Преподобномученик Феофан (Графов), иеродиакон

Дни памяти:

18 марта

Преподобномученик Феофан (Графов), иеродиакон

Молитвы

Житие:

Преподобномученик Феофан родился 6 января 1874 года в слободе Никитской Переславского уезда Владимирской губернии в семье крестьянина Федора Графова и в крещении был наречен Феодосием.

В 1902 году Феодосий поступил послушником в Борисоглебский Ростовский монастырь, в 1907 году он был пострижен в мантию с именем Феофан, а в 1908-м — рукоположен во иеродиакона.
После прихода к власти безбожников монастырь в 1923 году был закрыт, но монахи, желая сохранить родную обитель, согласились на существование монастыря в качестве сельскохозяйственной артели. Однако в 1929 году были закрыты последние монастыри по всей стране, и среди них Борисоглебский.
После закрытия обители иеродиакон Феофан переехал в Сергиев Посад и был принят служить в Успенский храм; здесь он прослужил до 21 октября 1935 года, когда был арестован вместе с группой священнослужителей, живших в Посаде. Всех арестованных обвинили в контрреволюционной и антисоветской деятельности.
— Следствие располагает данными, что вы среди верующих распространяли ложные слухи о якобы проводимом за религиозные убеждения гонении. Что вы можете сказать по этому поводу? — спросил его следователь.
— С таким вопросом ко мне никто не обращался, и я никому не говорил относительно гонений на верующих в СССР, — ответил иеродиакон.
— А что вы отвечали верующим, обращавшимся к вам с вопросами относительно закрытия церквей?
— С такими вопросами ко мне никто не обращался.
— Признаете ли вы себя виновным в предъявленном вам обвинении?
— Виновным я себя не признаю, против власти я нигде не говорил и общения с антисоветски настроенными лицами не имел.
На этом допросы были закончены. 8 января 1936 года Особое Совещание при НКВД приговорило иеродиакона Феофана к трем годам ссылки в Северный край, и он был отправлен сначала в Архангельск, а затем в Каргополь.
Осенью 1937 года сотрудник НКВД выписал справку на арест отца Феофана, обвинив его со слов осведомителей в том, будто он распространял контрреволюционные провокационные слухи о голоде в СССР, что в селах и деревнях крестьяне поголовно голодают и есть случаи голодной смерти, что жизнь в колхозах невозможна, большевики уже двадцать лет кормят народ обещаниями, а на деле ничего не дают. Назвав иеродиакона «отъявленным контрреволюционером» и «фашистским выродком», сотрудник НКВД предложил содержать его в тюрьме по первой категории, как священнослужителя и кандидата на расстрел, и немедленно арестовать. 25 сентября 1937 года отец Феофан был арестован и заключен в тюрьму в городе Каргополе.
В тот же день был допрошен один из сосланных в Каргополь священнослужителей, осведомитель НКВД; он показал, что «Графов органически не переваривает и ненавидит колхозы, называя их антихристовым царством. Весной 1937 года он говорил, что у советской власти нет хлеба, потому что в колхозах никто работать не хочет, да и кто в них будет работать, когда лучший хлеб советская власть отбирает себе, а колхозникам оставляет последние сорта, и тех немного»^[1].
После этого был допрошен отец Феофан.
— Расскажите о вашей практической контрреволюционной деятельности и ваших соучастниках! — потребовал от отца Феофана следователь.
— Контрреволюционной деятельностью я не занимался и соучастников не имею, — ответил иеродиакон.
15 октября 1937 года тройка НКВД приговорила отца Феофана к десяти годам заключения в исправительно-трудовом лагере. Иеродиакон Феофан (Графов) скончался в лагере в городе Каргополе 18 марта 1938 года и был погребен в безвестной могиле.

Игумен Дамаскин (Орловский)

«Жития новомучеников и исповедников Российских ХХ века. Март».
Тверь. 2006. С. 61-64

Преподобномученик Феофан (Графов)

Марта 5 (18)

Преподобномученик Феофан родился 6 января 1874 года в селе Никитская Слобода близ города Переславль-Залесский Владимирской губернии в семье крестьянина Феодора Графова. При крещении младенец был наречен Феодосием.

В 1896 году он поступил послушником в Борисоглебский Ростовский монастырь, где в 1907 году был пострижен в монашество с именем Феофан и через год рукоположен во иеродиакона. В 1923 году монастырь был закрыт, а из монахов была организована сельскохозяйственная артель. В 1929 году артель была ликвидирована и монахи разогнаны.

Пробыв на родине в Никитской Слободе несколько месяцев, отец Феофан в конце 1930 года переехал в Сергиев Посад Московской области, переименованный безбожниками в Загорск, и был определен на служение в Успенский храм города.

Отец Феофан был арестован 21 октября 1935 года Загорским районным отделением НКВД и заключен в Бутырскую тюрьму города Москвы. Допросы проводил известный своей хитростью и жестокостью следователь Булыжников. Расспросив о знакомых, с которыми отец Феофан поддерживает связь, гонитель спросил:

– Следствие располагает данными о том, что вы среди верующих распространяли ложные слухи о якобы проводимом гонении за религиозные убеждения в СССР. Что вы можете сказать по этому вопросу?

– С такими вопросами ко мне никто не обращался, и я также никому не говорил по вопросам гонения верующих в СССР, – ответил отец Феофан.

– А как вы отвечали верующим, обращавшимся к вам с вопросами о закрытии церквей?

– С такими вопросами ко мне никто не обращался.

– Признаете вы себя виновным в предъявленном вам обвинении?

– Я виновным себя не признаю, потому что против власти я нигде не говорил и общения с лицами, антисоветски настроенными, не имел.

Следователем для дачи свидетельских показаний были вызваны благочинный Загорского округа протоиерей Дмитрий Баянов, священники Леонид Багрецов и Александр Маслов. По требованию следователей НКВД они оговорили иеродиакона Феофана и других священников, арестованных вместе с ним, подписав лжесвидетельства против них.

Один из лжесвидетелей, в частности, сказал: «Графов вообще враждебно настроен по отношению к советской власти, он мне говорил, что в городе Москве и повсеместно происходит массовое закрытие церквей. Советская власть закрытие церквей производит помимо воли и желания верующих, а действует самостоятельно. Лучшее духовенство советская власть высылает безвинно».

8 января 1936 года тройка НКВД приговорила иеродиакона Феофана (Графова) к трем годам ссылки в Северный край. В феврале этапом отец Феофан был направлен в город Архангельск, где местом ссылки ему был определен город Каргополь. Чтобы заработать на хлеб и платить за жилье, отец Феофан пилил дрова.

Летом 1937 года безбожные власти начали повсеместные аресты духовенства и верующих, коснулись они и тех из них, кто отбывал различные сроки наказания в лагерях или ссылке.

Иеродиакон Феофан был арестован 25 сентября 1937 года.

– Расскажите о вашей контрреволюционной деятельности и ваших соучастниках, – потребовал следователь.

– Контрреволюционной деятельностью не занимался и соучастников не имею, – ответил отец Феофан.

– Расскажите о ваших знакомых в городе Каргополе и за его пределами.

– Знакомые есть только по ссылке и по работе. Знаю несколько ссыльных священников. Кроме этих лиц знакомых нет, и за пределами города также никого нет.

На этом допросы и следствие были закончены. 15 октября 1937 года тройка НКВД приговорила отца Феофана к десяти годам заключения в исправительно-трудовом лагере. Отбывая наказание, иеродиакон Феофан умер 18 марта 1938 года в городе Каргополе и погребен в безвестной могиле.

ИСТОЧНИКИ:

ГАРФ. Ф. 10035, д. П-77092.

Архив УФСБ Архангельской области. Арх. № П-3319.

Источник: Жития новомучеников и исповедников российских XX века Московской епархии / [Игумен Дамаскин (Орловский) и др.]; Под общ. ред. Митрополита Крутицкого Коломенского Ювеналия. - Тверь : Булат, 2002-. / Дополнительный том I – 2005. - 287 с. ISBN 5-902112-36-2

Служба преподобномученику Феофану (Графову), диакону

На Господи, воззвах: стихиры, глас 5.
Подобен: Радуйся, Живоносный Кресте:
Радуйся, отче Феофане славне,/ ты бо, монашескаго жития взыскуя,/ во обитель Борисоглебскую вселился еси/ и тамо, во иночестве подвизався,/ добродетельми и благими нравы себе украсил еси,/ святых сопричастниче и праведных,/ моли спастися душам нашим.
Радуйся, святе Феофане преподобне,/ ты бо, от юности всем сердцем Христа возлюбив,/ страхом Божиим себе оградил еси/ и во обитель иноческую водворился еси,/ идеже, чина диаконскаго удостоився,/ Бога велегласно прославлял еси,/ Егоже моли спастися душам нашим.
Радуйся, страдальче славне Феофане,/ ты бо, терпением твердым и еже по Бозе упованием/ мужественне вооружився,/ ухищрения безбожных гонителей сокрушил еси/ и козни лжесвидетелей посрамил еси,/ мучеников дивное украшение,/ моли спастися душам нашим.
Радуйся, преподобномучениче Феофане диаконе,/ ты бо, яко злато в горниле искушен быв,/ богоборцев нечестивых не убоялся еси/ и, яко воин непобедимый, явлься,/ венец славы от Бога приял еси,/ Емуже ныне тепле молися/ даровати душам нашим велию милость.
Слава, глас 6.
Подобен: Все отложше:
Всю мирскую суету отринул еси,/ святе отче Феофане,/ и, в преподобии честне пожив,/ диаконское служение добре совершил еси./ Во дни же гонений на Церковь Русскую/ тяжкия работы и темничная заключения/ Христа ради претерпел еси,/ Иже венцем победным тя украси/ и райския славы сподоби,/ еяже ныне наслаждаяся,/ прославляеши Отца и Сына и Святаго Духа,/ Троицу Живоначальную и Нераздельную/ во единем Существе.
И ныне, Богородичен, глас тойже: Кто Тебе не ублажит:
Вход. Прокимен дне. И чтения три мученическая.
На литии стихира храма.
Слава, святаго, глас 8.
Подобен: О, преславнаго чудесе:
О, преславнаго чудесе!/ О, великаго терпения!/ Преподобномученик Феофан диакон/ без вины на заключение осуждается,/ и темничныя узы приемлет/ и многотрудныя работы претерпевает,/ обаче от Христа Бога победным венцем венчается/ и яко раб благий и верный/ Царствия Небеснаго наследник бывает.
И ныне, Богородичен, глас и подобен тойже:
О, преславнаго чудесе!/ Небесе и земли Царица/ от святых сродников наших умоляемая/ до ныне Землю Русскую покрывает,/ и лика Своего изображении милостивно обогащает./ О, Владычице Державная!/ Не престани и на будущее время/ во утверждение на Руси Православия,/ милости и чудеса изливати до века. Аминь.
На стиховне стихиры, глас 2.
Подобен: Егда от Древа:
Егда законопреступнии людие,/ ненавистию и неверием ослепленнии,/ обитель Борисоглебскую бесчестию предаша/ и, злобою дышуще, иноков ея изгнаша,/ тогда, преподобномучениче Феофане,/ в землю Радонежскую преселился еси,/ идеже со тщанием диаконское служение совершал еси/ во храме Успения Царицы Небесныя,/ Юже моли спастися душам нашим.
Стих: Дивен Бог во Святых Своих,/ Бог Израилев.
Егда жестокий мучитель,/ безбожное веление властей исполняя,/ восхоте тя обвинити/ и в темницу мрачную всадити,/ тогда ты, добропобедный мучениче Феофане,/ терпением крепким вооружився,/ лукавыя наветы небоязненне отвергл еси,/ и, на Господа упование возлагая,/ жизнь свою Тому вручил еси.
Стих: Блажен муж, бояйся Господа,/ в заповедех Его восхощет зело.
Егда нечестивии людие,/ руки своя на тя возложивше,/ в Северныя пределы страны нашея сослаша/ и темничному заключению предаша,/ тогда, терпеливодушне мучениче Феофане,/ страдания лютая претерпевая,/ образ мужества показал еси/ и, телом в безвестней могиле посеявся,/ душею в Царствии Небеснем процвел еси.
Слава, глас 8:
Людие беззаконнии, веру отеческую презревшии!/ Почто руки своя на мя возложисте/ и в темницу Бутырскую ввергосте?/ Почто льстиво оболгати восхотесте/ и ложная свидетельства на мя воздвигосте?/ Не повинен есмь, в немже мя осуждаете,/ сице преподобномученик Феофан со дерзновением глаголаше,/ в руце Господни всего себе предавая.
И ныне, Богородичен: Безневестная Дево:
Тропарь, глас 4:
Мирскаго мятежа удалився,/ во обитель иноческую вселился еси,/ идеже, диаконскаго чина удостоився,/ подвигом добрым подвизался еси./ Во дни же гонений на Церковь Русскую/ темничныя узы и работы горькия Христа ради претерпев,/ твердость во исповедании веры явил еси./ Темже ныне, во обителех Небесных пребывая/ и с лики ангельскими Богу предстоя,/ поминай нас, любовию чтущих тя,/ Феофане преподобне, отче наш.

На утрени
По 1-м стихословии седален, глас 6:
Рече Господь: иже хощет по Мне ити, да отвержется себе и возмет крест свой и по Мне грядет. Ты же, преподобномучениче, Божественная словеса сия смысленне в сердце восприим, мира отверглся еси и, страдания мужественне претерпев, себе самаго в жертву Христу принесл еси. Ныне же, Престолу Божию предстоя, моли спастися душам нашим.
Слава, и ныне, Богородичен:
Яко милости бездну рождшая, помилуй нас, неключимых рабов Твоих, Дево Владычице, и избави Суда и муки, и Царствия Небеснаго сподоби, да любовию величаем Тя.
По 2-м стихословии седален, глас 8:
Како возможем достойную похвалу принести подвигом твоим, преподобномучениче Феофане? Ты бо, иноческаго жития вожделев, во обитель Борисоглебскую вселился еси, идеже, диаконское служение усердне совершая, Бога прославлял еси. Послежде же, в пределы Северныя изгнан быв, работы тяжкия претерпел еси и мученический венец от Христа приял еси, Егоже моли спастися душам нашим.
Слава, и ныне, Богородичен:
Прибежище мира, христиан Похвало, Надеждо всех, на Тя уповающих, Владычице Пречистая! Не презри нас, молящихся Тебе, но умоли Сына Твоего, Христа Бога нашего, спастися душам нашим.
Величание:
Величаем тя,/ преподобномучениче Феофане,/ и чтим подвиги и страдания твоя,/ яже за Христа/ претерпел еси.
Псалом избранный:
Весть Господь путь праведных и путь нечестивых погибнет.
Работайте Господеви со страхом и радуйтеся Ему с трепетом.
Ты же, Господи, Заступник мой еси, Слава моя и возносяй главу мою.
Помилуй мя, Господи, яко немощен есмь, исцели мя, Господи, яко смятошася кости моя.
Отступите от мене вси делающии беззаконие, яко услыша Господь глас плача моего.
Господи, Боже мой, на Тя уповах, спаси мя от всех гонящих мя и избави мя.
Помощь моя от Бога, спасающаго правыя сердцем.
Да уповают на Тя знающии имя Твое, яко не оставил еси взыскающих Тя, Господи.
По полиелеи седален, глас 1:
Благоговейне в храме Божием службу совершая, Господа прославлял еси, преподобномучениче Феофане диаконе, и Пречистую Владычицу Богородицу в песнех величати призывал еси. Ныне, Престолу Божию предстоя и со всеми новомучениками Церкве Русския Троицу Святую прославляя, молися о душах наших.
Слава, и ныне, Богородичен:
Едину Тя по Бозе надежду непостыдную и предстательство твердое имамы, Пречистая Мати Дево, темже вопием: избави нас враг видимых и невидимых, вреда и искушений, да Тя непрестанно величаем.
Степенна, 1-й антифон, 4-го гласа. Прокимен, глас 4: Честна пред Господем/ смерть преподобных Его. Стих: Что воздам Господеви о всех, яже воздаде ми? Всякое дыхание: Евангелие от Марка, зачало 37.
По 50-м псалме стихира, глас 6:
Приидите, вернии,/ почтим память диакона славнаго,/ преподобномученика Феофана,/ иже, прещений гонителей безбожных не убоявся,/ во испытаниих верность Христу сохрани/ и в работах горьких смерть прият./ Темже к нему возопиим:/ молися Господеви, страдальче доблий,/ помиловатися душам нашим.
Канон, глас 8.
Песнь 1
Ирмос: Колесницегонителя фараоня погрузи,/ чудотворяй иногда/ Моисейский жезл, крестообразно поразив/ и разделив море,/ Израиля же беглеца, пешеходца спасе,/ песнь Богови воспевающа.
Припев: Святый преподобномучениче Феофане диаконе, моли Бога о нас.
Царю Небесный, Утешительный Душе, даждь ми разум достойно воспети подвиги и страдания угодника Твоего, Феофана славнаго.
От юности Христа всем сердцем возлюбив, во обитель иноческую стопы твоя направил еси, преподобномучениче славне, идеже, послушанию прилежав, воли своея отверглся еси.
Пятлетне во обители Борисоглебстей усердно подвизаяся, обеты иноческия Богу принесл еси, преподобне, и в постризе Феофан наречен был еси, еже есть богоявление.
Богородичен: Слово Божие, преестественно воплощшееся от Тебе, Пречистая Дево, родила еси, темже Тя, яко Матерь Божию, вси чтим и по долгу ублажаем.
Песнь 3
Ирмос: Утверждей в начале Небеса разумом/ и землю на водах основавый,/ на камени мя, Христе, заповедей Твоих утверди,/ яко несть свят, паче Тебе, Едине Человеколюбче.
На камени заповедей Господних утвердив сердце твое, блаженне, сана диаконскаго достоин явился еси и, благоговейне службу совершая, взывал еси: несть свят, паче Тебе, Едине Человеколюбче.
О мире всего мира, благостоянии Святых Божиих Церквей, о державе Российстей, властех и воинстве ея моления Богу велегласно возносил еси, святе диаконе, да познают людие: яко несть свят, паче Тебе, Едине Человеколюбче.
Яко благоговейный сослужитель Божественных Таин, о предложенных честных Дарех Господеви молился еси и, крестообразне руце слагая, святый дискос и святый потир горе возносил еси.
Богородичен: Подаждь отпущение грехов нам, Пречистая Богородице, закона Владыку рождшая, страсти нас ради претерпевшаго и спасение нам даровавшаго.
Седален, глас 8:
Преподобномучениче Феофане блаженне, ты, диаконское служение совершая, усердно о людех молился еси, да тихое и безмолвное житие во благочестии и чистоте поживут и, Ангела мирна, Хранителя душ и телес обретше, христианския кончины живота сподобятся и добрый ответ на Страшнем Судищи Христу Богу воздадут. Помози и нам богоугодне житие скончати и в День страшнаго воздаяния милость улучити.
Слава, и ныне, Богородичен:
О, Всепетая Богородице Владычице, преподобных Похвало, мучеников Славо, ангелы восхваляемая и человеки воспеваемая, и всего мира Крепкая Помощнице! Избави Церковь Русскую всякаго обстояния, едина Благословенная.
Песнь 4
Ирмос: Ты моя крепость, Господи,/ Ты моя и сила,/ Ты мой Бог, Ты мое радование,/ не оставль недра Отча/ и нашу нищету посетив./ Тем с пророком Аввакумом зову Ти:/ силе Твоей слава, Человеколюбче.
Егда попусти Господь гонение на Церковь Русскую, и разориша безбожнии обитель, идеже ты подвизался еси, святе Феофане, тогда, верою укрепляемь, духом не поколебался еси, но молитвенне взывал еси: силе Твоей слава, Человеколюбче.
Исполнися на тебе, преподобномучениче, глагол Господень: аще Мене изгнаша, и вас ижденут. Ты же, уготовав душу свою ко искушению, небоязненне Христу последовал еси, вопия: силе Твоей слава, Человеколюбче.
Воли Божией послушлив быв, со смирением крест изгнания восприял еси, доблий страдальче, и, во град Сергиев стопы твоя направив, надежду на Господа возложил еси, взывая: силе Твоей слава, Человеколюбче.
Богородичен: Стена необоримая и Покров всемощный новомучеником и исповедником Церкве Русския явилася еси, Пресвятая Дево, темже Тя величаем.
Песнь 5
Ирмос: Вскую мя отринул еси/ от лица Твоего, Свете Незаходимый,/ и покрыла мя есть чуждая тьма, окаяннаго,/ но обрати мя и к свету заповедей Твоих/ пути моя направи, молюся.
Игумена земли Русския на помощь призывая, в землю Радонежскую преселился еси, преподобне Феофане, и, близ Троицкия обители пристанище обрет, во храме Успения Пресвятыя Богородицы диаконское служение со тщанием совершал еси.
Егда прииде испытание веры твоея, преподобномучениче, и безбожнии в темницу тя всадиша, тогда, прещений их не убоявся, все упование на Царицу Небесную возложил еси и верность Господу даже до смерти соблюл еси.
Христа всем сердцем возлюбив, Тому Единому славу воздавал еси, преподобне Феофане диаконе, сего ради и Той терпение в страданиих тебе дарова, и неувядаемым венцем славы украси и лику святых новомучеников Церкве Русския сочета.
Богородичен: Поем Тя, Предстательнице теплая и Заступнице христиан, Богородице Всепетая, яко со всеми святыми земли Русския молиши Сына Твоего и Бога нашего обрести нам велию милость.
Песнь 6
Ирмос: Очисти мя, Спасе,/ многа бо беззакония моя,/ и из глубины зол возведи, молюся,/ к Тебе бо возопих, и услыши мя,/ Боже спасения моего.
Поминая слово Господне: аще Мене изгнаша и вас ижденут, прещений лютаго гонителя не убоялся еси, мучениче добропобедне, но, воли Божией повинуяся, трилетнее темничное заключение со смирением восприял еси.
В заточении сый и горькия работы претерпевая, глад и хлад нивочтоже вменял еси, преподобномучениче Христов Феофане, обаче, любовию к Богу пламенея, взывал еси: очисти мя, Спасе, и из глубины зол возведи мя.
Гонителей лукавое безбожие не возможе поколебати твердости души твоея, преподобномучениче славне, темже, яко имеяй дерзновение ко Господу, моли греховнаго плена нам избегнути и достойныя плоды покаяния принести.
Богородичен: Исполнися на Тебе пророчество Симеоново, и оружие пройде душу Твою, Богомати Пречистая, темже мучеником стена необоримая и помощь твердая присно бываеши.
Кондак, глас 5:
Вышняго блаженства взыскуя,/ преподобномучениче Феофане диаконе,/ подвигом добрым подвизался еси,/ в годину же лютых гонений,/ любовь и верность Христу сохранив,/ в радость Господа твоего вшел еси./ Сего ради прилежно молим тя:/ испроси у Господа Церкви Русстей благостояние,/ Отечеству нашему мир/ и душам нашим велию милость.
Икос:
Восхвалим днесь, вернии людие, преподобномученика Феофана, диакона благоговейнейшаго, духом мужественнаго и страдальца славнаго, иже, благодати Духа Святаго взыскуя, иноческия подвиги подъят и, благою надеждою себе обогатив, за Христа пострадати сподобися. Темже к нему с любовию возопиим: о, верный рабе и воине Христов добропобедный, испроси у Господа Церкви Русстей благостояние, Отечеству нашему мир и душам нашим велию милость.
Песнь 7
Ирмос: Божия снизхождения/ огнь устыдеся в Вавилоне иногда./ Сего ради отроцы в пещи, радованною ногою,/ яко во цветнице, ликующе, пояху:/ благословен еси, Боже отец наших.
Страх мучения отложив и все упование на Бога возложив, Феофане преподобне, к подвигу страдания за Христа устремился еси, Емуже ныне поеши: благословен еси, Боже отец наших.
Не возмогоша безбожнии гонители разумети подвиг страдания твоего за Христа, темже и осудишася. Ты же, святе Феофане, ныне на Небеси Ему предстоиши и победно взываеши: благословен еси, Боже отец наших.
Прославим, вернии, Феофана мученика, иже, заповедьми блаженств, яко лествицею небовосходною, Царствия Божия достиже и мзду обещанную от Господа прият, Емуже днесь взывает: благословен еси, Боже отец наших.
Богородичен: Единей Богоблаженней, во объятиих носящей Сына Своего, лицы новомучеников Церкве Русския вопиют: благословенна Ты в женах и благословен Плод чрева Твоего, Дево Пречистая.
Песнь 8
Ирмос: Седмерицею пещь/ халдейский мучитель/ богочестивым неистовно разжже,/ силою же лучшею спасены сия видев,/ Творцу и Избавителю вопияше:/ отроцы, благословите,/ священницы, воспойте,/ людие, превозносите во вся веки.
Егда ложными глаголы оклеветан был еси, в сердце своем зла на предавшаго тя никакоже имел еси, святе, но, злодейства вражия мужественне претерпевая, все упование на Бога возложил еси.
Прещений злаго гонителя не убоявся, преподобномучениче, паки осуждение неправедное приял еси и смерть, яко приобретение жизни вечныя со Христом, достойно в земли Каргопольстей сретил еси.
Закон Христов исполнив и веру сохранив, течение земное скончал еси и Царствие Небесное наследовал еси. Темже не забуди нас, почитающих тя, отче Феофане, и молися Всемилостивому Богу, да спасет души наша.
Богородичен: Зрящи Сына Твоего, Пречистая, в земли нашей поругаема от безбожников, не оставила еси ходатайством Твоим Церковь Русскую, достойно взывающу: радуйся, Благодатная, Господь с Тобою.
Песнь 9
Ирмос: Ужасеся о сем Небо,/ и земли удивишася концы,/ яко Бог явися человеком плотски/ и чрево Твое бысть пространнейшее Небес./ Тем Тя, Богородицу,/ Ангелов и человек чиноначалия величают.
Дадеся ти благодать, преподобномучениче Феофане, не токмо иноческия подвиги подъяти и в чине диаконстем Богу послужити, но и во исповедании веры за Христа пострадати, Егоже моли спаситися душам нашим.
Преподобномучениче Феофане славне! Ты, все упование на Бога возложив, страдания временная нивочтоже вменил еси и вечная блага в Царствии Небеснем восприял еси, ихже и нам у Господа испроси молитвами твоими.
Приими, преподобномучениче Феофане, сие малое моление, в похвалу тебе приносимое, и испроси у Господа Бога и Пречистыя Его Матере оставления всех наших грехов, да избавимся вечнаго осуждения и причастницы Небеснаго Царствия явимся.
Богородичен: Воистинну превышши всея твари явилася еси, Владычице, Бога бо всех плотию родила еси. Темже Тя Предстательницу имамы, и Стену тверду, и Надежду известну.
Светилен:
Богоявлению тезоименитый, преподобномучениче Феофане, Бога, явльшагося во плоти, в житии твоем прославлял еси и, страдания тяжкая за Него претерпев, светлым венцем украсился еси. Темже, во светлостех святых почивая, моли спасти и просветити души наша.
Слава, и ныне, Богородичен:
Пречистая Мати Дево! Отжени тьму греховную душ наших и к свету заповедей Христовых направи, да, покаянием очистившеся, в радости прославим свет нам Показавшаго.
На хвалитех стихиры, глас 5.
Подобен: Радуйся:
Радуйся, Феофане преподобне/ и мучениче Христов добропобедный!/ Ты, евангельская словеса душею восприим,/ житейское попечение отринул еси/ и, Небеснаго Отечества взыскуя,/ во обитель Борисоглебскую вселился еси,/ идеже, диаконскаго сана удостоився,/ усердно Господеви послужил еси./ Ныне, Престолу Божию во славе предстоя,/ поминай нас, любовию чтущих тя,/ во еже спастися душам нашим.
Радуйся земле Ростовская,/ торжествуй и ликуй граде Сергиев,/ в памяти преподобномученика Феофана диакона,/ иже в годину безбожнаго гонения,/ ложныя наветы отринув/ и вражеския козни низложив,/ претерпе страдания многая/ и препобеди страх смертный./ Ныне, яко гражданин Небеснаго отечества,/ с лики новомучеников Богу предстоит/ и молится о еже спастися душам нашим.
Радуйся, земле Архангельская,/ дивно украшенная кровьми и подвиги новомучеников наших,/ от нихже и преподобный Феофан диакон,/ яко истинный сын Церкве Русския,/ незлобием Христовым вооружився,/ злобу и неистовство мучителей победи,/ лишения и тяжкия работы претерпевая,/ образ мужества нам яви,/ телом же в безвестней могиле посеявся,/ душею в Царствии Небеснем процвете,/ идеже молится спастися душам нашим.
Радуйтеся и веселитеся, христоименитии людие,/ духовное торжество светло совершающе/ в памяти преподобномученика Феофана,/ иже, прещения мучителей отринув/ и неистовства лжесвидетелей не убоявся,/ изгнание и уничижение Христа ради претерпе/ и образ благочестия нам яви./ Ныне же, райския сладости наслаждаяся,/ яко истинный сын земли нашея, сице вопиет:/ Русь Святая, храни веру Православную,/ в нейже тебе утверждение.
Слава, глас 8:
Веселися днесь, Церковь Русская,/ прославляющи Христова угодника,/ преподобномученика Феофана диакона!/ И мы, вернии, таковаго имуще молитвенника,/ с верою и любовию возопиим:/ радуйся, страдальче Христов добропобедный/ и Отечества нашего сыне верный,/ ходатай теплый ко Господу о нас буди/ и моли спастися душам нашим.
И ныне, Богородичен, глас тойже:
Владычице, приими молитвы раб Твоих/ и избави нас/ от всякия нужды и печали.
Славословие великое. Ектении. И отпуст.

На Литургии
Блаженна от канона, песнь 3-я и 6-я. Прокимен, глас 7: Восхвалятся преподобнии во славе/ и возрадуются на ложах своих. Стих: Воспойте Господеви песнь нову, хваление Его в Церкви преподобных. Апостол к Тимофею, зачало 291. Аллилуиа, глас 6: Блажен муж, бояйся Господа, в заповедех Его восхощет зело. Стих: Сильно на земли будет семя его. Евангелие от Матфеа, зачало 36. Причастен: В память вечную будет праведник:
Молитва
О, святый преподобномучениче Феофане приснопамятне, воине Христов добропобедный, Церкве Русския верный сыне!
Ты, первее труды постническими душу твою желая очистити, во обитель Борисоглебскую вселился еси, идеже диаконскаго чина удостоився, усердно подвизался еси. В годину же гонений безбожных, терпением мужески вооружився и многая страдания и лишения претерпев, яко благий раб и верный, в радость Господа твоего вшел еси.
О, преподобне и достохвальне страдальче! Моли тепле Всеблагаго Господа нашего Иисуса Христа, да утвердит Православную веру во Отечестве нашем, да поможет иноком обеты монашеския усердне исполняти, христоименитым же людем подвигом добрым подвизатися. Нам же, любовию тя почитающим и к заступлению твоему прибегающим, испроси покаяние и прощение грехов, терпение в скорбех и болезнех, да во всяком чине и звании Господеви благоугодим и во всех обстояниих на Него Единаго надежду возложим. Емуже подобает всякая слава, честь и поклонение со Отцем и Святым Духом ныне и присно и во веки веков. Аминь.

Вернуться к списку