-
РАСПРОДАЖА
- Уцененные товары
- Аналои
- Архиерейские и монашеские принадлежности
- Браслеты
- Вентиляция храмов
- Венцы венчальные
- Вертепы рождественские
- Водосвятные баки, чаши, кропила
- Гробницы под Плащаницу
- Дарохранительницы и дароносицы
- Двери храмовые
- Евангелия напрестольные и требные. Апостолы
- Евхаристические наборы и принадлежности
- Жертвенники
- Запрестольные кресты. Запрестольные иконы
- Игры православные. Наборы для творчества
- Иконостасы
- Иконы
- Кадила, кадильницы
- Киоты
- Книги православные. Печатная продукция
- Ковры, ковровые покрытия
- Ковчеги. Мощевики. Раки для мощей.
- Кожгалантерея
- Колокола
- Кольца, перстни
- Косметика
- Крестики нательные
- Кресты напрестольные, требные, аналойные
- Кресты-голгофы напольные для храма
- Кресты наперсные, цепи
- Крестильные ящики для священника
- Купели для крещения
- Купола, кресты
- Ладан
- Лампады и принадлежности
- Литийные (всенощные) блюда
- Масло
- Образки, нательные иконки
- Облачения для священнослужителей
- Облачения и принадлежности храмовые
- Панагии
- Паникадила. Хоросы. Бра
- Панихидные столы и крышки
- Плащаницы
- Подарочные сертификаты ORTOX
- Подсвечники
- Подставки церковные, столы
- Полки для икон, домашние иконостасы
- Пошивочная продукция, сумки
- Престолы. Облачения на престол
- Принадлежности для отпевания и погребения
- Продукты питания
- Просфорные принадлежности
- Роспись храмов
- Свечи
- Свечные лавки. Ящики для свечей. Мебель для притвора
- Седалища, стасидии, троны, скамьи, пуфы
- Семисвечники
- Сени
- Средства для ухода за церковной утварью
- Стрючицы. Кисточки для помазания
- Сувениры
- Терминалы для пожертвований
- Уголь кадильный
- Утварь по старинным эскизам
- Утварь в греческих церковных традициях
- Футляры и подарочная упаковка
- Хоругви церковные. Фонари пасхальные. Рипиды
- Цепочки, шнуры, гайтаны
- Церковные сосуды
- Часы
- Четки православные
- Элементы декора храма. Ограждения солеи и амвона
- Ювелирные изделия
- Ящики для пожертвований
Собор славных и всехвальных 12-ти апостолов
Собор святых славных и всехвальных 12-ти Апостолов Христовых является древним праздником. Святая Церковь, чествуя каждого из 12-ти апостолов в разное время года, с давних времен установила общее празднование им на следующий день после памяти славных и первоверховных апостолов Петра и Павла († ок. 67). Сведения о каждом апостоле приведены в день его сугубой памяти.
Святой благоверный царь Константин Великий (306–337) построил в Царьграде храм во имя святых Двенадцати апостолов. Указания на совершение этого празднования встречаются в IV веке.
1 | Андрей Первозванный († 62) |
13 декабря 3 июня – Собор Карельских святых 28 декабря – Собор Крымских святых |
2 | Петр (до призвания Симон) († ок. 67) |
29 января – Поклонение честным веригам 12 июля |
3 | Иоанн Богослов, евангелист († нач. II в.) |
21 мая 9 октября – Преставление |
4 | Иаков Зеведеев, брат ап. Иоанна Богослова († 44) | 13 мая |
5 | Филипп († I) | 27 ноября |
6 | Варфоломей (Нафанаил) († I) |
5 мая 24 июня 7 сентября – Перенесение мощей |
7 | Матфей (Левий), евангелист, брат ап. Иакова Алфеева († 60) | 29 ноября |
8 | Иаков Алфеев, брат евангелиста Матфея († I) | 22 октября |
9 | Иуда Иаковлев (Леввей, Фаддей), брат Господень († ок. 80) | 2 июля |
10 | Фома Дидим (Близнец) († I) |
Неделя 2-я по Пасхе 19 октября |
11 | Симон Зилот, Кананит († I) | 23 мая |
12 | Матфий († ок. 63) | 22 августа |
Жизнь и труды святых славных и всехвальных двенадцати апостолов Господних, семидесяти меньших апостолов и прочих равноапостольных благовестников Христовых
По благословению Блаженнейшего Владимира, Митрополита Киевского и всея Украины, священноархимандрита Святой Успенской Киево-Печерской Лавры, при Наместнике Высокопреосвященнейшем Павле, митрополите Вышгородском и Чернобыльском
Содержание
I. Жизнь и труды двенадцати апостолов Христовых
1. Избрание двенадцати апостолов 2. Св. апостол Петр 3. Св. апостол Андрей Первозванный 4. Св. апостол Иаков Зеведеев 5. Св. апостол и Евангелист Иоанн Богослов 6. Св. апостол Филипп 7. Св. апостол Варфоломей 8. Св. апостол и Евангелист Матфей 9. Св. апостол Фома 10. Св. апостол Иаков Алфеев 11. Св. апостол Симон Зилот 12. Св. апостол Иуда Иаковлев 13. Св. апостол Матфий 14. Св. первоверховный апостол ПавелII. Жизнь, труды и страдания семидесяти апостолов Христовых
Предварительные сведения о 70-ти апостолах Св. апостол Иаков, брат Господень по плоти Св. апостол и Евангелист Марк Св. Евангелист Лука Св. Клеопа Св. священномученик Симеон, епископ Иерусалимский, сродник Господень по плоти Св. апостол Варнава Св. апостол Иосия Св. апостол Фаддей Св. апостол Анания Св. Стефан, первомученик и архидиакон Св. апостол Филипп, один из семи диаконов Свв. Прохор, Никанор, Тихон и Пармен диаконы Св. апостол Тимофей Св. Тит Св. Филимон Св. Онисим Св. Епафрас Св. Архипп Св. Сила Св. Силуан Св. Крискент Св. Крисп Св. Епенет Св. Андроник Св. Стахий Св. Амплий Св. Урбан Св. Наркисс Св. Апеллий Св. Аристовул Св. Агав Св. Руф Св. Асинкрит Св. Флегонт Св. Иродион Св. Ерм Св. Патров Св. Ермий Св. Лин Св. Гаий Св. апостол Филолог Св. апостол Лукий Св. Иасон Св. Сосипатр Св. Олимп Св. апостол Терций Св. Эраст Св. Кварт Св. Евод Св. Онисифор Св. священномученик Климент, папа Римский Св. Сосфен Св. Аполлос Св. Тихик Св. Епафродит Св. Карп Св. Кодрат Св. Марк, именуемый Иоанном Св. Зина Свв. Аристарх, Пуд и Трофим Св. Артема Св. Акила Свв. Фортунат и Ахаик Св. Дионисии Ареопагит Св. Симеон, именуемый НигерIII. Равноапостольные мужи и жены, современные апостолам
Введение. Равноапостольные мужи и жены Св. Лазарь четверодневный и сестры его Марфа и Мария Св. Иосиф из Аримафеи Св. Никодим Свв. Гамалиил и сын его Авив Св. Закхей Св. Корнилий сотник Св. Лонгин сотник Св. священномученик Игнатий Богоносец Св. священномученик Поликарп, епископ Смирнский Св. священномученик Иерофей, епископ Афинский Св. Вукол, епископ Смирнский Св. Кирилл, епископ Катанский Св. священномученик Антипа Пергамский Св. Артемон, епископ Селевкии Писидийской Св. апостол Алфей и дети его мученики Аверкий и Елена Св. Панкратий Тавроменийский Свв. священномученики Маркелл, епископ Сикелийский, и Филагрий, епископ Кипрский Св. священномученик Лукиан и с ним Максиан и Иулиан Св. равноапостольный Аверкий Иерапольский Св. Иулиан Кеноманийский Св. священномученик Аполлинарий, епископ Равеннский Св. священномученик Евтихий Свв. мученики Назарий, Гервасий, Протасий и Келсий Св. Маркиан, епископ Сиракузский Свв. мученики Никандр, епископ Мирский, и Ермий пресвитер Св. Фульвиан, князь Эфиопский Богоматерь как насадительница веры ХристовойIV. Современные апостолам равноапостольные жены
Св. Мария Магдалина Саломия Иоанна, жена Хузы, домоправителя Иродова Мария Клеопова Сусанна Мария, мать Иакова меньшего и Иосии Св. Мариамна, сестра апостола Филиппа Св. Фотина мученица Св. Иуния, помощница апостола Андроника Св. равноапостольная первомученица Фекла Святая великомученица Ирина Свв. мученицы Зинаида и Филонилла Святая Фива Св. мученица Ермиония, дочь апостола Филиппа Св. мученица Севастиана, ученица апостола Павла Преподобные Ксанфиппа и Поликсения, ученицы апостольские Св. Апфия Свв. Василиса и Анастасия мученицы, римлянки Св. Прискилла Св. Конкордия или Перепетуя Св. Клавдия ПрокулаV. Равноапостольные мужи и жены времен последующих
Св. праведная великая княгиня Ольга, во св. крещении Елена Св. равноапостольный князь Владимир Св. равноапостольная Нина, просветительница Грузии Св. священномученик Григорий, просветитель Армении Св. Фрументий, просветитель Абиссинии Св. равноапостольный князь Константин Св. равноапостольная царица Елена Свв. равноапостольные Кирилл и Мефодий, учителя славянские Св. Стефан, епископ Пермский Заключение
От составителя
Во всю землю изыде вещание их, и в концы вселенныя глаголы их ( Пс.18:5 ; Рим.10:15 ).
Велики подвиги св. апостолов, трудившихся для распространения веры Христовой. Велика их заслуга для всего мира, через них озаренного спасительным светом Евангелия. В самое короткое время благовестие св. апостолов прошло от края до края всю вселенную и покорило ее Христу. Это чудное победоносное шествие Евангелия тем чудеснее, что все и все в тогдашнем мире вооружилось против веры Христовой. Слепой фанатизм иудеев и язычников, для которых соблазном и безумием казалась вера в Распятого ( 1Кор.1:22 ), вооружился на Христа и Его последователей. Черной клеветой порочной жизни и волшебстве преследовали ревностных учеников Христовых жрецы и грубая чернь. Люди, привыкшие жить в похотях своего сердца, озлобленно восстали против веры Христовой, повелевающей, для достижения спасения, отказаться от всех удовольствий мира и распять плоть со страстями и похотями ( Гал.5:24 ). Гордо, надменно мудрецы и философы вооружились против евангельского учения, во всеуслышание проповедующего, что премудрость мира сего – безумие пред Богом ( 1Кор.3:19 ), что необходимо для спасения ум покорить вере и пленить в послушание Христово ( 2Кор.10:5 ). Но самые ожесточенные преследования учеников Христовых были со стороны языческих правителей, видевших в них бунтовщиков против правительственной власти и гражданских законов. Притеснения, пытки, мучения, казни, самые жестокие и разнообразные, одни других неслыханнее и бесчеловечнее, придумывала адская злоба для исторжения у христиан отречения от своей веры. Рекою лилась кровь проповедников Христа. Но чем ожесточеннее становились гонения на учение Христово, тем шире и быстрее оно повсюду распространялось. Кровь проповедников Христа, казалось, была плодоносным семенем, дающим самую обильную жатву. Сами гонители невольно изумлялись, видя, в каком множестве верующие шли на смерть, и в смущении опускали свои окровавленные руки, сознавая, что все ухищрения их раздраженной злобы бессильно разбиваются о твердость учеников Распятого. Но удивлялись мужественной проповеди св. апостолов не одни неверующие, удивлялись ей и все последующие поколения верующих, удивительна она и для нас в настоящее время. В самом деле, не были апостолы ни знамениты, ни учены, ни хитры, – средства, которыми они располагали, были такого рода, что, по человеческим соображениям, не только не могли содействовать, а скорее должны были противодействовать распространению учения Христова. Между тем, имея такие средства, св. апостолы быстро покоряли Христу вселенную – это не может не вызвать в нас благоговейного изумления. Чем же объяснить чудесное распространение Евангелия апостолами по всему миру? Твердая вера и крепкое терпение, поддерживавшие в гонениях и преследованиях, благодать Духа Святого, руководившая и укреплявшая в проповедании Христа, – вот где тайна успеха св. апостолов. Только Господу поспешствующу и слово утверждающу последствующими знаменьми ( Мк.16:20 ) могли св. апостолы так быстро насадить по всей вселенной спасительную веру Христову. Малочисленный сначала, сонм проповедников учения Христова, с течением времени все более и более разрастался. 12 верховных апостолов, 70 меньших апостолов, свв. мужи и жены, в разное время трудившиеся в распространении веры Христовой и получившие наименование равноапостольных, – вот славный лик воинов Христовых, словом св. Евангелия повергнувших мир к подножию Креста. Каждый истинно верующий должен с благоговением чтить память этих благовестников, столь драгоценную для всего христианского мира. Всякий христианин должен знать, как они привели ко Христу вселенную, какие болезни и труды понесли они в своем многотрудном служении. Тем более знать это должны мы, православные христиане, имеющие величайшее благо принадлежать к Святой Соборной и Апостольской Церкви. Настоящая книга имеет скромное намерение познакомить православных читателей с жизнью и трудами св. благовестников Христовых. Не вдаваясь в научные изыскания, книга эта сообщает достоверные сведения, почерпнутые из Слова Божия 1 и церковного Предания, из которого взято только то, что тщательно проверено уважаемыми церковными писателями 2 .
* * *
Разумеем все свящ. новозаветные писания.
Так, мы пользовались трудами св. Димитрия Ростовского (Четьи-Минеи), Высокопреосв. Филарета, митр. Московского (Начерт. церк. библ. ист.), Высокопреосв. Филарета, архиеп. Черниговского (Ист. Рус. Ц.), Преосв. Сергия, арх. Владимирского (Полн. месяц. Востока), прот. А. В. Горского (Ист. ц. Апост.), прот. М. И. Богословского (Свящ. истор. Нового Завета), прот. М. Богданова (Кр. ист. Хр. Ц.), Ф. В. Фаррара (Жизнь Иисуса Христа), Жит. 12 апост. И. Крылова.
Собор святых славных и всехвальных двенадцати Апостолов:
Память 30 июня
Петра (житие 29 июня Зеведеева (30 апреля Варфоломея (11 июня Иакова Алфеева (9 октября (10 мая
Праздник весьма древний. Свидетельства о нем встречаются уже в IV веке.
Молитвы славным и всехвальным 12-ти апостолам
Тропарь, глас 4*
Апо́столов первопресто́льницы/ и вселе́нныя учи́телие,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.
Перевод: Первенствующие из Апостолов и вселенские учителя, Владыку всего молите мир вселенной даровать и душам нашим великую милость.
Кондак, глас 2*
Ка́мень Христо́с ка́меня ве́ры прославля́ет све́тло,/ ученико́в преизря́дна,/ и с Па́влом весь дванадесяточи́сленный собо́р днесь;/ и́хже па́мять соверша́юще ве́рно,// сих Просла́вльшаго прославля́ем.
Перевод: В сей день Камень – Христос прославляет торжественно камень веры, – превосходнейшего из учеников, и с Павлом весь двенадцатичисленный сонм, чью память совершая с верою, мы их Прославившего прославляем.
Молитва*
Влады́ко Всемогу́щий, Го́споди Бо́же наш, избра́вый возлю́бленныя Своя́ ученики́ и апо́столы на про́поведь спасе́ния всему́ ми́ру, да́вый им вла́сть отпуща́ти грехи́, приими́ хода́тайства их о ро́де челове́ческом, его́же и суди́ти с ни́ми и́маши, тех са́мых, я́ко друго́в Твои́х, нам зело́ че́стных, дерза́ем, недосто́йнии, в предста́тельство к Тебе́, многопоспешеству́ющее ко спасе́нию душ на́ших приводи́ти, моля́щи их усе́рдно.
Святи́и первоверхо́внии апо́столи Пе́тре и Па́вле, евангели́сти Христо́вы Иоа́нне Богосло́ве и Матфе́е, первозва́нный учениче́ Андре́е, водруже́нием креста́ Росси́ю благослови́вый, апо́столи святи́и Иа́кове, бра́те Госпо́день, со други́м Иа́ковом, Фили́ппе, Варфоломе́е, Фомо́, Си́моне, Иу́до и Матфи́е.
Вси святи́и Богоизбра́ннии апо́столи, изря́днейшии уго́дницы Христо́вы, безбо́жия искорени́телие и ве́ры и́стинныя насади́тели, помози́те нам мо́щным ва́шим пред Го́сподом хода́тайством изба́витися от вся́каго зла и вра́жия ле́сти, тве́рдо сохраня́ти пре́данную ва́ми ве́ру Правосла́вную, в не́йже ва́шим предста́тельством ни ра́нами, ни преще́нием, ни мо́ром, ни ко́им гне́вом от Созда́теля своего́ ума́лени бу́дем, но ми́рное зде поживе́м житие́ и сподо́бимся ви́дети блага́я на земли́ живы́х, сла́вяще Отца́, и Сы́на, и Свята́го Ду́ха, Еди́наго в Тро́ице сла́вимаго и покланя́емаго Бо́га, ны́не, и при́сно, и во ве́ки веко́в. Ами́нь.
Перевод: Всемогущий Владыка, Господь Бог наш, который избрал возлюбленных Своих учеников и апостолов на проповедь для спасения всего мира, Ты дал им власть отпускать грехи, прими ходатайства их о человеческом роде, который и судить с ними будешь, их, как друзей Твоих, нам очень дорогих, мы дерзаем, недостойные, в предстательство усердное к Тебе приводить и молим их усердно.
Святые первоверховные апостолы Пётр и Павел, евангелисты Христа Иоанн Богослов и Матфей, первозванный ученик Андрей, который благословил Россию установив крест, апостолы святые Иаков, брат Господа, с друзьями Иаковом, Филиппом, Варфоломеем, Фомой, Симоном, Иудой и Матфеем.
Все вы, святые Богоизбранные апостолы, лучшие угодники Христа, безбожия искоренители и истиной веры насадители, помогите нам мощным вашим ходатайством пред Господом избавиться от всякого зла и вражьей лести, твёрдо сохранять данную вами Православную веру, в ней вашим предстательством ни ранами, ни прещением, ни мором, ни каким гневом от Создателя своего истреблены будем, но мирную здесь поживём жизнь и сподобимся видеть благосостоятельность на земле живущих, славя Отца, и Сына, и Святого Духа, Единого в Троице славимого и покланяемого Бога, ныне, и всегда, и во веки веков. Аминь.
Акафист святым двунадесяти Апостолам
Кондак 1
Избраннии самовидцы и свидетелие Слова воплощения, мира ловцы и сосуди Христовы благодати, Церкве пресветлыя звезды, вселенныя светильницы и проповедницы веры, яко лучами блистающии зарями духовными, всечестная двоенадесятице ученик Спаса Христа Бога, светоносную и преблаженную память вашу благочестно творим ныне. Вы же, яко Божественнаго света причастницы и дерзновение ко Христу имущии, молитеся Ему прилежно, да к свету богоразумия нас всех истинно наставит, в вере твердей укрепит и в мире глубоце соблюдет зовущих вам:
Радуйтеся, апостолов двоенадесятице, мира концы учением Христовым просветившии.
Икос 1
Ангельскую службу воплощенному нас ради Божественному Слову приносяще, вселенную всю обтекосте, святии апостоли, яко богопосланнии вестницы грядущаго миру спасения. Темже словом истины Христовы от словес ваших озареннии и благодатию Святаго Духа спасеннии чрез веру, вси концы мира от дний древних и до днесь немолчно восхваляют вас сице:
Радуйтеся, вселенныя светильники;
радуйтеся, благославнии трубы.
Радуйтеся, твердыя веры проповедники;
радуйтеся, учений небесных благовещаннии сказатели.
Радуйтеся, церковнии столпи;
радуйтеся, разорители идольския лести.
Радуйтеся, избраннии понести пред языки Божественное имя.
Радуйтеся, апостолов двоенадесятице, мира концы учением Христовым просветившии.
Кондак 2
Видяще Господа Славы, в зраке раба во плоти пришедшаго, и слышавше Того Предтечею свидетельствуема Агнца Божия быти, грех мира вземлющаго, вся в мире оставльше, вслед Того устремистеся, согласно вси поюще тако изволившему о вас Богу: Аллилуиа.
Икос 2
Разумнаго восхождения от дольних на горняя явили есте образ, богомудрии апостоли, егда домы, братию и имения своя во уметы вменили есте и востекли, себе отвергшеся, стезею правою к тесным вратом Царствия Христова. Того ради достойно слышите от всех сицевая:
Радуйтеся, вина раствореннаго премудростию Божией на трапезе духовней полезно вкусившии;
радуйтеся, губительное безумие жизни привременныя по гласу, вы звавшему, без сумнения всякаго оставльшии.
Радуйтеся, сокровище духовное на селе при пути вашем обретшии;
радуйтеся, бисера добраго мыслию сердца вашего искавшии.
Радуйтеся, на рало Христово руце ваша несумнительно и твердо волею своею возложшии.
Радуйтеся, апостолов двоенадесятице, мира концы учением Христовым просветившии.
Кондак 3
Силою свыше укрепленнии, всемудрии апостоли, благоразумием вашим и огнем духовным всякую вражию прелесть попаливше, человеческий род верою просветили есте. Темже молим вы: омраченная грехми души наша просветите, да воспрянем еже пети Богу: Аллилуиа.
Икос 3
Имуще премудрость вселенную всю словом спасительным просветити, озарили есте во тьме и сени смертней седящия люди; просветите убо и наша души, омраченныя мраком страстей, да восхвалим вас тако:
Радуйтеся, светильницы востока мысленнаго, тьму неразумия прогнавшии верою;
радуйтеся, напоившии землю струями Божественных вещаний.
Радуйтеся, живоносным током словес Христовых орошающии нас бедствующих зноем скорбей;
радуйтеся, возбраняющии лукавым помыслом омраченнаго сердца нашего.
Радуйтеся, мрежею благодати из глубины потопляющих нас сует мира сего любовию всех, с верою взирающих к вам, возводящии.
Радуйтеся, апостолов двоенадесятице, мира концы учением Христовым просветившии.
Кондак 4
Бурею внутреннею и волнами морскими иногда в корабли обуреваеми, святии апостоли, ко Христу вопиясте: «Учителю, спаси ны, погибаем!». Приявше же того всемогущую помощь, явистеся по благодати, вам данней, сами всех кормчии, к благотишному пристанищу надежно приводящии. И нас, в пучине зол бедне мятущихся и напастьми житейскими присно колеблемых, управите ко брегу безстрастия, идеже всеми спасаемыми поется Богу: Аллилуиа.
Икос 4
Слышавше от Пастыреначальника и Господа вашего призывающее слово: «Жатва убо многа, делателей же мало; молитеся убо Господину жатвы, яко да изведет делатели на жатву Свою», исполнишася, блаженнии апостоли, огнепальною ревностию сему делу Христову послужити, благословеннии на подвиг сей, обтекосте грады и веси многия, благовествующе Евангелие Царствия, исцеляя всяк недуг и всяку язю в людех. Умолите убо, яко вратарие Божественнаго Царствия, и нам спасение обрести, со умилением зовущим вам тако:
Радуйтеся, добрии вестницы Христовы, сослужебницы мысленным чином;
радуйтеся, иже от рыбарей умудреннии паче риторов.
Радуйтеся, трубы Христовы благогласнии, ко пристанищу спасения вся привлекшии;
радуйтеся, Пастыря добраго богоизбранныя овцы, волков мысленных во овчую кротость верою преложившии.
Радуйтеся, уста огнедухновенная Христовы, от уст имущаго поглотити нас врага избавляющии.
Радуйтеся, апостолов двоенадесятице, мира концы учением Христовым просветившии.
Кондак 5
Боготечныя звезды, светлостьми Божественных добродетелей сияющии, явистеся, всехвальнии апостоли, яко солнце имуще, земныя концы обновисте. Светлым блистанием вашим убо и нас озарите и страстей избавите всех вопиющих Богу: Аллилуиа.
Икос 5
Видевше, апостоли святии, во образе человечестем Владыку мира и Сына Божия, усты первоверховнаго апостола Петра Христа проповедасте, и Той яко откровение Отчее исповедание ваше приемый. Сего ради и мы, во исповедании вашем утвердившеся, ублажаем вас тако:
Радуйтеся, богоозареннии исповедницы неизреченныя Божественныя славы воплотившагося Слова;
радуйтеся, с небес приемшии благодать богословия Христова.
Радуйтеся, мир вещании вашими соблюдшии;
радуйтеся, яко от Самаго Господа ублажени бысте во исповедании вашем.
Радуйтеся, яко от Него приясте Божественную власть вязати и решити грехи человеков.
Радуйтеся, апостолов двоенадесятице, мира концы учением Христовым просветившии.
Кондак 6
Проповедание Владыки и Господа своего, яко подобает Ему много во Иерусалиме пострадати от старец, и архиерей, и книжник, и убиену быти, слышавше, дивистеся зело, недоумеюще, како сбудутся писания о славе и чести Сына Человеческаго. Вразумленнии же, яко не человеческою мыслию, но неисповедимою волею Отца Небеснаго путие вси в мире исправляются, научистеся смиренно пети Богу, благоволившему тако о Сыне своем: Аллилуиа.
Икос 6
Возсия солнца светлее на Фаворстей горе слава Божественнаго зрака Христова пред вами, святии апостоли, онем убо избранным, на гору совозшедшим. Темже Моисея и Илию видевше, во облак светел вшедшия, и глас Отчаго свидетельства о Единороднем Сыне с небес слышавше, толикия благодати небеснаго озарения сподобльшимся, усердно возглашаем сице:
Радуйтеся, в неприступнем свете Христа на Фаворе облиставшася зревшии;
радуйтеся, от Отца свидетельствуема Сына Божия слышавшии.
Радуйтеся, Моисея и Илию, явльших Христово Божество, на горе славы сретившии;
радуйтеся, беседою тех о исходе Христа, во Иерусалиме быти хотящем, просвещеннии.
Радуйтеся, премирныя славы Христовой сообщницы.
Радуйтеся, апостолов двоенадесятице, мира концы учением Христовым просветившии.
Кондак 7
Хотя душепитательную уготовати миру трапезу Животворящаго Тела и Крове Cвоея Господь всех и Зиждитель, предъизобрази всесвятое свое заколение и безсмертия чашу в проповедании о хлебе жизни вечныя, и егда мнози слышавшии слово сие роптаху и блазняхуся и вспять идяху от Христа, вы, апостоли блаженнии, усты Симона Петра единомысленно рекосте: «Господи, к кому идем? Глаголы живота вечнаго имаши, и мы веровахом и познахом, яко Ты еси Христос, Сын Бога Живаго». Сие исповедание ваше ублажающе, тепле припадем ныне к Богу, поя Ему: Аллилуиа.
Икос 7
Новыя Божественныя Пасхи, не от Египта, но от Сиона грядущия, причаститися сподобистеся, богоблаженнии апостоли, и омысте нозе ваша от препоясаннаго лентием Владыки, смирения образ тем явившаго, собеседницы на Вечери Тайней Христа Господа бысте. Темже величаем вас сице:
Радуйтеся, в горницу Сионскую яко под сень небесную вшедшии;
радуйтеся, честнаго омовения от Владыки Христа сподобленнии.
Радуйтеся, заповедь Господню: да будет последним хотяй первым быти — из уст Учителя вашего приемшии;
радуйтеся, Безкровныя Жертвы и словесныя службы великим Архиереем Завета Новаго, за весь мир приносимыя, участницы.
Радуйтеся, руками чистыми и усты нескверными хлеб жизни и веселия Божественнаго чашу от рук Тайновершителя Господа вземшии.
Радуйтеся, апостолов двоенадесятице, мира концы учением Христовым просветившии.
Кондак 8
Странное вещание своего Учителя и Господа, яко един от вас предатель имать быти, слышавша, смутистеся, святии апостоли, и скорбию и страхом одержими, «Кто есть сей?» Учителя вопрошасте. Егда же по малем часе сбытие слова сего страшнаго в сыне погибельнем яве открыся, духом сокрушенным принесосте Богу псалом: Аллилуиа.
Икос 8
Весь закон и пророцы, яже о Христе преднаписаша, того исполнение в честных страданиих, погребении, предивном восстании Спаса тридневнем и славнем видевше, глубину сия вся строившей премудрости Божественныя и разума не всю испытали есте тогда, бездну же судеб Господних не у постигли есте, зане просвещени Духом не бысте. Но в волю Христа Господа себе предавше, видением Того распята не соблазнистеся, воскресению достигосте, верно поклонистеся и научению Христову себе смиренно подклонисте, к послушанию веры и к разумению тайны любве Божественныя и нас, апостоли Христовы приведите, да поем вам тако:
Радуйтеся, яко не смутися сердце ваше, еже веровати в Бога распинаема;
радуйтеся, яко не в соблазн и не в безумие, но во спасение силою Божиею видение Креста Господня прияли есте.
Радуйтеся, не оставленнии сирыми по отшествии Владычнем;
радуйтеся, рождие живоноснии лозы Христовой.
Радуйтеся, яко о вас молитва Христова пролияся, да соблюдени будете от неприязни и священни во истину евангельскаго слова.
Радуйтеся, апостолов двоенадесятице, мира концы учением Христовым просветившии.
Кондак 9
Всю скорбь и печаль отъя Христос от сердец вас, другов своих, многочастне и многообразне денми четыредесятми являяся вам по воскресении Своем, с вами же ядый и пияй, и всяко уверяя о Своем славнем возстании, да будете свидетелие Ему даже до последних земли. Темже радостию несказанною исполнени бывше и тайнам Царствия Божия наученнии, союзом любве связуеми, единодушно бысте вкупе, глаголюще: Аллилуиа.
Икос 9
Витийства земнаго превышшее таинство восхода Господа на облацех на небо от горы Масличныя, апостоли Христовы, зрети приведеннии, тамо многолюбезны дары научения последняго, яко от Владыки мира, от Христа получисте, премирное благословение от Него приясте, во Иерусалим возвратистеся с радостию велиею, выну благословяще Бога. Тако о вас благоволившему Промыслителю мира величия дающе хвалы, согласно приносим вам, воспевая сице:
Радуйтеся, мир от Господа, вседшаго на облаки небесныя, приявшии;
радуйтеся, соединение горних с дольними в восходе Христове яве узревшии.
Радуйтеся, с собором безплотных возносящася от земли на небо восхвалившии;
радуйтеся, на горе восхождения Христова светообразному лица Его зраку последняя от земнородных боголепно поклонившиися.
Радуйтеся, имже заповедь научити языки слову Христову дадеся.
Радуйтеся, апостолов двоенадесятице, мира концы учением Христовым просветившии.
Кондак 10
Спасения путь ища обрести ученический лик, Тебе видя от земли взимаема, глаголаше: «Владыко, како ныне оставляеши рабы Твоя и камо идеши, рукама содержай концы?»; егда же услышасте Спаса, глаголюща: «Не оставлю вас, яже собрах, но послю вам Духа Пресвятаго; вы же, с высоты оболкшеся силою, идите во вся языки, глаголя вещания спасения». Темже убо в радости снидосте с горы Елеонския, славя Божественное вознесение Христово, творя: Аллилуиа.
Икос 10
Стены дома, идеже с Богоматерию апостоли святии беста, моляшеся о имени Христове, потрясеся свыше носиму дыханию бурну, егда в день пятидесятный, исполняя преждереченная, послал Христос Духа Святаго, иже и сошед на вы видом огненным, ужасом исполнь языков собрание; языки бо глаголющих кийждо свою беседу слышаше. Темже мы, наследницы тоя благодати, вас зарею богоначальною облистанных, апостоли богоноснии, славим:
Радуйтеся, яко по обетованию Христову яве крестистеся Духом Святым и огнем;
радуйтеся, яко бысте жилище пречистей благодати.
Радуйтеся, яко в вас естеством святыни своея вселися с небесе сила Духа, от Отца исходяща и в Сыне почивающа;
радуйтеся, во гласе дыхания Духом восхищеннии провещати величия Божия.
Радуйтеся, яко чрез ваша священныя главы огнь Утешителя Духа на землю сниде.
Радуйтеся, апостолов двоенадесятице, мира концы учением Христовым просветившии.
Кондак 11
Пение благодарственное Святей и Живоначальней Троице в явлении Духа Святаго принесше, святии апостоли, радости и всякаго ведения исполнистеся и дерзновение приясте, многими знаменьми и чудесы Церкве доброе начало положисте и велиею силою воздасте свидетельство воскресению Господа Иисуса, поя Богу: Аллилуиа.
Икос 11
Светоподательное проповедание ваше со смиренномудрием и многими слезами и напастьми исполняшеся; внимаху же народи глаголемым от вас единодушно, слышаще и видяще знамения от рук ваших бывающая, и крещахуся мнози. Вы же Церкви утверждасте, от места к месту преходяще, да и иным градовом благовестится слово Божие. Сего труда вашего ради взываем вам сице:
Радуйтеся, союзом любве Христовой связаннии, любовь и мир Церквем заветом вечным положившии;
радуйтеся, ига, егоже немощно бе понести, на выи ученик никакоже возложити восхотевшии.
Радуйтеся, всем вся бывшии, да всяко спасутся нецыи;
радуйтеся, посещати братию во всех градех, в нихже проповедасте Евангелие Христово, выну тщавшиися.
Радуйтеся, нощми и денми люди паствы своея непрестанно учившии.
Радуйтеся, апостолов двоенадесятице, мира концы учением Христовым просветившии.
Кондак 12
Благодати небесныя причастником и самовидцем Слова, еже по плоти Матере Его успение видети подобаше, еже на Ней таинство, яко не токмо Спасово от земли восхождение узрят, но и рождшия Его преставление свидетельствуют. Темже приспевшу дневи Богоматере отшествия отвсюду Богоначальным мановением апостоли собравшеся, Сиона достигше, и на небо предпослаша Вышшую Херувим, пение надгробное Пречистей творя Богокрасною песнию: Аллилуиа.
Икос 12
Поюще дивная дела ваша, болезнем и трудом евангельскаго благовестия дивящеся, честная ваша страдания почитаем, богоизбраннии апостоли: весь бо всюду мир проидосте, Евангелие Христово коленом всем, языком и странам проповедавше. Темже и мы славим вас вси:
Радуйтеся, мрежею словесною уловившии всякаго рода избранных;
радуйтеся, ихже словом врата смерти отверзахуся и отдаяху затворенная мертвецы.
Радуйтеся, Кровию Агнца от людей первенцы Богу купленнии;
радуйтеся, имже храм скинии свидения на небесех предуготовася.
Радуйтеся, Церкве Христовы великая славо.
Радуйтеся, апостолов двоенадесятице, мира концы учением Христовым просветившии.
Кондак 13
О, всехвальнии и богоблагословеннии апостоли, Христом нареченнии Его друзи и служения Церкве наследницы, вышняго престола окрест обстоящии в неувядаемых венцех! Моление наше, любовию к вам ныне пролиянное, приемше, сотворите всех Богу молитву, да соблюдет Церковь Cвою святую во единомыслии и мире, пастырем ея дарует святыню имени Его ревностно исповедати и веры нелицемерней дерзновение показати. Разсеянныя же ветром суемудрия чада да соберет во единое Царство и да сподобит тамо во свете неприступнем с собором вашим Ему немолчно воспевати: Аллилуиа.
[Се́й конда́к глаго́лется три́жды.]
[Далее повторяем 1‑е икос и кондак:]
Икос 1
Ангельскую службу воплощенному нас ради Божественному Слову приносяще, вселенную всю обтекосте, святии апостоли, яко богопосланнии вестницы грядущаго миру спасения. Темже словом истины Христовы от словес ваших озареннии и благодатию Святаго Духа спасеннии чрез веру, вси концы мира от дний древних и до днесь немолчно восхваляют вас сице:
Радуйтеся, вселенныя светильники;
радуйтеся, благославнии трубы.
Радуйтеся, твердыя веры проповедники;
радуйтеся, учений небесных благовещаннии сказатели.
Радуйтеся, церковнии столпи;
радуйтеся, разорители идольския лести.
Радуйтеся, избраннии понести пред языки Божественное имя.
Радуйтеся, апостолов двоенадесятице, мира концы учением Христовым просветившии.
Кондак 1
Избраннии самовидцы и свидетелие Слова воплощения, мира ловцы и сосуди Христовы благодати, Церкве пресветлыя звезды, вселенныя светильницы и проповедницы веры, яко лучами блистающии зарями духовными, всечестная двоенадесятице ученик Спаса Христа Бога, светоносную и преблаженную память вашу благочестно творим ныне. Вы же, яко Божественнаго света причастницы и дерзновение ко Христу имущии, молитеся Ему прилежно, да к свету богоразумия нас всех истинно наставит, в вере твердей укрепит и в мире глубоце соблюдет зовущих вам:
Радуйтеся, апостолов двоенадесятице, мира концы учением Христовым просветившии.
Тропарь Собору славных и всехвальных 12-ти апостолов
глас 4
Апо́столов первопресто́льницы/ и вселе́нныя учи́телие,/ Влады́ку всех моли́те/ мир вселе́нней дарова́ти// и душа́м на́шим ве́лию ми́лость.
Перевод: Первенствующие из Апостолов и вселенские учителя, Владыку всего молите мир вселенной даровать и душам нашим великую милость.
Канон на поклонение честным веригам святого апостола Петра
Минея, 16 Января, Кано́н апо́стола
Глас 4
Песнь 1
Ирмос: Ли́цы Изра́ильтестии,/ невла́жными стопа́ми понт Чермны́й и вла́жную глубину́ прогна́вше,/ вса́дники триста́ты враги́ ви́дяще, в ней погруже́ны,/ с весе́лием поя́ху:/ пои́м Бо́гу на́шему, я́ко просла́вися.
Припев: Святы́й апо́столе Пе́тре, моли́ Бо́га о на́с.
Торжеству́ет, лику́ющи, вся Христо́ва Це́рковь ду́хом, благохва́лящи тя ве́рою/ и твоя́, апо́столе первопресто́льне, облобыза́ющи вери́ги честны́я от любве́,/ я́же носи́л еси́ свя́зан, связу́я мучи́теля.
Припев: Святы́й апо́столе Пе́тре, моли́ Бо́га о на́с.
Из глубины́ пре́лести ловя́, Петре́, челове́ки,/ я́ко ры́бы, приве́л еси́ тебе́ Избра́вшему от ры́барей/ и́стинно в верхо́внаго всех ученико́в./ Сего́ ра́ди вери́ги, я́же носи́л еси́, облобыза́ем.
Сла́ва Отцу́ и Сы́ну и Свято́му Ду́ху.
Основа́нием ве́ры всех ду́ши ве́рных назда́л еси́/ и, хра́мы пре́лести, Пе́тре, низложи́в, созда́л еси́ Це́ркви,/ тя велегла́сно чту́щия всегда́ и вери́ги, я́же носи́л еси́.
И ны́не и при́сно и во ве́ки веко́в. Ами́нь.
Богородичен: Ору́жия вся льсти́ваго врага́, Пречи́стая Де́во,/ соверше́нно оскуде́ша,/ отне́леже копие́м уязви́ся в Твою́ утро́бу нескве́рную всели́вшееся Сло́во./ Его́же сладча́йшим ны́не уязви́тися жела́нием се́рдцу моему́, молю́ Тя.
Песнь 3
Ирмос: Лук си́льных изнемо́же,/ и немотству́ющий препоя́сашася си́лою,/ сего́ ра́ди утверди́ся в Го́споде се́рдце мое́.
Припев: Святы́й апо́столе Пе́тре, моли́ Бо́га о на́с.
Весь Све́ту соединя́яся чисте́йшему,/ Того́ Боже́ственными причаще́нии, свет яви́лся еси́ вторы́й, Пе́тре,/ озаря́ющий ду́ши на́ша.
Припев: Святы́й апо́столе Пе́тре, моли́ Бо́га о на́с.
Зако́ны Христо́вы утверди́л еси́ и пребеззако́ннующия благозако́нию научи́л еси́,/ я́ко апо́столов верхо́вный,/ я́ко догма́тов основа́ние недви́жимо.
Сла́ва Отцу́ и Сы́ну и Свято́му Ду́ху.
Язы́ком свяще́нным пропове́дал еси́ Бо́га, пострада́вша и на Кресте́ распе́ншагося./ Сего́ ра́ди, Петре́, почита́ем связа́вшии тя вери́ги.
И ны́не и при́сно и во ве́ки веко́в. Ами́нь.
Богородичен: Стоя́ше да́же до Тебе́ смерть неодержи́маго стремле́ния:/ Ты бо родила́ еси́ Исто́чник безсме́ртия, Богоро́дице Ма́ти Де́во.
Седален, глас 4
Я́ко верхо́внаго му́дрых апо́столов/ и я́ко ключаря́ Небе́снаго Ца́рствия восхваля́ем ве́рою тя, апо́столе,/ и облобыза́ем чи́стою со́вестию, Пе́тре, я́же носи́л еси́, я́ко злоде́й, вери́ги,/ злоде́йства разруша́я вра́жия,/ от ни́хже изба́вится нам помоли́ся.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Херуви́мов и Серафи́мов превы́шши,/ Небесе́ же и земли́ простра́ннейши/ и ви́димыя тва́ри и неви́димый яви́лася еси́ преиму́щи неразсу́дным разсужде́нием:/ Его́же бо простра́нствия Небеса́ не вмеща́ют,/ во Твое́й утро́бе вмести́ла еси́, Чи́стая,/ Его́же моли́ спасти́ся рабо́м Твои́м.
Песнь 4
Ирмос: Любве́ ра́ди, Ще́дре, Твоего́ о́браза,/ на Кресте́ Твое́м стал еси́, и раста́яшася язы́цы:/ Ты бо еси́, Человеколю́бче,/ кре́пость моя́ и хвале́ние.
Припев: Святы́й апо́столе Пе́тре, моли́ Бо́га о на́с.
Вити́йствуя Влады́ки вели́чия,/ непокори́вых евре́ев сердца́ к ве́ре обрати́л еси́ Боже́ственней,/ я́ко основа́ние ве́ры.
Припев: Святы́й апо́столе Пе́тре, моли́ Бо́га о на́с.
Ше́ствия твоя́ позна́на бы́ша на вода́х/ преоби́льною любо́вию Ходи́вшаго верху́ сих, Петре́,/ и стези́ тебе́ Боже́ственныя Сказа́вшаго.
Сла́ва Отцу́ и Сы́ну и Свято́му Ду́ху.
Врачевство́ иму́ще неду́гов всеразли́чных,/ Боже́ственныя вери́ги твоя́, блаже́нне,/ сия́ облобыза́ем ве́рою, тя почита́юще.
И ны́не и при́сно и во ве́ки веко́в. Ами́нь.
Богородичен: Я́ко в пала́ту простра́нную,/ все́лься Царь всех во святу́ю Твою́ утро́бу,/ яви́ся воплоща́емь, Всенепоро́чная Влады́чице.
Песнь 5
Ирмос: Просвеще́ние Твое́, Го́споди, низпосли́ нам/ и от мглы прегреше́ний разреши́ ны, Бла́же,/ Твой мир да́руяй.
Припев: Святы́й апо́столе Пе́тре, моли́ Бо́га о на́с.
Отцу́ Собезнача́льнаго пропове́дал еси́ Сы́на открове́нием, всехва́льне, Боже́ственным/ и блаже́нства сподо́бился еси́ блаже́ннаго из уст.
Припев: Святы́й апо́столе Пе́тре, моли́ Бо́га о на́с.
Егда́ Свет узре́л еси́, возсия́вший на Фаво́ре, со́лнечный покрыва́ющий лучи́,/ Све́том су́щим от Све́та озари́лся еси́, Пе́тре,/ и ве́рныя просвети́л еси́.
Сла́ва Отцу́ и Сы́ну и Свято́му Ду́ху.
Ме́ртва тридне́вновавша пропове́дал еси́ Христа́,/ Его́же ра́ди вери́ги носи́л еси́, Пе́тре./ И́мже поклони́тися сподо́бившеся, благоче́стно тя чтим.
И ны́не и при́сно и во ве́ки веко́в. Ами́нь.
Богородичен: Отягоще́ннаго, Пречи́стая, бре́менем мно́гих грехо́в,/ облегчи́ мя ны́не носи́ти и́го, укрепля́ющи, Христо́во легча́йшее.
Песнь 6
Ирмос: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тля изба́ви мя, Иису́се, Царю́ сил.
Припев: Святы́й апо́столе Пе́тре, моли́ Бо́га о на́с.
Стремгла́вное пресла́вно претерпе́л еси́ распя́тие,/ угото́вил еси́ к Небе́сней стези́ но́ги твоя́,/ е́юже нас ходи́ти, учениче́ Христо́в, укрепи́.
Припев: Святы́й апо́столе Пе́тре, моли́ Бо́га о на́с.
Всели́лся еси́ в жизнь живу́щих/ и, вя́жемь ея́ ра́ди, у́зы велиа́ра сокруши́л еси́, связа́вшаго тя./ Сего́ ра́ди чтим твоя́ вери́ги.
Сла́ва Отцу́ и Сы́ну и Свято́му Ду́ху.
Моли́ Влады́ку, всеблаже́нне, тва́ри низпосла́ти очище́ние,/ и мир, и ми́лость сла́вящим тя,/ я́ко Того́ учени́к и́скреннейший.
И ны́не и при́сно и во ве́ки веко́в. Ами́нь.
Богородичен: Умерщвле́ния ко́жных риз совлече́ся пра́отец:/ Зижди́тель бо в того́ облачи́тся от Твои́х крове́й,/ воплоти́вся па́че сло́ва, Всенепоро́чная.
Кондак, глас 2
Ка́мень Христо́с ка́меня ве́ры прославля́ет све́тло, ученико́в первопресто́льника:/ созыва́ет бо вся пра́здновати, Пе́тре, чудеси́ твоея́ честны́я вери́ги/ и подае́т согреше́ний проще́ние.
Песнь 7
Ирмос: Авраа́мстии иногда́ в Вавило́не о́троцы/ пе́щный пла́мень попра́ша, пе́сньми взыва́юще:/ оте́ц на́ших Бо́же, благослове́н еси́.
Припев: Святы́й апо́столе Пе́тре, моли́ Бо́га о на́с.
Три́жды отве́рглся еси́ Христа́,/ те́мже вопроше́нием трикра́тным исцеля́ет твое́ согреше́ние, Пе́тре пресла́вне,/ и утвержде́ние показу́ет мно́гих коле́блющихся.
Припев: Святы́й апо́столе Пе́тре, моли́ Бо́га о на́с.
Я́ко у́зник Христо́в,/ сладча́йшим жела́нием у́зам разли́чным приобщи́лся еси́,/ те́мже и твои́м вери́гам, разреша́ющим стра́сти, Петре́,/ ве́рою покланя́емся.
Припев: Святы́й апо́столе Пе́тре, моли́ Бо́га о на́с.
Нощь глубо́кую лю́таго многобо́жия реши́ши, вселе́нную проходя́,/ я́коже велича́йшее со́лнце, Пе́тре,/ Христо́в самови́дче, апо́столов сла́ва.
Сла́ва Отцу́ и Сы́ну и Свято́му Ду́ху.
Сла́ва Христу́ был еси́,/ Сего́ твои́ми удесы́ просла́вил еси́, Пе́тре пресла́вне./ Те́мже тя сла́вим и связа́вшим тя вери́гам покланя́емся.
И ны́не и при́сно и во ве́ки веко́в. Ами́нь.
Богородичен: Соше́дый на зе́млю, я́ко дождь, Де́во,/ Богоразу́мием всю напои́ зе́млю/ и показа́ Тя А́нгелов всех, Чи́стая, честне́йшую.
Песнь 8
Ирмос: Изба́вителю всех, Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.
Припев: Святы́й апо́столе Пе́тре, моли́ Бо́га о на́с.
Земледе́льствуя сердца́, Пе́тре, жесто́кая,/ благопло́днейшая сия́ соверши́л еси́ Де́лателю тва́ри,/ ключи́ тебе́ Боже́ственныя преда́вшему/ вяза́ти же и реши́ти согреше́ния.
Припев: Святы́й апо́столе Пе́тре, моли́ Бо́га о на́с.
Блажи́м тя, Пе́тре, всегда́ и твоя́ целу́ем вери́ги,/ я́же, я́ко злоде́й, носи́л еси́, убива́я зло́бы нача́льника/ и связу́я у́зами твои́ми, апо́столе.
Припев: Святы́й апо́столе Пе́тре, моли́ Бо́га о на́с.
Неукло́нным твои́м ка́менем, Пе́тре, ве́ры/ соблюда́я Це́ркве исполне́ние,/ от среды́ собла́зны отжени́, Пе́тре́,/ и ми́рное испроси́ сей, блаже́нне, устрое́ние.
Припев: Святы́й апо́столе Пе́тре, моли́ Бо́га о на́с.
У́зами и стра́стию пречи́стою Связа́вшаго ад и смерть све́тло пропове́дал еси́,/ сего́ ра́ди, всеблаже́нне, вери́ги твоя́ целу́юще, освяща́емся.
Сла́ва Отцу́ и Сы́ну и Свято́му Ду́ху.
Троичен: Я́коже чи́ни Го́рнии, возопии́м трисвяты́ми гла́сы,/ Всевино́внаго Отца́ ны́не сла́вяще, и Сы́на, и Ду́ха,/ Еди́но Существо́, Еди́ну Си́лу и Еди́но Де́йство.
И ны́не и при́сно и во ве́ки веко́в. Ами́нь.
Богородичен: Мы́сленный Тя све́щник52 преднаписа́ проро́к,/ Боже́ственную свещу́, Богороди́тельнице, нося́щий,/ просве́щшу пе́рвее омраче́нныя мно́гими зол омраче́ньми.
Песнь 9
Ирмос: Рождество́ Твое́ нетле́нно яви́ся:/ Бог из бо́ку Твое́ю про́йде,/ я́ко Плотоно́сец яви́ся на земли́/ и с челове́ки поживе́./ Тя, Богоро́дице, тем вси велича́ем.
Припев: Святы́й апо́столе Пе́тре, моли́ Бо́га о на́с.
Ви́дети сподо́бился еси́ да́льняя, ве́рно наде́емая тебе́, Петре́,/ и трудо́в по́чести от Бо́га Человеколю́бца, ра́дуяся, прие́млеши,/ Его́же пло́тию твое́ю страсть Боже́ственную изобрази́л еси́.
Припев: Святы́й апо́столе Пе́тре, моли́ Бо́га о на́с.
Я́ко Боже́ственный ключа́рь Ца́рствия,/ сего́ отве́рзи вхо́ды ве́рно тя чту́щим на земли́/ и честны́я твоя́ целу́ющим вери́ги, Пе́тре,/ и́миже свя́зан, носи́л еси́.
Припев: Святы́й апо́столе Пе́тре, моли́ Бо́га о на́с.
С Сы́ном сый на Фаво́ре, гла́са Оте́ческаго, Сего́ явля́юща, сподо́бился еси́ услы́шати:/ Боже́ственным бо Ду́хом, Пе́тре,/ твое́ се́рдце очища́емо пресла́вно озари́ся.
Сла́ва Отцу́ и Сы́ну и Свято́му Ду́ху.
Нам, любо́вию тя чту́щим и вери́ги твоя́ целу́ющим,/ и́миже, Пе́тре, связа́лся еси́,/ очище́ние, и долго́в испроси́ разреше́ние,/ и Ца́рствия Небе́снаго наслажде́ние.
И ны́не и при́сно и во ве́ки веко́в. Ами́нь.
Богородичен: Све́та жили́ще была́ еси́,/ те́мже Све́том наста́ви мя, Отрокови́це, омраче́на все́ми вра́жиими искуше́ньми,/ я́ко да ве́рою Тя, Всечи́стая, велича́ю, Ма́ти Де́во.
Светилен
Вери́гами свя́зана страсте́й мя, окая́ннаго, разреши́, блаже́нне,/ я́коже иногда́ вери́ги разреши́ А́нгел Бо́жий/ и от темни́цы изве́д пресла́вно заключе́на тя в ней,/ апо́столов верхо́вниче, блаже́ннейше Пе́тре.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Де́во Всенепоро́чная, Ты позна́лася еси́ я́ко Ма́ти,/ я́ко Бо́га же и Челове́ка па́че естества́ ро́ждши,/ и спасе́ние бысть рожде́ние Твое́ пою́щим любо́вию:/ сла́ва подоба́ет, и честь, и поклоне́ние/ Тро́ице Непристу́пней и Боже́ственней.
Вернуться к списку