- Уцененные товары
- Аналои
- Архиерейские и монашеские принадлежности
- Браслеты
- Венцы венчальные
- Вертепы рождественские
- Водосвятные баки, чаши, кропила
- Гробницы под Плащаницу. Раки. Сени
- Дарохранительницы и дароносицы
- Двери храмовые
- Евангелия напрестольные и требные. Апостолы
- Евхаристические наборы и принадлежности
- Жертвенники
- Запрестольные кресты. Запрестольные иконы
- Игры православные. Наборы для творчества
- Иконостасы
- Иконы
- Кадила, кадильницы
- Киоты
- Книги православные. Печатная продукция
- Ковры, ковровые покрытия
- Ковчеги. Мощевики
- Кожгалантерея
- Колокола
- Кольца, перстни
- Косметика
- Крестики нательные
- Кресты напрестольные, требные, аналойные
- Кресты-голгофы напольные для храма
- Кресты наперсные
- Крестильные ящики для священника
- Купели для крещения
- Купола, кресты
- Ладан
- Лампады
- Литийные блюда
- Масло
- Образки, нательные иконки
- Облачения, пошивочная продукция
- Панагии
- Паникадила. Хоросы. Бра
- Панихидные столы и крышки
- Плащаницы
- Подарочные сертификаты ORTOX
- Подсвечники
- Подставки церковные, столы
- Полки для икон, домашние иконостасы
- Престолы. Облачения на престол
- Принадлежности для отпевания и погребения
- Продукты питания
- Просфорные принадлежности
- Свечи
- Свечные лавки. Ящики для свечей. Мебель для притвора
- Седалища, стасидии, троны, скамьи, пуфы
- Семисвечники
- Средства для ухода за церковной утварью
- Стрючицы. Кисточки для помазания
- Сувениры
- Уголь кадильный
- Утварь по старинным эскизам
- Утварь в греческих церковных традициях
- Футляры и подарочная упаковка
- Хоругви церковные. Фонари пасхальные. Рипиды
- Цепочки, шнуры, гайтаны
- Церковные сосуды
- Часы
- Четки православные
- Элементы декора храма. Ограждения солеи и амвона
- Ювелирные изделия
- Ящики для пожертвований
Подпишитесь на рассылку и получайте свежие новости и акции нашего магазина.
Положение честной ризы Пресвятой Богородицы во Влахерне (V)
См. Риза Богородицы
В годы правления византийского императора Льва Великого, Македонянина (457–474), братья Гальбий и Кандид, приближенные царя, отправились из Константинополя в Палестину на поклонение святым местам. В небольшом селении вблизи Назарета они остановились на ночлег у одной престарелой еврейки. В ее доме внимание паломников привлекли зажженные свечи и курящийся фимиам. На вопрос, что за святыня находится в доме, благочестивая женщина долго не хотела отвечать, но после неотступных просьб поведала, что хранит дорогую святыню - Ризу Богородицы, от которой происходят многие чудеса и исцеления. Пресвятая Дева пред Успением подарила одну из Своих одежд благочестивой девице-еврейке из этого рода, завещав ей передать ее перед смертью также девице. Так, от поколения к поколению, Риза Богоматери сохранялась в этой семье.
Драгоценный ковчег, содержавший священную Ризу, был перевезен в Константинополь. Святой Геннадий, Патриарх Цареградский († 471; память 31 августа), и император Лев, узнав о священной находке, убедились в нетленности святой Ризы Богородицы и с трепетом приложились к ней. Во Влахерне, близ берега моря, был воздвигнут новый храм в честь Богоматери. 2 июля 458 года святитель Геннадий с подобающим торжеством перенес священную Ризу во Влахернский храм, вложив ее в новый ковчег.
Впоследствии в ковчег с Ризой Богородицы положены были Ее святой омофор и часть Ее пояса. Это обстоятельство и запечатлено в православной иконографии праздника, объединяющей два события: положение Ризы и положение пояса Богоматери во Влахерне. Русский паломник Стефан Новгородец, посетивший Царьград около 1350 года, свидетельствует: "идохом во Влахерну, идеже лежит Риза в алтаре на престоле в ковчеге запечатана".
Не раз при нашествиях врагов Пресвятая Богородица спасала город, которому даровала Свою священную Ризу. Так было во время осады Константинополя аварами в 626, персами - в 677, арабами - в 717 годах. Особенно знаменательны для нас события 860 года, тесно связанные с историей Русской Церкви.
18 июня 860 года русский флот князя Аскольда, в составе более 200 ладей, опустошив берега Черноморья и Босфора, вошел в бухту Золотой Рог и угрожал Константинополю. В виду города плыли русские корабли, высадившиеся воины "проходили пред градом, простирая свои мечи". Император Михаил III (842–867), остановив начатый поход на арабов, вернулся в столицу; всю ночь он молился, простершись ниц на каменных плитах храма Влахернской Божией Матери. Святой Патриарх Фотий обратился к пастве с проповедью, призывая слезами покаяния омыть грехи и в усердной молитве прибегнуть к заступничеству Пресвятой Богородицы.
Опасность возрастала с каждым часом. "Город едва не был поднят на копье", - говорит в другой своей проповеди Патриарх Фотий. В этих условиях было принято решение спасать церковные святыни, и прежде всего - святую Ризу Богородицы, которая хранилась во Влахернском храме, недалеко от берега залива. После всенародного молебна святую Ризу Богоматери , взятую из Влахернского храма, с крестным ходом обнесли вокруг городских стен, погрузили с молитвой край ее в воды Босфора, а затем перенесли в центр Царьграда - храм Святой Софии. Божия Матерь Своей благодатью покрыла и усмирила воинственность русских воинов. Заключив почетное перемирие, Аскольд снял осаду Константинополя. 25 июня русские войска стали отходить, унося с собой большой выкуп. Неделю спустя, 2 июля, чудотворную Ризу Богоматери торжественно возвратили на ее место, в раку Влахернского храма. В воспоминание этих событий было установлено святым Патриархом Фотием ежегодное празднование Положения Ризы Богоматери 2 июля.
Вскоре, в октябре - ноябре 860 года, русское посольство прибыло в Константинополь для заключения договора "любви и мира". В условия мирного договора входили положения о Крещении Киевской Руси, о выплате Византией русским ежегодной дани, разрешении им вступать в византийскую армию, вести торговлю на территории империи (прежде всего, в Константинополе), посылать в Византию дипломатические миссии.
Важнейшим был пункт о Крещении Руси. Продолжатель византийской "Хроники Феофана" говорит, что "посольство их прибыло в Царьград с просьбой сделать их участниками в святом Крещении, что и было исполнено". Во исполнение обоюдного желания русских и греков в Киев направлена была православная миссия. Незадолго до того (в 855 г.) святым равноапостольным Кириллом Философом († 869; память 14 февраля и 11 мая) изобретена была славянская азбука и переведено Евангелие. Естественно было направить с миссией в Киев именно святого Кирилла и его брата, святого равноапостольного Мефодия († 885; память 6 апреля и 11 мая), с переведенными славянскими книгами. Так и поступил святитель Фотий, учеником которого был святой Кирилл. Зиму 860/861 года братья провели в Херсонесе, весной 861 они были на Днепре, у князя Аскольда.
Перед Аскольдом, как впоследствии перед святым князем Владимиром, стоял нелегкий выбор, его прельщали то иудейской, то магометанской верой. Но под благодатным влиянием святого равноапостольного Кирилла князь сделал выбор в пользу Православия. В конце 861 года Кирилл и Мефодий вернулись в Константинополь и привезли с собой послание князя (или, как называли себя в IХ–ХI вв. киевские князья, "кагана") Аскольда императору Михаилу III. Аскольд благодарил императора за присылку "такого мужа, который показал словом и примером, что христианская вера - святая". "Убедившись, - писал далее Аскольд, - что это - истинная вера, повелели мы всем креститься по своей воле в надежде и нам достигнуть святости. Мы же все - друзья твоему царству и готовы на службу твою, когда потребуешь".
Аскольд принял святое Крещение с именем Николай, крестились и многие из его дружины. Непосредственно из Царьграда, столицы Православия, трудами святых апостолов славянства пришли на Русь славянское Богослужение и славянская письменность. В Киев был назначен святителем Фотием митрополит Михаил, и русская митрополия была внесена в нотиции - списки епархий Константинопольского Патриархата. Святой Патриарх Фотий в Окружном послании 867 года среди главных достижений своего первосвятительского служения называет Крещение болгар и русских. "Руссы, которые подняли руку против Римской державы, - писал он, почти дословно цитируя послание Аскольда, - в настоящее время даже и они променяли нечестивое учение, которое содержали прежде, на чистую и неподдельную веру христианскую, с любовью поставив себя в чине подданных и друзей наших". (Византийцы считали "подданными" всех принимавших Крещение из Царьграда и вступивших в военный союз с империей.) "И до такой степени разгорелись в них желание и ревность веры, что они приняли епископа и пастыря, и лобызают святыни христиан с великим усердием и ревностью".
Праздник Положения Ризы Пресвятой Богородицы во Влахерне является, таким образом, одновременно праздником канонического основания Русской Православной митрополии в Киеве. Благословением Божией матери и чудом от Ее святой Ризы совершилось не только спасение Царьграда от самой грозной осады за всю его историю, но и спасение русских из тьмы языческого суеверия к вечной жизни. Вместе с тем, 860 год принес признание Киевской Руси Византией, ознаменовал равноправный выход молодого Русского государства на арену истории.
Попытка князя Аскольда возродить на Днепре христианское благовестие святого апостола Андрея Первозванного, задуманная им религиозная и государственная реформа окончилась неудачно. Время утверждения христианства на Русской Земле еще не настало. Слишком сильны были сторонники языческой старины, слишком слаба княжеская власть. При столкновении Аскольда с язычником Олегом в 882 году киевляне предали своего князя. Аскольд принял мученическую кончину от руки наемных убийц, обманом завлеченный в стан врагов для переговоров.
Но дело блаженного Аскольда (так называет его Иоакимовская летопись) не погибло в Русской Церкви. Вещий Олег, который, убив Аскольда, занял после него киевское княжение, называл Киев "матерью градам русским" - это дословный перевод греческого выражения "митрополия Русская". Благодарную память о первом киевском князе-христианине хранили древнейшие храмы православного Киева: церковь пророка Божия Илии, построенная Аскольдом и позже упомянутая в Договоре Игоря с греками (944 г.), на месте которой и сейчас стоит храм того же имени, и церковь святителя Николая Чудотворца, воздвигнутая в 50-х годах Х столетия над могилой Аскольда святой равноапостольной Ольгой. Важнейшее завоевание Аскольда, навсегда вошедшее в церковное наследие не только Руси, но и всего православного славянства, - славянское Евангелие и славянское Богослужение, созданные трудами святых равноапостольных Кирилла и Мефодия. В Киеве при дворе Аскольда положено было в 861 году начало их апостольской деятельности среди славян, продолжившейся позже в Болгарии и Моравии. Вслед за блаженным Аскольдом, говоря словами древней "Азбучной молитвы", "летит ныне славянское племя - к Крещению устремились все".
С чудом от Ризы Пресвятой Богородицы во Влахерне связано несколько выдающихся творений византийской церковной гимнографии и гомилетики. Святителю Фотию принадлежат две проповеди, одна из которых была сказана им непосредственно в дни осады Константинополя, другая - вскоре после ухода русских войск. (Они дважды были изданы на русском языке: 1) Епископ Порфирий Успенский. Четыре беседы Фотия, святейшего архиепископа Константинопольского, и рассуждение о них. СПб., 1864; 2) Е. Л. (Ловягин Е. И.). Две беседы Святейшего Патриарха Константинопольского Фотия по случаю нашествия россов на Константинополь. - "Христианское чтение", 1882, №№ 9–10). Известным церковным писателем Георгием, хартофилаксом собора Святой Софии - Премудрости Божией в Константинополе, было составлено, по поручению Патриарха Фотия, "Слово на положение Ризы Богородицы во Влахернах" (Русский перевод его издан в приложении к работе: Лопарев Х. М. Старое свидетельство о положении Ризы Богородицы во Влахернах в новом истолковании применительно к нашествию русских на Византию в 860 году. - "Византийский Временник", том. II, СПб., 1895). С походом Аскольда на Царьград связано также создание знаменитого "Акафиста Пресвятой Богородице", автором которого некоторые церковные историки называют того же святого Патриарха Фотия. Этот Акафист составляет основную часть Богослужения в день Похвалы Пресвятой Богородицы. О событиях 860 года повествуют не только византийские, но и русские летописные источники. Преподобный Нестор Летописец, подчеркивая значение русского похода на Царьград, отмечает, что с этого времени "начала прозываться Русская Земля". Некоторые летописи, среди них Иоакимовская и Никоновская, сохранили известия о Крещении князя Аскольда и Киевской Руси после похода на Царьград. При этом народная память прочно связала имена киевских князей Аскольда и Дира, хотя, по мнению историков, Дир княжил в Киеве несколько раньше Аскольда.
Почитание праздника Ризоположения издревле известно в Русской Церкви. Святой Андрей Боголюбский († 1174; память 4 июля) воздвиг во Владимире на Золотых воротах храм в честь этого праздника. В конце ХIV столетия часть Ризы Богоматери была перенесена из Константинополя на Русь святителем Дионисием, архиепископом Суздальским († 1385; память 26 июня).
Святая Риза Богоматери, хранившая прежде столицу Византии, спасала впоследствии от неприятеля и первопрестольную Москву. Летом 1451 года под стены Москвы подступали татарские полчища царевича Мазовши. Святитель Иона, митрополит Московский , непрестанными молитвами и церковными службами укреплял защитников столицы. В ночь на 2 июля, сообщает летопись, в татарском стане случилось великое смятение, враги бросили награбленное добро и в беспорядке поспешно отступили. В память чудесного избавления Москвы святой митрополит Иона в том же году воздвиг в Кремле церковь Ризоположения, ставшую его крестовой (домовой) церковью. Она сгорела, но на ее месте тридцать лет спустя была построена в 1484–1486 гг. новая, также посвященная празднику Положения Ризы Богоматери. Этот храм, стоящий доныне, продолжал служить домовым храмом русских митрополитов и Патриархов до того времени, как был возведен при патриархе Никоне собор Двенадцати Апостолов.
Акафист Положению честной Ризы Пресвятой Богородицы
Текст акафиста утвержден для употребления за богослужением и в домашней молитве на заседании Священного Синода 29 декабря 2022 года (журнал № 130).
Кондак 1
Взбра́нной Воево́де, Цари́це небесе́ и земли́, дарова́вшей нам благода́ть и си́лу честны́я Ри́зы Ея́ положе́ния па́мять твори́ти, благода́рственное прино́сим пе́ние, я́ко от бед и напа́стей нас покрыва́ющей: не отве́ржи нас от Лица́ Твоего́, Милосе́рдная Ма́ти, но приими́ нас, с любо́вию вопию́щих Тебе́: Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Икос 1
А́нгельский глас прии́де во слух святы́я Анны, известву́ющ: ты зачне́ши и роди́ши дщерь Преблагослове́нную Мари́ю, от Нея́же благословя́тся вся племена́ земна́я, и прии́дет спасе́ние ми́ру всему́. Сие́ ве́дуще, возопии́м Богоро́дице благода́рственне:
Ра́дуйся, Бога Отца́ Безнача́льнаго предве́чное благоволе́ние;
ра́дуйся, Бо́га Сы́на Безле́тнаго пречи́стое вмести́лище.
Ра́дуйся, Бога Ду́ха Всесвята́го избра́нное жили́ще;
ра́дуйся, ко Пресвяте́й Тро́ице немо́лчная моли́твеннице.
Ра́дуйся, го́рних чино́в А́нгельских непрестаю́щее удивле́ние;
ра́дуйся, те́мных сил а́дских всегро́зное устраше́ние.
Ра́дуйся, Ю́же на возду́се срета́ют многоочи́тии Херуви́ми;
ра́дуйся, Е́йже похва́льная воспису́ют шестокрила́тии Серафи́ми.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 2
Ви́девше святы́я Твоя́ роди́тели Иоаки́м и А́нна, я́ко ты, Пречи́стая, плод благослове́нный бу́деши, возблагодари́ша Бо́га и пред две́рьми хра́ма да́ша обе́т посвяти́ти Тя Го́сподеви, да навы́кнеши пе́ти Ему́: Аллилу́иа.
Икос 2
Ра́зум соверше́нный стяжа́ла еси́, Богоро́дице, воспита́вшися во Свята́я Святы́х. Сего́ ра́ди не престае́ши умудря́ти и просвеща́ти све́том богоразу́мия и вся христиа́ны, вопию́щия Ти такова́я:
Ра́дуйся, премилосе́рдая Уте́шительнице всех скорбя́щих и обремене́нных;
ра́дуйся, неусыпа́ющая Наста́внице всех заблу́ждших и ослепле́нных.
Ра́дуйся, пра́ведно дви́жимый на ны гнев Божий Твоим моле́нием ско́ро утоля́ющая;
ра́дуйся, злы́я стра́сти на́ша всемо́щным манове́нием укроща́ющая.
Ра́дуйся, кре́пкое пробужде́ние спя́щих со́вестей;
ра́дуйся, нетру́дное преодоле́ние беззако́нных на́выков.
Ра́дуйся, Ея́же ра́ди ад стене́т и ду́хи зло́бы трепе́щут;
ра́дуйся, Ея́же ра́ди врата́ рая́ нам отверза́ются.
Ра́дуйся, Богоро́дице, Ри́зою Твое́ю от злых наве́тов нас покрыва́ющая.
Кондак 3
Си́ла Вы́шняго осени́ Тя, Благода́тная, егда́ Арха́нгел Гаврии́л благовествова́ше о безсе́меннем зача́тии в Тебе́ Сы́на Бо́жия, Спаси́теля ми́ру. Прия́вши сию́ благу́ю весть со смире́нием, я́ко раба́ Госпо́дня, возопи́ла еси́ Бо́гу: Аллилу́иа.
Икос 3
Иму́щи во утро́бе Христа́ Жизнода́вца, востекла́ еси́, Благослове́нная, ко ю́жице Твое́й. Егда́ же целова́ше Тя Елисаве́т, взыгра́ся младе́нец Иоа́нн во чре́ве ея́, и испо́лнися пра́ведная Ду́ха Свя́та, и просла́ви Тя, да и мы вопие́м Тебе́ такова́я:
Ра́дуйся, почита́ющих Тя верне́йшее огражде́ние;
ра́дуйся, христиа́н благосе́рдых неусы́пное поспеше́ние.
Ра́дуйся, святы́х алтаре́й изря́дное украше́ние;
ра́дуйся, святы́х оби́телей покро́в и снабде́ние.
Ра́дуйся, непобеди́мая Воево́до к Тебе́ прибега́ющих;
ра́дуйся, зерца́ло пра́вды судия́м немздоприи́мным.
Ра́дуйся, наста́вником и детоводи́телем соверше́нное вразумле́ние;
ра́дуйся, домо́м благочести́вым свы́шнее благослове́ние.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 4
Бу́ря недоуме́ния смуща́ет наш ум, ка́ко возмо́жем недосто́йными усты́ восхваля́ти Тя, Пресвята́я Де́во, за Твое́ вели́кое нам вспоможе́ние. Тем же, велича́юще неисче́тныя Твоя́ ми́лости, смиренному́дренно пое́м Вседержи́телю Бо́гу: Аллилу́иа.
Икос 4
Слы́шаша Вифлее́мстии па́стырие А́нгелы, пою́щия Христо́во Рождество́, теко́ша в верте́п и обрето́ша та́мо Богороди́тельницу, на рука́х держа́щую Преве́чнаго Младе́нца. С ни́ми в весе́лии духо́внем и мы Тебе́, я́ко о́бщей Ма́тери на́шей, глаго́лем та́ко:
Ра́дуйся, от Со́лнца мы́сленнаго озаре́нная;
ра́дуйся, и нас све́том незаходи́мым осиява́ющая.
Ра́дуйся, сия́нием пречи́стыя души́ Твоея́ всю зе́млю просвеща́ющая;
ра́дуйся, чистото́ю телесе́ Твоего небеса́ веселя́щая.
Ра́дуйся, ве́рных па́стырей Це́ркве бо́дрость и вразумле́ние;
ра́дуйся, богобоя́зненных и́ноков и и́нокинь му́дрость и наста́вление.
Ра́дуйся, ти́хость невозмуща́емая благогове́йных ста́рцев;
ра́дуйся, ра́дость та́инственная чи́стых дев и вдови́ц.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 5
Боготе́чная звезда́ явля́ешися, Цари́це Небе́сная, всем на Тя взира́ющим и непреста́нно во умиле́нии серде́чнем вопию́щим Бо́гу: Аллилу́иа.
Икос 5
Ви́дя Тя, во храм прише́дшую со Младе́нцем Иису́сом поста́вити Его́ пред Го́сподем, пра́ведный Симео́н рече́: «Тебе́ Само́й ду́шу про́йдет ору́жие», проразумева́я Ма́терняя Твоя́ страда́ния о Сы́не Твое́м Боже́ственнем. Мы же, на ты́я мы́сленно взира́юще, зове́м Ти:
Ра́дуйся, огнь Боже́ственный, Христа́, неопа́льно на руку́ Свое́ю держа́щая;
ра́дуйся, и нас, хла́дных, тем воспламеня́ющая.
Ра́дуйся, вои́нствующих на плоть целому́дрием изря́дное венча́ние;
ра́дуйся, подвиза́ющихся в посте́ и безмо́лвии при́сное собесе́дование.
Ра́дуйся, изнемога́ющих в уны́нии и печа́ли ско́рая Уте́шительнице;
ра́дуйся, благода́тнаго смире́ния и терпе́ния Подательнице.
Ра́дуйся, по вели́цей любви́ и милосе́рдию возде́ющая о нас ру́це к Бо́гу;
ра́дуйся, пред Не́юже врази́ на́ша, ви́димии и неви́димии, ста́ти не могут.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 6
Пропове́дницы Твоея́ Благода́тныя по́мощи суть вси Тобо́ю спасе́ннии, от грехо́в изба́вленнии, от неду́гов исцеле́ннии и благода́рственно о Тебе́ вопию́щии: Аллилу́иа.
Икос 6
Возсия́ Боже́ственный Свет во Еги́пте, и падо́ша та́мо и́доли, егда́ бежа́ла еси, Пречи́стая, с Богомладе́нцем Иису́сом, спаса́ющися от руки́ Иродовы. Ныне же озаря́еши светом богове́дения умы всех, пре́лестей ми́ра су́етнаго удаля́ющихся. Те́мже прино́сим Ти словеса́ сия́:
Ра́дуйся, Христа́, Бо́жию Си́лу и Бо́жию Прему́дрость ро́ждшая;
ра́дуйся, ослепле́нных му́дростию ве́ка сего́ на путь пра́вый наста́вльшая.
Ра́дуйся, во святы́х догма́тех правосла́вныя ве́ры Наста́внице;
ра́дуйся, нечести́вых ересе́й и раско́лов Искорени́тельнице.
Ра́дуйся, та́йная и неудо́бь предви́димая до́бре ве́дущая;
ра́дуйся, гада́ния лжи́вых прови́дцев посрамля́ющая.
Ра́дуйся, в час недоуме́ния благу́ю мысль на се́рдце полага́ющая;
ра́дуйся, па́губным начина́нием и безслове́сным пожела́нием воспяща́ющая.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 7
Хотя́щи николи́же отлуча́тися от Рожде́ннаго Тобо́ю Спаси́теля ми́ра, Ты, Богоблаже́нная, пребыва́ла еси́ с Ним неотлу́чно во гра́де Назаре́те, пита́ющи Его́ я́ко Челове́ка и пою́щи в се́рдцы Свое́м я́ко Бо́гу: Аллилу́иа.
Икос 7
Ско́рбию Ма́тернею объята была еси, Пречи́стая Де́во, егда́ три дни иска́ла еси́ двоюнадесятоле́тняго Сы́на Твоего́ Иису́са. Егда́ же обрела́ еси́ Его́ во хра́ме, в дому́ Отца́ Его́, возра́довася зело́. Таково́е Твое́ серде́чное боле́знование воспомина́юще и ра́достию Твое́ю ра́дующеся, со умиле́нием вопие́м Ти:
Ра́дуйся, Сы́на Твоего́, Преве́чнаго Архиере́я, в дому́ Отца́ Его́ обре́тшая;
ра́дуйся, омофо́р моли́тв Твои́х над всем ми́ром распростира́ющая.
Ра́дуйся, ми́лость и благода́ть сим в Це́ркви Правосла́вней явля́ющая;
Ра́дуйся, и нас, обнаже́нных дел благи́х, Своего́ Покро́ва не лиша́ющая.
Ра́дуйся, Сто́лпе о́блачный, от искуше́ний и собла́знов ми́ра сего́ нас отводя́й;
ра́дуйся, Сто́лпе о́гненный, посреде́ тьмы греха нам путь спасения показу́яй.
Ра́дуйся, явле́нных благочестия подвижников явное укрепление;
ра́дуйся, тайных среди мира рабов Божиих таинственное поуче́ние.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 8
Стра́нное и преди́вное есть Твое́, Богома́ти, попече́ние о христиа́нех на всех путе́х их жи́тельства, многомяте́жнаго и многотру́днаго. Иму́ще же Тя милосе́рдную и незави́стную Помо́щницу, вси Тобо́ю облагоде́тельствованнии велегла́сно пою́т Бо́гу: Аллилу́иа.
Икос 8
Все́ю душе́ю после́довала еси́ Христу́ при служе́нии Его́ ро́ду челове́ческому, я́коже и Боже́ственный евангели́ст Лука́ извествует о Тебе. Ве́руем, я́ко Ты, Всеблага́я Ма́ти, неотсту́пно пребыва́еши и со все́ми тружда́ющимися во сла́ву Бо́жию и Тя восхваля́ющими та́ко:
Ра́дуйся, Ковче́же Заве́та, в не́мже сокрове́но всего́ ро́да челове́ча освя́щение;
ра́дуйся, Ста́мно Пресвята́я, в не́йже а́лчущим пра́вды блюде́тся Хлеб жи́зни ве́чныя.
Ра́дуйся, Сосу́де Всезлаты́й, в не́мже угото́вася нас ра́ди Плоть и Кровь Боже́ственнаго А́гнца;
ра́дуйся, оста́вленных врачми́ на Свои́ всемо́щнеи ру́це прие́млющая.
Ра́дуйся, разсла́бленных от одра́ боле́зни воздвиза́ющая;
ра́дуйся, неду́гующим умо́м но́вый и лу́чший смысл подаю́щая.
Ра́дуйся, на стро́потнем пути́ греха́ нас прему́дре запина́ющая;
Ра́дуйся, же́стость нераска́янных серде́ц на́ших умягча́ющая.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 9
Всяк во́зраст ве́рных хва́лится Твои́м попече́нием, Всеми́лостивая Ма́ти, я́ко всегда́ потре́бное в житии́ да́руеши и усе́рдно за ны, немощны́я и гре́шныя, у Престо́ла Го́спода сла́вы хода́тайствуеши. Ему́же пое́м: Аллилу́иа.
Икос 9
Вети́и многовеща́ннии не мо́гут возглаго́лати Твоея́ Ма́терния печа́ли при Кресте́ Сына Твоего́. Те́мже, я́ко вся́кое искуше́ние претерпе́вшая, спострада́ти в са́мых тя́жцех ско́рбех и лише́ниих нам мо́жеши. Сего́ ра́ди взыва́ем Ти:
Ра́дуйся, от я́звы и всегуби́тельства сме́ртнаго нас соблюда́ющая;
ра́дуйся, от внеза́пнаго колеба́ния земли́ гра́ды и ве́си сохраня́ющая.
Ра́дуйся, от разлия́ния водна́го и потопле́ния руко́ю кре́пкою возводя́щая;
ра́дуйся, запале́ния о́гненнаго росо́ю моли́тв Твои́х избавля́ющая.
Ра́дуйся, Хле́бом жи́зни ду́ши на́ша насыща́ющая;
ра́дуйся, мо́лнии и гро́мы от глав на́ших отводя́щая.
Ра́дуйся, от наше́ствия иноплеме́нник и от вся́кия напа́сти спаса́ющая;
ра́дуйся, от вражды́ единокро́вных к ми́ру и любви́ возвраща́ющая.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 10
Спасти́ хотя́ мир, И́же всех Госпо́дь, на Кресте́ ви́ся, дарова́ Тя ми́ру всему́ Пресвяту́ю и Прему́друю Ма́терь, егда́ рече́ Тебе́ о святе́м Иоа́нне: «Се сын Твой», и возлю́бленному ученику́: «Се Ма́ти твоя́». Благода́ряще за сие́ Всеблага́го Бо́га, глаго́лем Ему́: Аллилу́иа.
Икос 10
Стена́ кре́пкая яви́лася еси́, Преблагослове́нная, правосла́вным христиа́ном, да́рующи всем благоде́нствие, мир и ра́дость, я́ко и Сама́ сия́ пе́рвее прия́т от Воскре́сшаго Христа́ Спаси́теля, слы́шавши от Него́ приве́тственный глас: «Ра́дуйся». Сего́ ра́ди и мы ублажа́ем Тя та́ко:
Ра́дуйся, чи́стых се́рдцем де́лателей благослове́нными плода́ми награжда́ющая;
ра́дуйся, пра́ведное воздая́ние всем пра́во ку́плю де́ющим.
Ра́дуйся, клятвопреступле́ний и непра́ведных стяжа́ний всенаро́дное обличе́ние;
ра́дуйся, бе́дствующим в пути́, на су́ше и на вода́х неча́емое вспоможе́ние.
Ра́дуйся, безча́дным роди́телем благоча́дие ве́рою да́рующая;
ра́дуйся, безма́терния сироты́ незри́мо воспиту́ющая.
Ра́дуйся, су́щих в плене́нии и изгна́нии кре́пкая Засту́пнице;
ра́дуйся, во у́зах и темни́цех седя́щих неусыпа́ющая Попечи́тельнице.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 11
Пе́ние на́ше смире́нное, от полноты́ любве́ и усе́рдия Тебе́ приноси́мое, не пре́зри, Богоневе́сто, и не отврати́ся от нас, гре́шных и недосто́йных, но помози́ нам от вся́кия скве́рны пло́ти и ду́ха очи́ститися, да возмо́жем досто́йно пе́ти Бо́гу: Аллилу́иа.
Икос 11
Све́т путеводя́щий была́ еси́ апо́столом, Богороди́тельнице, по Вознесе́нии Сы́на Твоего́ на Не́бо, и до сего́ дне свет благода́ти излива́еши от честны́я Ри́зы Твоея́ всем притека́ющим к ней и ча́ющим спасти́ся и в ра́зум и́стины приити́. Не лиши́ и нас, о Всеблага́я, Твоего́ свята́го води́тельства, в мо́ри жите́йстем обурева́емых, оба́че от се́рдца принося́щих Тебе́ благохвале́ния такова́я:
Ра́дуйся, даро́в духо́вных и теле́сных незави́стная Пода́тельнице;
ра́дуйся, полага́ющим нача́ло покая́ния ве́рная Предста́тельнице.
Ра́дуйся, борю́щимся со страстьми́ и прило́ги вра́жиими всегда́шняя Спобо́рнице;
ра́дуйся, жесто́ких и зверонра́вных незри́мое укроще́ние.
Ра́дуйся, благи́х супру́жеств честно́е соверше́ние;
ра́дуйся, ма́терей детородя́щих ско́рое и безболе́зненное разреше́ние.
Ра́дуйся, в час кончи́ны Еди́ная всем нам Помо́щнице;
ра́дуйся, Ея́же преблаго́му Покро́ву мы, земноро́днии, благода́рне поклоня́емся.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 12
Благода́ть Боже́ственную испроси́ нам у Сы́на Твоего́ и Бо́га, Всепе́тая Богоро́дице, простри́ ру́ку по́мощи, да не поги́бнем во гресе́х и лю́тых обстоя́ниих, находя́щих на ны от враг ви́димых и неви́димых, уми́ри на́ша сердца́, зло́бою и враждо́ю испо́лненная, да уте́шеннии Тобо́ю ра́достно воззове́м Бо́гу: Аллилу́иа.
Икос 12
Пою́ще благода́тное Твое́ Успе́ние, прославля́ем и ми́лость Твою́, Влады́чице, ю́же яви́ла еси́ Ри́зою Твое́ю честно́ю, завеща́вши ю по Успе́нии не́коей вдови́це, Тебе́ при жи́зни служи́вшей. И до ны́не покро́в Твой святы́й и благода́тная исцеле́ния явля́еши се́ю Ри́зою всем лю́дем, притека́ющим к Тебе́ и Тя прославля́ющим си́це:
Ра́дуйся, четвероча́стнаго го́да време́н благослове́ние;
ра́дуйся, четвери́цы стихи́й вещества́ освяще́ние.
Ра́дуйся, всей вселе́нней кре́пкое заступле́ние;
ра́дуйся, всех искуше́ний от ми́ра, пло́ти и диа́вола попра́ние.
Ра́дуйся, неча́емое примире́ние ожесточе́нно вражду́ющих;
ра́дуйся, недове́домое исправле́ние нераска́янных гре́шников.
Ра́дуйся, не отверга́ющая все́ми презре́нных и отверже́нных;
ра́дуйся, отча́янных от ро́ва поги́бели изхища́ющая.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 13
О, Всепе́тая Влады́чице ми́ра, приими́ сие́ ма́лое благодаре́ние, от всего́ се́рдца Тебе́ приноси́мое, и не попусти́ николи́же охладева́ти в благода́рнем сем чу́вствовании, но вразуми́ нас всегда́ по́мнити Твоя́ неисче́тныя ми́лости и со слеза́ми умиле́ния вопи́ти о Тебе́ Бо́гу: Аллилу́иа.
[Се́й конда́к глаго́лется три́жды.]
[Далее повторяем 1‑е икос и кондак:]
Икос 1
А́нгельский глас прии́де во слух святы́я Анны, известву́ющ: ты зачне́ши и роди́ши дщерь Преблагослове́нную Мари́ю, от Нея́же благословя́тся вся племена́ земна́я, и прии́дет спасе́ние ми́ру всему́. Сие́ ве́дуще, возопии́м Богоро́дице благода́рственне:
Ра́дуйся, Бога Отца́ Безнача́льнаго предве́чное благоволе́ние;
ра́дуйся, Бо́га Сы́на Безле́тнаго пречи́стое вмести́лище.
Ра́дуйся, Бога Ду́ха Всесвята́го избра́нное жили́ще;
ра́дуйся, ко Пресвяте́й Тро́ице немо́лчная моли́твеннице.
Ра́дуйся, го́рних чино́в А́нгельских непрестаю́щее удивле́ние;
ра́дуйся, те́мных сил а́дских всегро́зное устраше́ние.
Ра́дуйся, Ю́же на возду́се срета́ют многоочи́тии Херуви́ми;
ра́дуйся, Е́йже похва́льная воспису́ют шестокрила́тии Серафи́ми.
Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Кондак 1
Взбра́нной Воево́де, Цари́це небесе́ и земли́, дарова́вшей нам благода́ть и си́лу честны́я Ри́зы Ея́ положе́ния па́мять твори́ти, благода́рственное прино́сим пе́ние, я́ко от бед и напа́стей нас покрыва́ющей: не отве́ржи нас от Лица́ Твоего́, Милосе́рдная Ма́ти, но приими́ нас, с любо́вию вопию́щих Тебе́: Ра́дуйся, Богоро́дице Влады́чице, Ри́зою Твое́ю от злых наве́тов нас покрыва́ющая.
Молитва
О, Преблагослове́нная Де́во, Влады́чице Богоро́дице, зрим ны́не зало́г Твои́х ми́лостей к ро́ду христиа́нскому и све́тло пра́зднуем днесь честны́я Твоея́ Ри́зы положе́ние, я́ко благоволи́ла еси́ в сей Ри́зе яви́ти нам та́йну благода́тныя по́мощи и заступле́ния всем благогове́йно к Тебе́ прибега́ющим и сердца́ свои́ пред ико́ною Твое́ю в моли́тве излива́ющим.
Приими́, Всеблагомо́щная Влады́чице Богороди́тельнице, сия́ да́ры, Тебе́ Еди́ной прикла́дныя, от нас, недосто́йных раб Твои́х, от всех родо́в избра́нная, всех тва́рей небе́сных и земны́х вы́сшая я́вльшаяся. И ны́не, Всепе́тая Пресвята́я Богоро́дице, не преста́й моля́щися о нас, е́же изба́витися нам от вся́каго обстоя́ния и наве́та злых челове́к Ри́зою Твое́ю, и сохрани́тися нам неврежде́нным от вся́каго ядови́таго прило́га вра́жия си́лою моли́тв Твои́х, я́ко да Твои́м засту́плением и благода́тною по́мощию спаса́еми, сла́ву, хвалу́, благодаре́ние и поклоне́ние за вся в Тро́ице Еди́ному Бо́гу и всех Созда́телю возсыла́ем ны́не и при́сно и во ве́ки веко́в. Ами́нь.
Тропарь положения честной ризы Пресвятой Богородицы во Влахерне
Тропарь, глас 8
Богоро́дице Присноде́во, челове́ков покро́ве,/ ри́зу и по́яс пречи́стаго Твоего́ телесе́,/ держа́вное гра́ду Твоему́ обложе́ние дарова́ла еси́,/ безсе́менным рождество́м Твои́м нетле́нна пребыва́ющи:/ о Тебе́ бо и естество́ обновля́ется и вре́мя./ Те́мже мо́лим Тя, мир гра́ду Твоему́ дарова́ти,// и душа́м на́шим ве́лию ми́лость.
Перевод: Богородица Приснодева, людям покров, Ты даровала городу Твоему, как крепкую ограду, одежду и пояс с пречистого тела Твоего силою Рожденного от Тебя без семени пребывшие нетленными: ибо в Тебе и природа обновляется, и время. Потому молим Тебя мир народу Твоему даровать и душам нашим великую милость.
Кондак, глас 4
Одея́ние всем ве́рным нетле́ния, Богоблагода́тная Чи́стая, дарова́ла еси́,/ свяще́нную ри́зу Твою́,/ е́юже свяще́нное те́ло Твое́ покрыва́ла еси́,/ покро́ве всех челове́ков,/ ея́же положе́ние пра́зднуем любо́вию,/ и вопие́м со стра́хом Ти́, Чи́стая:// ра́дуйся, Де́во, христиа́н похвало́.
Перевод: Как одеяние нетления всем верным, Ты, Богом облагодатствованная, Чистая, даровала священную одежду Твою, которою Ты, Божественный людям покров, покрывала святое тело Твое. Ее положение мы и празднуем с любовью и громогласно взываем с верою: «Радуйся, Дева, христиан похвала!»
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим святы́я ри́зы Твоея́// честно́е положе́ние.
Канон на положение Честной ризы Пресвятой Богородицы во Влахерне
Минея, 2 Июля, Канон
Глас 4
Песнь 1
Ирмос: Триста́ты кре́пкия,/ Рожде́йся от Де́вы,/ безстра́стия во глубине́/ души́ трича́стное потопи́, молю́ся,/ да Тебе́, я́ков тимпа́не,/ во умерщвле́нии телесе́/ побе́дное воспою́ пе́ние.
Припев: Пресвята́я Богоро́дице, спаси́ на́с.
Ри́зу Твою́ честну́ю, Богоро́дице Де́во,/ чту́щим Тя лю́дем дарова́ла еси́ при́сно, свяще́нное огражде́ние,/ вся́кое сопроти́вных обстоя́ние всегда́ побежда́ющи си́лою духо́вною.
Припев: Пресвята́я Богоро́дице, спаси́ на́с.
Пло́тию нас ра́ди от чи́стых Твои́х крове́й я́вльшагося на земли́/ ри́зу свяще́нную осяза́нием освяти́ла еси́ и телесе́ Твоего́ прикоснове́нием,/ ея́же ра́ди вся рабы́ Твоя́ освяща́еши, Де́во, пою́щия Тя.
Сла́ва Отцу́ и Сы́ну и Свято́му Ду́ху.
Сокро́вище честно́е ве́рно Тя чту́щим дарова́ла еси́, Блага́я Де́во,/ вои́стинну честну́ю ри́зу Твою́,/ вся обогаща́ющи да́ры Боже́ственнаго Ду́ха и чуде́с мно́гими дея́нии.
И ны́не и при́сно и во ве́ки веко́в. Ами́нь.
Нескве́рная А́гнице, А́гнца ро́ждшая Бо́жия па́че естества́,/ дарова́ла еси́ нам честну́ю ри́зу Твою́,/ скве́рны и́стинно и вра́ски10 очища́ющую всегда́ покланя́ющихся ей, Всенепоро́чная.
Песнь 3
Ирмос: Я́ко непло́ды роди́ от язы́к Це́рковь,/ и мно́гое в ча́дех изнемо́же со́нмище,/ чу́дному Бо́гу на́шему возопии́м:/ Свят еси́, Го́споди.
Припев: Пресвята́я Богоро́дице, спаси́ на́с.
Кра́сное освяще́ние, Небе́сную дверь, Бо́жию Ма́терь воспое́м/ и Тоя́ ри́зу, Боже́ственная точа́щу дарова́ния, ю́же любо́вию целу́ем.
Припев: Пресвята́я Богоро́дице, спаси́ на́с.
Нетле́ния оде́ждею тле́нием обна́жшияся,/ Твои́м нетле́нным рождество́м всех оде́яла еси́, Чи́стая,/ и́мже честну́ю ри́зу Твою́ дарова́ла еси́, бога́тство неотъе́млемо.
Сла́ва Отцу́ и Сы́ну и Свято́му Ду́ху.
И́же о́блаки, Чи́стая, одева́ющаго все не́бо/ ри́зою Твое́ю обвила́ еси́, Пречи́стая,/ е́йже покланя́ющеся, ве́рно Тя сла́вим, покро́ве душ на́ших.
И ны́не и при́сно и во ве́ки веко́в. Ами́нь.
Врачева́ние безме́здно боля́щим есть Боже́ственный сей храм:/ ри́зу бо Твою́, Чи́стая, исто́чник, непреста́нно точа́щий исцеле́ния, стяжа́, Пренепоро́чная.
Седален, глас 3
Красото́ю де́вства Твоего́ прекра́сное Сло́во ро́ждши,/ и Сего́ ри́зою Твое́ю, Чи́стая, а́ко Младе́нца обвила́ еси́./ Сию́ у́бо дарова́ла еси́ рабо́м Твои́м, Влады́чице,/ покро́в, по́мощь и исто́чник свяще́ния;/ ея́же честно́е положе́ние, Пресвята́я Де́во, вси ве́рно пра́зднуем.
Песнь 4
Ирмос: Любве́ ра́ди, Ще́дре, Твоего́ о́браза/ на Кресте́ Твое́м стал еси́,/ и раста́яшася язы́цы:/ Ты бо еси́, Человеколю́бче,/ кре́пость моя́ и хвале́ние.
Припев: Пресвята́я Богоро́дице, спаси́ на́с.
Возвели́чим еди́ну Благослове́нную/ и Тоя́ ри́зе прико́снемся ве́рою,/ я́ко да почерпе́м благода́ть духо́вную.
Припев: Пресвята́я Богоро́дице, спаси́ на́с.
Я́ко многоце́нное сокро́вище, стяжа́в Тебе́ чту́щий град/ ри́зу Твою́, Отрокови́це,/ ве́рою облобыза́ет и благода́ть прие́млет.
Сла́ва Отцу́ и Сы́ну и Свято́му Ду́ху.
Ри́зу Твою́, я́ко точа́щую нетле́ние,/ оде́жду же сла́вы бы́вшую, всем песносло́вящим Тя,/ почита́ем, Всенепоро́чная.
И ны́не и при́сно и во ве́ки веко́в. Ами́нь.
Всенепоро́чная и еди́на благослове́нная,/ Херуви́м святе́й я́вльшися,/ ду́ши нас спаси́ от вся́каго обстоя́ния, ве́рою чту́щих Тя.
Песнь 5
Ирмос: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.
Припев: Пресвята́я Богоро́дице, спаси́ на́с.
Ты, Влады́чице Чи́стая,/ нам, Твои́м рабо́м, дарова́ла еси́ утвержде́ние ри́зу,/ и честны́й Твой по́яс, и Боже́ственное огражде́ние.
Припев: Пресвята́я Богоро́дице, спаси́ на́с.
Рай красе́н, благово́ние Ду́ха, Пречи́стая, испуща́яй,/ храм, держа́щий Твою́ ри́зу, показа́ся.
Сла́ва Отцу́ и Сы́ну и Свято́му Ду́ху.
Освяти́ на́ша ду́ши и телеса́,/ ве́рою святу́ю Твою́, Пресвята́я, ри́зу почита́ющих, я́ко прече́стну.
И ны́не и при́сно и во ве́ки веко́в. Ами́нь.
Хра́мы ны Бо́жия в Тя Все́льшагося покажи́, Богоро́дице,/ в Боже́ственнем хра́ме Твое́м ве́рно Тя блажа́щия.
Песнь 6
Ирмос: Возопи́, прообразу́я погребе́ние тридне́вное,/ проро́к Ио́на, в ки́те моля́ся:/ от тли изба́ви мя, Иису́се, Царю́ сил.
Припев: Пресвята́я Богоро́дице, спаси́ на́с.
Показа́ла еси́ все́ми Ца́рствующему гра́ду, ро́ждшая Царя́ всех и Го́спода,/ я́ко неруши́мую сте́ну, честну́ю и святу́ю ри́зу Твою́.
Припев: Пресвята́я Богоро́дице, спаси́ на́с.
Ра́дующеся, Де́вы благода́ть просла́вим, и Сея́ пресвяту́ю ри́зу почти́м:/ из нея́же вся́ко здра́вие немощны́м непреста́нно происхо́дит.
Сла́ва Отцу́ и Сы́ну и Свято́му Ду́ху.
Вод Тя животеку́щий исто́чник ве́мы, Богоро́дице,/ и почита́ем Боже́ственную ри́зу Твою́,/ от нея́же исцеле́ние всегда́, ве́рнии, почерпа́ем.
И ны́не и при́сно и во ве́ки веко́в. Ами́нь.
Госпо́дь, с Тобо́ю, Богоро́дице, бы́вый,/ челове́ческое Себе́ присво́ил существо́/ и всяк вред чужда́го от него́ изгна́л есть.
Кондак, глас 4
Одея́ние всем ве́рным нетле́ния, Богоблагода́тная Чи́стая, дарова́ла еси́,/ свяще́нную ри́зу Твою́,/ е́юже свяще́нное те́ло Твое́ покрыва́ла еси́,/ покро́ве всех челове́ков,/ ея́же положе́ние пра́зднуем любо́вию/ и вопие́м со стра́хом Ти, Чи́стая:/ ра́дуйся, Де́во, христиа́н похвало́.
Икос
Чи́стое одея́ние и ски́нию Бо́жия Сло́ва,/ одушевле́нный о́блак и ста́мну ма́нны, Богоро́дицу Мари́ю/ вси, спа́сшиися Рождество́м Ея́, ве́рою ублажи́м/ и честне́й ри́зе прико́снемся,/ е́юже Влады́ку объе́мши, я́ко Отроча́ носи́ла есть, в плоть обо́лкшагося,/ Его́же ра́ди челове́ческое естество́ взя́тся к превысоча́йшей жи́зни и Ца́рствию./ Те́мже с ра́достию вопие́м велегла́сно:/ ра́дуйся, Де́во, христиа́н похвало́.
Песнь 7
Ирмос: Авраа́мстии иногда́ в Вавило́не о́троцы/ пе́щный пла́мень попра́ша,/ пе́сньми взыва́юще:/ оте́ц на́ших Бо́же, благослове́н еси́.
Припев: Пресвята́я Богоро́дице, спаси́ на́с.
Высо́ким ра́зумом и смире́нным се́рдцем Царе́в превысо́кий престо́л просла́вим,/ Всесвяту́ю Отрокови́цу обра́дованную.
Припев: Пресвята́я Богоро́дице, спаси́ на́с.
Черто́г Бо́жий избра́нный,/ в честне́м Твое́м сем черто́зе лежа́щую ри́зу Твою́ ве́рою почита́ем,/ я́ко киво́т свят и благочести́вых покро́в.
Сла́ва Отцу́ и Сы́ну и Свято́му Ду́ху.
Обновля́ется всяк, приступа́яй ве́рою и святы́й облобыза́яй ковче́г,/ держа́щий Твою́, Чи́стая Де́во, светови́дную ри́зу.
И ны́не и при́сно и во ве́ки веко́в. Ами́нь.
Богороди́тельнице Чи́стая,/ чту́щий Тя град от гла́да, тру́са же и озлобле́ния вся́каго спаса́й,/ и язы́ческаго нахожде́ния, и сопроти́внаго вре́да.
Песнь 8
Ирмос: Изба́вителю всех, Всеси́льне,/ посреде́ пла́мене благоче́ствовавшия,/ снизше́д, ороси́л еси́/ и научи́л еси́ пе́ти:/ вся дела́, благослови́те, по́йте Го́спода.
Припев: Пресвята́я Богоро́дице, спаси́ на́с.
Благода́рными гла́сы воспева́ем Тя, всех до́брых нам Хода́таицу,/ и честну́ю ри́зу Твою́ облобыза́юще, Отрокови́це, взыва́ем:/ благослови́те, вся дела́ Госпо́дня, Го́спода.
Припев: Пресвята́я Богоро́дице, спаси́ на́с.
Я́ко мы́сленную свещу́ иму́ще, на све́щнице трапе́зы предлежа́щую,/ свяще́нную оде́жду Пречи́стыя Де́вы, серде́чныя просвеща́ем зе́ницы всегда́.
Сла́ва Отцу́ и Сы́ну и Свято́му Ду́ху.
Ника́коже безча́стны оста́вила еси́/ свяще́ннаго Твоего́, Де́во, прикоснове́ния недосто́йныя рабы́ Твоя́:/ вме́сто бо те́ла Твоего́ живоно́снаго ри́зу Твою́ всем дарова́ла еси́.
И ны́не и при́сно и во ве́ки веко́в. Ами́нь.
Пе́сньми Боже́ственными почти́м Бо́жие селе́ние простра́нное,/ в ма́терех Пречи́стую, Небе́сную дверь,/ е́юже заключи́ся к сме́рти дверь веду́щая.
Песнь 9
Ирмос: Е́ва у́бо неду́гом преслуша́ния/ кля́тву всели́ла есть;/ Ты же, Де́во Богоро́дице,/ прозябе́нием чрев оноше́ния ми́рови Благослове́ние процвела́ еси́./ Тем Тя вси велича́ем.
Припев: Пресвята́я Богоро́дице, спаси́ на́с.
Се Тя, одр Соломо́нов, почита́ем ра́достными пе́сньми,/ и честну́ю Твою́ ри́зу, я́ко други́й киво́т свяще́ния, окружи́вше,/ исцеле́ния прие́млем спаси́тельная, Присноде́во.
Припев: Пресвята́я Богоро́дице, спаси́ на́с.
Яви́ся ны́не Боже́ственная Твоя́ ра́ка, содержа́щая ри́зу Твою́ честну́ю,/ я́коже исто́чник све́та, Де́во,/ лучи́ исцеле́ний испуща́ющи и тьму неду́гов отгоня́щи,/ ю́же с любо́вию целу́ем.
Припев: Пресвята́я Богоро́дице, спаси́ на́с.
Днесь сра́дуются нам, Всенепоро́чная, покланя́нием ри́зы Твоея́ вся Небе́сныя си́лы,/ апо́столи, проро́цы и му́ченицы, преподо́бнии и пра́веднии вси,/ Влады́чице еди́на Присноде́во.
Сла́ва Отцу́ и Сы́ну и Свято́му Ду́ху.
Освяти́ся вся земля́, всесвято́е Влады́чне поко́ище, положе́нием ри́зы Твоея́,/ и Дави́д ра́дуется дре́вле положе́нием киво́та, прообразу́ющаго Тя, Присноде́во.
И ны́не и при́сно и во ве́ки веко́в. Ами́нь.
Све́тло одея́ние Твою́ ри́зу дарова́ла еси́ и огражде́ние/ Тя чту́щему Ца́рствующему гра́ду всех градо́в,/ я́ко Цари́ца всех тва́рей су́щи, Богороди́тельнице Ма́ти Де́во.
Светилен
Окрили́вшую Христа́/ ри́зу Богоотрокови́цы и Богоро́дицы Мари́и,/ днесь прииди́те, земноро́днии, почти́м пе́сньми,/ я́ко да благода́тию Сея́ при́сно ублажа́емся.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Еди́на и естество́ и вре́мя обнови́ла еси́, Богома́ти:/ нетле́нно бо Твое́ рождество́, нетле́нная и ри́за,/ е́юже град Твой покрыва́еши/ и е́юже ски́петры благоче́стия содержи́ши.
Канон на положение Честной ризы Пресвятой Богородицы во Влахерне (2‑й)
Минея, 2 Июля, Ин канон
Глас 4
Песнь 1
Ирмос: Мо́ря чермну́ю пучи́ну/ невла́жными стопа́ми/ дре́внии́ пешеше́ствовав, Изра́иль,/ крестообра́зныма Моисе́овыма рука́ма/ Амали́кову си́лу в пусты́ни победи́л есть.
Припев: Пресвята́я Богоро́дице, спаси́ на́с.
Свеща́ светоявле́нная и незаходи́мая,/ Пречи́стыя храм, я́коже не́бо све́тлое, обре́т честну́ю ри́зу Ея́,/ вселе́нную днесь благода́тей просвеща́ет заря́ми.
Сла́ва Отцу́ и Сы́ну и Свято́му Ду́ху.
Кре́пость и утвержде́ния сою́з, Твою́, Пречи́стая, ри́зу Боже́ственную/ вои́стинну стяжа́в, град Твой держа́ву непобеди́мую и́мать,/ тем и хва́лится о Тебе́.
И ны́не и при́сно и во ве́ки веко́в. Ами́нь.
Дре́вняго я́ко вои́стинну киво́та честне́йшая Твоя́ ра́ка, Богороди́тельнице, яви́ся на земли́,/ его́же зна́мения нося́щи, но и ве́рных во и́стине позна́ния сохраня́ющи.
Песнь 3
Ирмос: Весели́тся о Тебе́ Це́рковь Твоя́, Христе́, зову́щи:/ Тя моя́ кре́пость, Го́споди,/ и прибе́жище, и утвержде́ние.
Припев: Пресвята́я Богоро́дице, спаси́ на́с.
Почита́ем, ве́рнии, я́ко совокупле́ния к Бо́гу сою́з,/ Чи́стыя днесь ри́зы, ве́рно гове́юще.
Сла́ва Отцу́ и Сы́ну и Свято́му Ду́ху.
Исцеле́ния ве́рным многочестна́я нам днесь/ прече́стно Чи́стыя ри́за источа́ет благода́тию.
И ны́не и при́сно и во ве́ки веко́в. Ами́нь.
Я́ко роса́ у́тренняя, ра́дость Твоя́ приснотеку́щая/ пещь страсте́й Тя воспева́ющих уставля́ет при́сно.
Седален, глас 3
Красото́ю де́вства Твоего́ прекра́сное Сло́во ро́ждши,/ и Сего́ ри́зою Твое́ю, Чи́стая, а́ко Младе́нца обвила́ еси́./ Сию́ у́бо дарова́ла еси́ рабо́м Твои́м, Влады́чице,/ покро́в, по́мощь и исто́чник свяще́ния;/ ея́же честно́е положе́ние, Пресвята́я Де́во, вси ве́рно пра́зднуем.
Песнь 4
Ирмос: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:/ сла́ва си́ле Твое́й, Го́споди.
Припев: Пресвята́я Богоро́дице, спаси́ на́с.
Я́ко пречестну́ю твердь, Богоро́дице, Творе́ц и Зижди́тель Тя водрузи́вый,/ я́коже звезда́ми, украси́ Тя Боже́ственными сия́нии,/ и́миже украша́еши концы́.
Сла́ва Отцу́ и Сы́ну и Свято́му Ду́ху.
От земли́ нас возвлачи́т к Небеси́, Богороди́тельнице,/ Боже́ственная Твоя́ ри́за, Чи́стая, любо́вию сея́ распале́нных те́пле,/ те́мже Тя сла́вим, я́ко лу́чшаго вину́.
И ны́не и при́сно и во ве́ки веко́в. Ами́нь.
Се благода́ть неисчерпа́емая, прииди́те вси сокруше́нным се́рдцем,/ почерпи́те Боже́ственныя то́ки, источа́ющия незави́стно, о празднолю́бцы,/ от честны́я ра́ки Твоея́, Всепе́тая.
Песнь 5
Ирмос: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющия Тя.
Припев: Пресвята́я Богоро́дице, спаси́ на́с.
Ты, Го́споди, Твою́ Ма́терь возвели́чил еси́,/ Ты возне́сл еси́ над вся вла́сти мы́сленныя без сравне́ния сла́ву Ея́.
Сла́ва Отцу́ и Сы́ну и Свято́му Ду́ху.
Благода́ть Бо́жию незави́стно точа́щая Ты еси́, Пречи́стая Богоро́дице,/ от честны́я ра́ки Твоея́ любо́вию покланя́ющимся.
И ны́не и при́сно и во ве́ки веко́в. Ами́нь.
Твое́ю си́лою ве́рнии лю́дие опоясу́ются,/ Тя сою́з, Богоро́дице, Твой име́яй град/ ри́зою Твое́ю почита́ется.
Песнь 6
Ирмос: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х/ исте́кшею Кро́вию.
Припев: Пресвята́я Богоро́дице, спаси́ на́с.
Всю Тя па́че естества́ просла́ви Госпо́дь, всю украси́в, Отрокови́це,/ всю Тя почте́ па́че сло́ва, Богоро́дице,/ с по́ясом, ри́зою и Боже́ственною ра́кою.
Сла́ва Отцу́ и Сы́ну и Свято́му Ду́ху.
Кре́пость Тя ве́рнии стяжа́вше и похвалу́,/ одева́ются сла́вою, честно́ю Твое́ю ри́зою, Богороди́тельнице,/ я́коже пресве́тлое украше́ние и честно́е Тя стяжа́вше.
И ны́не и при́сно и во ве́ки веко́в. Ами́нь.
Ви́дети Твою́, Богоро́дице, сла́ву неизрече́нную/ дре́вле боле́зноваху боже́ственне проро́цы вси,/ но в после́дняя дни нам яви́ся и́же лет Превы́шший.
Кондак, глас 4
Одея́ние всем ве́рным нетле́ния, Богоблагода́тная Чи́стая, дарова́ла еси́,/ свяще́нную ри́зу Твою́,/ е́юже свяще́нное те́ло Твое́ покрыва́ла еси́,/ покро́ве всех челове́ков,/ ея́же положе́ние пра́зднуем любо́вию/ и вопие́м со стра́хом Ти, Чи́стая:/ ра́дуйся, Де́во, христиа́н похвало́.
Икос
Чи́стое одея́ние и ски́нию Бо́жия Сло́ва,/ одушевле́нный о́блак и ста́мну ма́нны, Богоро́дицу Мари́ю/ вси, спа́сшиися Рождество́м Ея́, ве́рою ублажи́м/ и честне́й ри́зе прико́снемся,/ е́юже Влады́ку объе́мши, я́ко Отроча́ носи́ла есть, в плоть обо́лкшагося,/ Его́же ра́ди челове́ческое естество́ взя́тся к превысоча́йшей жи́зни и Ца́рствию./ Те́мже с ра́достию вопие́м велегла́сно:/ ра́дуйся, Де́во, христиа́н похвало́.
Песнь 7
Ирмос: В пещи́ авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:/ благослове́н еси́ в хра́ме сла́вы Твоея́, Го́споди.
Припев: Пресвята́я Богоро́дице, спаси́ на́с.
Ты, я́коже со́нце пра́вды еди́н сый, Бла́же,/ Боже́ственно украси́л еси́ храм Чи́стыя разли́чными Твои́ми дарова́нии,/ в не́мже возсия́вшая лучи́ испуща́ет от Своея́ ри́зы.
Припев: Пресвята́я Богоро́дице, спаси́ на́с.
Излива́ют чудеса́, Пречи́стая, Боже́ственныя ча́ши Твоя́ благода́ть вои́стинну ве́рным,/ и незави́стно чту́щим Тя от Твоея́ ра́ки пролива́ются,/ я́ко из друга́го Еде́ма, мы́сленныя ре́ки.
Сла́ва Отцу́ и Сы́ну и Свято́му Ду́ху.
От скве́рны вся́кия душе́вныя,/ чисти́тельна есть Твоя́, Всенепоро́чная Де́во, ра́ка,/ покрыва́ющая честно́е Твое́ те́ло покры́вшую ри́зу.
И ны́не и при́сно и во ве́ки веко́в. Ами́нь.
Ны́не приступи́те с весе́лием вси, и́же на земли́,/ прииди́те, ра́ка призыва́ет та́йне,/ объя́ти Госпожи́ пресла́вную во мне сокро́виществованную ри́зу Ея́.
Песнь 8
Ирмос: Ру́це распросте́р, Дании́л/ львов зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели о́троцы, взыва́юще:/ благослови́те, вся дела́ Госпо́дня, Го́спода.
Припев: Пресвята́я Богоро́дице, спаси́ на́с.
А́нгели, Пречи́стая, ны́не сликовству́ют в честне́м хра́ме Твое́м, Чи́стая,/ и окружа́ют, Влады́чице, честну́ю и святу́ю Твою́ ри́зу любо́вию и ра́достию,/ мы же весе́лием мно́гим покланя́емся,/ воспева́юще Тя, сла́ву ро́да на́шего.
Сла́ва Отцу́ и Сы́ну и Свято́му Ду́ху.
Жезл, я́же цвет жи́зни прозя́бшая,/ Ты еси́ всех ра́дость многочестна́я, Пречи́стая,/ мирополо́жница Ду́ха, сокро́вище благи́х, арома́т исто́чник,/ из него́же ми́ра исцеле́ний источа́ет Боже́ственная ра́ка.
И ны́не и при́сно и во ве́ки веко́в. Ами́нь.
Воспева́ют, Пречи́стая, вели́чия Твоя́, Чи́стая, мы́сленная во́инства,/ пропове́дают вси патриа́рси и проро́цы я́сно,/ и апо́столи сия́, и му́чеников лик, и преподо́бных все исполне́ние,/ с ни́миже покланя́ем Ти ся.
Песнь 9
Ирмос: Ка́мень нерукосе́чный/ от несеко́мыя горы, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.
Припев: Пресвята́я Богоро́дице, спаси́ на́с.
Черто́г пречестны́й сей, Богороди́тельнице, яви́ся ра́ка Твоя́,/ честну́ю Твою́ ри́зу, де́вственное же одея́ние и неве́стническое я́ко иму́щи/ и я́ко жи́зни сокро́вище соблюда́ющи.
Припев: Пресвята́я Богоро́дице, спаси́ на́с.
Храм, изобража́ющий вся́ко Небе́сное благоукраше́ние Де́вы, днесь, ве́рнии, дости́гше,/ чуде́с заря́ми, я́коже звезда́ми, сия́ем, и озаря́емся благода́тию.
Сла́ва Отцу́ и Сы́ну и Свято́му Ду́ху.
И́мать святы́й Твой по́яс/ и честну́ю Твою́ ри́зу, Богороди́тельнице, Твой град, я́ко сте́ну,/ и уче́ний Боже́ственных соедине́ние, и правосла́вных похвалу́,/ и во́инству победи́тельная.
И ны́не и при́сно и во ве́ки веко́в. Ами́нь.
Пое́м неизрече́нную сла́ву и безчи́сленную Твою́ благода́ты/ Ты бо еси́ исто́чник прему́дрости, из него́же Сло́во всем происхо́дит,/ чту́щим Тя, Пречи́стая, и велича́ющим рождество́ Твое́.
Светилен
Окрили́вшую Христа́/ ри́зу Богоотрокови́цы и Богоро́дицы Мари́и,/ днесь прииди́те, земноро́днии, почти́м пе́сньми,/ я́ко да благода́тию Сея́ при́сно ублажа́емся.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Еди́на и естество́ и вре́мя обнови́ла еси́, Богома́ти:/ нетле́нно бо Твое́ рождество́, нетле́нная и ри́за,/ е́юже град Твой покрыва́еши/ и е́юже ски́петры благоче́стия содержи́ши.
Вернуться к списку