Ювелирные изделия

смотреть

Отзывы

04.10.2024 Облачение на престол "Костромское" в храме г. Кемерово

04.10.2024 Паникадило на 15 свечей в Никольском храме с. Новониколаевка Ростовской области

04.10.2024 Плащаница Божией Матери в храме Вознесения Господня г. Колпашево Томской области

02.10.2024 Аналой центральный "Иерусалимский" в храме г. Москвы

13.06.2024 Евангелие в Республике Крым

Главная страница
Православные справочники
Святые
Святитель Игнатий (Брянчанинов), епископ Кавказский

Святитель Игнатий (Брянчанинов), епископ Кавказский

Дни памяти:

13 мая

Святитель Игнатий (Брянчанинов), епископ Кавказский

Житие:

Краткое житие святителя Игнатия (Брянчанинова)

Святитель Игнатий (в миру Дмитрий Александрович Брянчанинов) родился 6 февраля 1807 г. в родовом имении отца, селе Покровском Вологодской губернии. Мать родила Дмитрия после продолжительного бесплодия, по горячей молитве и путешествии по окрестным святым местам. Детство мальчик провел в уединении сельской жизни; с ранних лет безотчетно влекся он к жизни иноческой. С возрастом его религиозное настроение обнаруживалось все заметнее: оно проявлялось в особенной расположенности к молитве и чтению духовных книг.

Учился Дмитрий превосходно и до самого выхода из училища оставался первым учеником в своем классе. Его способности были самые разносторонние – не только в науках, но и в рисовании, и в музыке. Родственные связи ввели его в дом президента Академии художеств А.Н. Оленина; здесь на литературных вечерах он сделался любимым чтецом и вскоре познакомился с А. Пушкиным, К. Батюшковым, Н. Гнедичем, И. Крыловым. Но в шуме и суете столичной жизни Дмитрий не изменял своим душевным стремлениям. В поисках «вечной собственности для вечного человека» он постепенно пришел к малоутешительному выводу: значение науки ограничивается земными потребностями человека и пределами его жизни.

Столь же ревностно, как занимался наукой, принимается Дмитрий за изучение древней и новой философии, пытаясь успокоить свое духовное томление, но и на этот раз не находит решения главнейшего вопроса об Истине и смысле жизни. Изучение Священного Писания было следующей ступенью, и оно убедило его в том, что, предоставленное произвольному толкованию отдельного человека, Писание не может быть достаточным критерием истинной веры и прельщает лжеучениями. И тогда Дмитрий обратился к изучению Православной веры по писаниям святых отцов, святость которых, как и чудное и величественное согласие, стали для него ручательством их верности.

Дмитрий Брянчанинов посещает богослужения в Александро-Невской лавре и там находит истинных наставников, понимающих его духовные нужды. Окончательный переворот в жизни произвело знакомство со старцем Леонидом (впоследствии оптинский иеромонах Лев ). Дмитрий Брянчанинов оставляет блеск и богатство аристократической жизни и, вызывая глубочайшее недоумение «света» и недовольство своих родителей, в 1827 г. уходит в отставку. Пробыв послушником в нескольких монастырях, он принимает иноческий постриг с именем Игнатий в уединенном Глушицком Дионисиевом монастыре.

В январе 1832 г. иеромонах Игнатий был назначен строителем Пельшемского Лопотова монастыря в Вологодской губернии, а в 1833 г. возведен в сан игумена этого монастыря. Вскоре император Николай I вызывает Игнатия в Петербург; по высочайшей рекомендации и по распоряжению Священного Синода его наградили званием архимандрита и назначили настоятелем Сергиевой пустыни.

Прожив в Сергиевой пустыни 24 года, архимандрит Игнатий привел ее в цветущее состояние. 27 октября 1857 г. он был хиротонисан во епископа Кавказского и Черноморского. В следующем году владыка прибыл в Ставрополь, где ему предстояли новые большие труды, но постигшая его тяжелая болезнь, оспа, воспрепятствовала им. Преосвященный решил проситься на покой и в 1861 г. поселился в Николо-Бабаевском монастыре. Здесь, свободный от служебных обязанностей, все свое время до конца жизни († 1867) он отдал работе над духовными сочинениями.

Имя святителя Игнатия Брянчанинова, епископа Ставропольского и Кавказского, сияет в летописях Церкви и России ярким светом благодатного избранничества. Строгий ревнитель аскетической традиции, выдающийся ученый, подвижник, архипастырь, миротворец, человек высочайшей духовности и культуры, он известен всему цивилизованному миру как творец бессмертных духовных произведений, талантливый администратор, ревностный хранитель православных традиций и культуры, как один из наиболее авторитетных руководителей человека на пути к вечной жизни.

Полное житие святителя Игнатия (Брянчанинова)

Святитель Игнатий (в Святом Крещении Димитрий) родился 5 февраля 1807 года в селе Покровском Грязовецкого уезда Вологодской губернии и принадлежал к старинной дворянской фамилии Брянчаниновых. Родоначальником ее был боярин Михаил Бренко, оруженосец великого князя Московского Димитрия Иоанновича Донского. Летописи сообщают, что Михаил Бренко был тем самым воином, который в одежде великого князя и под княжеским знаменем геройски погиб в битве с татарами на Куликовом поле.

Отец будущего святителя Александр Семенович Брянчанинов в своей семье сохранял добрые старинные обычаи. Он был верным сыном Православной Церкви и усердным прихожанином выстроенного им в селе Покровском храма. Мать епископа Игнатия была образованная интеллигентная женщина. Выйдя весьма рано замуж, она всецело посвятила свою жизнь семье.

Все дети Брянчаниновых получили прекрасное домашнее воспитание и образование. Учителя и наставники Димитрия удивлялись его блестящим и разносторонним способностям, обнаружившимся уже в самом раннем возрасте. Когда юноше исполнилось 15 лет, отец отвез его в далекий Петербург и отдал в Военно-инженерное училище. Намеченная родителями будущность совершенно не соответствовала настроениям Димитрия; он уже тогда заявил отцу, что хочет "поступить в монахи", но отец отмахнулся от этого неожиданного и неприятного для него желания сына как от неуместной шутки.

Прекрасная подготовка и исключительные способности молодого Брянчанинова сказались уже во время вступительных экзаменов в Училище: он был принят первым по конкурсу (из 130 экзаменовавшихся на 30 вакансий) и сразу же определен во второй класс. Имя талантливого юноши сделалось известным в царском дворце. Во все время пребывания в училище будущий святитель продолжал поражать своих наставников блестящими успехами в науках и первым по списку окончил полный курс наук в 1826 году.

В училище Брянчанинов стал главой кружка почитателей "святости и чести". Редкие умственные способности и нравственные качества привлекали к нему профессоров и преподавателей училища, соучеников. Он стал известен во всем Петербурге. С особым отеческим вниманием и любовью относился к нему государь император Николай I; принимая самое активное участие в жизни будущего святителя, он неоднократно беседовал с юношей в присутствии императрицы и детей.

Происхождение, воспитание и родственные связи открыли перед ним двери самых аристократических домов столицы. В годы учения Димитрий Брянчанинов был желанным гостем во многих великосветских домах; он считался одним из лучших чтецов-декламаторов в доме президента Академии художеств А.Н. Оленина (его литературные вечера посещали, в числе других, А.С. Пушкин, И.А. Крылов, К.Н. Батюшков, Н.И. Гнедич). Уже в это время обнаружились незаурядные поэтические дарования святителя Игнатия, которые впоследствии нашли свое выражение в его аскетических произведениях и сообщили многим из них особый лирический колорит. Литературная форма многих его произведений свидетельствует о том, что их автор учился русской словесности в эпоху Карамзина и Жуковского и впоследствии выражал свои мысли прекрасным литературным русским языком.

Уже тогда святитель Игнатий резко отличался от окружающего мира. В нем не было слепого преклонения перед Западом, он не увлекался тлетворным влиянием времени и приманками светских удовольствий. В последующем, когда в 24 года Д.А. Брянчанинов стал монахом, а вскоре архимандритом, настоятелем столичного Свято-Сергиевского монастыря, благочинным монастырей Санкт-Петербургской епархии, он стал известен всей России. Его хорошо знал и ценил первенствующий член Святейшего Синода митрополит Московский Филарет (Дроздов). Знакомства с архимандритом Игнатием, его советов и наставлений искали многие выдающиеся люди России. Среди них Н.В. Гоголь, Ф.М. Достоевский, А.А. Плещеев, князь Голицын, князь А.М. Горчаков, княгиня Орлова-Чесменская, герой Крымской войны флотоводец адмирал Нахимов. Восхищенный образом жизни и деятельности святителя Игнатия, известный русский писатель Н.С. Лесков посвятил ему свой рассказ "Инженеры бессребренники".

Все покоряло современников в будущем святителе: величественная внешность, благородство, особая одухотворенность, степенность и рассудительность. Он духовно окормлял свою многочисленную паству, содействовал нравственному совершенству людей, искавших Бога, раскрывал красоту и величие Святого Православия. Многосторонняя опытность, особый дар смотреть на все духовно, глубокая проницательность, постоянное и точное самонаблюдение сделали его весьма искусным в лечении духовных и душевных недугов. Вот к чьей молитвенной помощи надо прибегать современным больным, а не к экстрасенсам и колдунам, шарлатанам и "знахарям".

Чуткий ко всякой фальши святитель Игнатий с горечью замечал, что объектом изображения светского искусства является прежде всего зло. Он с резкой критикой относился к литературным произведениям, в которых воспевались так называемые "лишние люди", "герои", творящие зло от скуки, подобные Печорину Лермонтова и Онегину Пушкина. Считая, что такая литература наносит серьезный вред неискушенным душам читающей молодежи, святитель написал в 1847 году для массового издания священную повесть о ветхозаветном библейском герое – праведном Иосифе, образе чистоты и целомудрия. В предисловии к повести он писал: "Желаем, чтоб многие из последователей Печорина обратились в последователей Иосифа".

Ко времени назначения настоятелем архимандрита Игнатия Троице-Сергиева пустынь, расположенная на берегу Финского залива близ Петербурга, пришла в сильное запустение. Храм и келлии пришли в крайнюю ветхость. Немногочисленная братия (15 человек) не отличалась строгостью поведения. Двадцатисемилетнему архимандриту пришлось перестраивать все заново. Обитель обстраивалась и благоукрашалась. Богослужение, совершавшееся здесь, сделалось образцовым. Монастырские напевы были предметом особых попечении архимандрита Игнатия; он заботился о сохранении старинных церковных мелодий и их гармонизации. Известный церковный композитор о. Петр Турчанинов, проживавший с 1836 по 1841 год в Стрельне, рядом с Троице-Сергиевой пустынью, проводил по просьбе о. Игнатия занятия с монастырским хором и написал для него несколько лучших своих произведений. М.И. Глинка, с увлечением изучавший в последние годы своей жизни древние церковные мелодии, также написал для этого хора несколько песнопений. Господу было угодно, чтобы Его избранник послужил Святой Церкви еще и в епископском сане, управляя одной из новых и самых своеобразных епархий России. Это была Кавказская и Черноморская епархия с кафедрой в Ставрополе, основанная в 1843 году.

Епископская хиротония архимандрита Игнатия состоялась в Петербурге, в Казанском соборе, 27 октября 1857 года. Попрощавшись с братией Троице-Сергиевой пустыни, приведенной его трудами в цветущее состояние, владыка Игнатий отправился в далекий путь на Кавказ. Путь этот пролегал через Москву, Курск и Харьков (железнодорожное сообщение было тогда только между Петербургом и Москвой, дальше надо было ехать на лошадях).

В кафедральный город Ставрополь преосвященный Игнатий прибыл 4 января 1858 года. Гражданский губернатор П.А. Брянчанинов (родной брат святителя, позже последовавший за ним в Николо-Бабаевский монастырь и принявший там монашеский постриг с именем Павел) вместе с градоначальником, духовенством, народом Божиим торжественно встречал нового кавказского архипастыря при въезде в город. Первыми словами, произнесенными владыкой на ставропольской земле, были: "Мир граду сему". Этими словами владыка указывал на то, что прибыл на многострадальную кавказскую землю как миротворец, с желанием погасить пожар Кавказской войны и умирить мир на огнедышащей земле кавказской, где святителю предстояло пробыть с начала 1858 года до осени 1861.

Владыка Игнатий был третьим по порядку епископом Кавказским и Черноморским. Внешние условия религиозной жизни в этой недавно учрежденной огромной епархии чрезвычайно отличались от всего того, с чем ему приходилось иметь дело до назначения на Кавказ. Продолжалась Кавказская война, благодатная земля обагрялась людской кровью, отовсюду слышались плач и стон. Многонациональный и разноверный состав местного населения был причиной возникновения множества таких вопросов церковно-административного характера, подобные которым даже в мыслях не представлялись архиереям, управлявшим благоустроенными епархиями в центре государства.

Несмотря на все трудности, святитель Игнатий ревностно приступил к исполнению своих архипастырских обязанностей. Важнейшую свою задачу он видел в апостольском служении пастве, в умирении мира на огнедышащем Кавказе, в укреплении и расширении здесь Святого Православия.

Владыка Игнатий ревностно заботился и об устроении богослужения, и о нормальных взаимоотношениях духовенства и мирян. Святитель заботился об улучшении быта духовенства, повышении его образовательного уровня, о лучших взаимоотношениях, приличествующих духовному сану. Благодаря этой заботе епархиальные дела вскоре были приведены в благополучное состояние.

При епископе Игнатии Брянчанинове основанная в 1846 году Ставропольская духовная семинария пережила период особенно бурного расцвета, ибо святитель Игнатий как никто понимал значение этого питомника духовного просвещения для дела святого православия на Кавказе и вкладывал в строительство духовной школы все свои силы. Он лично наблюдал за духовным ростом воспитанников, перевел семинарию в новое просторное здание и навсегда остался в благодарной памяти учащих и учащихся Ставропольской духовной семинарии, являясь предстателем за нее у Престола Божия.

Полем деятельности святителя был не только кафедральный город Ставрополь. Он совершал объезды епархии, пределами которой были берега Черного, Азовского и Каспийского морей, снежные вершины главного Кавказского хребта и дальние сухие калмыцкие степи. Шла Кавказская война, и епископ в дороге постоянно имел при себе дароносицу для, может быть, последнего Причастия.

Находясь на Кавказских Минеральных Водах, пользуясь целебной силой источников Пятигорска, Ессентуков, Кисловодска, Горячеводска, Железноводска, святитель Игнатий Брянчанинов дал им высокую оценку и освятил их. Это святительское благословение действует и по сей день, принося всем прибегающим к помощи источников исцеление телесное и духовное, ибо воды источников помимо природных лечебных свойств имеют и особую благодатную силу, врачующую недуги души.

23 августа 1858 года после Божественной литургии в Скорбященской церкви Пятигорска в присутствии представителей гражданской и военной власти, знатных горожан и именитых посетителей Вод, при огромном стечении простого народа владыка совершил освящение только что открытого озера Провал. После окропления стен грота святой водой в нише против входа в него был установлен принесенный крестным ходом образ Скорбящей Божией Матери.

Преосвященный Игнатий придавал большое значение строительству в епархии храмов Божиих. Его заботами в 1859 году основанная первым епископом Кавказским Иеремией Иоанно-Мариинская община была преобразована в монастырь. В этой же обители в 1861 году преосвященный Игнатий заложил новый Покровский храм. Владыка вместе с губернским архитектором Воскресенским сам составил проект храма в селе Ново-Григорьевском, ставшего украшением епархии. В 1860 году владыка Игнатий выдал храмоздательную грамоту на строительство в Моздоке нового храма в честь находящейся в этом городе и глубоко почитаемой на Кавказе чудотворной Иверской иконы Божией Матери. По благословению святителя за два года (1859–1860) была сооружена по проекту П. Воскресенского уникальная колокольня Ставропольского кафедрального собора Казанской иконы Божией Матери, на протяжении многих десятилетий служившая одной из достопримечательностей Кавказа.

Недолго – менее четырех лет – управлял преосвященный Игнатий Кавказской епархией, но это время промыслительно совпало со многими важными событиями в жизни Кавказа. В августе 1859 года был пленен имам Шамиль. В 1860 году Кавказская линия была разделена на Кубанскую и Терскую области. В 1861 году началось заселение закубанского края.

Богу содействующу, епископ Игнатий достойно совершил трудное дело управления огромной Кавказской епархией в условиях жестокой Кавказской войны. Несмотря на военные действия, реальную опасность попасть в заложники или быть убитым, он посетил многие приходы от Тамани до Кизляра, привел в порядок органы епархиального управления, добился повышения окладов духовенству епархии, ввел торжественное богослужение, устроил прекрасный архиерейский хор, построил архиерейский дом. Кроме того, он неустанно проповедовал. В отношении к духовенству и прихожанам владыка Игнатий был истинным миротворцем, – строгий к себе, он был снисходителен к немощам ближних.

Тяжкая болезнь вынудила епископа Игнатия летом 1861 года подать прошение об увольнении на покой в Николо-Бабаевский монастырь, куда после удовлетворения прошения он и выехал 13 октября вместе с несколькими преданными учениками.

Неоценимо значение сочинений святителя Игнатия, – живого опыта деятельного подвижника, созидавшего свою духовную жизнь на основе Священного Писания и предания православной церкви. Богословское наследие святителя Игнатия было принято читателями с большой любовью и благодарностью.

Интерес к личности и бессмертным творениям епископа Игнатия не угасает и в наши дни. Святитель Игнатий Брянчанинов является лучшим духовным руководителем, лучшим примером того, как в жизненном водовороте человек может сохранить верность Христу, возгревая постоянно в сердце своем огонь любви и преданности Богу.

Епископ Игнатий канонизирован Поместным Собором Русской Православной Церкви (Троице-Сергиева Лавра, 6–9 июня 1988). Его святые мощи покоятся в Свято-Введенском Толгском монастыре Ярославской епархии. Частица их была принесена в Ставрополь святейшим патриархом Московским и всея Руси Алексием II во время первого визита предстоятеля Русской Православной Церкви на Кавказ в августе 1994 года.

Кроссворд «Святитель Игнатий (Брянчанинов)» ►

Купить иконы святого Игнатия Брянчанинова

Молитва святителю Игнатию (Брянчанинову)

Тропарь, глас 8*

Правосла́вия побо́рниче,/ покая́ния и моли́твы де́лателю и учи́телю изря́дный,/ архиере́ев богодухнове́нное украше́ние,/ мона́шествующих сла́во и похвало́:/ писа́нии твои́ми вся ны уцелому́дрил еси́./ Цевни́це духо́вная, Игна́тие богому́дре,/ моли́ Сло́ва Христа́ Бо́га,/ Его́же носи́л еси́ в се́рдце твое́м,// дарова́ти нам пре́жде конца́ покая́ние.

Перевод: Ревностный защитник православия, покаяния и молитвы деятель и учитель особенный, архиереев богодухновенное украшение, монашествующих слава и честь: твоими писаниями ты всех нас привел к целомудрию. Лира духовная, Игнатий богомудрый, моли Слово Христа Бога, Его же ты носил в сердце своем, даровать нам покаяние, прежде нашей смерти.

Кондак, глас 8^*

А́ще и соверша́л еси́ стезю́ жития́ земна́го, святи́телю Игна́тие,/ оба́че непреста́нно зрел еси́ зако́ны бытия́ ве́чнаго,/ сему́ поуча́я ученики́ словесы́ мно́гими,// и́мже после́довати и нам, свя́тче, помоли́ся.

Перевод: Хотя и совершал ты путь земной жизни, святитель Игнатий, но не переставая видел законы вечной жизни, поучая тому учеников многими делами, помолись, чтобы и мы последовали им, святой.

Молитва**

О, вели́кий и пречу́дный уго́дниче Христо́в, святи́телю о́тче Игна́тие! Ми́лостиво приими́ моли́твы на́ша, с любо́вию и благодаре́нием тебе́ приноси́мыя! Услы́ши нас си́рых и безпо́мощных (имена), к тебе́ с ве́рою и любо́вию припа́дающих и твоего́ те́плаго предста́тельства о нас пред Престо́лом Го́спода Сла́вы прося́щих. Ве́мы, я́ко мно́го мо́жет моли́тва пра́ведника, Влады́ку умилостивля́ющая. Ты от лет младе́нческих Го́спода пла́менно возлюби́л еси́ и Ему́ Еди́ному служи́ти восхоте́в, вся кра́сная ми́ра сего́ ни во что́же вмени́л еси́. Ты отве́ргся себе́ и взем крест твой, Христу́ после́довал еси́. Ты путь у́зкий и приско́рбный жития́ и́ноческаго во́лею себе́ избра́л еси́ и на сем пути́ доброде́тели вели́кия стяжа́л еси́. Ты писа́ньми твои́ми сердца́ челове́ков глубоча́йшаго благогове́ния и поко́рности пред Всемогу́щим Творцо́м исполня́л еси́, гре́шников же па́дших му́дрыми словесы́ твои́ми в созна́нии своего́ ничто́жества и своея́ грехо́вности, в покая́нии и смире́нии прибега́ти к Бо́гу наставля́л еси́, ободря́я их упова́нием на Его́ милосе́рдие. Ты николи́же притека́вших к тебе́ отверга́л еси́, но всем оте́ц чадолюби́вый и па́стырь до́брый был еси́. И ны́не не оста́ви нас, усе́рдно тебе́ моля́щихся и твоея́ по́мощи и предста́тельства прося́щих. Испроси́ нам у человеколюби́ваго Го́спода на́шего здра́вие душе́вное и теле́сное, утверди́ ве́ру на́шу, укрепи́ си́лы на́ша, изнемога́ющия во искуше́ниих и скорбе́х ве́ка сего́, согре́й огне́м моли́твы охладе́вшая сердца́ на́ша, помоги́ нам, покая́нием очи́стившимся, христиа́нскую кончи́ну живота́ сего́ получи́ти и в черто́г Спа́сов преукраше́нный вни́ти со все́ми избра́нными и та́мо ку́пно с тобо́ю покланя́тися Отцу́ и Сы́ну и Свято́му Ду́ху во ве́ки веко́в. Ами́нь.

* Минея дополнительная. 30‑е апреля.

** Акафист святителю Игнатию (Брянчанинову)

Акафист святителю Игнатию (Брянчанинову)

Текст утвержден Священным Синодом Русской Православной Церкви 24 сентября 2021 года (журнал № 67)

Конда́к 1

Избра́нный Небе́сным Царе́м и от Него́ просла́вленный,/ святи́телю о́тче Игна́тие,/ ны́не всечестну́ю твою́ па́мять пра́зднующе, мо́лим тя усе́рдно:/ путево́дствуй нас на пути́ спасе́ния,/ изба́ви от враг ви́димых и неви́димых,/ от скорбе́й и боле́зней, да с любо́вию зове́м ти:// Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

И́кос 1

Арха́нгели и А́нгели удивля́хуся житию́ твоему́, святи́телю о́тче Игна́тие, ка́ко ты от лет ма́лых к Бо́гу ве́лие раче́ние име́л еси́ и по за́поведем Его́ житие́ твое́ неукло́нно проводи́л еси́. Дивя́щеся таково́му благоразу́мию твоему́, со умиле́нием взыва́ем ти:

Ра́дуйся, скорбя́щих безча́дных роди́телей твои́х рожде́нием свои́м уте́шивый;

ра́дуйся, ро́да честна́го о́трасль прекра́сная.

Ра́дуйся, А́нгела-храни́теля твоего́ непреста́нное весе́лие;

ра́дуйся, роди́телей и наста́вников твои́х свое́ю кро́тостию и поко́рностию удиви́вый.

Ра́дуйся, от лет младе́нческих ко и́ноческому послуша́нию себе́ приугото́вивый;

ра́дуйся, ду́шу свою́ младе́нческую к Бо́гу устреми́вый.

Ра́дуйся, в моли́тве и богомы́слии о́троческия своя́ досу́ги проводи́вый;

ра́дуйся, для ме́ньших бра́тий и сестр твои́х приме́р моли́твы и послуша́ния бы́вый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 2

Ви́дяще роди́тели твои́ вели́кая твоя́ дарова́ния, посла́ша тя в ца́рствующий град, да обу́чен бу́деши к восприя́тию во́инскаго зва́ния. Ты же, избра́нниче Бо́жий, юн сый ле́ты, ста́рец же му́дрый ра́зумом, вся сия́ я́ко тле́нна и скоропреходя́ща почита́ше, к еди́ней же красоте́ и сла́дости неизрече́нней — Го́споду Иису́су Христу́ умо́м и се́рдцем устремля́лся еси́, поя́ Ему́: Аллилу́ия!

И́кос 2

Ра́зум боже́ственный от возлю́бленнаго тобо́ю Спа́са Христа́ прия́л еси́, Игна́тие досточу́дне, егда́ еще́ о́трок сый, во всех ви́димых о́бразех ми́ра сего́ ру́ку Небе́снаго Творца́ и Промысли́теля проразумева́л еси́. Те́мже прославля́юще тя, вопие́м ти си́це:

Ра́дуйся, в ви́димых явле́ниих приро́ды Неви́димаго Бо́га созерца́вый;

ра́дуйся, тишину́ и уедине́ние пусты́нное возлюби́вый.

Ра́дуйся, от лет о́троческих к Бо́гу ве́лие раче́ние име́вый;

ра́дуйся, вся кра́сная и сла́дкая ми́ра сего́ презре́вый.

Ра́дуйся, мзду Небе́сную от Го́спода восприе́мый;

ра́дуйся, моли́тву Иису́сову непреста́нно твори́вый.

Ра́дуйся, соверше́нную любо́вь ко Го́споду показа́вый;

ра́дуйся, возлю́бленнаго тобо́ю Иису́са вы́ну в се́рдце твое́м носи́вый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 3

Си́лою Вы́шняго осене́н был еси́, о́тче преблаже́нне, егда́ вся, я́же в ми́ре сем за бла́га почита́ются, отве́ргл еси́ и по за́поведи Христа́ Спаси́теля, взем крест, невозвра́тно Ему́ после́довал еси́, непреста́нно поя́ в се́рдце твое́м: Аллилу́ия!

И́кос 3

Име́я в души́ свое́й пла́менное жела́ние мир оста́вити и Христу́ после́довати, не убоя́лся еси́ ни гне́ва царе́ва, ни преще́ний оте́ческих и, еще́ в ми́ре живы́й, и́ноческим житие́м себе́ украси́л еси́. Те́мже почита́я му́жество твое́ и любо́вь к Сладча́йшему Го́споду Иису́су, ублажа́ем тя си́це:

Ра́дуйся, во мла́дости твое́й адама́нтову тве́рдость ду́ха прояви́вый;

ра́дуйся, еженеде́льнаго приобще́ния Святы́х Христо́вых Та́ин, я́ко велича́йшаго сокро́вища, жела́вый.

Ра́дуйся, на Небесе́х ны́не Христа́ приобща́яйся, я́коже вожделе́л еси́, еще́ сый на земли́;

ра́дуйся, я́ко се́мя Бо́жие, все́янное в до́брую зе́млю се́рдца твоего́, оби́льными слеза́ми ороша́л еси́.

Ра́дуйся, я́ко посреде́ мирски́х пле́вел стори́чный плод доброде́телей Го́споду прине́сл еси́;

ра́дуйся, чистоты́ душе́вныя и теле́сныя усе́рдный храни́телю.

Ра́дуйся, целому́дрия ди́вное украше́ние;

ра́дуйся, я́ко благоле́пие ли́ка твоего́ о душе́вней красоте́ твое́й свиде́тельствоваше.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 4

Бу́ря помышле́ний сумни́тельных не поколеба́ тя, Игна́тие блаже́нне, егда́ гне́ва царе́ва не убоя́вся, чин во́инский оста́вил еси́ и, подъе́м на ся и́го Христо́во, и мир с собла́знами его́ презре́в, в пусты́ню всели́лся еси́, и та́мо жела́нный поко́й души́ свое́й стяжа́в, немо́лчно пел еси́ Бо́гу: Аллилу́ия!

И́кос 4

Егда́ слы́шано бысть во оте́честве твое́м, я́ко ты, юн сый ле́ты, ле́потою и дарова́ньми украше́н, сла́ву ми́ра сего́ и сла́дости его́ возненави́дев, в пусты́ню удали́лся еси́, вси сро́дницы твои́ вельми́ удивля́хуся, А́нгели же на Небеси́ возра́довашася зело́ и просла́виша Бо́га, восхи́тившаго тя от су́етнаго пути́ мирска́го и поста́вившаго на те́сный путь и́ноческий, веду́щий в Ца́рство Небе́сное. Мы же, похваля́юще святу́ю ре́вность твою́ о Го́споде, зове́м ти:

Ра́дуйся, зва́нию во́ина царя́ земна́го зва́ние во́ина Царя́ Небе́снаго предпочты́й;

ра́дуйся, на искуше́ния от ми́ра, пло́ти и диа́вола находя́щая, кре́пко ополчи́выйся.

Ра́дуйся, ору́жием Бо́жиим, Кресто́м Христо́вым, вся ко́зни вра́жия победи́вый;

ра́дуйся, броне́ю пра́ведности облече́нный.

Ра́дуйся, шлем спасе́ния восприе́мый;

ра́дуйся, меч духо́вный, е́же есть глаго́л Бо́жий, па́че вся́каго челове́ческаго ору́жия возлюби́вый.

Ра́дуйся, щито́м ве́ры от стрел лука́ваго себе́ огради́вый;

ра́дуйся, чи́на а́нгельскаго блаже́нство неизрече́нное в черто́зе Небе́снем получи́вый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 5

Боготе́чней звезде́ подо́бен был еси́, Игна́тие преподо́бне, егда́ предста́л еси́ пред игу́меном оби́тели да́льния и ску́дныя, прося́ прия́ти тя в число́ бра́тии. Игу́мен же, испыта́в тя, ничто́же вопреки́ глаго́лаше, благослови́ тя на нача́ло и́ноческаго пути́ твоего́. Ты же, улучи́в ча́яний твои́х заве́тных сбытие́, благода́рне воспева́л еси́ во умиле́нии благоде́ющему тебе́ Бо́гу: Аллилу́ия!

И́кос 5

Вся бра́тия оби́тели удивля́хуся, зря́ще вели́кое тща́ние твое́ во исполне́нии послуша́ний, и́миже испы́товаше твое́ смире́ние духо́вный оте́ц твой. Мы же, почита́юще по́двиги и труды́ твоя́, во млады́х ле́тех во́лею Христа́ ра́ди подъя́тыя, умиле́нно вопие́м ти:

Ра́дуйся, крест свой на ра́мена подъе́мый и Христу́ после́довавый;

ра́дуйся, у́зкий и приско́рбный путь жития́ мона́шескаго во́лею избра́вый.

Ра́дуйся, вспять николи́же обрати́выйся;

ра́дуйся, смире́нием свои́м дух горды́ни низложи́вый.

Ра́дуйся, тала́нт свой в земли́ не сокры́вый;

ра́дуйся, во сла́ву Бо́жию и на спасе́ние душ челове́ческих его́ употреби́вый.

Ра́дуйся, богому́дрыми писа́ньми твои́ми мно́гия ду́ши, во гресе́х погря́зшия, оживи́вый;

ра́дуйся, сла́дкий глас Небе́снаго Домовлады́ки: “Ра́бе благи́й и ве́рный, вни́ди в ра́дость Господи́на твоего́”, услы́шавый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 6

Смире́нием, посто́м, наипа́че же непреста́нною моли́твою на стра́сти плотски́я кре́пко воева́л еси́, святи́телю, до́ндеже плоть твою́ ду́хови порабо́тил еси́, и сего́ ра́ди ны́не предстои́ши с ли́ки А́нгел престо́лу Пресвяты́я Тро́ицы, вы́ну воспева́я: Аллилу́ия!

И́кос 6

Возсия́ в тебе́ оби́льно благода́ть Бо́жия, егда́ ты, чин а́нгельский восприи́м, вско́ре са́ном свяще́нства почте́н был еси́. Дух же твой, прия́тый во объя́тия О́тча, тебе́ отве́рстая, блаже́нство неизрече́нное вкуси́. Егда́ же избра́ тя Госпо́дь во игу́мена оби́тели Пе́льшемския, ты о слове́сных овца́х твои́х, тебе́ Бо́гом вруче́нных, де́нно и но́щно пе́клся еси́, да ни еди́на от них поги́бнет нераде́ния ра́ди твоего́. Таково́му Бо́жию о тебе́ промышле́нию ра́дующеся, зове́м ти:

Ра́дуйся, в прия́тии а́нгельскаго чи́на заверше́ние ча́яний твои́х узре́вый;

ра́дуйся, Небе́сному покрови́телю твоему́, священному́ченику Игна́тию Богоно́сцу, подража́вый.

Ра́дуйся, я́коже и он, Го́спода Иису́са Христа́ в се́рдце твое́м вы́ну носи́вый;

ра́дуйся, сан свяще́нства я́ко вели́кий дар Бо́жий прие́мый.

Ра́дуйся, огню́ тезоимени́тый, огне́м ве́ры и любве́ к Бо́гу и бли́жним пламене́вый;

ра́дуйся, с благогове́нием вели́ким и стра́хом Безкро́вную Же́ртву приноси́вый.

Ра́дуйся, Пренепоро́чную Ма́терь Христа́ Бо́га на́шего я́ко чисте́йшую святы́ню и сокро́вище Сла́вы Бо́жия благогове́йно почита́вый;

ра́дуйся, храм благоукраше́нный во и́мя Ми́лостивыя Врата́рницы во оби́тели воздви́гнувый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 7

Хотя́ Человеколю́бец Госпо́дь, да не сокры́т бу́дет свети́льник доброде́телей твои́х, но да све́тит всем, да просла́вят Отца́ Небе́снаго вси челове́цы, ви́дящии тя, изведе́ тя из оби́тели пусты́нныя на многотру́дная послуша́ния. Сему́ Бо́жию промышле́нию дивя́щеся, со умиле́нием зове́м: Аллилу́ия!

И́кос 7

Но́вей оби́тели преподо́бнаго Се́ргия близ ца́рствующаго гра́да дарова́ тя Госпо́дь, я́ко предстоя́теля и до́браго па́стыря, неусы́пно о слове́снем ста́де свое́м пеку́щагося и о благоле́пии оби́тели ревну́ющаго. Сего́ ра́ди и сла́вляху тя бра́тия твоя́, взыва́юще си́це:

Ра́дуйся, Небе́сному покрови́телю оби́тели твоея́ подража́вый;

ра́дуйся, ди́вными хра́мы и строе́ньми сию́ украси́вый.

Ра́дуйся, я́ко оте́ц чадолюби́вый, ча́да твоя́ по пути́ спасе́ния в Ца́рствие Небе́сное веды́й;

ра́дуйся, жа́ждавшия вступи́ти на путь и́ноческий с любо́вию во оби́тель приима́вый.

Ра́дуйся, провини́вшияся и́ноки увещава́ньми свои́ми к сле́зному раска́янию приводи́вый;

ра́дуйся, я́ко па́стырь до́брый, житие́м и нра́вом всей бра́тии приме́р по́двига и́ноческаго подава́вый.

Ра́дуйся, за спасе́ние их ду́шу свою́ положи́ти гото́вый;

ра́дуйся, мона́шествующих сла́во и похвало́.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 8

Стра́нник и пришле́ц на земли́ был еси́, святи́телю, я́коже про́чии челове́цы. Оба́че Госпо́дь от лет младе́нческих избра́ тя, я́ко уго́дника Своего́, житие́м бо и богодухнове́нными писа́ньми твои́ми Го́споду усе́рдно послужи́л еси́. Мы же, хвалу́ возсыла́юще ко благоде́ющему тебе́ Бо́гу, вопие́м Ему́: Аллилу́ия!

И́кос 8

Весь доброде́тели испо́лненный, вои́стину был еси́ во пло́ти а́нгел, святи́телю Игна́тие, все́х притека́вших к тебе́ с любо́вию прие́мля, в ско́рби их утеша́я, на путь покая́ния наставля́я, непреста́нней моли́тве и пла́чу серде́чному науча́я. Сего́ ра́ди бога́тии и бе́днии, зна́тнии и убо́зии лю́дие, духо́вная ча́да твоя́, взыва́ху ти:

Ра́дуйся, но́вый Златоу́сте, о́гненными словесы́ твои́ми мно́гия заблу́ждшия к Бо́гу приведы́й;

ра́дуйся, богому́дрыми писа́ньми твои́ми вся и́щущия спасе́ния просвети́вый.

Ра́дуйся, за враги́ своя́ моли́тися наставля́вый;

ра́дуйся, и сам за враги́ твоя́ с те́плою любо́вию моли́выйся.

Ра́дуйся, во вражду́ющих на нас ору́жие Бо́жие ко исправле́нию на́шему разуме́ти учи́вый;

ра́дуйся, Езеки́ины сле́зы и Манасси́ина воздыха́ния духо́вным очесе́м ка́ющихся представля́вый.

Ра́дуйся, по́двиги и труды́ подви́жников дре́вних в богому́дрых творе́ниих твои́х изобрази́вый;

ра́дуйся, в житии́ твое́м всеце́ло им подража́вый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 9

Все во́инство а́нгельское и святи́телей лик удиви́шася, зря́ще тя, но́ваго уго́дника Бо́жия, вели́кими труды́ и по́двиги просия́вшаго. Мы же, ублажа́юще тя, просла́вльшему тя Бо́гу вопие́м: Аллилу́ия!

И́кос 9

На но́вое многотру́дное послуша́ние в да́льний край Оте́чества на́шего отше́л еси́, святи́телю Игна́тие, егда́ жезл архиере́йский от Предве́чнаго Архиере́я, Го́спода на́шего Иису́са Христа́, вручи́ тебе́ архипа́стырь ца́рствующаго гра́да в собо́ре во и́мя Цари́цы Небе́сныя. Разуме́юще в сем во́лю Бо́жию, да и в чужде́й стране́ пропове́стся тобо́ю Ева́нгелие Ца́рствия Бо́жия, смире́нно зове́м ти:

Ра́дуйся, в хиротони́и оби́льно благода́ть Боже́ственную восприе́мый;

ра́дуйся, апо́стольскаго уче́ния испо́лненный и вся ве́рныя спаси́тельными струя́ми его́ напая́яй.

Ра́дуйся, ве́рный де́лателю виногра́да Христо́ва;

ра́дуйся, цевни́це златостру́нная Ду́ха Свята́го.

Ра́дуйся, архиере́ев богодухнове́нное украше́ние;

ра́дуйся, я́ко уста́ми твои́ми провещава́ше возлю́бленный тобо́ю Госпо́дь.

Ра́дуйся, духо́вных бра́тий и чад твои́х во оби́тели преподо́бнаго Се́ргия, а́ще и те́лом оста́вивый, оба́че в моли́твах твои́х их николи́же забы́вый;

ра́дуйся, всем ве́рным и неве́рным, призыва́ющим тя на по́мощь, ми́лостивый засту́пниче.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 10

Не́мощию теле́сною и по́двигами жития́ утружде́нный, во оби́тель свята́го Никола́я удали́лся еси́, святи́телю Игна́тие, хотя́ ду́шу твою́ ко отше́ствию от ми́ра сего́ угото́вати; иде́же в богомы́слии и моли́тве уедине́нней дни твоя́ скончава́я, пел еси́ немо́лчно Бо́гови: Аллилу́ия!

И́кос 10

Ско́рый помо́щник и уте́шитель был еси́, святи́телю Игна́тие, не то́кмо к тебе́ приходя́щим, но и дале́че су́щим, писа́ньми твои́ми их утеша́я, дух их ободря́я и вразумля́я. Сего́ ра́ди и возглаша́ют ти вси чту́щии богому́драя творе́ния твоя́:

Ра́дуйся, па́стырю наш до́брый;

ра́дуйся, приходя́щих к тебе́ николи́же отвраща́яйся.

Ра́дуйся, прося́щия твоея́ по́мощи бли́жния и да́льния любо́вию свое́ю объе́мляй;

ра́дуйся, чту́щия со тща́нием писа́ния твоя́ в тесне́йшее едине́ние с душе́ю твое́ю прие́мляй.

Ра́дуйся, ча́да своя́ духо́вная христиа́нскому терпе́нию учи́вый;

ра́дуйся, в страда́ниих на́ших промышле́ние Бо́жие о спасе́нии на́шем ви́дети наставля́яй.

Ра́дуйся, всеце́ло преда́тися Про́мыслу Бо́жию ча́да своя́ научи́вый;

ра́дуйся, соверше́ния над на́ми во́ли Его́, я́ко ми́лости вели́кия, проси́ти у Го́спода запове́давый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 11

Пе́ние всеумиле́нное приноси́л еси́ Пресвяте́й Тро́ице во вся дни земна́го жития́ твоего́, Игна́тие всехва́льне. Ны́не же предстоя́ престо́лу Царя́ Сла́вы, моли́ся о на́с, чту́щих святу́ю па́мять твою́, да моли́твою и покая́нием очи́стившеся, с тобо́ю ку́пно во ве́ки веко́в воспое́м Бо́гу: Аллилу́ия!

И́кос 11

Свети́льник вели́кий Святы́я Правосла́вныя Це́ркве в житии́ твое́м был еси́, святи́телю Игна́тие, и сего́ ра́ди дарова́ тебе́ Вседержи́тель Госпо́дь кончи́ну чу́дну и просла́ви тя на Небесе́х. Про́сим тя, святи́телю ми́лостивый, испроси́ и нам гре́шным, твоея́ по́мощи и предста́тельства взыску́ющим, кончи́ну жития́ на́шего ми́рну и безболе́зненну, до́брый отве́т на Стра́шнем Суди́щи Христо́ве и Ца́рства Небе́снаго насле́дие, да зове́м ти ра́достно:

Ра́дуйся, пра́ведною кончи́ною пра́ведность жития́ твоего́ запечатле́вый;

ра́дуйся, бли́зость отше́ствия твоего́ предуве́девый.

Ра́дуйся, со свети́льником горя́щим Небе́снаго Жениха́ души́ твоея́ сре́тивый;

ра́дуйся, в де́нь кончи́ны твоея́ с жена́ми-мироно́сицами воскре́сшаго Спаси́теля узре́вый.

Ра́дуйся, чту́щих тя и по сме́рти николи́же своего́ предста́тельства лиша́яй;

ра́дуйся, вся усе́рдно тебе́ моля́щияся благода́тию и попече́нием свои́м покрыва́яй.

Ра́дуйся, тве́рдо держа́тися еди́ныя и́стинныя святы́я правосла́вныя ве́ры ча́да твоя́ учи́вый;

ра́дуйся, вся прельще́ния ерети́ческая приима́ти и увеща́нием их лука́вым внима́ти стро́го запрети́вый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 12

Благода́ть даде́ся ти от Бо́га, святи́телю Христо́в Игна́тие, моли́тися за ны и путево́ждствовати нас на пути́ спасе́ния, да покая́нием очище́ни, в черто́г Спа́сов преукраше́нный вни́дем и та́мо с тобо́ю и со все́ми угоди́вшими Бо́гу ра́достно воспое́м Ему́: Аллилу́ия!

И́кос 12

Пою́ще Бо́га, ди́внаго во святы́х Свои́х, хва́лим тя, Игна́тие блаже́нне, я́ко дру́га Христо́ва, блаже́нство ра́йское неукло́нным творе́нием за́поведей Госпо́дних стяжа́вшаго. Моли́ о нас гре́шных, да и мы о́бщницы с тобо́ю ве́чери Госпо́дней бу́дем, умиле́нно зову́ще ти:

Ра́дуйся, глубоча́йшим смире́нием твои́м, нището́ю духо́вною Ца́рство Небе́сное обреты́й;

ра́дуйся, доброде́тель сию́ во основа́ние всех по́двигов и́ноческих полага́ти запове́давый.

Ра́дуйся, в пла́чи о гресе́х свои́х Сами́м Го́сподем уте́шенный;

ра́дуйся, за кро́тость души́ твоея́ насле́дие жи́зни ве́чныя получи́вый.

Ра́дуйся, в земне́м житии́ пра́вды Христо́вы иска́вый, ны́не же на Небесе́х е́ю оби́льно насыща́яйся;

ра́дуйся, за милосе́рдие твое́ к бли́жним от Бо́га Щедрода́вца поми́лованный.

Ра́дуйся, за ангелоподо́бную чистоту́ се́рдца твоего́ Бо́га узре́вый;

ра́дуйся, вся клеветы́ и поноше́ния ненави́дящим тя Го́спода ра́ди проща́вый и за сие́, я́ко миротво́рец, вели́каго сокро́вища — усыновле́ния Бо́гу сподо́бивыйся.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 13

О преди́вный уго́дниче Христо́в, святи́телю о́тче Игна́тие! Приими́ сие́ ма́лое, оба́че от лю́бящих и чту́щих тя серде́ц приноси́мое ти моле́ние и изба́ви нас твои́м всемо́щным предста́тельством от вся́кия ско́рби, боле́зни и печа́ли, согре́й охладе́вшия ду́ши на́ша огне́м ве́ры и любве́ к Бо́гу, да́руй нам пре́жде конца́ покая́ние, бу́ди нам к Ца́рствию Небе́сному путево́ждь, да та́мо с тобо́ю и со все́ми угоди́вшими Бо́гу во ве́ки веко́в пое́м Ему́: Аллилу́ия!

[Се́й конда́к глаго́лется три́жды.]
[Далее повторяем 1‑е икос и кондак:]

И́кос 1

Ра́дуйся, скорбя́щих безча́дных роди́телей твои́х рожде́нием свои́м уте́шивый;

ра́дуйся, ро́да честна́го о́трасль прекра́сная.

Ра́дуйся, А́нгела-храни́теля твоего́ непреста́нное весе́лие;

ра́дуйся, роди́телей и наста́вников твои́х свое́ю кро́тостию и поко́рностию удиви́вый.

Ра́дуйся, от лет младе́нческих ко и́ноческому послуша́нию себе́ приугото́вивый;

ра́дуйся, ду́шу свою́ младе́нческую к Бо́гу устреми́вый.

Ра́дуйся, в моли́тве и богомы́слии о́троческия своя́ досу́ги проводи́вый;

ра́дуйся, для ме́ньших бра́тий и сестр твои́х приме́р моли́твы и послуша́ния бы́вый.

Ра́дуйся, святи́телю Игна́тие, покая́ния и моли́твы де́лателю и учи́телю изря́дный!

Конда́к 1

Моли́тва

О вели́кий и пречу́дный уго́дниче Христо́в, святи́телю о́тче Игна́тие! Ми́лостиво приими́ моли́твы на́ша, с любо́вию и благодаре́нием тебе́ приноси́мыя! Услы́ши нас, си́рых и безпомо́щных, к тебе́ с ве́рою и любо́вию припа́дающих и твоего́ те́плаго предста́тельства о нас пред Престо́лом Го́спода Сла́вы прося́щих. Ве́мы, я́ко мно́го мо́жет моли́тва пра́ведника, Влады́ку умилостивля́ющая. Ты от лет младе́нческих Го́спода пла́менно возлюби́л еси́, и Ему́ еди́ному служи́ти восхоте́в, вся кра́сная ми́ра сего́ ни во что́же вмени́л еси́. Ты, отве́ргся себе́ и взе́м кре́ст тво́й, Христу́ после́довал еси́. Ты путь у́зкий и приско́рбный жития́ и́ноческаго избра́л еси́ и на сем пути́ доброде́тели вели́кия стяжа́л еси́. Ты писа́ньми твои́ми сердца́ челове́ков глубоча́йшаго благогове́ния и поко́рности пред Всемогу́щим Творце́м исполня́л еси́, гре́шников же па́дших му́дрыми словесы́ твои́ми в созна́нии своего́ ничто́жества и своея́ грехо́вности, в покая́нии и смире́нии прибега́ти к Бо́гу наставля́л еси́, ободря́я их упова́нием на Его́ милосе́рдие. Ты николи́же притека́вших к Тебе́ отверга́л еси́, но всем оте́ц чадолюби́вый и па́стырь до́брый был еси́. И ны́не не оста́ви нас, усе́рдно тебе́ моля́щихся и твоея́ по́мощи и предста́тельства прося́щих. Испроси́ нам у Человеколюби́ваго Го́спода на́шего здра́вие душе́вное и теле́сное, утверди́ ве́ру на́шу, укрепи́ си́лы на́ша, изнемога́ющия во искуше́ниих и ско́рбех ве́ка сего́, согре́й огне́м моли́твы охладе́вшая сердца́ на́ша, помози́ нам, покая́нием очи́стившимся, христиа́нскую кончи́ну живота́ сего́ получи́ти, и в черто́г Спа́сов преукраше́нный вни́ти со все́ми избра́нными, и та́мо ку́пно с тобо́ю покланя́тися Отцу́, и Сы́ну, и Свято́му Ду́ху, во ве́ки веко́в. Ами́нь.

Тропарь Игнатию Брянчанинову, еп. Кавказскому и Черноморскому

глас 8

Канон святителю Игнатию (Брянчанинову)

Минея, 30 Апреля, Канон святителя

Глас 8

Песнь 1

Ирмос: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре,/ Изра́иля же беглеца́, пешехо́дца, спасе́,/ песнь Бого́ви воспева́юща.

Припев: Святи́телю, о́тче Игна́тие, моли́ Бо́га о на́с.

Путь ду́ховный, к Бо́гу Жи́ву веду́щий, преше́л еси́, святи́телю Игна́тие,/ я́сно указу́я нам, ка́ко подоба́ет стезю́ жития́ земна́го преходи́ти,/ уче́нию Христо́ву вне́млюще.

Припев: Святи́телю, о́тче Игна́тие, моли́ Бо́га о на́с.

Пе́рвую степе́нь в ле́ствице доброде́телей Ева́нгельских, нищету́ духо́вную, узре́л еси́, о́тче,/ и той после́довати, ту́ю возлюби́ти,/ то́ю пути́ духо́внаго нача́ло полага́ти заве́т твой дал еси́.

Сла́ва Отцу́ и Сы́ну и Свято́му Ду́ху.

Нищета́ ду́ха, рекл еси́, соль есть всех жертв духо́вных,/ нищета́ бо ду́ха блаже́нство пе́рвое нарече́ся во Святе́м Ева́нгелии Христо́ве,/ е́йже вси про́чии блаже́нства, кро́тость, милосе́рдие, се́рдца чистота́, после́дуют и е́ю соверша́ются.

И ны́не и при́сно и во ве́ки веко́в. Ами́нь.

Богородичен: Ма́ти Све́та, Пречи́стая Богороди́тельнице,/ житие́ спаси́тельно на земли́ с Сы́ном и Бо́гом Твои́м соверши́вшая,/ нас, недосто́йных, укрепи́, от грехо́в изба́ви и к пра́вде ве́чней ше́ствовати утверди́.

Песнь 3

Ирмос: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.

Припев: Святи́телю, о́тче Игна́тие, моли́ Бо́га о на́с.

Пра́вду Христо́ву в житии́ свое́м воспису́я, святи́телю Христо́в Игна́тие,/ обре́л еси́ на пути́ сем, е́же пла́кати и рыда́ти о соде́янных злых/ и к Спаси́телю ми́ра притека́ти.

Припев: Святи́телю, о́тче Игна́тие, моли́ Бо́га о на́с.

В ю́ности пла́чем и́ноческим го́рце воспла́кал еси́ в ке́ллии свое́й/ о разруше́нии хра́ма се́рдца челове́ческаго,/ Бо́гом созда́ннаго Богослуже́ния возвы́шеннаго ра́ди, о плене́нии души́ и ума́,/ от сих же всех то́кмо еди́нем Богочелове́ком Спаси́телем изба́вимся.

Сла́ва Отцу́ и Сы́ну и Свято́му Ду́ху.

И па́ки плач стяжа́л еси́, о́тче, в и́ночестем житии́ твое́м,/ егда́ вся прегра́ды, от Бо́га удаля́ющия тя, препобеди́л еси́./ Сего́ пла́ча ра́ди помяни́ нас, чту́щих святу́ю па́мять твою́.

И ны́не и при́сно и во ве́ки веко́в. Ами́нь.

Богородичен: Де́во Пречи́стая, печа́ли на́ша и ско́рби утоля́ющая,/ плач спаси́тельный подава́й нам,/ да о бе́здне зол на́ших и непра́вд воспла́чем пред Тобо́ю.

Седален, глас 3

Поуча́л еси́, о́тче достохва́льне,/ я́ко моли́тву чи́сту стяжа́ти, та́же чу́вство покая́ния и пла́ча возлюби́ти/ дово́льно есть, во е́же спасе́ние ве́чное улучи́ти,/ его́же и нас, гре́шных, сподо́би моли́твами твои́ми, свя́те.

Песнь 4

Ирмос: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти/ си́ле Твое́й сла́ва, Человеколю́бче.

Припев: Святи́телю, о́тче Игна́тие, моли́ Бо́га о на́с.

Та́йны жития́ и́ноческаго взыску́я, блаже́нне Игна́тие,/ позна́л еси́, я́ко ка́ятися подоба́ет и труд и́ноческий ничто́же и́но есть,/ е́же де́лание непреста́ннаго покая́ния.

Припев: Святи́телю, о́тче Игна́тие, моли́ Бо́га о на́с.

В покая́нии, слеза́х и пла́че о соде́янных злых/ узре́л еси́, о́тче, спасе́ния путь, к Го́рней жи́зни веду́щий,/ и́же предлежи́т и вся́кому нося́щему и́мя Христо́во.

Сла́ва Отцу́ и Сы́ну и Свято́му Ду́ху.

Рекл еси́, о́тче преподо́бне, я́ко до́лжно есть покая́нием стра́сти отсека́ти,/ та́же покая́нием доброде́лание стяжа́ти,/ и, а́ще не у́зрит о́ко на́ше, я́ко гре́шни есмы́,/ не и́мамы спасе́ния ве́чнаго улучи́ти.

И ны́не и при́сно и во ве́ки веко́в. Ами́нь.

Богородичен: Ма́ти Бо́жия, гре́шных Спору́чнице и Помо́щнице,/ путь наш, к Бо́гу веду́щий, покая́нием и́стинным укрепи́,/ зре́нием греха́ и испове́данием его́ напра́ви.

Песнь 5

Ирмос: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго,/ но обрати́ мя и к све́ту за́поведей Твои́х/ пути́ моя́ напра́ви, молю́ся.

Припев: Святи́телю, о́тче Игна́тие, моли́ Бо́га о на́с.

Пла́чем и покая́нием непреста́нным ду́шу твою́ снабдева́я, о́тче Игна́тие,/ де́латель моли́твы яви́лся еси́, сию́ от во́зраста младе́нческаго возлюби́в,/ и в основа́ние жи́зни духо́вныя положи́л еси́.

Припев: Святи́телю, о́тче Игна́тие, моли́ Бо́га о на́с.

Моли́твою усе́рдною житие́ твое́ от ю́ности укрепля́я,/ да́же до кончи́ны по́двиг твой моли́твенный ко Христу́ Бо́гу соблюда́л еси́,/ и́мже о Бо́зе Спа́се утвержда́яся.

Сла́ва Отцу́ и Сы́ну и Свято́му Ду́ху.

В во́зраст му́жеский прише́д, мона́хов нача́льник быв и многообра́зныя ско́рби испыту́я,/ в моли́тве тве́рдей и непреста́нней со мно́гими слеза́ми/ осла́бу и отра́ду и́стинную почерпа́л еси́, о́тче всеблаже́нне.

И ны́не и при́сно и во ве́ки веко́в. Ами́нь.

Богородичен: Де́во Пречи́стая, Ма́ти Христа́ Бо́га,/ вене́ц моли́твы неусыпа́ющия,/ о нас, гре́шных, мольбу́ Бо́гу принеси́/ и моле́нием Твои́м от напа́стей и скорбе́й нас изба́ви.

Песнь 6

Ирмос: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.

Припев: Святи́телю, о́тче Игна́тие, моли́ Бо́га о на́с.

Яви́лся еси́ учи́тель моли́твы серде́чныя, о́тче наш Игна́тие,/ я́сно наставля́я, ка́ко до́лжни есмы́ пред Лице́м Христо́вым предстоя́ти/ и моли́тву покая́ния твори́ти.

Сла́ва Отцу́ и Сы́ну и Свято́му Ду́ху.

Подоба́ет на моли́тве, поуча́л еси́, о́тче,/ вста́ти в ли́це прокаже́нных, слепы́х, глухи́х, хромы́х/ и та́ко ко Христу́, от се́рдца сокруше́ннаго,/ от нищеты́ ду́ха на́шего, моли́тву тща́тися твори́ти.

И ны́не и при́сно и во ве́ки веко́в. Ами́нь.

Егда́ тишина́ возве́ет в се́рдце на моли́тве, поуча́л еси́, о́тче,/ и мир ко всем, смире́ние, сострада́ние и любо́вь к челове́ком,/ тогда́ позна́ем, я́ко благода́ть Ду́ха Свя́та сие́ соде́ла.

Кондак, глас 8

А́ще и соверша́л еси́ стезю́ жития́ земна́го, святи́телю Игна́тие,/ оба́че непреста́нно зрел еси́ зако́ны бытия́ ве́чнаго,/ сему́ поуча́я ученики́ словесы́ мно́гими,/ и́мже после́довати и нам, свя́тче, помоли́ся.

Икос

Рекл еси́, о́тче, в писа́ниих твои́х,/ я́ко подоба́ет име́ти страх Бо́жий,/ во е́же вступи́ти в соверше́нство всех доброде́телей, любо́вь Бо́жию,/ и та́ко Отцу́ Небе́сному уподо́битися./ Сему́ уче́нию после́довати и нам, свя́тче, помоли́ся.

Песнь 7

Ирмос: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.

Припев: Святи́телю, о́тче Игна́тие, моли́ Бо́га о на́с.

В зи́мнем обнаже́нии ве́твей древе́сных поуча́лся еси́, о́тче, та́йне воскресе́ния ме́ртвых,/ я́коже бо дре́во во вре́мя свое́ ли́ствием покрыва́ется, та́ко и ко́сти челове́ческия оживу́т/ и, обле́кшеся пло́тию, в мир но́вый вступи́ти и́мут.

Припев: Святи́телю, о́тче Игна́тие, моли́ Бо́га о на́с.

Позна́л еси́, о́тче, ели́ко возмо́жно,/ та́йну кончи́ны бытия́ челове́ческаго, та́йну естества́ а́нгельскаго и души́ челове́ческия,/ и возда́л еси́ благодаре́ние Бо́гу.

Сла́ва Отцу́ и Сы́ну и Свято́му Ду́ху.

Еди́наго то́кмо Бо́га, Ду́ха И́стины, испове́дал еси́,/ И́же Еди́н всесоверше́н есть,/ Ему́же покланя́ющеся, тя, о́тче, велича́ем.

И ны́не и при́сно и во ве́ки веко́в. Ами́нь.

Богородичен: Де́во Мари́е, Ма́ти Неизрече́ннаго Све́та,/ нас, гре́шных, от мы́сленных паде́ний огради́,/ Боже́ственное же уче́ние Це́ркве Святы́я в сердца́х на́ших укрепи́.

Песнь 8

Ирмос: На горе́ святе́й просла́вльшася/ и в купине́ огне́м Присноде́вы Моисе́ови та́йну я́вльшаго,/ Го́спода по́йте/ и превозноси́те во вся ве́ки.

Припев: Святи́телю, о́тче Игна́тие, моли́ Бо́га о на́с.

Возлюби́л еси́, о́тче, служи́ти бра́тии сло́вом Бо́жиим,/ и бысть тебе́ служе́ние сие́ в по́двиг жития́ твоего́,/ нам же в ра́дование непрело́жное, вопию́щим ти:/ не оста́ви нас, о́тче, сло́вом и моли́твами твои́ми.

Припев: Святи́телю, о́тче Игна́тие, моли́ Бо́га о на́с.

В служе́нии Сло́ву услы́шал еси́ в души́ твое́й глас увере́ния во спасе́нии,/ сего́ ра́ди преи́скренне возлюби́л еси́ бли́жних твои́х/ и са́мое то Сло́во Бо́жие.

Сла́ва Отцу́ и Сы́ну и Свято́му Ду́ху.

Поуча́л еси́ бли́жних твои́х, святи́телю,/ я́ко Спаси́тель наш есть Огнь Небе́сный,/ И́же и в словесе́х Его́ Ева́нгельских де́йствует.

И ны́не и при́сно и во ве́ки веко́в. Ами́нь.

Богородичен: Ма́ти Бо́жия, Бо́га Сло́ва ро́ждшая, даждь сло́во рабо́м Твои́м,/ е́же сказа́ти та́йну всеми́лостиваго заступле́ния Твоего́,/ в та́йне рожде́ния Сло́ва, Христа́ Бо́га, я́вльшуюся.

Песнь 9

Ирмос: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее Небе́с/ Тем Тя, Богоро́дицу,/ А́нгелов и челове́к чинонача́лия велича́ют.

Припев: Святи́телю, о́тче Игна́тие, моли́ Бо́га о на́с.

Мно́ги труды́ и боле́зни подъя́в в житии́ твое́м, святи́телю всече́стне,/ Кресту́ Христо́ву, све́тло сия́ющу, поклони́лся еси́/ и мо́литву твою́ ко Христу́ просте́рл еси́.

Припев: Святи́телю, о́тче Игна́тие, моли́ Бо́га о на́с.

Скорбьми́ обурева́емый, зрел еси́ в виде́нии в ке́ллии свое́й Стра́нника, посети́вшаго тя./ Отку́ду ше́ствуеши? И где селе́ние Твое́? Почто́ досе́ле оставля́л еси́ е? –/ сла́дце вопия́л еси́, о́тче, я́вльшемуся ти Христу́.

Сла́ва Отцу́ и Сы́ну и Свято́му Ду́ху.

В хожде́нии пред Го́сподем позна́л еси́, о́тче, судьбы́ оте́чества твоего́,/ та́же и кончи́ну твою́ я́сно прови́дел еси́,/ к Бо́гу Сло́ву, Христу́ возлю́бленному, моли́твенно устремля́яся.

И ны́не и при́сно и во ве́ки веко́в. Ами́нь.

Богородичен: Ма́ти Бо́жия, сия́ние неизрече́ннаго Све́та,/ стопы́ на́ша к жи́зни ве́чней направи́,/ проща́ющи вся зла́я, на́ми соде́янная.

Светилен

И́мя Богоно́сца пресла́внаго в мона́шестем о́бразе твое́м восприе́м,/ о́тче Игна́тие, святи́телю всече́стне,/ Христа́ моли́твою непреста́нною внутрь се́рдца твоего́ всели́л еси́/ и был еси́ учи́тель, к Све́ту невече́рнему веды́й,/ богоно́сец вои́стину досточу́дный яви́вся.Слава:И́мя Богоно́сца пресла́внаго в мона́шестем о́бразе твое́м восприе́м, / о́тче Игна́тие, святи́телю всече́стне, / Христа́ моли́твою непреста́нною внутрь се́рдца твоего́ всели́л еси́ / и был еси́ учи́тель, к Све́ту невече́рнему веды́й, / богоно́сец вои́стину досточу́дный яви́вся.

Вернуться к списку