Ювелирные изделия

смотреть

Отзывы

13.06.2024 Евангелие в Республике Крым

07.06.2024 Отзывы от покупателей

05.06.2024 Пасхальный фонарь и семисвечник в Рязанской области

04.06.2024 Церковная мебель в Республике Коми

29.05.2024 Песковой напольный подсвечник в Пермской области

Главная страница
Православные справочники
Святые
Преподобная Марфа Дивеевская (Милюкова)

Преподобная Марфа Дивеевская (Милюкова)

Дни памяти:

3 сентября

Молитвы

Акафисты

Житие:

Преподобная мать наша Марфа (в миру Мария Семеновна Милюкова) родилась в 1810 году 10/23 февраля, в семье крестьян Нижегородской губернии Ардатовского уезда, деревни Погиблово (ныне Малиновка). Семейство Милюковых, праведной и богоугодной жизни, было близко к старцу Серафиму Саровскому . Помимо Марии, в нем было еще двое старших детей – сестра Прасковья Семеновна и брат Иван Семенович.

Эта деревня вместе с прилегающими к ней были удельными – принадлежали не барину-помещику, а казне. Земля им была нарезана отдельно, но была неплодородной, так как черноземные участки захватили соседи-помещики. Крестьяне жили очень бедно, с детства приходилось много работать и в поле, и ухаживать за скотиной.

По благословению преподобного Серафима Прасковья Семеновна поступила в общину преподобной матушки Александры, первоначальницы Дивеевской обители, и была высокой духовной жизни.

Когда Марии исполнилось 13 лет, она вместе с сестрой Прасковьей в первый раз пришла к батюшке Серафиму. Это случилось 21 ноября 1823 года, в день Введения во храм Пресвятой Богородицы. Как рассказывала Прасковья Семеновна, Мария «увязалась за нею», и так обе они пришли в Саров. Великий старец, провидя, что девочка Мария есть избранный сосуд благодати Божией, не позволил ей возвратиться домой, а приказал оставаться в общине. Таким образом, 13-летняя Мария Семеновна поступила в число избранных Серафимовых сирот, в общину матушки Александры, начальницей которой в то время была старица Ксения Михайловна Кочеулова, которую батюшка Серафим называл «огненный столп от земли до неба» и «терпуг духовный» за ее праведную жизнь. Мария же, эта необыкновенная, невиданная доселе отроковица, ни с кем не сравнимая, ангелоподобная, дитя Божие, с ранних лет начала вести подвижническую жизнь, превосходя по суровости подвига даже сестер общины, отличавшихся строгостью жизни, начиная с самой начальницы Ксении Михайловны. Непрестанная молитва была ее пищей, и только на необходимые вопросы она отвечала с небесной кротостью. Она была почти молчальница, и батюшка Серафим особенно нежно и исключительно любил ее, посвящая во все откровения свои, будущую славу обители и другие великие духовные тайны, заповедуя не говорить о том до времени, что и выполняла она свято, невзирая на просьбы и мольбы окружающих сестер и родных. Когда она возвращалась от преподобного Серафима, то вся сияла неизреченной радостью.

Вскоре после поступления Марии в общину при Казанской церкви Царица Небесная благоволила создать рядом с этой общиной новую, с которой и началось создание обетованной Царицей Небесной матушке Александре обители.

Как известно, с 1825 года к о. Серафиму начали ходить за благословением сперва сестры, а потом и сама добродетельная начальница Дивеевской общины, Ксения Михайловна, которая, конечно, глубоко уважала и высоко почитала о. Серафима, но, однако, она не согласилась изменить устав своей общины, который казался тяжелым как о. Серафиму, так и всем спасавшимся в общине сестрам. Число сестер настолько увеличилось в общине, что требовалось распространить их владения, но это было невозможно ни в ту, ни в другую сторону. Батюшка Серафим призвал к себе Ксению Михайловну и стал уговаривать ее заменить тяжелый Саровский устав более легким, но она и слышать не хотела. «Послушайся меня, радость моя!» – говорил о. Серафим. Но непоколебимая старица, наконец, ответила ему: «Нет, батюшка, пусть будет по-старому, нас уже устроил отец строитель Пахомий!» Тогда о. Серафим отпустил начальницу Дивеевской общины, успокоенный, что заповеданное ему великой старицей матерью Александрой более не лежит на его совести или же что не пришел тому еще час воли Божией. Но в этом же году, 25 ноября, в день святых угодников Божиих Климента, папы Римского , и Петра Александрийского , пробираясь, по обычаю, сквозь чащи леса по берегу реки Саровки к своей дальней пустыньке, увидел преподобный Серафим Божию Матерь и стоявших позади Нее двух апостолов: Петра и Иоанна Богослова. Царица Небесная, ударив землю жезлом так, что искипел из земли источник фонтаном светлой воды, сказала ему: «Зачем ты хочешь оставить заповедь рабы моей Агафьи – монахини Александры? Ксению с сестрами ее оставь, а заповедь сей рабы Моей не только не оставляй, но и потщись вполне исполнить ее: ибо по воле Моей она дала тебе оную. А Я укажу тебе другое место, тоже в селе Дивееве, и на нем устрой эту обетованную Мною обитель Мою. А в память обетования, данного ей Мною, возьми с места кончины ее из общины Ксении восемь сестер».

И сказала ему по именам, которых именно взять. Через две недели после этого явления Царицы Небесной, а именно 9 декабря 1825 года Мария вместе с еще одной сестрой пришла к преподобному Серафиму, и батюшка объявил им, что они должны с ним идти в ту же дальнюю пустыньку. Придя туда и зайдя в хижину, о. Серафим подал сестрам две зажженные восковые свечи из взятых с собою по его приказанию вместе с елеем и сухарями, и велел стать Марии с правой стороны Распятия, висевшего на стене, а Прасковье Степановне (так звали другую сестру) – с левой. Так они стояли более часа с зажженными свечами, а о. Серафим все время молился, стоя посередине. Помолясь, он приложился к Распятию и им велел помолиться и приложиться. Так перед началом основания новой общины преподобный совершил это таинственное моление с сестрами, которых избрала Матерь Божия на особое служение Ей и обители.

В течение четырех лет подвизалась Мария, помогая преподобному Серафиму и сестрам в устроении новой общины. Вместе с ним и другими сестрами она заготавливала столбы и лес для мельницы, которую благословила построить на месте основания новой общины Матерь Божия; носила камни для строительства церкви Рождества Пресвятой Богородицы; молола муку и выполняла другие послушания, никогда при этом не оставляя сердечной молитвы, «молча вознося свой горящий дух ко Господу».

Эта чудная отроковица была наделена от Господа весьма редким даром чистой и непрестанной молитвы. Во всем всегда она была руководствуема самим преподобным Серафимом. Как пример ее безусловного послушания, рассказывали, что раз при вопросе родной сестры ее Прасковьи Семеновны о каком-то саровском монахе, она удивленно и ребячески невинно спросила: «А какие видом-то монахи, Параша, на батюшку, что ли, похожи?» Удивленная в свою очередь вопросом сестры, Прасковья Семеновна ответила ей: «Ведь ты так часто ходишь в Саров, разве не видела, что спрашиваешь?» – «Нет, Парашенька,– сказала смиренно Мария Семеновна,– ведь я ничего не вижу и не знаю; батюшка Серафим мне приказал никогда не глядеть на них, и я так повязываю платок на глаза, чтобы только видеть у себя под ногами дорогу».

Вот какова была эта ребенок-подвижник, прожившая в обители всего шесть лет и в 19 лет от рождения мирно и тихо отошедшая ко Господу.

21 августа 1829 года Дивеевская обитель лишилась этой чудной, святой жизни отроковицы, Марии Семеновны Милюковой, схимонахини Марфы. Предузнав духом час ее кончины, преподобный Серафим вдруг заплакал и с величайшей скорбью сказал о. Павлу, своему соседу по келлии: «Павел! А ведь Мария-то отошла, и так мне ее жаль, так жаль, что, видишь, все плачу!»

Батюшка Серафим пожелал ей дать от себя гроб дубовый, круглый, выдолбленный. За ним поехала Прасковья Семеновна с еще одной дивеевской сестрой, Акулиной Васильевной. Прасковья Семеновна была сильно огорчена, и батюшка принял ее отечески, обласкал и приободрил. Затем, сложив вместе руки Прасковьи Семеновны и Акулины Васильевны, он им сказал: «Вы будете теперь родные сестры, а я ваш отец, духом вас породил! Мария же схимонахиня Марфа, я ее посхимил! У нее все есть: схима и мантия, и камилавочка моя, во всем этом ее и положите! А вы не унывайте, матушка,– произнес о. Серафим, обратясь к Прасковье Семеновне,– ее душа в Царствии Небесном и близ Святыя Троицы у Престола Божия, и весь род ваш по ней спасен будет!»

Кроме того, батюшка Серафим дал 25 рублей на расходы по похоронам и 25 рублей меди для того, чтобы оделить всех сестер и мирских, кто бы ни находился при погребении ее, по 3 коп. каждому. Дал также два полотенца за престол, колоток желтых свеч на сорокоуст, чтобы день и ночь горели бы в церкви, а ко гробу рублевую желтую свечу и на похороны белых двадцатикопеечных свеч с полпуда.

Таким образом, по благословению преподобного Серафима положили Марию Семеновну, схимонахиню Марфу, в гроб: в двух свитках (рубашках), в бумажном подряснике, подпоясанную шерстяной черной покромкой, сверх сего в черной с белыми крестами схиме и длинной мантии. На голову надели зеленую бархатную, вышитую золотом шапочку, сверх нее камилавку батюшки Серафима и, наконец, еще повязали большим драдедамовым темно-синим платком с кисточками. В руках – кожаные четочки. Все эти вещи дал ей о. Серафим из своих рук, приказав всегда в них ходить к причастию Святых Тайн, что в точности и исполнялось Мариею каждый двунадесятый праздник и все четыре поста.

Преподобный Серафим всех, кто только приходил в эти дни к нему, посылал в Дивеево на похороны Марии Семеновны. Так, ничего не знавшим о том сестрам, работавшим на Сатисе (лесная местность на берегу реки Сатис), Варваре Ильинишне с прочими, старец сказал: «Радости вы мои! Скорее, скорее грядите в Дивеев: там отошла ко Господу великая раба Божия Мария!» Сестры не могли понять, какая Мария могла скончаться, и удивились, найдя Марию Семеновну в гробу. Также Екатерину Егоровну и Анну Алексеевну, собиравших ягоды в Саровском лесу, и других он посылал скорее домой, говоря, что кто будет на погребении Марии Семеновны, тот получит отпущение грехов. Даже саровских монахов и целую толпу народа, шедшую к нему, о. Серафим посылал на погребение, приказывая мирским девицам и сестрам приодеться, расчесать волосы свои и припасть ко гробу ее!

Во время отпевания старица Прасковья Семеновна, родная сестра покойной схимонахини Марфы, явно увидела в царских дверях Царицу Небесную и Марию Семеновну, стоящих на воздухе. Придя от восторга в исступление, она громко закричала на всю церковь: «Царица, не остави нас!» Вдруг она стала юродствовать, пророчествовать, говорить окружающим необыкновенные вещи, раздавать все носимые на себе одежды, потом сразу сильно ослабела. Бесы закликали, зашумели и стали кричать.

Это происшествие сильно повлияло на собравшихся. Когда старица Акулина Васильевна после похорон поспешила к батюшке Серафиму и передала ему случившееся, то он произнес: «Это, матушка, Господь и Царица Небесная захотели прославить мать нашу Марфу и госпожу Марию. А если бы я, убогий Серафим, был бы на погребении ее, то от духа ее было бы многим исцеление!»

Затем прибыл к батюшке родной брат Марии Семеновны, Иван, который также ездил на похороны сестры, и спросил: «Выздоровеет ли заболевшая после видения Прасковья Семеновна?» Зорко осмотрев знакомого ему Ивана Семеновича, батюшка вдруг сказал: «Да разве ты брат Марии?» – «Да, батюшка», – ответил он. И еще раз вторично глядя на него, спросил батюшка: «Ты родной брат Марии?» – «Да, батюшка»,– опять ответил Иван Семенович. После этого старец долго-долго думал и, еще пристально взглянув на стоящего перед ним Ивана, вдруг сделался так радостен и светел, что от лица его как бы исходили лучи солнечные, и Иван должен был закрываться от о. Серафима, не будучи в состоянии смотреть на него. Затем батюшка воскликнул: «Вот, радость моя! Какой она милости сподобилась от Господа! В Царствии Небесном у Престола Божия, близ Царицы Небесной со святыми девами предстоит! Она за весь ваш род молитвенница! Она схимонахиня Марфа, я ее постриг. Бывая в Дивееве, никогда не проходи мимо, а припадай к могилке, говоря: «Госпоже и мати наша Марфо, помяни нас у Престола Божия во Царствии Небесном!» Преподобный Серафим так пробеседовал часа три с Иваном Семеновичем.

После этого о. Серафим вызвал к себе церковницу, сестру Ксению Васильевну Путкову (впоследствии монахиня Капитолина), которой он всегда приказывал записывать разные имена для поминовения, и сказал ей: «Вот, матушка, запиши ты ее, Марию-то, монахинею, потому что она своими делами и молитвами убогого Серафима там удостоилась схимы! Молитесь же и вы все о ней как о схимонахине Марфе!»

По свидетельству сестер и лиц, близких к Дивееву, Мария Семеновна была высокого роста и привлекательной наружности; продолговатое, белое и свежее лицо, голубые глаза, густые светло-русые брови и такие же волосы. Ее похоронили с распущенными волосами. Она покоится по левую сторону матушки Александры, первоначальницы Казанской общинки. В рассказах стариц о Марии Семеновне сохранилось немногое. Так, Мария Иларионовна (монахиня Мелитина) свидетельствует следующее: «Живя в миру и слыша от всех о батюшке Серафиме,– повествует она, – я пожелала быть в Сарове и принять его благословение. Первым делом, как пришла в Саров, пошла к батюшке в его пустыньку; он сам вышел ко мне навстречу, благословил и с улыбкой говорит: «Ты, матушка, знаешь ли Марию Семеновну?» – «Знаю,– говорю, – батюшка; она через три двора живет от нас». «Вот, матушка, – продолжал батюшка, – я тебе про нее скажу, как она ревнива была к трудам. Когда в Дивееве строили церковь во имя Рождества Пресвятой Богородицы, то девушки сами носили камушки, кто по два, кто по три, а она-то, матушка, наберет пять или шесть камешков-то и с молитвой на устах, молча, возносила свой горящий дух ко Господу! Скоро с больным животиком и преставилась Богу!»

Старшая сестра в Мельничной общине Прасковья Степановна, рассказывая, как страшно было ослушаться батюшку Серафима, вспоминала, как однажды батюшка приказал ей, чтобы она приехала с отроковицей Марией Семеновной на двух лошадях за бревнами. Они поехали прямо к батюшке в лес, где он их уже дожидался и приготовил на каждую лошадь по два тоненьких бревнышка. Думая, что все четыре бревна может свезти одна лошадь, сестры переложили дорогою эти бревнышки на одну, а на другую лошадь взвалили большое, толстое бревно. Но лишь тронулись они с места, как лошадь эта упала, захрипела, начала околевать. Сознавая себя виновными, что они поступили против благословения батюшки, они, тут же упав на колени, в слезах заочно стали просить прощения, а затем скинули толстое бревно и разложили бревнышки по-прежнему. Лошадь сама вскочила и так скоро побежала, что они едва-едва могли догнать ее.

До нас дошли через поколения дивеевских сестер слова схимонахини Марфы, записанные старицей Иустинией Ивановной (впоследствии монахиня Илария), из рукописной страницы, найденной в келии схимонахини Маргариты Лахтионовой.

«Схимонахиня Мария Семеновна вывела меня к церкви Казанской и, показывая на все это место, говорила (предвидя свою раннюю кончину) мне и другим сестрам: «Вот, помните, церковь эта будет наша и священники тут жить не будут, приходская же церковь будет выстроена на другом месте, там будут жить и священники, а тут будет, как говорит батюшка Серафим, Лавра, а где Канавка, там будет Киновия. Все это место освящено подвигами матушки Агафии Семеновны, а какой, радость моя, собор-то это будет, наподобие Иерусалимского, и в этот храм войдет и теперешняя-то церковь и останется лишь как ядрышком!» Землю с обеих сторон нашей Рождественской церкви приказывал загородить батюшка, говоря: «Тут стопочки Царицы Небесной, эта земля святая. Матерь Божия обходила Свою церковь! Не ходите по этой земле, матушка, а загородите ее, и ни даже скотинке не дозволяйте ходить тут. А травку-то полите, да и то к себе в обитель уносите с этого места, а так не кидайте, травка-то святая, тут стопочки Царицы Небесной прошли!» Вот поэтому-то и загорожено у нас это с обеих сторон Рождественской церкви место и мы все это храним всегда».

Та же старица вспоминала, что «покойную нашу Марию Семеновну, высокой жизни, особо против всех любил батюшка Серафим. Он говорил и предсказывал ей об обители многое, по большей части запрещая кому-либо рассказывать, но некоторое завещал ей помнить и передать мне, грешнице. По благословению же батюшки Серафима говорила она мне: «Батюшка Серафим сказал, что кладбищенская церковь у нас будет во имя Преображения Господня, запомни!» А я на это возразила ей, что ведь на кладбищах, кажется, всегда строятся церкви Всем святым. «Так, – ответила она,– но батюшка Серафим сказал, что престол Всех святых будет еще ранее устроен». (Впоследствии предсказание сбылось, ибо в 1847 году в церкви в честь Тихвинской иконы Божией Матери был устроен придел Всех святых, а кладбищенская церковь построилась уже после, в 1855 году, во имя Преображения Господня). А о стесненных средствах обители всегда ей говаривал батюшка: «Убогий Серафим мог бы обогатить вас, но это не полезно; я мог бы и золу превратить в злато, но не хочу; у вас многое не умножится, а малое не умалится! В последнее время будет у вас и изобилие во всем, но тогда уже будет и конец всему!»

Девятнадцатилетняя подвижница схимонахиня Марфа, преставившаяся ко Господу, была назначена, по словам преподобного Серафима, начальницей над дивеевскими сиротами в Царствии Небесном, в обители Божией Матери, о чем преподобный так сказал старице Евдокии Ефремовне: «У Господа 12-ть апостолов, у Царицы Небесной 12-ть дев, так и вас 12-ть у меня. Как Господь избрал Екатерину мученицу Себе в невесты, так и я из 12-ти дев избрал себе в невесты в будущем – Марию. И там она над вами будет старшей!».

Также преподобный Серафим сказал о том, что со временем мощи Марии Семеновны – схимонахини Марфы – будут почивать открыто в обители, ибо она так угодила Господу, что удостоилась нетления! При этом батюшка Серафим замечал: «Вот, матушка, как важно послушание! Вот Мария-то на что молчалива была и токмо от радости, любя обитель, преступила заповедь мою и рассказала малое, а все же за то при вскрытии мощей ее в будущем предадутся тлению одни только уста ее!»

Впоследствии Прасковья Семеновна, сестра преподобной Марфы, по выбору сестер некоторое время была начальницей Мельничной общины. В конце жизни, в смутные для обители времена 1862 года она стала юродствовать, на что благословлял ее прп. Серафим, говоря: «Ты, радость моя, превыше меня!» Тогда же она удостоилась видения Божией Матери вместе с прп. Серафимом. Царица Небесная ей наказала: «Ты выправь дела Моей обители, настой в правде, обличи!». Как ни отказывалась Прасковья Семеновна, ссылаясь на свою неграмотность, Богоматерь трижды повторила ей Свое приказание.

За послушание Царице Небесной и батюшке Серафиму она безбоязненно обличала творивших дела неправды в обители, начиная с архиерея, и по дару прозорливости предсказала дальнейший ход событий и восстановление справедливости. По предсказанию прп. Серафима она вскоре после этого мирно скончалась 1/14 июня 1862 года в праздник Вознесения Господня, после Соборования, причащения Святых Тайн и прочтения над нею отходной.

Брат их, Иван Семенович, также окончил жизнь в монашеском чине в Саровской пустыни. Имея послушание привратника в Сарове, он рассказывал: «Будучи мирским крестьянином, я часто работал у батюшки Серафима, и много-много чудного он мне предсказывал о Дивееве и всегда говорил: «Если кто моих сирот-девушек обидит, тот велие получит от Господа наказание; а кто заступит за них и в нужде защитит и поможет, изольется на того велия милость Божия свыше. Кто даже сердцем воздохнет да пожалеет их, и того Господь наградит. И скажу тебе, батюшка, помни: счастлив всяк, кто у убогого Серафима в Дивееве пробудет сутки, от утра и до утра, ибо Матерь Божия, Царица Небесная, каждые сутки посещает Дивеево!» Помня заповедь батюшкину,– добавлял привратник,– я всегда это говорил и всем говорю».

Три его дочери потом поступили в Дивеевскую общину. Одна из них, Елена Ивановна, вышла замуж за духовного друга прп. Серафима, Н.А. Мотовилова, и была для обители благодетельницей и «великой госпожой», как называл ее еще в детстве батюшка Серафим, приказывая сестре кланяться ей, маленькой девочке, в ноги. Елена Ивановна была единственной из присутствовавших на погребении прп. Серафима в 1832 г. и доживших до его прославления в 1903 г. Овдовев, последние годы жизни она жила в Дивеево. Умерла Елена Ивановна в преклонных годах в 1910 г., перед смертью была тайно пострижена в монашество.

В монастыре было много сестер из рода Милюковых вплоть до его закрытия в 1927 г.

После возобновления монастыря Господь дивно отметил день памяти святой преподобной схимонахини Марфы освящением Преображенского собора. Построенный в 1917 г. и не освященный, разоренный в годы советской власти собор был передан восстанавливающемуся монастырю в 1991 г. До 1998 г. собор реставрировался, освящение его непреднамеренно совпало с днем блаженной кончины святой.

По воспоминаниям монахини Дивеевского монастыря Серафимы Булгаковой, до разгона обители в 1927 г. хранился портрет схимонахини Марфы, написанный сестрами сразу же после ее смерти. По свидетельству протоиерея Стефана Ляшевского, кроме этого портрета, был написан его матушкой (Капитолиной Захаровной Ляшевской, впоследствии мон. Мария) житийный образ схим. Марфы со следующими клеймами: схим. Марфа носит кирпичи наверх строящейся Рождественской церкви; батюшка Серафим постригает ее в схиму; батюшка Серафим с ней и с Прасковьей Семеновной молится с зажженными свечами о Дивееве; восхождение души схим. Марфы к Престолу Божию; Царица Небесная и схим. Марфа в видении в церкви; три святые могилки. В настоящее время местонахождение портрета схим. Марфы неизвестно, житийный образ находится за границей.

В 2000 г. схимонахиня Марфа причислена к лику местночтимых святых Нижегородской епархии, и ныне ее мощи почивают в храме Рождества Богородицы в Серафимо-Дивеевском монастыре.

Молитвами сей преподобной отроковицы Господь да помилует нас. Аминь.

Источник: st-nikolas.orthodoxy.ru

Служба преподобной Марфе Дивеевской

Месяца августа в 21-день
Преподобныя Марфы Дивеевския

                                          На малей вечерни
На Господи, воззвах: стихиры 4, глас 2:
           Киими похвальными песньми/ воспоим преподобную Марфу,/ дивную начальницу обители Дивеевския,/ от юности благодать Святаго Духа стяжавшую,/ и ныне во Обителех Небесных/ молящуюся о спасении душ наших?
Киими недостойными усты/ восхвалим вселюбезную матерь нашу Марфу,/ чистотою, кротостию и послушанием совершенным/ в отрочестве Богу угодившую,/ Егоже молит о спасении душ наших?
Киими похвальными песньми/ ублажим дивную молчальницу,/  собеседницу великаго старца Серафима,/ в тайне хранившую того откровения о обители Дивеевстей/ и тепле молящуюся о спасении душ наших?
                                                Слава, глас 6:
Приидите, вернии людие,/ во святую обитель Дивеевскую,/ яже земный жребий Божия Матере нарицается,/ ублажим верную рабу Пресвятыя Богородицы,/ преподобную Марфу,/ и, припадающе к ея честным и многоцелебным мощем,/ усердно возопиим:/ помяни нас, мати наша, во Царствии Небеснем.
И ныне, праздника.
На стиховне стихиры, глас 3:
Всех радостей Радость,/ Преблагословенная Богородица Дева,/ радости вечныя тя сподоби,/ мати наша Марфо,/ яко Свою служительницу верную.
Стих: Дивен Бог во святых Своих,/ Бог Израилев.
Пречистою Богородицею избранная/ и силою Божественною ограждаема,/ радостно на подвиги потекла еси,/ мати Марфо славная,/ молися о верою чтущих тя.
Стих: Честна пред Господем/ смерть преподобных Его.
Великий ангельский образ восприимши,/ начальница  обители Дивеевския явилася еси,/ преподобная Марфо,/ молися о любовию чтущих тя.
Слава, глас 5:
Боголюбива и милостива,/ мудрованием смиренна и любве исполнена явилася еси,/ невесто Христова Марфо,/ ты бо, ангельски на земли поживши,/ кончину блаженную в юных летех прияла еси/ и венец нетленный улучити сподобилася еси,/ темже молися о спасении душ наших.
И ныне, праздника.
Тропарь писан на велицей вечерни
На велицей вечерни
На Господи, воззвах: стихиры на 8, глас 8:
    Преподобная Марфо всехвальная,/ старца Серафима послушнице верная,/ ты, наставлением того твердо последующи,/ в молчании благодать Духа Святаго стяжала еси/ и славу обители Дивеевския,/ юже той в тайне возвеща ти, усердно хранила еси./ С нимже тепле молися ко Господу/ спастися душам нашим.
Преподобная Марфо богомудрая,/ ты, измлада Господа возлюбивши/ и заповеди Его усердно хранящи,/ непрестанную молитву стяжала еси/ и преподобным Серафимом начальница обители Дивеевския наречена быти сподобилася еси./ Ныне же духом с нами пребывающи,/ исцеления скоро источаеши,/ верою и любовию к тебе притекающим.
Преподобная мати наша Марфо,/ ты, издетска страху Божию навыкши,/ в молитве непрестанней присно пребывала еси/ и, разум богопросвещенный стяжавши,/ сердце твое со тщанием хранила еси,/ темже и Приснодевы служительница явилася еси./ Ейже о нас помолися,/ спастися душам нашим.
Преподобная мати наша Марфо,/ ты, Жениха Христа от юности возжелевши/ и благодатию Духа Святаго блистающи,/ свещу любве светло уготовала еси./ Ныне же, на Небесех Престолу Божию предстоящи/ и велие дерзновение ко Господу имущи,/ молися от бед избавитися/ верою и любовию тя величающим.
Слава, глас 1:
    Веселися днесь обителе Дивеевская!/ Воистинну священный и радостный праздник наста,/ непорочная бо невеста Христова Марфа/ песньми духовными ублажается,/ небеса убо достойно веселятся,/ инокини, молитвами тоя хранимыя, радуются,/ вернии благодать исцелений обретают,/ совершающе светлое торжество.
И ныне, праздника.
Вход. Прокимен дне. И чтения три мученическая.
На литии стихира, глас 6:
Веселися днесь земле Нижегородская и Тамбовская/ и торжествуй обителе Дивеевская!/ Наста бо память Марфы преподобныя,/ яже, от юности мирскаго мятежа избегши,/ любовию Христовою уязвися/ и, сестре Лазаря праведнаго уподобившися,/ евангельски благую часть избра./ Темже, ныне похвальныя песни воспевающе/ и славу Богу воздающе,/ житию тоя вси подражати усердно потщимся.
На стиховне стихиры, глас 2:
Чистоту от юности сохранивши,/ добродетельми светло, Марфо досточудная, украсилася еси/ и, любовию божественною уязвившися,/ Христу добре угодила еси./ Помози и нам, богоблаженная мати, чистоту сердца соблюдати/ и любовь евангельскую друг ко другу стяжати.
Стих: Дивен Бог во святых Своих,/ Бог Израилев.
Отроковице дивная и монашествующих украшение,/ преподобная мати Марфо,/ ты, в молитве непрестанней имя Христово в сердце твоем носящи/ и в трудех бденных даже до смерти пребывающи,/ силою Божественнаго Духа совершенное безстрастие стяжала еси,/ темже и Обителей Небесных достигла еси,/ идеже молишися о спасении душ наших.
Стих: Честна пред Господем/ смерть преподобных Его.
Торжествуй, земле Нижегородская,/ в прославлении новыя о тебе молитвенницы!/ Веселися обителе Дивеевская,/ имущи в себе сокровище многоценное,/ честныя мощи Марфы досточудныя,/ идеже днесь вси усердно молимся,/ во еже спастися нам.
Слава, глас 5:
Яко звезда многосветлая,/ сиянии духовными землю нашу просветила еси,/ преподобная мати наша Марфо,/ тьму скорбей разгоняющи/ и недуги врачующи./ Темже молися ко Господу,/ мир мирови даровати/ и душам нашим велию милость.
И ныне, праздника.
Тропарь, глас 2:
Собеседнице преподобнаго Серафима,/ дивная отроковице и мати наша Марфо,/ равноангельное житие стяжавши,/ на Небесех жительства достигла еси,/ идеже молишися о спасении душ наших.
На утрени
                                        По 1-м стихословии седален, глас 7:
Яко звезда утренняя и солнце светлое, возсия днесь память твоя, преподобная мати Марфо. Темже молим тя: ум наш, нерадением омраченный, просвети и подвигни сердца монашествующих к подражанию постническаго твоего жития.
Слава, и ныне, праздника.
По 2-м стихословии седален, глас 1:
Осияема ныне непрестанною славою Пресвятыя Троицы, мати наша Марфо, и Божественнаго веселия и радости исполнена, молися о нас тепле ко Господу, во еже избавитися нам муки вечныя.
Слава и ныне праздника.
Величание:
Ублажаем тя,/ преподобная мати наша Марфо,/ и чтим святую память твою,/ ты бо молиши о нас/ Христа Бога нашего.
Псалом избранный: Терпя, потерпех Господа:
По полиелеи седален, глас 1:
Невесто прекрасная Чертога Царскаго, преподобная Марфо,/ ты, послушанию, воздержанию и молитве навыкши,/ во обители Дивеевстей подвиги просияла еси и милость от Господа улучила еси./ Темже молися прилежно о спасении душ наших.
Слава, и ныне, праздника.
           Степенна, 1-й антифон 4-го гласа. Прокимен, глас 4: Дивен Бог во святых Своих,/ Бог Израилев. Стих: В церквах благословите Бога, Господа от источник Израилевых. Всякое дыхание: Евангелие от Матфеа, зачало 104.
По 50-м псалме стихира, глас 6:
Марфо богоносная,/ чадо возлюбленное преподобнаго Серафима,/ ты, послушание и безмолвие от юности возлюбивши,/ в молитве и посте просияла еси,/ и скорби и болезни, Христа ради, даже до смерти понесла еси,/ венцем Небесным от Него украсившися./ Темже молися о чтущих святую память твою.
                                                           Канон, глас 8.
                                                     Песнь 1
Ирмос: Колесницегонителя фараоня погрузи/ чудотворяй иногда/ Моисейский жезл, крестообразно поразив,/ и разделив море,/ Израиля же беглеца, пешеходца спасе,/ песнь Богови воспевающа.
Подаждь ми, Господи, словесе дар, да песньми восхвалю, в земнем уделе Божия Матере просиявшую, отроковицу дивную, преподобную матерь нашу Марфу.
Пободает по достоянию восхвалити преподобную Марфу, отроковицу непорочную, в подвизех древним отцем поревновавшую и Господу угодившую.
Благословение Пресвятыя Девы исполнивши, Марфо досточудная, велия угодница Божия и теплая наша предстательница явилася еси, молящися непрестанно о спасении душ наших.
            Богородичен: Радуйся, Пресвятая Госпоже, освятившая Дивеево Твоим пришествием; радуйся, насадившая веру истинную. Радуйся, собравшая монашествующих множество.
                                                      Песнь 3
Ирмос: Небеснаго круга Верхотворче, Господи,/ и Церкве Зиждителю,/ Ты мене утверди в любви Твоей,/ желаний краю, верных утверждение,/ Едине Человеколюбче.
Великое смотрение Божие от утробы матерни освяти тя, Марфо многоплодная, и сосуд благоприятен Духа Всесвятаго показа тя, темже и избранница Владычицы явилася еси.
Желание неизреченныя красоты Христовы в души твоей имущи, радостно с сестрою Параскевою к старцу Серафиму потекла еси.
Преподобный Серафим, целомудрие и чистоту души твоея провидя, во общину Дивеевскую отроковицу тя, тринадесяти лет сущую, жительствовати направи.
Богородичен: Радуйся, во удел Себе Дивеево избравшая; радуйся, верным, пребывающим зде, Подательнице благ земных. Радуйся, Споручнице вечнаго спасения.
Кондак и икос праздника.
Слава, седален, глас 2:
Преподобная мати наша Марфо,/ ты, вся красная мира сего презревши/ и небесных благ возжелевши,/ молчанием, кротостию и смирением от юности твоея образ равноангельнаго жития явила еси,/ обители Дивеевския начальнице.
И ныне, праздника.
                                                     Песнь 4
Ирмос: Ты моя крепость, Господи,/ Ты моя и сила,/ Ты мой Бог, Ты мое радование,/ не оставль недра Отча/ и нашу нищету посетив./ Тем с пророком Аввакумом зову Ти:/ силе Твоей слава, Человеколюбче.
Царствие Божие, внутрь тебе сущее, измлада познавши, житие твое краткое подвиги молитвенными украсила еси, любовию к Жениху Небесному горящи.
Молитву непрестанную творящи, в кротости небесней и молчании радостно пребывала еси, Марфо всехвальная, чадо возлюбленное преподобнаго Серафима.
Всею душею Бога возлюбивши, в молитве непрестанней дух твой ко Господу возносила еси, Марфо досточудная, и подвиги духовными всех удивила еси.
Богородичен: Радуйся, теплая Ходатаице о подвизающихся во обители Твоей; радуйся, милость Сына Твоего до скончания века нам обещавшая. Радуйся, Заступнице рода христианскаго.
Песнь 5
Ирмос: Вскую мя отринул еси/ от лица Твоего, Свете Незаходимый,/ и покрыла мя есть чуждая тьма, окаяннаго,/ но обрати мя и к свету заповедей Твоих/ пути моя направи, молюся.
Имя Господне присно возносящи и Единаго Христа, и Сего распята, ведущи, ум твой Светом Божественным просвещала еси и сердце умилением услаждала еси.
Песнословим тя, мати Марфо, болезни бо и скорби иноческаго жития в терпении и кротости мужески претерпела еси.
Собеседница добрая и послушница смиренная преподобнаго Серафима сущи, мати Марфо, изрядно во обители потрудилася еси и, в молчании непрестанно пребывающи, в тайне откровения того о обители Дивеевстей сохранила еси.
Богородичен: Радуйся, Дево, яко благословением Твоим осени Дивеево сила Вышняго; радуйся, яко обитель Твоя многия инокини воспита. Радуйся, яко просия зде множество преподобных, молящихся о спасении душ наших.
                                                    Песнь 6
Ирмос: Очисти мя, Спасе,/ многа бо беззакония моя,/ и из глубины зол возведи, молюся,/ к Тебе бо возопих, и услыши мя,/ Боже, спасения моего.
Труды постническими и непрестанною молитвою дух твой укрепляла еси, подвигу преподобныя Александры подражающи.
Безплотную во плоти видеша тя сестры твоя, во отрочестве паче стариц духовно просиявшую.
Многоразличныя подвиги во обители Дивеевстей совершивши, яко златая голубица, сими от земли воспарила еси во Обители Небесныя, идеже помяни и нас, тя восхваляющих.
Богородичен: Радуйся, Владычице, яко на наследие Твое присно призираеши; радуйся, яко благодати и милости Твоея нас сподобляеши. Радуйся, благословение Сына Твоего на нас низводящая.
Кондак, глас 8:
Кротостию и смирением украсившися/ и любве Божественныя исполнившися,/ радость Небесную стяжала еси,/ отроковице юная и мати наша Марфо,/ и, в ангельский образ от преподобнаго Серафима облекшися,/ с мудрыми девами в Чертог Небесный вселилася еси,/ идеже молишися о спасении душ наших.
                                                     Икос:
Силы Небесныя радостно сретоша душу твою, преподобная мати Марфо, в преселении твоем во Обители Небесныя, идеже ныне почиваеши, Пресвятую Троицу прославляющи. Темже, велие дерзновение ко Господу имущи, не забуди нас, земных чад твоих, и молися о спасении душ наших.
                                                    Песнь 7
   Ирмос: Отроцы еврейстии в пещи/ попраша пламень дерзновенно,/ и на росу огнь преложиша, вопиюще:/ благословен еси, Господи Боже во веки.
Дивно долготерпение твое бысть, мати Марфо, велия бо скорби и болезни, яко дар Божий, восприяла еси. Укрепи и нас молитвами твоими, в малодушии изнемогающих, скорби житейския в терпении понести и живота вечнаго достигнути.
В полунощи бодренно пребывающи и в безсонии целонощно бдящи, молитву Иисусову непрестанно творила еси, преподобная, темже и мудрым девам уподобилася еси.
Преподобнаго Серафима верная послушница бывши, Марфо досточудная, любовь евангельскую в сердце твоем стяжала еси и Небесному Жениху уневестилася еси.
Богородичен: Радуйся, благих даров рабом Твоим Всещедрая Подательнице; радуйся, во брани, в болезнех и трудех их премилосердая Утешительнице. Радуйся, надеждо и спасение душ наших.
                                                     Песнь 8
Ирмос: Седмерицею пещь/ халдейский мучитель/ Богочестивым неистовно разжже,/ силою же лучшею спасены сия видев,/ Творцу и Избавителю вопияше:/ отроцы, благословите,/ священницы, воспойте,/ людие, превозносите во вся веки.
Всем сердцем Бога возлюбивши, мати преподобная, служение Марфы и Марии соединяла еси: яко Марфа, в послушании пребывши, и, яко Мария, выну при ногу Иисусову приседящи.
Плакаше преподобный Серафим, кончину блаженныя Марфы духом предуведевый, дондеже узре душу ея во Царствии Небеснем воспевающую: благословите Господа во веки.
Царица Небесе и земли по отшествии твоем, мати Марфо, прият тя в лик дев святых, ты бо усердием благим повеления Сына Ея добре сотворила еси. Ныне же, в радости Небесней пребывающи, непрестанно Того песнословиши.
Богородичен: Радуйся, Хранительнице наша в настоящем веце; радуйся, Предстательнице и непостыдное упование в будущем. Радуйся, прилог всякаго зла от удела Твоего земнаго отражающая.
                                                      Песнь 9
Ирмос: Ужасеся о сем Небо,/ и земли удивишася концы,/ яко Бог явися человеком плотски/ и чрево Твое бысть пространнейшее Небес./ Тем Тя, Богородицу,/ Ангелов и человек чиноначалия величают.
Преподобная мати наша Марфо, Царицы Небесныя истинная послушнице, ты, начала тьмы века сего пособием Ея победивши, плоть умертвивши и дух ожививши, благодати Божественное действо прияла еси. Не престай молящися за ны ко Господу, помиловатися душам нашим.
Стезею тесною шествовавши, тьмочисленная коварства вражия победила еси и Подвигоположнику спасения нашего угодила еси. От Негоже венец славы приемши, молися о нас, да возможем Господу последовати и победители греха явитися.
Рака мощей твоих честных, мати наша Марфо, благоухает паче иных аромат, сердца верных услаждающи, и источает благодать исцелений в молитве к ним прибегающим.
Богородичен: Песни благодарственныя приносим Ти, Мати Божия, яко спасаеши нас присно от всяких бед и скорбей и любовию врачуеши немощи наша.
                                                            Светилен:
Радуйся, славная обителе Дивеевская, молитвенницу имущи в тебе просиявшую, преподобную Марфу, молящуюся прилежно, о еже избавитися нам от бед и скорбей и помиловатися душам нашим.
Слава, и ныне, праздника.
                                             На хвалитех стихиры, глас 5.
Подобен: Радуйся, Живоносный Кресте:
Радуйся, обители Дивеевския начальнице,/ преподобная мати наша Марфо!/ Яко небо светлыми звездами украшено,/ житие твое многими подвиги исполнися,/ ты бо, в юных летех духовною крепостию утвердившися,/ ангельски на земли пожила еси./ Помози и нам неленостно во спасение трудитися/ и Единому Богу послужити,/ Егоже моли даровати душам нашим мир и велию милость.
Радуйся, преподобная мати наша Марфо,/ безмолвия и целомудрия усердная хранительнице!/ Ты, от юности Христа возлюбивши,/ Тому единому всем сердцем послужила еси/ и любовь евангельскую в сердце твоем стяжала еси./ Испроси нам, притекающим к раце мощей твоих:/ печалей утоление и болезней исцеление,/ чистоту помыслов и послушания совершеннаго,/ и душам нашим мир и велию милость.
Радуйся, преподобная мати наша Марфо,/ Царицы Небесныя верная служительнице!/ Ты, повеления Сына Ея добре исполняющи,/ кончину блаженную в юных летех прияла еси/ и лику святых дев сочеталася еси./ Ныне, в радости Небесней пребывающи,/ молися о нас Христу Богу и Пречистей Его Матери/ даровати душам нашим мир и велию милость.
Слава, глас 6:
    Приидите, вернии людие,/ во святую обитель Дивеевскую,/ яже земный жребий Божия Матере нарицается,/ ублажим избранницу Пресвятыя Богородицы,/ преподобную Марфу достославную,/ угодницу Божию и теплую молитвенницу/ и, припадающе к ея многоцелебным мощем, сице рцем:/ молися ко Господу, всечестная мати наша,/ даровати нам мир и велию милость.
И ныне, праздника.
На Литургии служба преподобным женам и праздника.
Молитва
О, богомудрая мати наша Марфо! Ты, в простоте сердца поживши, кротостию Небесною и чистотою просияла еси и благоплодная послушница преподобнаго Серафима явилася еси. Буди нам, мати всечестная, ходатаица непрестанная о спасении душ наших, да молитвами твоими в страсе Божии утвердимся и горняя мудрствуем, а не земная. Помози нам, изнемогающим, укрепитися в любви и единомыслии и верным Христу пребыти, Емуже со Отцем и Святым Духом подобает всякая слава, честь и поклонение, во веки веков. Аминь.

Служба преподобным Александре, Марфе и Елене Дивеевским

Месяца июня в 14-й день
Собор Дивеевских святых
Преподобных Александры, Марфы и Елены Дивеевских

На малей вечерни
На Господи, воззвах: стихиры на 4, глас 2:
Кая духовная пения/ принесем ти, преподобная Александро,/ яко явлением тебе Царицы Небесныя/ место сие освятися/ и жребием земным Ея наречеся?/ Ты же, мати, первоначальнице,/ многими труды в покаянии слезнем/ основание обители Дивеевския положила еси/ и благодать Духа Святаго стяжала еси./ Ныне же, в Чертозех Небесных ликующи,/ молися о спасении душ наших.
Киими недостойными усты/ восхвалим вселюбезную матерь нашу Марфу,/ чистотою, кротостию, послушанием совершенным/ во отрочестве Богу угодившую,/ дивную молчальницу,/ собеседницу великаго старца Серафима,/ откровения того о обители Дивеевстей в тайне хранившую,/ ныне же молящуюся о спасении душ наших?
Како по достоинству воспоим/ матерь нашу Елену,/ паче земныя славы и тленнаго богатства/ Христа всем сердцем возлюбившую,/ добрым подвигом подвизавшуюся/ и дивно начальницею Мельничныя девическия обители явившуюся,/ ныне же во Царствии Небеснем с мудрыми девами ликующую/ и молящуюся о спасении душ наших?
Киими похвальными венцы/ увенчаем преподобных Александру, Марфу и Елену?/ Тыя бо на Небеси Богу во славе предстоят,/ на земли же духом любве с нами пребывают/ и молятся о спасении душ наших.
                                                         Слава, глас 3:
Яко звезды многосветлыя,/ украсисте обитель Дивеевскую,/ всечестныя матери наша Александро, Марфо и Елено,/ вы бо, сиянии духовными сердца верных просвещающя,/ молите Всемилостиваго Бога спастися душам нашим.
                          И ныне, Богородичен, глас тойже: Како не дивимся:
На стиховне стихиры, глас 1:
Велия подвиги твоя и труды,/ преподобная Александро,/ обители Дивеевския основательнице,/ како прославим мы, недостойнии?/ Темже, дух молитвы чистыя стяжавши,/ молися о верою призывающих тя.
Стих: Дивен Бог во святых Своих,/ Бог Израилев.
Великий ангельский образ восприимши/ и в пристанище божественное устремившися,/ подвижница славная явилася еси,/ преподобная мати наша Марфо,/ темже молися о любовию чтущих тя.
Стих: Честна пред Господем/ смерть преподобных Его.
Душу свою за Христа полагающи/ и послушание совершенное показующи,/ житием твоим Богу угодила еси,/ преподобная Елено досточудная,/ темже молися о верою славящих тя.
                                               Слава, глас 3:
    Веру истинную, надежду светлую и любовь богомудрую,/ сия три добродетели, яко сокровища духовная,/ принесоша в дар всех Содетелю/ пречестныя матери нашя,/ Егоже и ныне в Чертозех Небесных прославляют,/ воспевающя Троицу Всесвятую.
                             И ныне, Богородичен, глас тойже: Се исполнися:
Тропарь писан на велицей вечерни
                                            На велицей вечерни
На Господи, воззвах: стихиры на 8, глас 8.
Подобен: О, преславнаго чудесе:
О, преславнаго чудесе!/ Небесе и земли Царица/ омофором Своея милости / обитель Дивеевскую покрывает./ О, таинств Твоих, Дево, и чудес Твоих!/ Како повелением Твоим удел возлюбленный являеши,/ в немже дивно  прославишася/ преподобныя Александра, Марфа и Елена,/ земли Русския похвала и украшение?
О, преподобныя Александро, Марфо и Елено!/ Вы, во обители Божия Матере/ подвигом добрым подвизавшяся/ и усердно Ей послужившя,/ любве Божественныя исполнилися есте./ Темже непрестанно молитеся,/ да и мы единеми усты и единем сердцем/ восхвалим Троицу Единосущную и Нераздельную,/ во еже спастися душам нашим.
                                                       Глас 1:
Преподобная мати наша Александро,/ ты, Божественною благодатию просветившися/ и мятеж мира отвергши,/ евангельски Христу последовала еси,/ Егоже и нищету возлюбила еси/ и, тесным путем шествовавши,/ к Богородице в молитвах неустанно пребывала еси./ Тем и обители Ея первоначальница явилася еси,/ нам же небесная заступница и богомудрая наставница.
Любовию восхвалим труды твоя и болезни,/ преподобная мати Александро,/ яко в келлии твоей тесней пред Крестом Спасовым/ со слезами нощию усердно молилася еси/ и, на камень главу твою полагающи,/ одеждею ветхою в стужу покрывалася еси./ Темже научи нас, богоблаженная,/ по слову апостола жити,/ ведуще Единаго Христа и Сего распята,/ в покаянии истиннем житие скончати/ и Царствия Небеснаго достигнути.
                                                        Глас 4:
Преподобная мати наша Марфо,/ измлада Господа возлюбившая/ и Ему усердно послужившая,/ непрестанную молитву Иисусову стяжавшая,/ собеседнице юная и послушнице кроткая/ преподобнаго Серафима, старца Саровскаго,/ имже начальница Небеснаго Дивеева нареченная./ Ныне же, мощами во обители твоей почивающи,/ исцеление всем источаеши,/ верою и любовию к тебе притекающим./ Помяни и нас во Царствии Небеснем.
       Преподобная мати наша Марфо,/ ты, благодатию Святаго Духа блистающи/ и Жениха Христа от юности возжелевши,/ всю себе в жертву Тому принесла еси./ Ныне же, на Небесех радующися/ и велие дерзновение ко Господу имеющи,/ молися от бед избавитися/ любовию тя величающим.
       Преподобная мати наша Елено,/ ты, яко звезда утренняя, светло просиявши,/ послушанием, смирением и молитвою/ благодать Духа Святаго стяжала еси/ и  даже до смерти воли Божией покорилася еси./ Темже, вся козни диавольския победивши,/ Обители райския прежде кончины лицезрети сподобилася еси/ и, многими венцы украшенная,/ ангельскаго чина достигла еси./ Молися о спасении душ наших.
Ангельский образ восприимши,/ всенощно в молитвах пребывала еси/ и в храме Рождества Богородицы/ по заповеди преподобнаго Серафима/ псалмы неустанно воспевала еси/ и пресветлый храм Духа Святаго/ душу твою, мати Елено, сотворила еси./ Темже усердно моли Христа Бога,/ еже просветитися нам светом Божественныя благодати/ и спастися душам нашим.
Слава, глас 6:
Приидите, вернии людие,/ во святую обитель Дивеевскую,/ яже земный жребий Божия Матере нарицается,/ ублажим избранницы Пресвятыя Владычицы Богородицы,/ Александру, Марфу и Елену,/ начальницы святаго места сего,/ и, припадающе к их честным и многоцелебным мощем,/ усердно возопиим:/ помяните нас, матери нашя, во Царствии Небеснем.
И ныне, Богородичен, глас тойже: Кто Тебе не ублажит:
Вход. Прокимен дне. И чтения три мученическая.
На стиховне стихиры, глас 4:
Приидите, монахов множество,/ единодушно прославим преподобных Александру, Марфу и Елену/ и к ним тепле возопиим:/ во Христа, всехвальныя, облекшяся,/ духовною благодатию просвещаемыя,/ яко звезды многосветлыя,/ в мире просияли есте,/ темже молите Троицу Единосущную/ о спасении душ наших.
Стих: Дивен Бог во святых Своих,/ Бог Израилев.
Еже любити Бога и ближняго,/ весь закон исполняется, рече Христос./ Вы же, преподобныя, Творца всех возлюбившя,/ заповедь сию исполнили есте./ Тако и нам помозите в любви Божией утвердитися/ и улучити спасение душ наших.
Стих: Честна пред Господем/ смерть преподобных Его.
Приидите, вси людие,/ прославим преподобных матерей Дивеевских,/ многоцелебныя мощи тех обстояще, любезно облобызаем,/ и, яко цветы, песньми увязем, рекуще:/ о, теплейшыя нашя предстательницы,/ молите Троицу Святую/ о спасении душ наших.
Слава, глас 3:
Александру дивную восхвалим,/ Марфу кроткую и Елену славную воспоим,/ собор жен Дивеевских предначинающих,/ и, сих подвиги и труды прославляюще,/ добродетелем поревнуим, Христу взывающе:/ Господи, молитвами обручниц Твоих,/ Царствия Твоего причастники нас сотвори.
И ныне, Богородичен, глас тойже: Без семене:
Тропарь, глас 4:
Явилися есте земли Русския украшение,/ начальницы обители Дивеевския,/ преподобныя матери нашя Александро, Марфо и Елено,/ благословение Царицы Небесныя исполнившыя/ и дерзновение ко Господу стяжавшыя,/ молитеся у Престола Пресвятыя Троицы/ о спасении душ наших.
Слава, и ныне, Богородичен, глас тойже: Еже от века утаеное:
На утрени
По 1-м стихословии седален, глас 1:
Возсиявши, яко звезда утренняя, память честных жен Дивеевских, просвещает, яко солнце светлое, жительствующих на месте сем и согревает сердца монашествующих, яже житию их постническому подражают.
Слава и ныне, Богородичен:
Яко птица своя птенцы собирает и покрывает матерски, тако Ты, Пречистая, покрый крилома Твоима вся, во обители Твоей жительствующих, и избави от всяких бед и скорбей, и возведи во град Небесный молитвами Твоими.
По 2-м стихословии, седален, глас 1:
Осияемы ныне непрестанною славою Пресвятыя Троицы и Божественнаго веселия и радости исполняемы, богоблаженныя матери, о нас молитеся прилежно, избавитися нам муки вечныя.
Слава, и ныне, Богородичен:
Благодарим Тя, Преблагословенная Дево, присное промышление о жребии Твоем земнем имущую, яко безбедны храниши зде живущыя, и вся, яже к пользе и спасению нам устрояеши, подающи мир и велию милость.
                                                 Величание:
Ублажаем вас,/ преподобныя матери наша Александро, Марфо и Елено,/ и чтим святую память вашу,/ вы бо молите за нас/ Христа Бога нашего.
Псалом избранный: Терпя потерпех Господа:
                                           По полиелеи седален, глас 1:
Невесты прекрасныя Чертога Царскаго, преподобныя Александро, Марфо и Елено, вы, послушанию, воздержанию и молитве навыкшя, во обители Дивеевстей просияли есте и милость от Господа улучили есте. Темже молитеся прилежно о спасении душ наших.
                                      Слава, и ныне, Богородичен:
      Многими содержими напастьми, во всякой скорби и обстоянии к Тебе прибегаем, Пресвятая Богородице, молебное пение Тебе, по заповеди преподобнаго Серафима, приносяще: О, Мати Слова и Дево, от тяжких и лютых нас спаси!
      Степенна, 1-й антифон, 4-го гласа. Прокимен: Дивен Бог во святых Своих,/ Бог Израилев. Стих: В церквах благословите Бога, Господа от источник Израилевых. Всякое дыхание: Евангелие от Матфеа, зачало 104.
                             По 50-м псалме стихира, глас 6:
       Песни духовныя приносяще,/ днесь умиленно вопием вам,/ угодницы Христовы, Александро, Марфо и Елено,/ земли нашея похвало/ и обители Дивеевския украшение,/ молитеся о нас, любовию вас почитающих,/ да наследницы будем Царствия Небеснаго.
Канон, глас 8.
                                                            Песнь 1
Ирмос: Колесницегонителя фараоня погрузи/ чудотворяй иногда/ Моисейский жезл, крестообразно поразив,/ и разделив море,/ Израиля же беглеца, пешеходца спасе,/ песнь Богови воспевающа.
Припев: Преподобныя матери нашя Александро, Марфо и Елено, молите Бога о нас.
Подаждь ми, Господи, словесе дар, да в песнех прославлю жен честных, волю Твою соблюдших и во уделе Матере Твоея во благочестии просиявших.
Дивеевских жен святое собрание песньми почтим, благословение Пресвятыя Девы исполнивших, яже ныне суть нашя теплыя предстательницы и молитвенницы непрестанныя о спасении душ наших.
Возсиявшя яко солнце, монашеским житием украсисте подвижническая множества, преподобныя матери нашя. Темже с ними прославляетеся, наслаждающяся славы Божественныя и молящяся о спасении душ наших.
Богородичен: Радуйся, Пресвятая Госпоже, освятившая весь Дивеевскую Твоим пришествием; радуйся, насадившая веру истинную. Радуйся, собравшая монашествующих множество.
Песнь 3
Ирмос: Небеснаго круга Верхотворче, Господи,/ и Церкве Зиждителю,/ Ты мене утверди в любви Твоей,/ желаний краю, верных утверждение,/ Едине Человеколюбче.
       Обители первоначальницу в песнех воспоим, Александру славную, давшую монашествующим образ и начертание во бдениих и молитвах.
Подобает по достоянию восхвалити преподобную Марфу, отроковицу непорочную и досточудную, Небеснаго Дивеева начальницу.
Да почтим днесь и преподобную Елену, девственными добротами просветившуюся и Жениху Небесному уневестившуюся!
Богородичен: Радуйся, во удел Себе Дивеево избравшая; радуйся, верным, пребывающим зде, Подательнице благ земных. Радуйся, Споручнице вечнаго спасения.
Седален, глас 6:
О, преподобныя жены!/ Кто изочтет подвиги вашя?/ Кто исповесть молитвы вашя и воздыхания,/ терпение, кротость и смирение,/ мира и плоти отвержение,/ и к Богу совершенную любовь?/ Недоумеем бо благохвалити вас по достоянию,/ обаче, пение сие приносяще, к вам припадаем и вопием:/ Христа Бога усердно молите/ низпослати душам нашим мир и велию милость.
Слава и ныне, Богородичен:
Спаси от бед рабы Твоя, Богородице,/ яко вси по Бозе к Тебе прибегаем,/ яко нерушимей стене и предстательству.
Песнь 4
Ирмос: Ты моя крепость, Господи,/ Ты моя и сила,/ Ты мой Бог, Ты мое радование,/ не оставль недра Отча/ и нашу нищету посетив./ Тем с пророком Аввакумом зову ти:/ силе Твоей слава, Человеколюбче.
Преподобная Александро, ты, богатство и славу мира сего отвергши, путем скорбным ко спасению потекла еси, велию любовь ко Господу являющи.
Преподобная Марфо, собеседнице добрая и послушнице смиренная старца Серафима, ты, постом и молитвою страсти умертвивши, в безстрастных светлостех водворилася еси, смирение совершенное показующи.
Преподобная Елено, благочестием украсившися, благословение старца Серафима на жительство во обители терпеливо ожидала еси, терпением твоим всех удивляющи.
Богородичен: Радуйся, теплая Ходатаице о подвизающихся во обители Твоей; радуйся, милость Сына Твоего до скончания века нам обещавшая. Радуйся, Заступнице рода христианскаго.
                                                             Песнь 5
Ирмос: Вскую мя отринул еси/ от лица Твоего, Свете Незаходимый,/ и покрыла мя есть чуждая тьма, окаяннаго,/ но обрати мя и к свету заповедей Твоих/ пути моя направи, молюся.
Богородицу очима твоима видевши и обетования о обители Дивеевстей услышати от Нея сподобившися, богатыми дары Духа Святаго просияла еси, Александро богоблаженная, подвиг молитвы непрестанныя совершающи.
Измлада Господа возлюбивши, во обители изрядно потрудилася еси и в молчании непрестанно пребывала еси, Марфо досточудная, откровения будущаго благоденствия обители Дивеевския в тайне сохраняющи.
В послушании церковнем пребывающи, вся заповеданная ти преподобным Серафимом ревностно соблюдала еси, Елено достохвальная.
Богородичен: Радуйся, Дево, яко благословением Твоим осени Дивеево сила Вышняго; радуйся, яко обитель Твоя наполнися подвизающимися. Радуйся, яко просия зде множество преподобных, молящихся о спасении душ наших.
                                                              Песнь 6
Ирмос: Очисти мя, Спасе,/ многа бо беззакония моя,/ и из глубины зол возведи, молюся,/ к Тебе бо возопих, и услыши мя,/ Боже спасения моего.
Смирение совершенное имущи, и любовь нелицемерную, и слез источник непрестанный, сердце твое обитель Духа Святаго соделала еси, Александро. Темже и нам помози очиститися от скверны греховныя.
Преподобнаго Серафима воспитание, безплотная во плоти Марфо досточудная, огнь Божественныя любве в души своей имущи, Небесному Жениху уневестилася еси.
Господа лицезрети сподобилася еси, преподобная Елено, видевши Его, яко огнь неизследимый, и Небесныя Обители прежде кончины твоея Пресвятая Дева неизреченно ти показа.
Богородичен: Радуйся, яко наследие Твое присно призираеши; радуйся, яко благодати и милости Своея нас сподобляеши. Радуйся, благословение Сына Твоего на нас низводящая.
Кондак, глас 8:
Дивеевстии светильницы всесветлии,/ преподобныя матери нашя Александро, Марфо и Елено,/ вы в посте, бдении и молитве добре подвизастеся,/ по кончине же вашей источением чудес/ к вам прибегающих освящаете и исцеляете./ Молитеся ко Господу грехов оставление даровати/ любовию чтущим святую память вашу.
                                                              Икос:
О, коль добро соединение ваше, матери богомудрыя! О, коль красен и сладок сей общий ваш праздник, в немже вы, в Дивеевстей обители просиявшыя, общее хваление приемлете! Подобает бо, во единем месте Господеви угодившим, во един день праздновати! Сего ради и мы, монаси и мирстии, по долгу вас ублажаем, вопиюще: место сие, в немже пожисте, и всю Русскую землю от всякаго зла спасайте и молитеся ко Господу грехов оставление даровати любовию чтущим святую память вашу.
Песнь 7
Ирмос: Отроцы еврейстии в пещи/ попраша пламень дерзновенно/ и на росу огнь преложиша, вопиюще:/ благословен еси, Господи Боже, во веки.
Иноческое пострижение пред кончиною восприимши, Александра наречена бысть, преподобная мати, еже защитница именуется. Воистину бо воинство демонское победила еси и почесть победы прияла еси, поющи: благословен еси, Господи Боже, во веки.
Великий образ ангельский от рук старца Серафима прияла еси, Марфо досточудная, Единаго Жениха Небеснаго всем сердцем возлюбила еси, воспевающи: благословен еси, Господи Боже во веки.
Желание велие к житию монашескому имела еси, преподобная мати Елено, темже, во иночество облеченная, подвиги твоя усугубила еси, поющи: благословен еси, Господи Боже, во веки.
Богородичен: Радуйся, обильных даров рабом Твоим Всещедрая Подательнице; радуйся, в болезнех и трудех их премилосердая Утешительнице. Радуйся, надеждо и спасение душ наших.
                                                              Песнь 8
Ирмос: Седмерицею пещь/ халдейский мучитель/ Богочестивым неистовно разжже,/ силою же лучшею спасены, сия видев,/ Творцу и Избавителю вопияше:/ отроцы, благословите,/ священницы, воспойте,/ людие, превозносите во вся веки.
Пресвятая Дева Богородица дивно управи отшествие твое от жития сего временнаго, преподобная Александро, ты бо, в час кончины Святых Христовых Таин приобщившися и Казанскую икону на перси возложивши, душу святую в руце Божии предала еси, зовущи: благословите Господа во веки.
Плакаше преподобный Серафим, кончину блаженныя Марфы духом предуведевый, дондеже узре душу ея во Царствии Небеснем, воспевающую: благословите Господа во веки.
Душу свою за Христа положивши и послушание даже до смерти исполнивши, в юных летех преставилася еси, преподобная Елено, песнь победную вопиющи: благословите Господа во веки.
Богородичен: Радуйся, Хранительнице нашя в настоящем веце; радуйся, Предстательнице и непостыдное упование в будущем. Радуйся, прилог всякаго зла от удела Своего земнаго отражающая.
                                                              Песнь 9
Ирмос: Ужасеся о сем Небо,/ и земли удивишася концы,/ яко Бог явися человеком плотски/ и чрево Твое бысть пространнейшее Небес./ Тем Тя, Богородицу,/ Ангелов и человек чиноначалия величают.
Преподобныя матери нашя, Царицы Небесныя истинныя послушницы, вы, начала тьмы пособием Ея победившя, плоть умертвившя и дух оживившя, благодати Божественное действо прияли есте. Не престайте молящяся за ны ко Господу, помиловатися душам нашим.
Радуйся, обителе Дивеевская, покровительниц таковых на Небеси имущи, яже мощами своими в храме Пресвятыя Богородицы почивают и исцелений благодать источают в молитве к ним прибегающим.
Ликуй ныне, земле Нижегородская, и веселися, се бо чада твоя Христу приведошася, яже суть молитвенницы непрестанныя о нас ко Господу.
Троичен: Приими, Всесвятая Троице, ихже Дивеевская обитель приносит Ти, яко начатки жертвы избранныя, преподобныя Александру, Марфу и Елену, и молитвами их от всякаго зла всех нас сохрани.
Богородичен: Песни благодарственныя приносим Ти, Мати Божия, яко спасаеши нас присно от всяких бед и скорбей и любовию врачуеши немощи наша.
                                                           Светилен:
Радуйся, славная обителе Дивеевская, молитвенницы имущи в тебе просиявшыя, преподобныя матери наша Александру, Марфу и Елену, днесь молящихся прилежно, о еже избавитися нам от всякия нужды и печали.
Слава, и ныне, Богородичен:
Радуйся, Приснодево, проречение Твое, яко место сие свято будет, видим днесь исполняемо, подвизавшыяся бо в ней преподобныя матери нашя, ихже днесь почитаем, явишася воистину святы и, яко невещественнии ангели на земли пожившя, Царствие Небесное улучиша.
На хвалитех стихиры на 4, глас 5.
Подобен: Радуйся, Живоносный Кресте:
Радуйся, преславная обителе Дивеевская,/ процветшая добродетельми молитвенниц усердных,/ преподобных Александры, Марфы и Елены,/ к нимже припадаем, тепле взывающе:/ радуйтеся, красотою любве сердца наша украшающыя,/ к долготерпению и мужеству призывающыя,/ уверяющя, яко ничтоже возможет разлучити ны от любве Божия./ И ныне, вечныя радости и веселия сподобльшыяся,/ светильницы свои возжегша, с мудрыми девами радуетеся./ Дадите же и нам от елея вашего, матери нашя,/ во еже не себе любити,/ но ближним своим послужити/ во спасение душ наших.
Радуйтеся, начальницы обители Дивеевския:/ преподобная мати Александро, первоначальнице,/ повеление Преблагословенныя Владычицы исполнившая/ о святей Ея обители основании;/ и ты, Марфо, отроковице чудная,/ Серафимовых сирот госпожа в Дивееве Небеснем;/ и ты, Елено всехвальная,/ Мельничныя общины дивная начальнице./ На земли союзом любве связуемыя,/ на Небесех Божественныя светлости сподобистеся,/ идеже   молитеся Пресвятей Троице,/ даровати душам нашим/ мир и велию милость.
Приидите, Святыя Троицы вернии служителие,/ земную троицу преподобных жен Дивеевских восхвалим,/ светом Божественным просвещенных,/ ихже песньми почтим, сице взывающе:/ радуйтеся, обители нашея покровительницы,/ дев Дивеевских красото и благолепие,/ скорбящих сладкое утешение,/ в бедах сущих скорое заступление,/ в болезнех лютых врачество преизобильное,/ иноком тихое пристанище./ Радуйтеся, Богородицею избранныя,/ не престайте о нас молитися,/ вы бо есте заступницы нашя.
Слава, глас 8:
Дивеево дивное,/ украшенное мощами преподобнаго Серафима/ и сотаинниц его, преподобных  Александры, Марфы и Елены,/ удел избранный Богородицы,/ днесь красуется и ликует,/ и благодарне Христу Богу вопиет:/ Ты еси преподобных Похвала, Всесильне.
И ныне, Богородичен, глас тойже:
Владычице, приими молитвы раб Твоих/ и избави нас/ от всякия нужды и печали.
На Литургии
    Блаженны от канона, песни 3-я и 6-я, на 4. Прокимен, глас 4: Дивен Бог во святых Своих,/ Бог Израилев. Стих: В церквах благословите Бога, Господа от источник Израилевых. Апостол к Галатом, зачало 208. Аллилуиа, глас 1: Терпя, потерпех Господа, и внят ми и услыша молитву мою. Евангелие от Луки, зачало 33. Причастен: В память вечную будет праведник:

Молитва
О, преподобныя Александро, Марфо и Елено, подвижницы Христовы, инокинь Дивеевских наставницы и всех прибегающих к вам скорыя помощницы! Вы от юности Бога возлюбившя, иноческаго жития возжелали есте и молитвами и наставлении преподобнаго Серафима Саровскаго обитель Дивеевскую устроили есте. В нейже, усердно потрудившяся, молитвою, постом и бдением сердца очистили есте и образ благонравнаго жития показали есте. Темже, яко имеющя дерзновение ко Всемилостивому Спасу и Преблагословенней Владычице Богородице, Иже и место сие благословиша, не оставите обитель сию святую и инокинь, чающих вашея помощи и заступления. Сохраните Отечество наше земное от всяких бед и напастей, междоусобныя брани и нашествия иноплеменников. Нам же, почитающым вас любовию, даруйте мир и единомыслие, да, вашими молитвами соблюдаеми и сохраняеми, исповедуем Святую Троицу, Отца и Сына и Святаго Духа. Аминь.

Акафист преподобной Марфе Дивеевской

Текст утвержден Священным Синодом
Русской Православной Церкви
28 декабря 2018 года (журнал № 127)

Кондак 1

Избра́ннице Царя́ Небе́снаго, преподо́бней ма́тери на́шей Ма́рфе, в беда́х и ско́рбех ско́рой помо́щнице благода́рственное пе́ние прино́сим. Ты же, иму́щая предста́тельство пред Го́сподем, моли́ся о нас, любо́вию тебе́ зову́щих: Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Икос 1

А́нгели на небеси́ ра́довахуся, ви́дяще доброде́тельное житие́ твое́, преподо́бная ма́ти Ма́рфо: явила́ся бо еси́ вои́стину иска́тельница Небе́снаго Би́сера, Иису́са Христа́. Мы же, зря́ще по́двиги и труды́ твоя́, благода́рственно воспису́ем ти такова́я:

Ра́дуйся, плоды́ Ду́ха Свята́го в себе́ стяжа́вшая;

ра́дуйся, к ти́хому приста́нищу нас направля́ющая.

Ра́дуйся, окамене́нная сердца́ на́ша во умиле́ние приводя́щая;

ра́дуйся, посреде́ скорбе́й ди́вный поко́й нам посыла́ющая.

Ра́дуйся, от нечая́нныя сме́рти нас огражда́ющая;

ра́дуйся, от ко́зней диа́вольских нас заступа́ющая.

Ра́дуйся, из пучи́ны грехо́в нас изводя́щая;

ра́дуйся, ко престо́лу Госпо́дню сердца́ на́ша вознося́щая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 2

Ви́де Влады́ка Небе́с души́ твоя́ добро́ту, я́ко уподо́билася еси́ му́дрым де́вам, вся́кую сла́дость и сла́ву земну́ю презре́вши. И мы вси, иму́ще такову́ю предста́тельницу о нас недосто́йных, прославля́ем просла́вльшаго тя Го́спода и пое́м Ему́: Аллилу́иа.

Икос 2

Ра́зум Небе́сный тебе́ дарова́ся, ма́ти Ма́рфо, егда́ послу́шала еси́ гла́са Бо́жия и, ше́дши с сестро́ю твое́ю в пу́стынь Саро́вскую, ста́рца Серафи́ма дости́гла еси́. Те́мже убла́жающе тя взыва́ем си́це:

Ра́дуйся, измла́да в познании Бога ди́вно умудри́вшаяся;

ра́дуйся, а́ки еле́нь ко исто́чнику благода́ти Бо́жия устреми́вшаяся.

Ра́дуйся, а́нгельское житие́ нам явля́ющая;

ра́дуйся, в стра́се Бо́жием нас наставля́ющая.

Ра́дуйся, в терпе́нии и смире́нии свое́м Христу́ Бо́гу подража́вшая;

ра́дуйся, о проще́нии грехо́в сле́зы пролива́вшая.

Ра́дуйся, вся плотски́я по́хоти Бо́га ра́ди умертви́вшая;

ра́дуйся, мно́ги ко́зни лука́ваго победи́вшая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 3

Си́ла Вы́шняго осени́ Серафи́ма преподо́бнаго, егда́ благослови́ на и́ноческое житие́ прише́дшую к нему́ ма́терь на́шу Ма́рфу. Мы же, дивя́щеся таково́й Прему́дрости Бо́жией, вопие́м Христу́ Бо́гу: Аллилу́иа.

Икос 3

Иму́щи оби́тель Диве́евская превели́кое сокро́вище, вседраги́я мо́щи твоя́, преподо́бная ма́ти Ма́рфо, лику́ет, и мы о сем ра́дости исполня́емся и с любо́вию воспева́ем тебе́ такова́я:

Ра́дуйся, из пучи́ны отча́яния нас извлека́ющая;

ра́дуйся, во страда́ниих Бо́га хвали́ти науча́ющая.

Ра́дуйся, мглу сомне́ний на́ших разсеява́ющая;

ра́дуйся, изнемога́ющия си́лы на́ша на бо́дрость прелага́ющая.

Ра́дуйся, от тесноты́ земны́я горе́ ны вознося́щая;

ра́дуйся, ми́лости у Го́спода нам прося́щая.

Ра́дуйся, ду́ши на́ша от вся́кия скве́рны охраня́ющая;

ра́дуйся, в Небе́снем гра́де нас предваря́ющая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 4

Бу́рю помышле́ний претерпе́вши и диа́вольския си́лы победи́вши, преподо́бная ма́ти Ма́рфо, пришла́ еси́ в приста́нище ти́хое и безмяте́жное, иде́же пое́ши со все́ми а́нгельскими си́лами хвалу́ Бо́гови: Аллилу́иа.

Икос 4

Слы́шахом о тебе́, ма́ти Ма́рфо, я́ко ди́вно от мирски́я суеты́ к мона́шескому по́двигу призвана́ бе, и еще́ ю́на су́щи отве́рглася еси́ во́ли своея́, и в зна́мение отсече́ния ея́ постри́гла еси́ власы́ главы́ своея́. Сие́ у́бо произволе́ние похваля́юще, воспева́ем ти такова́я:

Ра́дуйся, благо́е и́го Христово на себе́ возложи́вшая;

ра́дуйся, ду́ши на́ша све́том ве́ры просвети́вшая.

Ра́дуйся, нас во страда́ниих душе́вных подкрепля́ющая;

ра́дуйся, нас красото́ю любве́ украша́ющая.

Ра́дуйся, Бо́гом на Небеси́ и на земли́ просла́вленная;

ра́дуйся, вене́ц сла́вы и бога́тство нетле́нныя прии́мшая.

Ра́дуйся, от суеты́ мирски́я нас огражда́ющая;

ра́дуйся, незло́бие и кро́тость в сердца́ на́ша вселя́ющая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 5

Богото́чныя струи́ произлива́ются тобо́ю, ма́ти на́ша Ма́рфо, всем бо се́рдцем прилепи́лася еси́ ко еди́ному Ве́чному Животу́ и Красоте́ неизрече́нней, Иису́су Христу́, пою́щи Ему́: Аллилу́иа.

Икос 5

Ви́деша сестры́ твоя́, преподо́бная мати Ма́рфо, я́ко чу́до пресла́вное сотвори́ с тобо́ю Госпо́дь: чрез служи́теля бо Своего́ Серафи́ма сподо́би тя ве́дети ве́лия обетова́ния, я́же о сла́ве Диве́евстей. Сего́ ра́ди тебе́, вели́цей уго́днице Бо́жией, взыва́ем си́це:

Ра́дуйся, соверше́нства А́нгельскаго во о́трочестве дости́гшая;

ра́дуйся, за́поведи преподо́бнаго николи́же преступи́вшая.

Ра́дуйся, а́гнице Христо́ва, на земли́ благоче́стно пожи́вшая;

ра́дуйся, ю́ности и красоты́ своея́ не пощади́вшая.

Ра́дуйся, послуша́нию нас науча́ющая;

ра́дуйся, целому́дрие и чистоту́ восхваля́ющая.

Ра́дуйся, к жела́ний Кра́ю прише́дшая;

ра́дуйся, возлю́бленнаго Спа́са и Го́спода узре́вшая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 6

Пропове́дует оби́тель Диве́евская ско́рое заступле́ние и предста́тельство твое́ пред Го́сподем. Ты же, я́ко улучи́вшая дерзнове́ние ко Влады́це, не забу́ди ны, земна́я ча́да твоя́, вопию́щая Бо́гу: Аллилу́иа.

Икос 6

Возсия́, я́ко кра́сная заря́, прехожде́ние твое́, ма́ти Ма́рфо, от земли́ на Не́бо. Сподо́билася еси́ получи́ти ми́лости от Го́спода и Пречи́стыя Ма́тере Его́ в Небе́сных оби́телях. Сему́ Бо́жию о тебе́ благоволе́нию дивя́щеся, воспева́ем си́це:

Ра́дуйся, Честне́йшия Богоро́дицы похвале́ние,

ра́дуйся, о́бразе и́стиннаго смире́ния.

Ра́дуйся, вели́кая наста́внице терпе́ния;

ра́дуйся, лю́бящим и чту́щим тя хода́таице спасе́ния.

Ра́дуйся, честно́е Христо́во избра́ние;

ра́дуйся, непоро́чное Бо́гови благоуха́ние.

Ра́дуйся, боголюби́вых душ увеселе́ние;

ра́дуйся, оби́тели Диве́евския щи́те и огражде́ние.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 7

Яви́ человеколю́бец Госпо́дь молитвенницу об обители Дивеевския тя, преподо́бная ма́ти Ма́рфо, да вси сохраня́еми предста́тельством твои́м воззову́т Го́сподеви: Аллилу́иа.

Икос 7

Но́вое чу́до пове́да о тебе́, ма́ти Ма́рфо, преподо́бный Серафи́м всем приходя́щим к нему́ во дни кончи́ны твоея́; рече́ бо, я́ко мно́гих грехо́в изба́вятся припа́дающии ко гро́бу твоему́ и зову́щии тебе́ такова́я:

Ра́дуйся, от ю́ности Бо́гу послужи́вшая;

ра́дуйся, на земли́ благоче́стно пожи́вшая.

Ра́дуйся, ко врато́м жи́зни ве́чныя нас приводя́щая;

ра́дуйся, во Ца́рствии Небе́снем пребыва́ющая.

Ра́дуйся, я́ко тобо́ю сла́дости духо́вныя насыща́емся;

ра́дуйся, я́ко моли́твою твое́ю укрепля́емся.

Ра́дуйся, оби́льно исцеле́ния источа́ющая;

ра́дуйся, моли́тися приле́жно нас призыва́ющая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 8

Стра́нствие земно́е сконча́вши, вознесла́ся еси́, а́ки чи́стая голуби́ца, в неве́стник Христо́в, иде́же пое́ши со все́ми послужи́вшими Бо́гу хвале́бную песнь: Аллилу́иа.

Икос 8

Вся и́нокини возра́довашася, егда́ А́нгели прия́ша честну́ю ду́шу твою́, преподо́бная ма́ти Ма́рфо, и вознесо́ша ю́ во оби́тели го́рния, иде́же ны́не предстои́ши Пресвяте́й Тро́ице. Мы же, дивя́щеся человеколю́бию Бо́жию, вопие́м ти такова́я:

Ра́дуйся, гла́су Боже́ственныя благода́ти приле́жно внима́вшая;

ра́дуйся, сла́дкий мед и́стины и спасе́ния взыска́вшая.

Ра́дуйся, всю сла́ву земну́ю попра́вшая;

ра́дуйся, дух твой горе́ возноси́вшая.

Ра́дуйся, в пресве́тлый черто́г Жениха́ твоего́ вше́дшая;

ра́дуйся, вене́ц воздая́ния прие́мшая.

Ра́дуйся, Христо́вою любо́вию уязвле́нная;

ра́дуйся, в бра́чную оде́жду облече́нная.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 9

А́нгели на Небеси́ и челове́цы на земли́ вку́пе возра́довахуся о обрете́нии честны́х моще́й твои́х, преподо́бная ма́ти Ма́рфо. Мы же, ны́не благодаря́ще Го́спода, я́ко дарова́ нам засту́пницу и моли́твенницу благу́ю, вопие́м Ему́: Аллилу́иа.

Икос 9

Вети́и многовеща́ннии не возмо́гут досто́йно изобрази́ти вели́чие благодея́ний Бо́жиих, угото́ванных во Ца́рствии Небе́снем всем лю́бящим Го́спода. Мы же, ма́ти Ма́рфо, я́ко соприча́стнице ра́дости неоскудева́емыя, во умиле́нии се́рдца взыва́ем ти си́це:

Ра́дуйся, на житие́ вре́менное, я́ко на стра́нствие, взира́вшая;

ра́дуйся, и́ноческаго чи́на измла́да иска́вшая.

Ра́дуйся, а́нгельски в рай вознесе́нная;

ра́дуйся, Го́сподом благослове́нная.

Ра́дуйся, всесве́тлаго Ца́рства Христо́ва насле́днице;

ра́дуйся, безпло́тных чино́в собесе́днице.

Ра́дуйся, сла́дость Небе́сную во ве́ки вкуша́ющая;

ра́дуйся, те́плою моли́твою сердца́ на́ша согрева́ющая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 10

Спасти́ся хотя́щи душа́м на́шим, ма́ти Ма́рфо, мо́лиши непреста́нно ми́лостиваго Го́спода, да не лиши́т нас насле́дия Небе́снаго Ца́рствия Своего́, пою́щих Ему́: Аллилу́иа.

Икос 10

Кре́пость необори́мая к тебе́ прибега́ющих была́ еси́, ма́ти Ма́рфо. Бу́ди и ны́не нам защи́тница от вся́ких наве́тов вра́жиих, ско́рая же помо́щница в ну́ждах и ско́рбех, да любо́вию зове́м ти такова́я:

Ра́дуйся, Христа ́да́же до сме́рти возлюби́вшая:

ра́дуйся, тве́рдую ве́ру в про́мысл Бо́жий яви́вшая.

Ра́дуйся, несумне́нную наде́жду на милосе́рдие Госпо́дне показа́вшая;

ра́дуйся, нелицеме́рною любо́вию нас объя́вшая.

Ра́дуйся, помраче́нное о́ко душ на́ших просвеща́ющая;

ра́дуйся, в до́брых де́лех нас му́дро наставля́ющая.

Ра́дуйся, ми́лости прося́щим подаю́щая;

ра́дуйся, путь к Небеси́ нам указу́ющая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 11

Пе́ние всеумиле́нное прино́сим ти, преподо́бная ма́ти Ма́рфо, пред [ракою мощей и] святы́м о́бразом твои́м предстоя́ще и моля́щеся приле́жно. Да укрепи́т Госпо́дь ве́ру правосла́вную во Оте́честве на́шем и искорени́т в нем вся е́реси и раско́лы; да вси лю́дие еди́ными усты́ и еди́ным се́рдцем сла́вят Бо́га, пою́ще Ему́: Аллилу́иа.

Икос 11

Светоза́рно свети́ло бу́ди нам, ма́ти на́ша Ма́рфо, путеводя́щи от земли́ на Не́бо, да возмо́жем и мы в житии́ на́шем прославля́ти Вели́кое и Сла́вное И́мя Пресвяты́я Тро́ицы и воспева́ти тебе́ си́це:

Ра́дуйся, спаси́тельнаго безмо́лвия люби́тельнице;

ра́дуйся, соверше́ннаго терпе́ния храни́тельнице.

Ра́дуйся, во́льныя нищеты́ крест прии́мшая;

ра́дуйся, посто́м и бде́нием Бо́гу угоди́вшая.

Ра́дуйся, путь пра́вый в Ца́рствие Небе́сное нам указу́ющая;

ра́дуйся, духо́вную му́дрость нам да́рующая.

Ра́дуйся, к Бо́гу все́ю душе́ю прилепля́тися науча́ющая;

Ра́дуйся, друг дру́га люби́ти нас призыва́ющая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 12

Благода́ть и ми́лость испроси́ нам у Бо́га, ма́ти преподо́бная, вразумля́ющую и укрепля́ющую нас в де́ле спасе́ния, да не безпло́дны яви́мся в час суда́ Бо́жия, пою́ще: Аллилу́иа.

Икос 12

Пою́ще и сла́вяще преди́вное прославле́ние твое́, ублажа́ем тя, преподо́бная ма́ти Ма́рфо, я́ко те́плую моли́твенницу о нас пред Го́сподем, и с любо́вию возглаша́ем ти такова́я:

Ра́дуйся, благода́тию Пресвята́го Ду́ха приосене́нная;

ра́дуйся, во оде́жду нетле́ния облече́нная.

Ра́дуйся, неме́ркнущим све́том ду́ши на́ша озаря́ющая;

ра́дуйся, на доброде́лание нас наставля́ющая.

Ра́дуйся, Еди́наго Го́спода во вся дни живота́ своего́ иска́вшая;

ра́дуйся, в Нем наме́рения полага́вшая.

Ра́дуйся, оби́тель Богома́тернюю возлюби́вшая;

ра́дуйся, да́же до конца́ в ней пожи́вшая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 13

О, прехва́льная и пресла́вная преподо́бная ма́ти на́ша Ма́рфо! Приими́ ми́лостивно от нас сие́ ма́лое моле́ние, в похвалу́ тебе́ приноси́мое, и, предстоя́щи ны́не Престо́лу Царя́ ца́рствующих, моли́ всеблага́го Бо́га проба́вити ми́лость свою́ на ны и на ро́ды родо́в на́ших, утверди́ти ны в правове́рии и благоче́стии, да воспева́ем Ему́ чи́стым се́рдцем: Аллилу́иа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

Ра́дуйся, плоды́ Ду́ха Свята́го в себе́ стяжа́вшая;

ра́дуйся, к ти́хому приста́нищу нас направля́ющая.

Ра́дуйся, окамене́нная сердца́ на́ша во умиле́ние приводя́щая;

ра́дуйся, посреде́ скорбе́й ди́вный поко́й нам посыла́ющая.

Ра́дуйся, от нечая́нныя сме́рти нас огражда́ющая;

ра́дуйся, от ко́зней диа́вольских нас заступа́ющая.

Ра́дуйся, из пучи́ны грехо́в нас изводя́щая;

ра́дуйся, ко престо́лу Госпо́дню сердца́ на́ша вознося́щая.

Ра́дуйся, преподо́бная ма́ти на́ша Ма́рфо, моли́твами свои́ми оби́тель Диве́евскую не оставля́ющая.

Кондак 1

Молитва

О, богому́драя и ди́вная отрокови́це, сосу́де Благода́ти Бо́жия, в простоте́ голуби́ней пожи́вшая, кро́тостию небе́сною, чистото́ю и послуша́нием просия́вшая, сотаи́ннице преподо́бнаго Серафи́ма, нача́льнице Диве́евских сесте́р в оби́телех Небе́сных, госпоже́ и ма́ти на́ша Ма́рфо! Бу́ди лю́бящим и чту́щим тя хода́таица спасе́ния, в стра́се Бо́жием нас утверди́, да го́рняя му́дрствуем, а не земна́я, изнемога́ющия си́лы на́ша на бо́дрость премени́, в любви́ и единомы́слии укрепи́ и помяни́ нас, гре́шных, у Престо́ла Бо́жия во Ца́рствии Небе́снем. Ами́нь.

Вернуться к списку