Ювелирные изделия

смотреть

Отзывы

04.10.2024 Облачение на престол "Костромское" в храме г. Кемерово

04.10.2024 Паникадило на 15 свечей в Никольском храме с. Новониколаевка Ростовской области

04.10.2024 Плащаница Божией Матери в храме Вознесения Господня г. Колпашево Томской области

02.10.2024 Аналой центральный "Иерусалимский" в храме г. Москвы

13.06.2024 Евангелие в Республике Крым

Праведный Симеон Богоприимец

Дни памяти:

16 февраля

Икона праведного Симеона Богоприимца с тропарем, ламинированная, 6х8 см (упаковка 10 шт.)

купить икону

Молитвы

Акафисты

Тропари

Житие:

Житие праведного Симеона Богоприимца

Праведный Симеон Богоприимец был, по свидетельству святого евангелиста Луки, одним из избранников Божиих, ожидавших утешения Израилева, и Дух Святой пребывал на нем ( Лк.2:25 ). Ему было возвещено от Бога, что он не умрет до того времени, пока в мир не придет обещанный Мессия – Христос Господь.

Древние историки сообщают, что египетский царь Птоломей II Филадельф (285–247 до Рождества Христова) пожелал пополнить свою знаменитую Александрийскую библиотеку текстами священных книг. Он пригласил из Иерусалима книжников. Синедрион послал своих мудрецов. Среди 72 ученых, прибывших в Александрию для перевода Священного Писания на греческий язык, был приглашен и праведный Симеон.

Праведный Симеон переводил книгу пророка Исаии. Прочтя в подлиннике слова "Се, Дева во чреве приимет и родит Сына" ( Ис.7:14 ), он решил, что слово "Дева" здесь употреблено ошибочно, вместо слова "Жена", и хотел исправить текст. В этот момент ему явился Ангел и удержал его руку, говоря: "Имей веру написанным словам, ты сам убедишься, что они исполнятся, ибо не вкусишь смерти, доколе не увидишь Христа Господа, Который родится от Чистой и Пренепорочной Девы". С того дня праведный Симеон стал ожидать пришествия Обетованного Мессии.

И вот однажды праведный Симеон, ведомый Духом Божиим, пришел в Иерусалимский храм. Это было в тот самый день (сороковой по Рождестве Христовом), когда Пречистая Дева Мария и Ее Обручник Иосиф пришли туда, чтобы совершить обряд, положенный по иудейскому закону, – представить пред Господом своего Божественного Первенца и принести положенную жертву. Как только праведный Симеон увидел пришедших, Дух Святой открыл ему, что Богомладенец, Которого держала Пречистая Дева Мария, и есть ожидаемый Мессия, Спаситель мира. Старец принял на свои руки Младенца Христа и произнес свои пророческие слова: "Ныне отпущаеши раба Твоего, Владыко, по глаголу Твоему, с миром, ибо видели очи мои спасение Твое, которое Ты уготовал пред лицем всех людей. Свет к просвещению язычников и славу людей Твоих Израиля". Он благословил Пречистую Деву и праведного Иосифа и, обращаясь к Богородице, сказал: "Се, лежит Сей на падение и на восстание многих в Израиле и в предмет пререканий, – и Тебе Самой оружие пройдет душу, – да откроются помышления многих сердец" ( Лк.2:22-35 ).

Далее святой евангелист повествует: "Тут была также Анна пророчица, дочь Фануилова, от колена Асирова, достигшая глубокой старости, прожив с мужем от девства своего семь лет, вдова лет восьмидесяти четырех, которая не отходила от храма, постом и молитвою служа Богу день и ночь. И она в то время, подойдя, славила Господа и пророчествовала о Нем всем, ожидавшим избавления в Иерусалиме" ( Лк.2:36-38 ).

О святом и праведном Симеоне Богоприимце известно, что он скончался, прожив 360 лет. В VI веке святые мощи его были перенесены в Константинополь. В 1200 году его гроб видел русский паломник святитель Антоний, будущий архиепископ Новгородский (1212–1220; † 1232; память 8 октября).

Память святого и праведного Симеона Богоприимца

Память 3 февраля

По свидетельству Божественного Евангелия, старец Симеон был человек праведный и благочестивый, ожидавший утешения Израилева, и Дух Святый пребывал на нем. Ему было возвещено от Бога о приближающемся пришествии в мир истинного Мессии ( Лк.2:2 ). Древние историки о получении Симеоном этого извещения повествуют так. По повелению египетского царя Птоломея был предпринят перевод закона Моисеева и книг пророческих с еврейского языка на греческий. Для этого дела избраны были из всего еврейского народа семьдесят ученейших мужей ¹¹²⁴ . В числе их был и Симеон, как человек мудрый и хорошо знающий Божественное Писание. Переводя книгу пророка Исаии, Симеон дошел до слов «се Дева во чреве приимет и родит Сына» ( Ис.7:14 ). Читая их, он усомнился, думая, что невозможно, чтобы жена, не имеющая мужа, могла родить. Симеон взял уже нож и хотел вычистить эти слова в книжном свитке и изменить слово «дева» на слово «жена». Но в это время явился ему ангел Господень и, удержав за руку, сказал: «Имей веру написанным словам, и сам увидишь исполнение их, ибо ты не увидишь смерти, прежде чем не узришь имеющего родиться от чистой Девы Христа Господа».

Уверовав в ангельские и пророческие слова, Симеон с нетерпением ожидал пришествия в мир Христа. Он проводил праведную и непорочную жизнь, уклоняясь от всякого зла и пребывая непрестанно в храме Божием. Там Симеон молился Богу, да помилует Он мир Свой и избавит людей от вселукавого диавола.

Когда Господь наш Иисус Христос, по истечении сорока дней по рождестве Своем, был принесен руками Пречистой Своей Матери, по законному обычаю ( Исх.13:2 ), в храм, в это время пришел туда же и праведный Симеон, водимый Духом Божиим. Увидев Предвечного Младенца и родившую Его Пренепорочную Деву, он познал, что Сей есть обещанный Мессия, и Сия есть Дева, над Которой должно было исполниться и исполнилось пророчество Исаиино. Видя Ее осененной небесным светом и сияющей Божественными лучами, Симеон со страхом и радостью приступил к Ней, принял Богомладенца ¹¹²⁵ на руки и произнес: «Ныне отпускаешь раба Твоего, Владыко, по слову твоему, с миром, ибо видели очи мои спасение Твое, которое Ты уготовил пред лицом всех народов, свет к просвещению язычников и славу народа Твоего Израиля» ( Лк.2:29–32 ) ¹¹²⁶ .

После сего он пророчествовал о страданиях Христовых и о распятии Его, а также и о Богородице, что душу Ее пронзит оружие печали и скорби, когда Она увидит Сына Своего висящим на кресте ( Лк.2:34–35 ).

Достигнув глубокой старости, Симеон преставился ко Господу ¹¹²⁷ . О нем пишут, что он прожил всего триста шестьдесят лет, ибо Богу угодно было продлить жизнь святого старца, дабы он мог дожить до ожидаемого во все века вожделенного года, когда родился от Девы Безлетный Сын, Которому слава во веки, аминь ¹¹²⁸ .

Кондак, глас 4:

Старец днесь отрешитися от юз моляшеся сего жития тленнаго, Христа восприят на руки зиждителя и Господа.

* * *

¹¹²⁴

Птоломей II, Филадельф, сын и преемник Птоломея Лага (285–247 гг. до Р. Х.), был одним из величайших государей египетских. Он особенно известен просвещенной любовью к наукам. Его старанием основана Александрийская библиотека. Желая присоединить к своим владениям Сирию, он покорил своей власти и лежащую на пути к Сирии Иудею. После занятия им Иерусалима многие тысячи иудеев из Иерусалима и его окрестностей, равно как и из Самарии, отведены были пленниками в Египет; но так как царь милостиво относился к иудеям и дал им даже равные права с македонянами в Александрии, то многие иудеи добровольно переселились в эту страну. Услышав, что закон иудейский получил свое начало от Бога и содержит в себе высочайшую премудрость и самые святые заповеди, царь пожелал иметь его в греческом переводе. Этим переводом он хотел пополнить свою богатую библиотеку в Александрии, а может быть, хотел оказать услугу и иудеям, из которых многие, от долговременного пребывания в Александрии, стали забывать свой природный язык. В Иерусалим было отправлено посольство с богатыми дарами для храма. В письме к первосвященнику царь писал, чтобы он прислал ему старцев, опытных в знании отечественного закона, которые бы могли исправно перевести его на греческий язык. В это время первосвященником был внук Адуя, Элеазар. Он выбрал из 12 колен Израилевых по шесть старцев и, вручив им самый исправный список священных книг, начертанный золотыми буквами на самом тонком пергаменте, отправил их в Александрию. Здесь они были приняты весьма благосклонно. Им отвели дом на острове Фаросе, где они и занимались переводом каждый день до девятого часа или до трех пополудни. Перевод был окончен в семьдесят дней, прочитан в присутствии александрийских иудеев, и одобрен ими. Этот самый перевод священных книг и называется «переводом семидесяти (или точнее 72-х) толковников», или переводчиков; он и доселе употребляется в Православной Восточной церкви, и с него-то сделан наш «Славянский перевод Ветхого Завета».

¹¹²⁵

Поэтому святой Симеон и называется Богоприимцем.

¹¹²⁶

Предсмертная молитва святого Симеона Богоприимца: ныне отпущаеши раба Твоего, Владыко – каждодневно повторяется в храме, на вечернем богослужении, чтобы вечер каждого дня напоминал каждому верующему о вечере его жизни, т.е. имеющей постигнуть его смерти. Святой старец Симеон, разрешаясь от уз плоти, с радостью переходил в другой мир, когда принял в старческие объятия свои Божественного Младенца, Спасителя мира. Так всякий верующий в предсмертные минуты, приискренне причастившись в Святых Дарах Телу и Крови Христовой, с радостью оставляет сей многомятежный и суетный мир.

¹¹²⁷

Святые мощи Симеона Богоприимца были перенесены в Константинополь при императоре Иустине Младшем (565–578 гг.) и положены там при Халкопратийском храме в приделе св. Иакова, брата Господня, построенном этим императором. Гроб святого Симеона Богоприимца видел здесь и наш русский паломник XII века архиепископ Новгородский Антоний.

¹¹²⁸

О святом Симеоне, принявшем на руки свои принесенного в храм Младенца Иисуса и благословившем Марию Богородицу и Иосифа, многие думают, что он был священником при храме Иерусалимском, как и Захария, ранее принимавший вводимую в храм младенца Марию, имевшую быть Матерью Иисуса. Так говорят об этом: святой Афанасий Великий – в книге об общем естестве Отца и Сына; святой Кирилл Иерусалимский – в слове о Сретении Господнем; святой Епифаний – в учении об отцах Ветхого Завета, и другие. Евангелие не говорит, к какому званию принадлежал праведный Симеон, но в песнопениях св. Церкви он называется «священником», «святителем», «священнодетелем», «приносившим законные жертвы» и «очищавшим кровными жертвами люди Израилевы». Сами действия св. Симеона при Сретении Господа ( Лк 2:23–37 ) также показывают, что он был священником.

Источник: Жития святых на русском языке, изложенные по руководству Четьих-Миней святого Димитрия Ростовского / 12 книг. – Москва : «Ковчег», 2010

Молитвы праведному Симеону Богоприимцу

Тропарь, глас 4*

Симео́н ста́рец дне́сь весели́тся,/ восприя́т на руку́ свою́ Младе́нца Преве́чнаго Бо́га,/ от уз пло́ти разреши́тися прося́/ и вопия́:/ ви́деста о́чи мои́// спасе́ние Твое́ ми́рови.

Перевод: Симеон старец сегодня радуется, взяв на руки свои Младенца Превечного Бога, прося разрешиться от уз плоти и взывая: «Видели очи мои спасение Твое миру».

Кондак, глас 4^*

Ста́рец днесь отреши́тися от юз, моля́шеся,/ се́го жития́ тле́ннаго,/ Христа́ восприя́т на ру́ки,// Зижди́теля и Го́спода.

Перевод: Старец сегодня, молясь разрешиться от уз этой тленной жизни, Христа берет на руки, Создателя и Господа.

Молитва 1‑я

О вели́кий уго́дниче Бо́жий и Богоприи́мче Симео́не! Предстоя́ Престо́лу вели́каго Царя́ и Бо́га на́шего Иису́са Христа́, ве́лие дерзнове́ние и́маши к Нему́, на объя́тиих твои́х на́шего ра́ди спасе́ния носи́тися изво́лившему. К тебе́ у́бо, я́ко многомо́щному предста́телю и кре́пкому о нас моли́твеннику, прибега́ем мы, гре́шнии и недосто́йнии. Моли́ бла́гость Его́, я́ко да отврати́т от нас гнев Свой, пра́ведно по дело́м на́шим на ны дви́жимый, и презре́в безчи́сленная прегреше́ния на́ша, обрати́т нас на путь покая́ния и на стези́ за́поведей Свои́х утверди́т нас. Огради́ моли́твами твои́ми в ми́ре жизнь на́шу, и во всем благо́м благо́е поспеше́ние испроси́, вся к животу́ и благоче́стию потре́бная нам да́руя. И я́коже дре́вле Вели́кий Новгра́д явле́нием чудотво́рныя ико́ны твоея́ от губи́тельства сме́ртнаго изба́вил еси́, та́ко и ны́не нас и вся гра́ды и ве́си страны́ на́шея от вся́ких напа́стей, и бед, и внеза́пныя сме́рти предста́тельством твои́м изба́ви, и от всех враг ви́димых и неви́димых покро́вом твои́м защити́, и всей держа́ве Росси́йстей бу́ди опло́т тверд и укрепле́н, я́ко да ти́хое и безмо́лвное житие́ поживе́м во вся́ком благоче́стии и чистоте́, и та́ко в ми́ре вре́менное сие́ житие́ преше́дше, в ве́чный дости́гнем поко́й, иде́же сподо́бимся Небе́снаго Ца́рствия Христа́ Бо́га на́шего, Ему́же вся́кая сла́ва подоба́ет, со Отце́м и Пресвяты́м Его́ Ду́хом, ны́не и при́сно, и во ве́ки веко́в. Ами́нь.

Молитва 2‑я

О, вели́кий уго́дниче Бо́жий и Богоприи́мче Симео́не! При́зри на мя гре́шнаго, ко святе́й ико́не твое́й припа́дающа и прося́ща твоего́ заступле́ния и по́мощи: скорбь бо обдержи́т мя от обстоя́щих мя ны́не бед и зол, и утеше́ния не и́мам многоболе́зненней души́ мое́й. Иска́х по́мощи от челове́к, и не обре́теся. Возопия́х ко Го́споду, и не услы́ша мя, аз прогне́вах пречи́стую бла́гость Его́ беззако́ньми мои́ми, и мно́жеством мно́гих грехо́в мои́х преогорчи́х человеколю́бную утро́бу Его́. И кто ми ны́не по́мощь яви́т; кто ми скорбь утоли́т; кто даст отра́ду и успокое́ние многомяте́жней душе́ мое́й? К тебе́, вели́кий уго́дниче Бо́жий, прибега́ю гре́шный и недосто́йный аз, ве́дый, я́ко ве́лие дерзнове́ние и́маши ко Христу́ Бо́гу и многомо́щен предста́тель еси́ о всех, с ве́рою к тебе́ прибега́ющих, и твоего́ заступле́ния и по́мощи тре́бующих. Моли́ у́бо Человеколю́бца Го́спода, я́ко да прости́в ми безчи́сленная моя́ прегреше́ния, не отврати́т ми́лость Свою́ от мене́, но я́ко благ и сострада́телен, яви́т и мне безконе́чное Свое́ милосе́рдие, и в лю́тем напа́стей и бед мои́х озлобле́нии пода́ст ми всеси́льную по́мощь Свою́, и преогорче́нной душе́ мое́й осла́бу, мир, укрепле́ние, утеше́ние и успокое́ние да́рует. Ей, вели́кий уго́дниче Бо́жий, вознеси́ Богоно́сныя ру́це твоя́ ко и́же во объя́тиих твои́х носи́тися изво́лившему Христу́ Бо́гу на́шему и моли́ бла́гость Его́, да не отри́нет моле́ния се́рдца моего́ недосто́инства ра́ди моего́, но яви́т мне благовре́менне ми́лость Свою́, во сла́ву безконе́чных щедро́т Свои́х и многомо́щнаго предста́тельства твоего́, о не́мже подоба́ет Ему́ вся́кая сла́ва и благодаре́ние ку́пно со Отце́м и Пресвяты́м Его́ Ду́хом ны́не и при́сно и во ве́ки веко́в. Ами́нь.

* Минея. 3‑е февраля.

Акафист праведному Симеону Богоприимцу

Кондак 1

Избра́нный в благове́стника явле́ния Христо́ва в челове́цех, святы́й пра́ведный ста́рче Симео́не, похва́льная пе́ния прино́сим ти, Богоприи́мче, ты же, я́ко име́яй дерзнове́ние ко Го́споду, Его́же во объя́тиях Твои́х носи́л еси́, моли́ спасти́ся нам, любо́вию зову́щим:

Ра́дуйся, Симео́не, ста́рче пра́ведный, Богоприи́мче преблаже́нный.

Икос 1

А́нгел Госпо́день по́слан бысть изве́ствовати ста́рцу Симео́ну, я́ко вои́стину от Де́вы роди́тися и́мать обетова́нный Спас ми́ру Христо́с. Егда́ бо той, чту́щу ему́ кни́гу проро́ка Иса́ии, дости́же ме́ста, иде́же бе напи́сано: «Се Де́ва во чре́ве прии́мет и роди́т Сы́на Емману́ила», и недоумева́яй о рече́нных, помышля́ше в себе́, ка́ко мо́гут сия́ бы́ти, тогда́ яви́ся ему́ А́нгел и возвести́, я́ко не и́мать ви́дети сме́рти, до́ндеже ви́дит ро́ждшагося от Де́вы Христа́ Госпо́дня. Таково́му ди́вному о нем промышле́нию Бо́жию чудя́щеся, воззове́м к нему́ такова́я:

Ра́дуйся, с седи́нами ста́рческими и му́дрость и́стинную стяжа́вый; ра́дуйся, Ду́хом Бо́жиим, я́ко муж пра́веден и благочести́в свиде́тельствованный.

Ра́дуйся, во всех оправда́ниих Госпо́дних непоро́чно и непреткнове́нно ходи́вый; ра́дуйся, всем житие́м твои́м Го́сподеви угоди́вый.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 2

Ви́дя ста́рец, я́ко умножа́ющимся ле́том живота́, умножа́ются ему́ труд и боле́знь, зело́ скорбя́ше душе́ю, я́ко продолжи́ся вре́мя прише́льствия его́, на земли́ те́мже жела́ние имы́й разреши́тися и ко отце́м преити́, сле́зне прося́ще отпуще́ния себе́, зовы́й Бо́гу: Аллилу́иа.

Икос 2

Ра́зум недоразуме́нный возвеще́нных от А́нгела разуме́ти, ста́рец ища́, недоумева́ше, в себе́ глаго́ля: что сие́ есть стра́нное и неудо́бь сказа́емое та́инство, я́ко Де́ва во чре́ве зачне́т и роди́т Сы́на? Еда́ Де́ва чи́ста, я́ко му́жа не зна́ет, роди́ти мо́жет, и Кто бу́дет Сей, И́же и́мать роди́тися без му́жа, Сын Де́вы? Па́че же и па́че испыту́я писа́нии, уразуме́ от них ве́лию сию́ благоче́стия та́йну, я́ко подоба́ет Бо́гу яви́тися во пло́ти, да спасе́т челове́ка Бо́гом же и челове́ком. Те́мже мы, ди́вному прему́дрости Бо́жия сове́ту чудя́щеся воспои́м блаже́ннаго сотаи́нника прему́дрости, зову́ще к нему́ такова́я:

Ра́дуйся, я́ко святою жи́знию се́рдце твое́ очи́стил еси́; ра́дуйся, я́ко чистото́ю се́рдца пла́менную любо́вь к Бо́гу стяжа́л еси́.

Ра́дуйся, я́ко любо́вию к Бо́гу ум твой чист сотвори́л еси́; ра́дуйся, я́ко чистото́ю ума́ ра́зум Боже́ственных писа́ний уясни́л еси́ себе́.

Ра́дуйся, я́ко разуме́нием писа́ний к ве́ре во Христа́ приведе́н был еси́; ра́дуйся, я́ко ве́рою и упова́нием к ча́янию уте́хи Изра́илевой наста́влен был еси́.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 3

Си́ла Ду́ха Бо́жия воздви́же во он день ста́рца приити́ в це́рковь, и егда́ введо́ста роди́теля Отроча́ Иису́са, сотвори́ти и́ма по обы́чаю зако́нному о Нем, и той, узре́в Отроча́, а́бие уразуме́ Ду́хом, я́ко Сей есть обетова́нный Спас ми́ру Христо́с, и ра́дуяся возопи́ Бо́гу: Аллилу́иа.

Икос 3

Име́я ум зряй к Бо́гу и быв в Ду́се, прия́т тогда́ ста́рец Симео́н Младе́нца Иису́са на руку́ свое́ю и благослови́ Бо́га, и рече́ к Мари́и, Матери Его́: «Се лежи́т Сей на паде́ние и на воста́ние мно́гим во Изра́или и в зна́мение пререка́емо, я́ко да откры́ются от мно́гих серде́ц помышле́ния их». Таково́му у́бо прозре́нию свята́го дивя́щеся, ублажи́м Богоприи́мца пе́нии си́ми:

Ра́дуйся, Богове́дче прозорли́вый, Христа́ Госпо́дня, во о́бразе младе́нца четыредесятодне́вна я́вльшася, Ду́хом Бо́жиим а́бие позна́вый; ра́дуйся, Богопропове́дниче святы́й, Бо́га Того́ во пло́ти прише́дша, во спасе́ние ми́ру велегла́сно пропове́давый.

Ра́дуйся, Боголю́бче благочести́вый, прише́ствием ча́янныя тобо́ю уте́хи Изра́илевой несказа́нно обра́дованный; ра́дуйся, Богови́дче преблаже́нный, Бо́га во пло́ти я́вльшася, не у́мными то́чию, но и теле́сныма очи́ма узре́вый.

Ра́дуйся, Богоприи́мче пра́ведный, всю тварь Содержа́щаго дла́нию, ста́рческими твои́ми дла́ньми восприя́вый; ра́дуйся, Богоно́сче и́стинный, Бо́га, Его́же не́бо и земля́ носи́ти не мо́гут, во объя́тиих твои́х теле́сне носи́вый.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 4

Бу́ря внутрь помышле́ний трево́жных вни́де в ду́шу Святы́я Богоотрокови́цы, егда́ благослови́в Ю Симео́н, приложи́ глаго́лати к Ней: «И Тебе́ же само́й про́йдет ду́шу ору́жие». Е́же слы́шавше Свята́я Де́во, пе́рвее у́бо смути́ся о словеси́ сем, та́же, я́ко раба́ Госпо́дня су́щи, предаде́ Себе́ в во́лю Госпо́дню, зову́щи Ему́: Аллилу́иа.

Икос 4

Слы́шаще Ио́сиф и Пречи́стая Ма́терь и Де́ва ди́вная прорече́ния прозорли́ваго ста́рца об Отроча́те, чудя́хуся о глаго́ланных о Нем. Ма́ти же Его́ соблюда́ша вся глаго́лы сия́, слага́ющи в се́рдцы свое́м. Те́мже и мы, проро́ческим ди́внаго ста́рца глаго́лом чудя́щеся, воззове́м те́пле ему́ такова́я:

Ра́дуйся, проро́че Бо́жий, проро́ческаго да́ра бога́тно испо́лненный; ра́дуйся, дре́вних проро́ков удобре́ние и но́вых прови́дцев похвало́.

Ра́дуйся, я́ко страж ве́рен, посреде́ двою́ Заве́тов, Ве́тхаго же и Но́ваго, на боже́ственной стра́жи поста́вленный; ра́дуйся, отсю́ду мимоше́дшая и гряду́щая ми́ра и ро́да челове́ческаго еди́ным зре́нием о́ка согляда́вый.

Ра́дуйся, я́ко страж ве́рен, неусы́пне бдяй и стреги́й, прише́дшу Домовлады́це Христу́, а́бие во сре́тение исше́дый; ра́дуйся, стра́сти Христо́вы еще́ Младе́нцу су́щу Ему́ предуве́девый, и боле́знь и тугу́ серде́чную Матери Его́ предсказа́вый.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 5

Боготе́чную звезду́, предте́чу Боже́ственнаго све́та зрим тя, Богоприи́мче преблаже́нный. Сей бо, Его́же свет язы́ком бы́ти возвести́л еси́, возсия́ у́бо просвеще́ние и́стины во всех язы́цех, от ни́хже и мы, све́том Его́ просвеще́ннии, благода́рне пе́ти навыко́хом Бо́гу: Аллилу́иа.

Икос 5

«Ви́десте о́чи мои́ спасе́ние Твое́, Влады́ко, е́же угото́вал еси́ пред лице́м всех люде́й, свет во открове́ние язы́ком и сла́ву люде́й Твои́х, Изра́иля», возопи́л еси́, блаже́нне Симео́не, прие́мь на руку́ твое́ю младе́нца Иису́са, Ему́же мы ны́не, со стра́хом и любо́вию покланя́ющеся, воспева́ем ти, я́ко Богоприи́мцу и проро́ку, пе́ния такова́я:

Ра́дуйся, всему́ ми́ру, иуде́ем же и е́ллином, спасе́ние во Христе́ угото́ванное, пропове́давый; ра́дуйся, лю́дем во тме и се́ни сме́ртней сидя́щим, све́ту возсия́ти им предвозвести́вый.

Ра́дуйся, высокоме́рие иуде́ев, мни́вших, я́ко тех то́чию есть Ца́рствие Бо́жие, уничижи́вый; ра́дуйся, и язы́ком спасе́ние во Христе́ Иису́се благовести́вый.

Ра́дуйся, неве́рие ожесточе́нных иуде́ев предуве́девый; ра́дуйся, спасе́ние ве́рою во Христа́ избра́нных от иуде́ев же и язы́к предуказа́вый.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 6

Пропове́дник Богоно́сный прише́ствия Христо́ва, всем ча́ющим избавле́ния во Изра́или был еси́, Богоно́се Симео́не. Отто́ле бо нача́ша лю́дие Бо́жии ве́ровати, я́ко прибли́зися к ним Ца́рствие Бо́жие, ве́ровавше же поя́ху Бо́гу: Аллилу́иа.

Икос 6

Возсия́ Иерусали́му и всей земли́ иуде́йстей просвеще́ние и́стины све́том благове́стия твоего́, пра́ведный ста́рче; се бо и пра́ведная А́нна проро́чица ви́дящи на руку́ твое́ю Младе́нца Боголе́пна, и та разуме́в Ду́хом, я́ко Сей есть прише́дый изба́вити Изра́иля, приступи́ в той час и испове́дашеся Го́сподеви и глаго́лаше о Нем всем ча́ющим избавле́ния во Иерусали́ме. Присту́пим у́бо и мы очище́нным се́рдцем и у́мныма очи́ма, Богомладе́нца на руку́ ста́рчу держи́ма зря́ще, воспои́м сему́ такова́я:

Ра́дуйся, я́ко пе́рвый сре́тил еси́ обетова́ннаго Царя́ Изра́илева, испе́рва прише́дша во град Свой и в дом Отца́ Своего́; ра́дуйся, я́ко сла́ву но́ваго Хра́ма па́че сла́вы дре́вняго пе́рвый узре́л еси́.

Ра́дуйся, я́ко всем ча́явшим избавле́ния, ча́янную и́ми уте́ху Изра́илеву я́ве указа́л еси́; ра́дуйся, я́ко возсия́ти звезде́ от Иа́кова и воста́ти челове́ку от Изра́иля, я́коже прорече́ Валаа́м, лю́дем твои́м благовести́л еси́.

Ра́дуйся, я́ко благове́стием твои́м сердца́ упова́вших возвесели́л еси́, малоду́шныя же и уныва́ющия укрепи́л и уте́шил еси́; ра́дуйся, я́ко свиде́тельством твои́м о Христе́ и нас в ве́ре и упова́нии утвержда́еши.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 7

Хотя́щу Симео́ну от ны́нешняго ве́ка преста́витися преле́стнаго, вда́лся еси́ я́ко младе́нец тому́, Влады́ко Го́споди, но позна́лся еси́ ему́ и Бог соверше́нный: те́мже удиви́ся ста́рец неизрече́нному Твоему́ снисхожде́нию и ра́дуяся возопи́: Аллилу́иа.

Икос 7

Ди́вны де́ла Твоя́, Го́споди, вопия́ше ве́тхий де́нми ста́рец, ко И́же от него́ держи́мому Спа́су ми́ра. А́ще и мню́ся держа́ти Тя я́ко младе́нца, оба́че не аз держу́ Тебе́, но Ты де́ржиши мя, я́ко Бог и Созда́тель вся́ческих, и я́ко Влады́ка живота́ и сме́рти, де́ржиши мя и в животе́ сем, ве́тха су́ща ста́рца. Отпусти́ у́бо мя ны́не, по глаго́лу Твоему́ с ми́ром, я́ко ви́десте о́чи мои́ спасе́ние Твое́. Те́мже ми́рное от земны́х отше́ствие свята́го ста́рца сла́вяще, воззове́м к нему́ такова́я:

Ра́дуйся, я́ко клас зре́лый пшени́чный на зе́млю, та́ко ти́хо ста́рческую главу́ твою́ на ло́же сме́рти склони́вый; ра́дуйся, я́ко пу́тник да́льним стра́нствием утомле́нный, ми́рно сном сме́рти почи́вый.

Ра́дуйся, многоле́тнее тече́ние твое́ до́бре в ве́ре и благоче́стии сконча́вый; ра́дуйся, от вре́меннаго сего́ жития́ в ми́ре глубо́це к ве́чному поко́ю преста́вивыйся.

Ра́дуйся, с наде́ждою ско́раго избавле́ния от держа́вы сме́ртныя ко отце́м твои́м пресели́выйся; ра́дуйся, во упова́нии жи́зни ве́чныя дух твой ра́достно Го́сподеви преда́вый.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 8

Стра́нно Бо́га преве́чна, я́ко младе́нца четыредесятодне́вна, на руку́ ста́рчу держи́ма зря́ще, удиви́мся неизрече́нному Того́ нас ра́ди истоща́нию и ум на небеса́ возне́сши, благода́рне воззове́м к Нему́: Аллилу́иа.

Икос 8

Весь еси́ жела́ние и жела́ний кра́ю сладча́йший Иису́се, взыва́ше пра́ведный Симео́н ко И́же во объя́тиях его́ носи́му Изба́вителю ми́ра. Оба́че, узре́в Тя ны́не Бо́га преве́чна, что восхощу́ про́чее ви́дети на земли́: «Отпусти́ у́бо мя ны́не, раба́ Твоего́, Влады́ко, да шед возвещу́ прише́ствие Твое́ во а́де держи́мым у́зником, с ве́рою Тебе́ ожида́ющим, я́ко да и аз ку́пно с ни́ми изведе́н бу́ду во оби́тели Ца́рствия Твоего́, иде́же ви́жду сла́ву Твою́». Те́мже, блаже́нное преставле́ние свята́го ста́рца помина́юще, просла́вим его́ се́рдцем и усты́ возноси́мыми пе́нии си́ми:

Ра́дуйся, благи́й ве́стниче Христо́в и во а́де от ве́ка содержи́мым у́зником прише́ствие Его́ благовести́вый; ра́дуйся, наде́ждою ско́раго избавле́ния ду́ши прароди́телей и пра́отцев возвесели́вый.

Ра́дуйся, ку́пно с ни́ми Христо́м воскре́сшим, победи́телем сме́рти и а́да, из оби́телей мра́ка изведе́нный; ра́дуйся, с со́нмом избра́нных Бо́жиих, в рай сла́дости во оби́телех небе́сных водворе́нный.

Ра́дуйся, к со́нму святы́х царе́й, проро́ков и первосвяще́нников ветхозаве́тных сопричте́нный; ра́дуйся, к блаже́нству святы́х небе́сных сил безпло́тных приобще́нный.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 9

Вся́кое коле́но небе́сных и земны́х и преиспо́дних покло́нится о и́мени Иису́сове, и всяк язы́к испове́сть, я́ко Госпо́дь Иису́с Христо́с в сла́ву Бо́га Отца́. Весели́ся у́бо и ра́дуйся, ста́рче пра́ведный, я́ко Сей есть, Его́же я́ко Младе́нца ума́лена на руку́ твое́ю прия́л еси́, и Ему́же ны́не, я́ко Бо́гу с ли́ки безпло́тных сил на небеси́ зове́ши: Аллилу́иа.

Икос 9

Вити́и многовеща́ннии недоуме́ют изрещи́ ве́лию сла́ву твою́, святы́й Богоприи́мче Симео́не, е́юже просла́ви тя Христо́с Бог во Ца́рствии сла́вы Его́. Предстоя́ бо близ Престо́ла Святы́я Тро́ицы ку́пно с Пречи́стою Богоро́дицею и Предте́чею Иоа́нном, со дерзновением мо́лишися о всех с ве́рою к тебе́ притека́ющих и прося́щих твоего́ заступле́ния и по́мощи; сего́ ра́ди, сла́вяще ди́вное прославле́ние твое́ на небеси́ и на земли́, вопие́м тебе́ такова́я:

Ра́дуйся, я́ко ку́пно со святы́м Предте́чею в неизрече́нной сла́ве близ предстои́ши Престо́лу Святы́я Тро́ицы; ра́дуйся, Его́же на земли́ Младе́нца ви́дел еси́, Сего́ на небеси́ ны́не со все́ми святы́ми зря, ра́дуешися.

Ра́дуйся, я́ко со Христо́м, Его́же во объя́тиих твои́х носи́л еси́, ны́не на небеси́ в ве́чней сла́ве Его́ ца́рствуеши; ра́дуйся, я́ко с ли́ки А́нгелов на небеси́, трисвято́ю пе́снию Его́ воспева́еши.

Ра́дуйся, я́ко ве́лие дерзнове́ние и́маши ко Го́споду, Его́же Младе́нца на руку́ твое́ю прие́мь, Бо́га испове́дал еси́; ра́дуйся, я́ко весь мир христиа́нский вели́каго предстателя и хода́тая тя стяжа́.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 10

Спасти́ хотя́й от заточе́ния и уз праведнаго Петра́ Афо́нскаго, я́ве предста́ ему́ Богопри́имец в темни́це, со святи́телем Христо́вым Никола́ем, ди́вен виде́нием, че́стен о́бразом, в ветхозаве́тнаго свяще́нства ефо́д облече́н, в руце́ же жезл златы́й име́яй. Те́мже удиви́ся преподо́бный чу́дному виде́нию сему́, изведе́н же быв из темни́цы, ра́дуяся возопи́ Бо́гу: Аллилу́иа.

Икос 10

Царь преве́чный, ди́внаго отсю́ду хода́тая и кре́пкаго засту́пника показа́ нам тебе́, вели́кий уго́дниче Бо́жий Симео́не. Сам бо святи́тель Христо́в Никола́й, хотя́й спасти́ преподо́бнаго, наста́ви его́ приле́жно вопи́ти к тебе́ о заступле́нии и по́мощи, многомо́щен бо еси́, глаго́лаше, у Бо́га и ве́лие дерзнове́ние и́маши к Нему́. Я́коже у́бо преподо́бнаго Петра́ Афо́нскаго предста́в, спасл еси́, свобо́ду и избавле́ние от уз ему́ дарова́в, та́ко и нас в беда́х и обстоя́ниих су́щих не укосни́ спаса́ти предста́тельством твои́м, да зове́м ти:

Ра́дуйся, те́плый моли́твенниче о всех, с ве́рою тебе́ призыва́ющих; ра́дуйся, ско́рый помо́щниче всех к твоему́ заступлению прибега́ющих.

Ра́дуйся, я́ко вели́кий во иера́рсех святи́тель Христо́в Никола́й, многомо́щнейша ко Христу́ Бо́гу предстателя тя указа́; ра́дуйся, я́ко я́влься со святи́телем Никола́ем преподо́бному Петру́ Афо́нскому, чуде́сне того́ от уз и темни́цы свободи́л еси́.

Ра́дуйся, я́ко сим его́ на стезю́ и́ноческаго жития́ наста́вил еси́; ра́дуйся, я́ко сим и нас в ну́ждах на́ших прибега́ти к твоему́ заступлению научи́л еси́.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 11

Пе́ние умиле́нное прино́сит ти весь мир христиа́нский, святы́й уго́дниче Бо́жий Симео́не, вели́кий же Но́вград сла́вит тя, я́ко милостиваго изба́вителя своего́ от боле́зни и губи́тельства сме́ртнаго. Егда́ бо пра́ведный гнев Бо́жий пости́же отцы́ на́ша и боле́знь сме́ртная нападе́ на ня, благоволи́л Бог яви́ти лю́дем Свои́м цельбоно́сную ико́ну твою́, я́же и до днесь во оби́тели и́ночестей све́тло сия́ет, благода́ть подаю́щи исцеле́ний всем с ве́рою к тебе́ прибега́ющим, Бо́гу же зову́щим: Аллилу́иа.

Икос 11

Светоза́рная свеща́ бы́вшим во тьме искуше́ний и бед отце́м на́шим яви́ся чудотво́рная ико́на свята́го Богоприи́мца Симео́на, па́че ча́яния наде́ждою спасе́ния веселя́щи сердца́ их. Хотя́ бо спасти́ град от губи́тельства сме́ртнаго, преди́вно яви́ся святы́й архиепи́скопу Новгоро́дскому Ио́не, и повеле́ храм обы́денный созда́ти во и́мя его́, и ту святу́ю ико́ну его́ поста́вити, да источа́ет исцеле́ния лю́дем, в покая́нии с ве́рою к ней прибега́ющим. Сего́ ра́ди пра́ведно слы́шит от нас святы́й чудотво́рец благода́рственная пе́ния такова́я:

Ра́дуйся, гра́да на́шего стено́ и утвержде́ние; ра́дуйся, от смертоно́сныя я́звы и губи́тельных боле́зней благонаде́жное огражде́ние.

Ра́дуйся, от напа́стей и бед ско́рое избавле́ние; ра́дуйся, от враг ви́димых и неви́димых мо́щное защи́щение.

Ра́дуйся, во всех благи́х кре́пкое вспоможе́ние; ра́дуйся, о гресе́х на́ших те́плое умилостивле́ние.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 12

Благода́ть неоску́дных исцеле́ний и исто́чник неизсяка́емых духо́вных даро́в и во гряду́щая лю́дем оста́вити восхоте́в, человеколю́бец Госпо́дь дарова́ нам пречи́стую ико́ну твою́, святы́й Богоприи́мче Симео́не, от нея́же а́ки от Богоно́сных твои́х рук, держа́щих пода́теля всех благ Бо́га, мы ны́не разли́чная дарова́ния прие́млем, благода́рне зову́ще Ему́: Аллилу́иа.

Икос 12

Пою́ще сла́вим многомо́щное предста́тельство твое́ и кре́пкое заступле́ние о нас гре́шных, святы́й Богоприи́мче Симео́не. Вои́стину бо стена́ неруши́ма и покро́в держа́вен еси́ гра́ду и оби́тели, в нейже от лет дре́вних, я́ко звезда́ светоза́рная, возсия́ нам чудотво́рная ико́на твоя́, к нейже мы ны́не припа́дающе и те́пле моля́щеся, тебе́ со слеза́ми взыва́ем си́це:

Ра́дуйся, я́ко оби́тель, тобо́ю храни́ма, я́ко многоце́нное сокро́вище иму́ще честну́ю ико́ну твою́, благода́рне о ней утеша́ется и ра́дуется; ра́дуйся, я́ко хотя́щии благоче́стно жи́ти в ней от искуше́ний ми́ра, пло́ти и диа́вола покро́вом твои́м огражда́еши.

Ра́дуйся, я́ко до́бре тружда́ющимся помо́щник кре́пок явля́ешися; ра́дуйся, я́ко скорбя́щим утеше́ние, боля́щим исцеле́ние, малоду́шествующим успокое́ние моли́твами твои́ми подае́ши.

Ра́дуйся, я́ко всяк в нужде́ ко святе́й иконе твое́й прибега́яй, ско́рое утеше́ние и благовре́менную по́мощь прие́млет; ра́дуйся, Богодарова́нное нам прибе́жище, наде́ждо, покро́в и заступле́ние на́ше.

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 13

О, вели́кий уго́дниче Бо́жий и Богоприи́мче Симео́не! Приими́ ны́не ма́лое сие́, оба́че от чи́стаго се́рдца приноси́мое тебе́ моле́ние на́ше, и, я́ко многомо́щный предста́тель ко Христу́ Бо́гу, испроси́ нам оставле́ние грехо́в и ми́рную кончи́ну живота́ на́шего, и ве́чныя моли́твами твои́ми изба́ви нас му́ки, о тебе́ вопию́щих Бо́гу: Аллилу́иа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

Ра́дуйся, Симео́не, ста́рче пра́ведный, Богоприи́мче преблаже́нне.

Кондак 1

Ра́дуйся, Симео́не, ста́рче пра́ведный, Богоприи́мче преблаже́нный.

Моли́тва 1‑я

О, вели́кий уго́дниче Бо́жий и Богоприи́мче Симео́не! При́зри на мя гре́шнаго, ко святе́й иконе твое́й припа́дающа и прося́ща твоего́ заступле́ния и по́мощи: скорбь бо обдержи́т мя от обстоя́щих мя ны́не бед и зол, и утеше́ния не и́мам многоболе́зненней души́ мое́й. Иска́х по́мощи от челове́к, и не обре́теся. Возопия́х ко Го́споду, и не услы́ша мя, аз прогне́вах пречи́стую бла́гость Его́ беззако́ньми мои́ми, и мно́жеством мно́гих грехо́в мои́х преогорчи́х человеколю́бную утро́бу Его́. И кто ми ны́не по́мощь яви́т; кто ми скорбь утоли́т; кто даст отра́ду и успокое́ние многомяте́жней душе́ мое́й? К тебе́, вели́кий уго́дниче Бо́жий, прибега́ю гре́шный и недосто́йный аз, ве́дый, я́ко ве́лие дерзнове́ние и́маши ко Христу́ Бо́гу и многомо́щен предста́тель еси́ о всех, с ве́рою к тебе́ прибега́ющих, и твоего́ заступле́ния и по́мощи тре́бующих. Моли́ у́бо Человеколю́бца Го́спода, я́ко да прости́в ми безчи́сленная моя́ прегреше́ния, не отврати́т ми́лость Свою́ от мене́, но я́ко благ и сострада́телен, яви́т и мне безконе́чное Свое́ милосе́рдие, и в лю́тем напа́стей и бед мои́х озлобле́нии пода́ст ми всеси́льную по́мощь Свою́, и преогорче́нной душе́ мое́й осла́бу, мир, укрепле́ние, утеше́ние и успокое́ние да́рует. Ей, вели́кий уго́дниче Бо́жий, вознеси́ Богоно́сныя ру́це твоя́ ко И́же во объя́тиих твои́х носи́тися изво́лившему Христу́ Бо́гу на́шему и моли́ бла́гость Его́, да не отри́нет моле́ния се́рдца моего́ недосто́инства ра́ди моего́, но яви́т мне благовременне ми́лость Свою́, во сла́ву безконе́чных щедро́т Свои́х и многомо́щнаго предста́тельства твоего́, о не́мже подоба́ет Ему́ всякая сла́ва и благодаре́ние ку́пно со Отце́м и Пресвятым Его́ Ду́хом ны́не и при́сно и во ве́ки веко́в. Ами́нь.

Моли́тва 2‑я

О, вели́кий уго́дниче Бо́жий Богоприи́мче Симео́не! Предстоя́ Престо́лу Вели́каго Царя́ и Бо́га на́шего Иису́са Христа́, ве́лие дерзнове́ние и́маши к Нему́, во объя́тиих твои́х на́шего ра́ди спасе́ния носи́тися изво́лившему. К тебе́ у́бо, я́ко многомо́щному предста́телю и кре́пкому о нас моли́твеннику, прибега́ем мы, гре́шнии и недосто́йнии. Моли́ Бла́гость Его́, я́ко да отврати́т от нас гнев Свой, пра́ведно по дело́м на́шим на ны дви́жимый, и, презре́в безчи́сленная прегреше́ния на́ша, обрати́т нас на путь покая́ния и на стезе́ за́поведей Свои́х утверди́т нас. Огради́ моли́твами твои́ми в ми́ре живо́т наш, и во всем благо́м благо́е поспеше́ние испроси́, вся я́же к животу́ и благоче́стию потре́бная нам да́руя. Я́коже дре́вле Вели́кий Но́вград явле́нием чудотво́рныя ико́ны твоея́ от губи́тельства сме́ртнаго изба́вил еси́, та́ко и ны́не нас и вся гра́ды и ве́си страны́ на́шея от вся́ких напа́стей и бед и напра́сныя сме́рти предста́тельством твои́м изба́ви, и от всех враг ви́димых и неви́димых покро́вом твои́м защити́. Я́ко да ти́хое и безмо́лвное житие́ поживем во вся́ком благоче́стии и чистоте́ и, та́ко в ми́ре вре́менное сие́ житие́ преше́дше, в ве́чный дости́гнем поко́й, иде́же сподо́бимся Небе́снаго Ца́рствия Христа́ Бо́га на́шего. Ему́ же всякая сла́ва подоба́ет со Отце́м и Пресвятым Его́ Ду́хом, ны́не и при́сно и во ве́ки веко́в. Ами́нь.

Тропарь Симеону Богоприимцу, праведному

глас 4

Симео́н ста́рец днесь весели́тся,/ восприя́т на руку́ свою́ Младе́нца Преве́чнаго Бо́га,/ от уз пло́ти разреши́тися прося́/ и вопия́:/ ви́деста о́чи мои́// спасе́ние Твое́ ми́рови.

Вернуться к списку