Молитва преподобному Герману Зосимовскому

О, блаженне отче Германе! Земли Владимирския преславная похвало, чудный угодниче Христов и иноков дивное украшение!
Зряще обитель Зосимову, стопами многих подвижников освященную, ныне же зрак свой обновившую, таже и святыя мощи твоя обретшую, радуемся ея восходу новому. Темже достойно воспеваем тя, отче Германе, яко строителя обители мудраго, наставника монахов неусыпнаго, общаго жития ревностнаго насадителя, непрестанныя молитвы учителя, святых икон искуснаго изографа и старца милостиваго.
Ты, о летех скорбных пастырски воздыхая, молитвою и советом многия верныя люди укреплял еси. Ныне же, благодатию свыше облагоуханный, во Царствии Небеснем престолу Божию предстоя, молися о нас, грешных, в страстех мнозех пребывающих, и о умирении во вражде сущих, да озарит Господь светом покаяния и исправления житие наше, да с любовию прославим Пречестное и Великолепое Имя Отца и Сына и Святаго Духа во веки веков. Аминь.


Вернуться к списку