присно хвалу и ходатайство со Ангелы и всеми святыми Триединому Богу возносите. Сего ради мы, недостойнии, молим вас, святии сродницы наши: не забудите земнаго отечества вашего, беззаконии отягченнаго; умолите Господа Сил, да утвердит Церковь Свою непоколебиму в мире сем многомятежнем и лукавом, в земли же нашей возродит дух разума и благочестия, дух братолюбия и мира, яко да возможем врага спасения нашего победити, в чистоте и правде живот свой сохранити и Царствия Небеснаго достигнути, идеже вкупе с вами сподобимся прославляти Отца и Сына и Святаго Духа во веки веков. Аминь. Величание: Велича́ем вас,/ вси святи́и, в земли́ Южноуральстей просия́вшии,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.