- Уцененные товары
- Аналои
- Архиерейские и монашеские принадлежности
- Браслеты
- Венцы венчальные
- Вертепы рождественские
- Водосвятные баки, чаши, кропила
- Гробницы под Плащаницу. Раки. Сени
- Дарохранительницы и дароносицы
- Двери храмовые
- Евангелия напрестольные и требные. Апостолы
- Евхаристические наборы и принадлежности
- Жертвенники
- Запрестольные кресты. Запрестольные иконы
- Игры православные. Наборы для творчества
- Иконостасы
- Иконы
- Кадила, кадильницы
- Киоты
- Книги православные. Печатная продукция
- Ковры, ковровые покрытия
- Ковчеги. Мощевики
- Кожгалантерея
- Колокола
- Кольца, перстни
- Косметика
- Крестики нательные
- Кресты напрестольные, требные, аналойные
- Кресты-голгофы напольные для храма
- Кресты наперсные
- Крестильные ящики для священника
- Купели для крещения
- Купола, кресты
- Ладан
- Лампады
- Литийные блюда
- Масло
- Образки, нательные иконки
- Облачения, пошивочная продукция
- Панагии
- Паникадила. Хоросы. Бра
- Панихидные столы и крышки
- Плащаницы
- Подарочные сертификаты ORTOX
- Подсвечники
- Подставки церковные, столы
- Полки для икон, домашние иконостасы
- Престолы. Облачения на престол
- Принадлежности для отпевания и погребения
- Продукты питания
- Просфорные принадлежности
- Свечи
- Свечные лавки. Ящики для свечей. Мебель для притвора
- Седалища, стасидии, троны, скамьи, пуфы
- Семисвечники
- Средства для ухода за церковной утварью
- Стрючицы. Кисточки для помазания
- Сувениры
- Уголь кадильный
- Утварь по старинным эскизам
- Утварь в греческих церковных традициях
- Футляры и подарочная упаковка
- Хоругви церковные. Фонари пасхальные. Рипиды
- Цепочки, шнуры, гайтаны
- Церковные сосуды
- Часы
- Четки православные
- Элементы декора храма. Ограждения солеи и амвона
- Ювелирные изделия
- Ящики для пожертвований
Подпишитесь на рассылку и получайте свежие новости и акции нашего магазина.
Великомученица Параскева Пятница
Великомученица Параскева родилась в городе Иконии в Малой Азии. Родители ее особо чтили пятницу, когда на Кресте пострадал Господь Иисус Христос. В честь этого дня они и дочь свою назвали Пятницей (по-гречески Параскева).
Она рано осиротела. Достигнув совершеннолетнего возраста, Параскева приняла обет девства и заботилась о распространении веры Христовой среди язычников.
В 300 году пришел в город военачальник императора Диоклетиана, которому было поручено истребить христиан. Параскева отказалась принести жертву идолам и за это была подвергнута истязаниям. Ее повесили на дереве и терзали тело железными гвоздями и потом изъязвленную до костей и едва живую бросили в темницу. Бог не оставил святую страдалицу и чудесно исцелил ее. Злобный мучитель не вразумился этим чудом и продолжал истязать святую Параскеву, приказав повесить на дереве и жечь факелами. Наконец ей отсекли мечом голову. Христиане похоронили тело святой Параскевы. От мощей великомученицы подавались исцеления болящим.
У православных христиан святая Параскева (Пятница, или Петка) издревле пользовалась особой любовью. Ей посвящали храмы и придорожные часовни (Пятницы); считали ее за покровительницу полей и скота. В день ее памяти русские люди приносили в храм плоды для освящения. Святая Параскева считается целительницей душевных и телесных недугов, хранительницей семейного благополучия и счастья. Изображают ее на иконах суровой подвижницей, высокой, с лучезарным венцом на голове.
Страдание святой великомученицы Параскевы
Память 28 октября
В то время, как нечестивый царь Диоклетиан воздвиг гонение на христиан, в городе Иконии проживала одна благородная и красивая девица, по имени Параскева. Родители ее – христиане, воспитав и научив дочь свою хранению святой веры и заповедей Господних, отошли ко Господу. Они оставили свою блаженную дочь наследницею большого имущества.
Достигнув совершеннолетнего возраста, девица Параскева стала подражать вере и делам своих родителей. Она начала тратить свое имущество не на украшение своей юной красоты и молодости и не на роскошную жизнь, но на одеяние нагих, пропитание голодающих, угощение странников. Параскева не обращала никакого внимания на своих женихов, домогавшихся сожительства с нею: она скоро соделалась невестою Единого бессмертного Жениха, Единородного Сына Божия, для Которого и жила в святости и праведности. Пресвятое Имя Его она исповедовала пред людьми непрестанно, всякий день, приводя их тем к познанию истины.
Некоторые из людей уверовали в Господа нашего Иисуса Христа, а другие, неверующие, злословили святую. Параскева же смело проповедовала пред ними слово Божие и изобличала суету бездушных идолов. Не желая слушать от нее таковых обличений, неверующие граждане схватили ее и предали побоям, а потом ввергли в темницу.
В то время в Иконию пришел некий военачальник, присланный в эту страну императором Диоклетианом с целью истребить там всех христиан. Граждане, приступив к нему, сказали:
– Светлейший военачальник, в сем городе есть девица, которая верует в Распятого Христа и проповедует Его; она занимается волшебством и немало уже людей отвратила своим чародейством от принесения жертв нашим богам. Она не перестает произносить хуления на изображения наших богов и на самодержца. Услышав царское приказание о том, что должны быть казнены все не поклоняющиеся богам, мы схватили сию девицу и держим ее в темнице.
Выслушав сие, военачальник приказал представить святую девицу к себе на суд; когда святая мученица шла на судилище, ее осенил Святой Дух, и лицо ее сделалось светлым, так что все взирающие на нее удивлялись и говорили:
– Посмотри! Она нисколько не удручена печалью, лицо ее даже как будто сияет.
Когда она стала пред судьями, военачальник посмотрел на нее и, удивившись красоте и благородству ее лица, сказал предстоявшим:
– Вы напрасно оклеветали сию прекраснейшую девицу: ведь невозможно погубить такую солнцеобразную красоту.
И он сказал ей:
– Девица, скажи нам твое имя!
Святая Параскева отвечала:
– Я христианка, раба Христова. Военачальник сказал:
– Созерцание красоты твоего лица склоняет меня к кротости, а исходящие из твоих уст слова возмущают до глубины души: я не желаю слышать таких речей!
Святая отвечала:
– Всякий правитель, производящий справедливый суд, слыша правду, радуется, а ты, выслушав сказанную мною истину, прогневался.
Мучитель на это сказал:
– Я потому гневаюсь, что не получил от тебя ответа; ведь я спросил тебя о твоем имени, а ты мне его не сказала.
Святая отвечала:
– Прежде всего мне надлежало сказать мое имя по вечной жизни, а потом уже объявить имя по жизни временной. Итак. я сказала свое имя по жизни вечной, что я христианка, Христова раба, а по временной жизни я родителями наречена Параскевою, так как родилась в день Параскевы (Параскева по-гречески значит – пятница).
– Родители мои, – продолжала святая, – шестой день, который есть день вольных и животворящих страстей Господа нашего Иисуса Христа, всегда почитали постом, молитвами и милостынями. Так они делали в честь Христа, веруя, что из-за любви к роду человеческому в этот день Он излил Свою кровь и положил за нас на кресте Свою жизнь. Бог и даровал им плод честного их супружества – меня, недостойную Свою рабу, в тот именно день, который они добродетельно почитали, воспоминая страсти своего Владыки. Им заблагорассудилось дать мне то имя, которым называется этот день, и вот от дня Параскевы и я именуюсь Параскевою, – я – общница страстям Христовым.
Военачальник сказал:
– Перестань говорить сии безумные слова и принеси жертву нашим богам; тогда я возьму тебя в жены, и ты сделаешься обладательницею большого богатства, и многие тебя будут величать на земле.
На сие святая Параскева ответила:
– Я имею Жениха на небе, Иисуса Христа, и в ином муже не нуждаюсь.
Тогда военачальник сказал:
– Я помилую твою красоту и пощажу юность твою.
– Не щади временной красоты: – сказала святая, – ныне она цветет, а наутро увянет; помилуй лучше себя, ибо тебя ожидает вечное мучение.
После сего военачальник разгневался и приказал разодрать на ней одежды и бить ее суровыми жилами. В то время, как били святую, она не испустила ни одного звука, но, молча устами, сердцем взывала ко Христу, испрашивая у Него помощи в мучениях. Военачальник же, все еще щадя красоту ее (ведь он поражался и соблазнялся ее красотою), приказал перестать бить ее и стал кротко говорить ей:
– Девица! Пощади свою юность, не губи своей прекраснейшей молодости! Принеси жертву богам и ты будешь жива и удостоишься еще большего от нас почета.
Она ничего не отвечала ему на это. Тогда военачальник, разгневавшись, сказал:
– Мне ли ты, злое христианское отродье, не отвечаешь? Святая в ответ на это плюнула ему в лицо. После того мучитель, страшно рассвирепев, приказал повесить ее на дереве и нещадно драть ее ребра железными когтями и растирать власяницей ее раны; ее плоть таким образом была изодрана до костей. Правитель, думая, что мученица скоро умрет, так как она едва уже дышала, снял ее с дерева и ввергнул в темницу. Когда она лежала здесь еле живая и уже безгласная от жестоких ран, в полночь явился ей ангел; плечи и грудь его были перепоясаны крестообразно золотым поясом, а в руках своих он держал орудия Христовых страданий: крест, терновый венец, копие, трость и губу. Ангел сказал ей:
– Девица, общница Христовым страстям, восстань! Я прислан посетить тебя; в утешение же твое в страданиях, я принес орудия страстей Господа нашего. Взгляни на честные орудия: крест и терновый венец нетленного Жениха; посмотри на копие, прободшее животворящие ребра, на трость, написавшую прощение грехов всего мира, и на губу, которая стерла Адамов грех. Итак, восстань! Христос Господь исцеляет тебя!
И вот мученица восстала как бы от сна, а явившийся ангел приступив отер губою все раны святой мученицы, и все тело ее стало крепким и здоровым, а красота ее лица стала еще более поразительною. Она с благоговением облобызала орудия Христовых страстей и прославила Бога. Небожитель после сего стал невидим.
С наступлением утра пришли темничные стражи и нашли Параскеву здоровою и стоявшею на молитве; на ее теле не было ни одной раны. Испугавшись, они возвестили о том военачальнику. Последний приказал привести ее к себе и, увидев ее здоровою, удивился: он не ожидал, чтобы она осталась живой от ужасных ран. Снова удивляясь необыкновенной ее красоте, он сказал ей:
– Параскева, ты видишь, как наши боги пощадили твою красоту и сохранили тебя, даровав тебе жизнь.
Святая на это сказала:
– О, военачальник, покажи мне даровавших мне жизнь! Военачальник послал ее в храм своих богов, чтобы она посмотрела на их идолов. С ней пошли также идольские жрецы и множество народа; они все думали, что Параскева желает поклониться их богам. Когда они вошли в храм, в котором было множество идолов, Параскева мысленно помолилась Единому Истинному, пребывающему в вышних Богу, и, схватив за ногу идола Аполлона, сказала:
– Я тебе, бездушному, и всем вместе с тобою находящимся тленным идолам говорю: так приказывает вам Господь мой Иисус Христос – падите все вы на землю и превратитесь в прах.
И вот, по слову святой, пали и рассыпались все идолы. Тогда все выбежали из идольского храма и стали взывать:
– Велик Бог христианский!
Нечестивые жрецы, увидев разрушение и гибель своих идолов, пришли к военачальнику и, плача, сказали ему:
– Военачальник! Мы говорили тебе, – умертви сию волшебницу, так как она обольщает наш город, а ты не послушал нас, и вот она ныне своим волхованием сокрушила всех наших богов.
Исполнившись ярости, военачальник с гневом стал так допрашивать святую Параскеву:
– Какими волхвованиями ты сделала сие?
Святая отвечала:
– С именем Господа нашего Иисуса Христа на устах я вошла в храм богов ваших и так помолилась моему Господу: явись мне, Спаситель мой, – Ты, Который даровал мне жизнь. И вот Сам Господь мой и Бог мой явился мне, а твои боги, лишь только увидели Его, от страха затрепетали и, упавши на землю, разбились, показывая тем, что если они не могут помочь себе, то как помогут другим!
Тогда военачальник приказал вновь повесить Параскеву на дереве и палить ее ребра свечами. Повешенная и палимая огнем, святая воздохнула к Богу и сказала:
– Господь и Бог мой, Создатель и Промыслитель всей твари! Ты прохладил горящую печь трем отрокам, Ты избавил от огня первомученицу Феклу , спаси же и меня, недостойную, от рук этих мучителей.
И внезапно явился ангел, прикоснулся к свечам и запылал весьма сильный огонь, истребивши множество беззаконников. А народ взывал:
– Велик Бог христианский!
И уверовало во Христа тогда множество народа; военачальник же, заметив волнение в народе, боялся, как бы на него не восстал народ, и поспешно приказал усекнуть святую мечом. В то время как отсечена была ее голова, некоторые слышали голос на небе, произносящий:
– Радуйтесь праведники, так как венчается мученица Параскева!
Христиане с благоговением похоронили тело святой в ее доме. – Так, окончив подвиг мучения, прекраснейшая девица отошла к своему Жениху, неся вместо елея кровь: она ныне вселилась с мудрыми девами в чертоге Христовом.
На другой день утром беззаконный военачальник выехал на охоту, но конь его внезапно рассвирепел и сбросил его в овраг: упавши, военачальник разбился и так злосчастно испустил свою окаянную душу.
Святая же и чистая душа великомученицы Параскевы отошла к Господу, и от честных ее мощей подавались многие исцеления болящим, во славу Господа нашего Иисуса Христа, Емуже со Отцем и Духом Святым да будет честь и поклонение во веки, аминь.
Тропарь, глас 4:
Премудрая и всехвальная Христова мученица Параскева, мужескую крепость приемши, женскую же немощь отвергши, диавола победи и мучителя посрами, вопиющи и глаголющи: приидите, тело мое мечом ссецыте и огнем сожгите, аз бо, радующися, иду ко Христу, Жениху моему. Тоя молитвами, Христе Боже, спаси души наша.
Кондак, глас 3:
Всесвятое и непорочное мучение принесши, яко вено пречестное безсмертному Жениху Христу, ангельское ликостояние возвеселила еси, и победила еси демонския козни: сего ради тя честно верою чтим, мученице Параскево многострадальная.
Молитвы мученице Параскеве, нареченной Пятница
Тропарь, глас 4*
Прему́драя и всехва́льная Христо́ва му́ченица Параске́ва,/ му́жескую кре́пость прии́мши,/ же́нскую же не́мощь отве́ргши,/ диа́вола победи́ и мучи́теля посрами́,/ вопию́щи и глаго́лющи:/ прииди́те, те́ло мое́ мече́м ссецы́те и огне́м сожги́те,/ аз бо, ра́дующися, иду́ ко Христу́, Жениху́ моему́./ Тоя́ моли́твами, Христе́ Бо́же,// спаси́ ду́ши на́ша.
Перевод: Премудрая и всеми прославляемая Христова мученица Параскева, мужскую силу получив, а женскую слабость отвергнув, диавола победила и мучителя посрамила, взывая и говоря: «Придите и рассеките тело мое мечом и сожгите огнем, ибо я, радуясь, иду ко Христу, Жениху моему». По ее молитвам, Христос Бог наш, спаси души наши.
Кондак, глас 3*
Всесвято́е и непоро́чное муче́ние прине́сши,/ я́ко ве́но пречестно́е, безсме́ртному Жениху́ Христу́,/ А́нгельское ликостоя́ние возвесели́ла еси́/ и победи́ла еси́ де́монския ко́зни./ Сего́ ра́ди тя че́стно ве́рою чтим,// му́ченице Параске́во многострада́льная.
Перевод: Всесвятое и непорочное мучение принеся, как драгоценное приданое, бессмертному Жениху Христу, Ангельское собрание возрадовала ты и победила демонские козни. Потому с верой тебя почитаем, мученица Параскева многострадальная.
Молитва 1‑я
О, свята́я и преблаже́нная му́ченице Христо́ва Параске́во, красото́ деви́ческая, му́чеников похвало́, чистоты́ о́бразе, великоду́шных зерца́ло, прему́дрых удивле́ние, ве́ры христиа́нския храни́тельнице, и́дольския льсти обличи́тельнице, Ева́нгелия Боже́ственнаго побо́рнице, за́поведей Госпо́дних ревни́тельнице, сподо́бльшаяся приити́ ко приста́нищу ве́чнаго поко́я и в черто́зе Жениха́ твоего́, Христа́ Бо́га, све́тло веселя́щаяся, сугу́бым венце́м де́вства и му́ченичества украше́нная! Мо́лим тя, свята́я му́ченице: бУди о нас печа́льница ко Христу́ Бо́гу, Его́же преблаже́ннейшим зре́нием при́сно весели́шися: моли́ Всеми́лостиваго, Иже сло́вом Очи слепы́м отве́рзе, да изба́вит нас от боле́зни оче́с на́ших, теле́сных вку́пе и душе́вных; разжени́ твои́ми святы́ми моли́твами те́мный мрак, прибы́вший от грехо́в на́ших; испроси́ у Отца́ Све́тов свет благода́ти душе́вным и теле́сным очесе́м на́шим; просвети́ нас, омраче́нных грехми́, све́том Бо́жия благода́ти, да твои́х ра́ди святы́х моли́тв да́стся безоче́сным сла́дкое зре́ние. О вели́кая уго́днице Бо́жия! О му́жественнейшая де́во! О кре́пкая му́ченице свята́я Параске́во! Святы́ми твои́ми моли́твами бу́ди нам гре́шным помо́щница, хода́тайствуй и моли́ся о окая́нных и зело́ неради́вых гре́шницех, ускори́ на по́мощь нам, я́ко зело́ не́мощни есмы́. Моли́ Го́спода, чи́стая деви́це, моли́ Милосе́рдаго, свята́я му́ченице, моли́ Жениха́ твоего́, непоро́чная Христо́ва неве́сто, да твои́ми моли́твами посо́бствовани, мра́ка же грехо́внаго избы́вше, во све́те и́стинныя ве́ры и дея́ний Боже́ственных вни́дем во свет ве́чный дне невече́рняго, во Град весе́лия при́снаго, в не́мже ты ны́не све́тло блиста́еши сла́вою и весе́лием безконе́чным, славосло́вящи и воспева́ющи со все́ми Небе́сными Си́лами Трисия́тельное Еди́ное Божество́, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.
Молитва 2‑я
Свята́я неве́сто Христо́ва, многострада́льная му́ченице Параске́во! Ве́мы, я́ко от ю́ности твоея́ ты все́ю душе́ю твое́ю и всем се́рдцем твои́м возлюби́ла еси́ Царя́ сла́вы, Христа́ Спаси́теля и Ему́ еди́ному уневе́стилася еси́, разда́вши име́ния твоя́ неиму́щим и бе́дным. Ты си́лою благоче́стия твоего́, твои́м целому́дрием и пра́ведностию, я́ко луча́ми со́лнечными, просия́ла еси́, жи́вши свя́то среди́ неве́рных и безбоя́зненно пропове́давши им Христа́ Бо́га. Ты, от дней ю́ности твоея́, науче́нная твои́ми роди́телями, всегда́ благогове́йно че́ствовала дни искупи́тельных страсте́й Го́спода на́шего Иису́са Христа́, Его́же ра́ди и сама́ доброво́льно пострада́ла еси́. Ты, десни́цею А́нгела Бо́жия от неисце́льных ран ди́вно исцеле́нная и восприя́вшая неизрече́нную све́тлость, изуми́ла еси́ неве́рных мучи́телей. Ты, и́менем Го́спода на́шего Иису́са Христа́ и си́лою моли́твы твое́ю в ка́пище язы́ческом всех и́долов до́лу пове́ргши, в прах сокруши́ла еси́ я́. Ты, опаля́емая свеща́ми, еди́ною моли́твою твое́ю ко всеси́льному Го́споду угаси́ла еси́ огнь есте́ственный, и тем же пла́менем, чуде́сне возжже́нным чрез А́нгела Бо́жия, попали́вши неи́стовых беззако́нников, мног наро́д привела́ еси́ к позна́нию и́стиннаго Бо́га. Ты, во сла́ву Го́спода прия́вши ме́чное главы́ твоея́ усече́ние от мучи́телей, до́блественно сконча́ла еси́ страда́льческий твой по́двиг, возше́дши душе́ю твое́ю на Небеса́, в черто́г вожделе́ннаго твоего́ Жениха́ Христа́ Царя́ Сла́вы, ра́достно сре́тшаго тя сим небе́сным гла́сом: «Ра́дуйтеся, пра́веднии, я́ко му́ченица Параске́ва увенча́ся!» Те́мже и мы днесь приве́тствуем тя, многострада́льная, и, взира́юще на святу́ю твою́ ико́ну, с умиле́нием вопие́м ти: всечестна́я Параске́во! Ве́мы, я́ко ве́лие и́маши дерзнове́ние ко Го́споду: умоли́ у́бо Его́ Человеколю́бца и о нас с предстоя́щих и моля́щихся ти, да пода́ст Он и нам, я́коже тебе́, терпе́ние и благоду́шие в беда́х и ско́рбных обстоя́ниях; да да́рует Он, хода́тайством твои́м и заступле́нием, ра́достное, благоде́нственное и ми́рное житие́, здра́вие же и спасе́ние, и во всем благо́е поспеше́ние возлю́бленному на́шему оте́честву, да ниспосле́т свято́е Свое́ благослове́ние и мир, и всем правосла́вным христиа́нам да пода́ст твои́ми святы́ми моли́твами утвержде́ние в ве́ре, благоче́стии и свя́тости, преспе́яние же в христиа́нской любви́ и вся́кой доброде́тели: да очи́стит нас гре́шных от вся́кой скве́рны и поро́ка, да огради́т нас святы́ми Свои́ми А́нгелами, да засту́пит, сохрани́т и поми́лует всех свято́ю Свое́ю благода́тию и соде́лает насле́дниками и прича́стниками Небе́снаго Своего́ Ца́рствия. И та́ко улучи́вше спасе́ния твои́ми святы́ми моли́твами, предста́тельством и заступле́нием, всесла́вная неве́сто Христо́ва Параске́во, просла́вим все пречи́стое и великоле́пое и́мя ди́внаго во святы́х Свои́х и́стиннаго Бо́га, Отца́ и Сы́на и Свята́го Ду́ха, всегда́, ны́не и при́сно и во ве́ки веко́в. Ами́нь.
Личное прошение
О, свята́я и преблаже́нная му́ченице Христо́ва Параске́во! Святы́ми твои́ми моли́твами бу́ди помо́щница нам гре́шным (имена), хода́тайствуй, да твои́ми моли́твами сподо́бимся (содержание прошения), и ку́пно с тобо́ю да славосло́вим и воспева́ем Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
Акафист святой великомученице Параскеве, нареченной Пятница
Конда́к 1
Избра́нной Бо́гом от ро́да благоро́днаго, Икони́йскаго гра́да, прему́дрой и всехва́льной неве́сте Христо́ве, я́ко избавля́емии тобо́ю от искуше́ний и бед, благода́рственная пе́ния и хвале́ния воспису́ем ти моли́твенницы твои́, свята́я и многострада́льная му́ченице Параске́во. Ты же, име́я дерзнове́ние ко Го́споду, от вся́ких нас бед свободи́, да со умиле́нием и ра́достию зове́м ти:
Ра́дуйся, Параске́во, неве́сто Христо́ва всехва́льная.
И́кос 1
А́нгелом честну́ю и вселюбе́зную чистоту́ твоего́ сердца́, многострада́льная Параске́во, непоро́чно сохра́нши, а́нгелом собесе́дница бы́ти сподо́билася еси́. С ни́миже воспева́я трисвяту́ю песнь Бо́гу на небеси́, услы́ши и нас, ве́рою и любо́вию чту́щих тя и вопию́щих ти хвале́ния сия́ на земли́:
Ра́дуйся, отрокови́це, Бо́гом Отце́м предуста́вленная бы́ти сообра́зной в страда́нии о́бразу Сы́на Его́;
ра́дуйся, и Сы́ном Бо́жиим укрепле́нная на по́двиги страда́льческия.
Ра́дуйся, и́стинную ве́ру в Животворя́щую и Единосу́щную Тро́ицу свя́то соблю́дшая;
ра́дуйся, свято́е целому́дрие и де́вственную непоро́чность до́бре сохра́ншая.
Ра́дуйся, я́ко ра́достно уневе́стилася еси́ безсме́ртному Небе́сному Жениху́ Христу́;
ра́дуйся, земна́го обру́чника па́че Небе́снаго зна́ти не восхоте́вшая.
Ра́дуйся, я́ко цвет чистоты́, в неувяда́емой сла́ве цвету́щая;
ра́дуйся, я́ко крин, воня́ми твои́х доброде́телей нам благоуха́ющая.
Ра́дуйся, в Небе́сном вертогра́де неизрече́нною ра́достию наслажда́ющаяся;
ра́дуйся, красне́йшаго па́че сыно́в челове́ческих зре́нием та́мо утеша́ющаяся.
Ра́дуйся, убели́вшая ри́зы твоя́ в кро́ви А́гнчей на земли́;
ра́дуйся, в ли́ке де́вственниц предстоя́щая Бо́жиему А́гнцу на небеси́.
Ра́дуйся, Параске́во, неве́сто Христо́ва всехва́льная.
Конда́к 2
Ви́девше благоле́пие лица́ твоего́, свята́я му́ченице Параске́во, лю́дие удивля́хуся, взира́юще на тя, не у́ ве́дяще красоты́ ду́ши твоея́. Мы же, помина́юще светле́йшия па́че со́лнца доброде́тели твоя́, пои́м Го́сподеви, дарова́вшему тебе́ благода́ть Свою́: Аллилу́иа.
И́кос 2
Му́дрости вмести́лище па́че ума́ мирски́х мудреце́в яви́лася еси́, отрокови́це непоро́чная, измла́да уклони́вшися от любве́ к ми́ру и отве́ргшися всего́, я́же в ми́ре, все́ю полното́ю любве́ твоея́ возлюби́ла еси́ Небе́снаго Жениха́ Христа́, Царя́ Сла́вы, Ему́же, я́ко ве́рная раба́, в житии́ твое́м апо́стольски послужи́ла еси́, жи́вши свя́то среди́ неве́рных и безбоя́зненно пропове́давши им Христа́ Бо́га. Таково́му твоему́ ра́зуму дивя́щеся, сия́ похвалы́ тебе́ воспису́ем:
Ра́дуйся, прему́драя Ева́нгельская де́во, во све́те ве́ры и дел благи́х ходи́вшая;
ра́дуйся, Христа́ Го́спода, Бо́жию си́лу и Бо́жию прему́дрость па́че всего́ возлюби́вшая.
Ра́дуйся, па́че мудреце́в ми́ра сего́ мудре́йшая;
ра́дуйся, па́че ста́рец идолослужи́тельных разу́мнейшая.
Ра́дуйся, неве́рных све́том ве́ры просвеща́ющая;
ра́дуйся, чад Це́ркве Христо́вы в ве́ре утвержда́ющая.
Ра́дуйся, любо́вию твое́ю ко Христу́ а́нгельская ликостоя́ния возвеселя́ющая;
ра́дуйся, де́монския лука́вствия ору́жием Креста́ Госпо́дня отгоня́ющая.
Ра́дуйся, в пропове́дании ве́ры богоглаго́ливая уста́ апо́стольская;
ра́дуйся, дев христиа́нских украше́ние.
Ра́дуйся, ве́рная ко Христу́ Бо́гу моли́твеннице о на́шем спасе́нии;
ра́дуйся, всех скорбя́щих кре́пкое заступле́ние и огражде́ние.
Ра́дуйся, Параске́во, неве́сто Христо́ва всехва́льная.
Конда́к 3
Си́лою Христо́вою соблюда́ема, всесла́вная му́ченице Параске́во, о боле́знех теле́сных небрегла́ еси́, по́двигом до́брым подвиза́тися хотя́щи. Му́жеским смы́слом вооружи́вшися, сла́бость же́нскую отве́ргла еси́, упова́нием же укрепи́вшися, ра́достно предста́ла еси́ на суди́ще, иде́же я́сно ве́ру в Тро́ицу Боже́ственную пропове́дала еси́, Бо́гу вопию́щи: Аллилу́иа.
И́кос 3
Слы́шав от тебе́, му́драя дщерь, непра́ведный судия́ неслы́ханная словеса́ о твое́м рожде́нии, я́ко благочести́вии роди́тели твои́, стра́сти Христо́вы почита́юще, знамени́таго дне тезоимени́ту тя нареко́ша, Параске́вою, в предзнаменова́ние, я́ко Христо́вых страсте́й и́маши бы́ти прича́стницею. Не ра́зуме же сего́ нечести́вый иге́мон, но веща́ше ти безсту́дная словеса́ и повеле́ би́ти тя суро́выми жи́лами и полуме́ртву тя су́щу вве́ргнути в темни́цу. Ты же, до́блественне претерпе́вши жесточа́йшия му́ки, в темни́це, а́ки в черто́зе све́тле лику́ющи, вопия́ла еси́: «Никогда́же отлучу́ся Тебе́, Го́споди, но посли́ ми по́мощь Твою́ и спаси́ мя вели́кия ра́ди Твоея́ ми́лости». Те́мже, ублажа́юще тя, вопие́м ти такова́я:
Ра́дуйся, незло́бивая голуби́це, от искуше́ний лука́ваго врага́ свободи́вшаяся;
ра́дуйся, слове́сная а́гнице, от зла́го во́лка мучи́теля к до́брому Па́стырю Христу́ Бо́гу прибе́гшая.
Ра́дуйся, во двор слове́сных ове́ц, одесну́ю Его́ стоя́щих, вше́дшая;
ра́дуйся, на брак А́гнчий ра́достно теку́щая.
Ра́дуйся, я́ко тебе́ угото́вано есть благ ве́чных сокро́вище;
ра́дуйся, я́ко тебе́ обетова́но есть блаже́нство Ца́рства Небе́снаго.
Ра́дуйся, прему́драя Ева́нгельская де́во, све́тло горя́щий свети́льник иму́щая;
ра́дуйся, дерзнове́ние ве́лие ко Христу́ Бо́гу стяжа́вшая.
Ра́дуйся, во́лею свое́ю благо́е и́го Христо́во на ся подъя́вшая;
ра́дуйся, се́рдце свое́ от вся́кия ле́сти душевре́дныя чи́сто сохра́ншая.
Ра́дуйся, и́стинная Христо́вых страсте́й прича́стнице;
ра́дуйся, во страда́ниях твои́х благода́тную по́мощь от Христа́ Го́спода получи́вшая.
Ра́дуйся, Параске́во, неве́сто Христо́ва всехва́льная.
Конда́к 4
Бу́рю тя́жких искуше́ний воздвиго́ша врази́ проти́ву тебе́, многострада́льная Параске́во; ты же от твои́х крове́й трудолю́бно ча́шу страда́ний испила́ еси́, жела́ющи по Христе́, Женисе́ твое́м, во след потещи́, прехва́льная му́ченице, и я́ко ла́стовица доброгла́сная, песнь воспева́ла еси́ Христу́ Бо́гу: Аллилу́иа.
И́кос 4
Име́я всегда́ пред оча́ми свои́ми Го́спода, за испове́дание ве́ры па́лицами неми́лостивно от мучи́телей бие́ма, ра́довалася еси́, приснопа́мятная му́ченице Параске́во, вопию́щи: «Ничто́же мя разлучи́т от любве́ Твоея́, Христе́», и та́ко подвиза́яся во Сла́ву Бо́жию, угоди́ла еси́ Го́споду. Те́мже, помина́юще честна́я твоя́ страда́ния, с умиле́нием зове́м ти:
Ра́дуйся, а́гнице вседо́бляя, Пастыренача́льнику Христу́ прине́сшаяся, я́ко же́ртва благоуха́нная;
ра́дуйся, безсме́ртному Жениху́ Христу́ непоро́чное муче́ние твое́, я́ко ве́но пречестно́е, предста́вившая.
Ра́дуйся, отрокови́це чи́стая, и́стинное испове́дание ве́ры Правосла́вныя пред неве́рными яви́вшая;
ра́дуйся, пра́ведная обличи́тельнице, непра́вду нечести́ваго судии́ я́ве откры́вшая.
Ра́дуйся, я́ко тобо́ю посрами́ся лука́вый враг, ви́дящь себе́ от ю́ной де́вы побежде́нна;
ра́дуйся, я́ко ра́дуются о тебе́ и си́лы небе́сныя, ви́дяще тя не́мощну и мла́ду су́щу, побежда́ющую лю́тых мучи́телей.
Ра́дуйся, голуби́це чи́стая и непоро́чная се́рдцем;
ра́дуйся, смире́нная а́гнице, благоуспе́шно честне́й и блаже́нней стра́сти Госпо́дней уподо́бльшаяся.
Ра́дуйся, я́ко принесла́ся еси́ Зижди́телю твоему́, я́ко кади́ло благово́нное;
ра́дуйся, я́ко зрит на тя пресве́тлое Со́лнце пра́вды, тридне́вно возсия́вшее от гро́ба и укрепи́вшее тя к по́двигу страда́льческому.
Ра́дуйся, я́ко за пресла́вная твоя́ страда́ния сподо́билася еси́ вни́ти в черто́г Христа́, Царя́ Небе́снаго;
ра́дуйся, я́ко та́мо вку́пе со святы́ми наслажда́ешися неизрече́нною ра́достию.
Ра́дуйся, Параске́во, неве́сто Христо́ва всехва́льная.
Конда́к 5
Боготе́чною звездо́ю прешла́ еси́ в ми́ре, страстоте́рпице сла́вная Параске́во, я́сно ве́ру во Христа́ всем пропове́дающи. Страда́ния мно́га и лю́та му́жески претерпе́вши, мучи́теля посрами́ла еси́ и ко Христу́ Го́споду, я́ко Све́ту незаходи́мому, ра́достно востекла́ еси́. Ему́же предстоя́щи с ли́ки пра́ведных, вы́ну вопие́ши: Аллилу́иа.
И́кос 5
Ви́дяще си́лы небе́сныя пло́тию стра́ждущую Соде́теля ради страстоте́рпицу Параске́ву, Его́ си́лою крепя́щуюся, глаго́лаху: «Се, и де́вы на земли́ просла́виша Го́спода!» Челове́цы же, тре́петом одержи́ми, ужаса́хуся и удивля́ющеся, пе́сньми прославля́ху: «О, чудесе́! Де́ва врага́ победи́ и мо́лится ми́лостивому Влады́ке за спасе́ние ми́ра». Сего́ ра́ди и мы, помина́юще испо́лненное ве́ры му́жество твое́, пресла́вная му́ченице, ублажа́ем тя, глаго́люще:
Ра́дуйся, до́блественная страстоте́рпице, в защи́ту ве́ры Правосла́вныя подвиза́вшаяся;
ра́дуйся, наве́тов вра́жиих му́драя разори́тельнице.
Ра́дуйся, Икони́йскаго гра́да учи́тельнице;
ра́дуйся, и́дольской су́етной ле́сти обличи́тельнице.
Ра́дуйся, ве́рных смы́слы воня́ми доброде́телей твои́х благово́нствующая;
ра́дуйся, смрад стра́стный благода́тию, свы́ше ти да́нною, отгоня́ющая.
Ра́дуйся, е́ллинския куми́ры, я́ко прах, уничижи́вшая;
ра́дуйся, твои́ми по́двиги, и́же к Бо́гу, тьмы нача́льника низложи́вшая.
Ра́дуйся, го́рняя, па́че до́льних, восхожде́ния в се́рдце твое́м положи́ти возлюби́вшая;
ра́дуйся, Христу́ Го́споду, Человеколю́бцу, всю себе́ преда́вшая.
Ра́дуйся, подо́бно первому́ченице Фе́кле, мног наро́д сло́вом Бо́жиим просвети́вшая;
ра́дуйся, неве́рных к Боже́ственней ве́ре приве́дшая.
Ра́дуйся, Параске́во, неве́сто Христо́ва всехва́льная.
Конда́к 6
Пропове́дницу чуде́с и сла́вы Бо́жия яви́ла еси́ себе́, до́блестная му́ченице Параске́во, по́сле пресла́внаго исцеле́ния в темни́це, от Христа́ Го́спода тебе́ дарова́ннаго. Ему́же возсыла́я благода́рственная моле́ния, ра́достно мы вопие́м: Аллилу́иа.
И́кос 6
Возсия́ла еси́, я́ко светоза́рная звезда́, обагри́вшися ка́плями кро́вными, и Боже́ственною благода́тию отгна́ла еси́ безбо́жия тьму, му́ченице Параске́во, просвети́вши ве́рныя, чту́щия твоя́ до́блественныя по́двиги. Те́мже восхваля́юще тя, усе́рдно вопие́м ти:
Ра́дуйся, богому́драя де́во, Христо́вых страсте́й о́бщнице;
ра́дуйся, в темни́це ти су́щей, а́нгельскаго посеще́ния сподо́бльшаяся.
Ра́дуйся, в отра́ду боле́зней твои́х ору́дия страсте́й Христо́вых созерца́вшая;
ра́дуйся, Честны́й Крест и терно́вый вене́ц нетле́ннаго Жениха́ твоего́, Христа́, узре́вшая.
Ра́дуйся, я́звы Го́спода на те́ле твое́м носи́вшая;
ра́дуйся, от всех язв Те́мже Го́сподом чрез а́нгела исцеле́нная.
Ра́дуйся, я́ко То́йже Госпо́дь дарова́л тебе́ кре́пость и прему́дрость, е́йже не возмого́ша проти́витися вси противля́ющиися и́стине;
ра́дуйся, от крове́й твои́х све́тлую себе́ ри́зу истка́вшая.
Ра́дуйся, я́ко тобо́ю от мно́гих ран гре́шнии исцеля́ются;
ра́дуйся, я́ко тобо́ю от разли́чных боле́зней, с ве́рою тя призыва́ющии, здра́вие прие́млют.
Ра́дуйся, уз грехо́вных ско́рая реши́тельнице;
ра́дуйся, о всех христиа́нах пред престо́лом Бо́жиим ве́рная моли́твеннице.
Ра́дуйся, Параске́во, неве́сто Христо́ва всехва́льная.
Конда́к 7
Хотя́щу безу́мному мучи́телю иге́мону жела́ние свое́ улучи́ти и па́ки покуша́ющуся ласка́тельными словесы́ тебе́, свята́я му́ченице Параске́во, от и́стиннаго Бо́га обрати́ти к поклоне́нию и́долом; ты же, я́ко богому́драя де́ва, вразумля́я его́ в суе́тстве и́долов, рекла́ еси́ ему́: «Покажи́ ми, иге́моне, бого́в, и́хже ты мни́ши исцели́вших мя от ран», и по веле́нию мучи́теля прише́дши в храм и́дольский, помоли́лася еси́ еди́ному и́стинному Бо́гу, от Его́же Свята́го и́мене вси и́доли падо́ша и разсы́пашася в прах, во увере́ние, я́ко еди́н есть Бог, прославля́емый во Святе́й Тро́ице, Ему́же вку́пе со святы́ми а́нгелами вы́ну вопие́ши: Аллилу́иа.
И́кос 7
Но́вую показа́ безчелове́чия я́рость зверообра́зный мучи́тель, егда́ тебе́, свята́я му́ченице Параске́во, повеле́ на дре́ве пове́сити и свеща́ми горя́щими опаля́ти твоя́ деви́ческая ребра́. Сие́ пачеесте́ственное терпе́ние твое́ благогове́йно воспомина́юще, похвала́ми блажи́м тя сицевы́ми:
Ра́дуйся, многообра́зныя боле́зни за Царя́ Христа́ Бо́га претерпе́вшая;
ра́дуйся, я́ко пред лице́м челове́ческим а́ще и му́ку прия́ла еси́, упова́ние же твое́ безсме́ртия испо́лнено есть.
Ра́дуйся, я́ко пове́шена была́ еси́ на дре́ве Христа́ ра́ди, на Кресте́ распя́таго, да венце́м нетле́ния от Него́ увязе́шися;
ра́дуйся, я́ко стро́гана была́ еси́ по ребро́м, Иису́са ра́ди копие́м в ребро́ прободе́ннаго, да Ца́рствием Его́ Небе́сным наслади́шися.
Ра́дуйся, я́ко огнь любве́ к Бо́гу в се́рдце твое́м возжгла́ еси́;
ра́дуйся, я́ко за Того́ свеща́ми о́гненными пали́ма была́ еси́.
Ра́дуйся, тверде́йшая адама́нта в терпе́нии твое́м показа́вшаяся;
ра́дуйся, в ве́ре во Христа́ Го́спода крепча́е па́че ка́мене, в му́жестве непоколеби́мом пребы́вшая.
Ра́дуйся, я́ко огне́м опаля́ема, о́гненною му́дростию пла́мень угаси́ла еси́ есте́ственный;
ра́дуйся, я́ко свещу́ неугаси́му душе́вную соблю́дши, вошла́ еси́ со Христо́м, Женихо́м твои́м, в черто́г Небе́сный.
Ра́дуйся, я́ко чуде́сными и́скрами стра́сти умертви́вши, де́монския полки́ страда́льчески победи́ла еси́;
ра́дуйся, я́ко страда́ниями твои́ми мног наро́д к позна́нию и́стиннаго Бо́га привела́ еси́.
Ра́дуйся, Параске́во, неве́сто Христо́ва всехва́льная.
Конда́к 8
Стра́нное и стра́шное святы́я му́ченицы Параске́вы страда́ние ви́дяще, ве́рнии удивля́хуся зело́: ка́ко мла́да отрокови́ца су́щи, в ю́ностнем телеси́ такова́я му́жественно за Христа́ терпи́т му́ки, сле́знаго испо́лнишася умиле́ния? Неве́рнии же тре́петом одержи́ми и чуде́сными и́скрами опаля́еми от А́нгела, бежа́ху. Мы же, прославля́юще ди́внаго во святы́х Бо́га, вопие́м: Аллилу́иа.
И́кос 8
Весь Сладча́йший Иису́с сла́дость, весь жела́ние тебе́ бысть, свята́я му́ченице Параске́во: сла́дце бо Его́ ра́ди го́рькия терпе́ла еси́ му́ки, глаго́лющи к мучи́телю: «Вра́же нечести́вый иге́моне, что неи́стовствуеши на христиа́ны? ни ца́рства у тебе́ отъя́х, ни гра́да твоего́ разори́х, но бу́ими словесы́ увеща́ти мя помышля́еши. Аз пло́ти моея́ не щажду́ за Христа́ моего́, зане́ Он лю́бит мя: к Нему́ пойду́ и Того́ бу́ду неве́ста. Той мене́ спасе́т от рук враг мои́х и да́рует ми жизнь ве́чную». Помина́юще сицева́я твоя́ словеса́ и до́блественныя по́двиги твоего́ испове́дничества, вопие́м ти:
Ра́дуйся, зло́бы неве́рных не устраши́вшаяся;
ра́дуйся, тва́ри па́че Созда́вшаго не послужи́вшая.
Ра́дуйся, во е́же сопротивля́тися враго́м Бо́жиим, в духо́вное всеору́жие благода́ти Бо́жией обле́кшаяся;
ра́дуйся, и́долом немы́м и глухи́м в ка́пище и́дольском не поклон́ившаяся.
Ра́дуйся, и́менем всеси́льнаго Го́спода и твое́ю к Нему́ моли́твою вся и́долы та́мо сокруши́вшая;
ра́дуйся, де́монов кова́рствия Боже́ственною си́лою упраздни́вшая.
Ра́дуйся, томле́ния мучи́телей Кресто́м Госпо́дним, я́ко держа́вным ору́жием, му́жески победи́вшая;
ра́дуйся, о́гненное опале́ние и жже́ние де́вственнаго телесе́ твоего́ в воню́ ми́ра Христу́ Бо́гу прине́сшая.
Ра́дуйся, ве́ру, наде́жду и любо́вь к Бо́гу сохра́ншая;
ра́дуйся, побе́ды вене́ц от ру́ки Христа́ Жизнода́вца прие́мшая.
Ра́дуйся, реко́, испо́лненная благода́ти Бо́жия вода́ми;
ра́дуйся, исто́чниче, кипя́щий чуде́с излия́нии.
Ра́дуйся, Параске́во, неве́сто Христо́ва всехва́льная.
Конда́к 9
Все́ми богокра́сными ле́потами доброде́телей украси́вши себе́, прехва́льная му́ченице Параске́во, яви́лася еси́ тве́рда и непоколеби́ма во испове́дании ве́ры Христо́вы. Сего́ ра́ди а́нгельское естество́ ве́лиею возра́довася ра́достию, узре́вше му́жественную кре́пость твою́ и тве́рдое твое́ упова́ние. И мы слы́шавше, ка́ко посрами́ся лука́вый враг, от де́вы побежда́емь, и ка́ко Сам Христо́с Бог досто́йно венча́ет тя му́ченицу, ку́пно с тобо́ю ра́достно вопие́м прославля́ющему тя Го́споду: Аллилу́иа.
И́кос 9
Вити́йствующий язы́к не возмо́жет восхвали́ти де́ла твоя́ и вели́кия страда́льческия твоя́ по́двиги по достоя́нию, сла́вная му́ченице Параске́во. Кто бо по́весть страда́ния твоя́ и доброде́тели? На суди́щи бо испове́давши и́стиннаго Бо́га, от безчелове́чных мучи́телей претерпе́ла еси́ лю́тая, боле́зненная страда́ния; и в сих жесто́ких боле́знех бы́вши па́лицами бие́ма, желе́зными ноготьми́ строга́ема и огне́м пали́ма, ничто́же и́но веща́ла еси́ к Созда́телю твоему́, то́кмо сие́: «Спаси́ мя, Го́споди, недосто́йную рабу́, не разлучи́ мене́, Христе́, от Твоего́ жела́ния!» Смире́нно помина́юще сицева́я твоя́ страда́ния, умиле́нную песнь прино́сим ти, глаго́люще:
Ра́дуйся, кро́вию страда́ния твоего́ Христу́ Бо́гу уневе́стившаяся;
ра́дуйся, страсте́м Христо́вым подража́вшая.
Ра́дуйся, любве́ ра́ди Госпо́дни жесто́кия муче́ния претерпе́вшая;
ра́дуйся, от Небе́снаго Царя́ благоле́пный вене́ц восприя́вшая.
Ра́дуйся, я́ко всем ве́рным воспомина́ние твое́ пресла́дко;
ра́дуйся, я́ко всей Це́ркви Христо́вой и́мя твое́ прече́стно.
Ра́дуйся, досточу́дное а́нгелом и челове́ком зре́лище бы́вшая;
ра́дуйся, и са́мых мучи́телей непобеди́мым терпе́нием твои́м удиви́вшая.
Ра́дуйся, я́ко Сам Госпо́дь свы́ше призре́ на твоя́ страда́ния;
ра́дуйся, я́ко Сам Той Подвигополо́жник похвали́ твоя́ по́двиги.
Ра́дуйся, де́вам добро́то и похвале́ние;
ра́дуйся, му́чеником красото́ и ве́рным утеше́ние.
Ра́дуйся, Параске́во, неве́сто Христо́ва всехва́льная.
Конда́к 10
Спасти́ хотя́ ду́шу твою́, о те́ле твое́м вся́чески небрегла́ еси́, свята́я му́ченице Параске́во. Егда́ бо на тя и ме́чное на смерть осужде́ние изы́де от беззако́ннаго мучи́теля, ты под меч о́стрый, а́ки под вене́ц кра́сный, ра́достно потекла́ еси́; и во главу́ усекнове́на бы́вши, душе́ю твое́ю воспари́ла еси́ в черто́г Жениха́ твоего́ Безсме́ртнаго, Христа́ Бо́га, Ему́же вы́ну на Небесе́х ны́не воспева́еши: Аллилу́иа.
И́кос 10
Стена́ была́ еси́ кре́пка и непоколеби́ма во испове́дании ве́ры в Триеди́наго Бо́га. Сего́ ра́ди многоболе́зненная страда́ния от мучи́теля претерпе́ла еси́ и, до́бре сконча́вши тече́ние твое́, вене́ц от Христа́ Бо́га прия́ла еси́, и а́нгельских ликостоя́ний на Небеси́ сподо́билася еси́. Те́мже воспомина́юще твоя́ по́двиги, ублажа́ем тя, многострада́льная:
Ра́дуйся, тече́ние му́ченическаго пути́ до́бре сконча́вшая;
ра́дуйся, ве́ру безсме́ртному Жениху́ Христу́ до сме́рти сохра́ншая.
Ра́дуйся, в житии́ твое́м богоуго́дными де́лы Го́сподеви послужи́вшая;
ра́дуйся, за любо́вь ко Христу́ Бо́гу всю мирску́ю суету́ отве́ргшая.
Ра́дуйся, си́лою свы́ше на брань проти́ву сил преиспо́дних препоя́санная;
ра́дуйся, победоно́сною сла́вою в вы́шних от Христа́ Победи́теля оде́янная.
Ра́дуйся, ору́жием благоволе́ния Бо́жия венча́нная на земли́;
ра́дуйся, цве́том неувяда́емым укра́шенная на Небеси́.
Ра́дуйся, христиа́ном кре́пкое прибе́жище;
ра́дуйся, ве́рным тве́рдое заступле́ние.
Ра́дуйся, безпомо́щных защи́тительнице;
ра́дуйся, си́рых покрови́тельнице.
Ра́дуйся, Параске́во, неве́сто Христо́ва всехва́льная.
Конда́к 11
Пе́ние на́ше вся́кое побежда́ется, и мно́гое мно́жество хвале́бных пе́сней, воспису́емых ти, несть дово́льно по достоя́нию восхвали́ти тя, прехва́льная му́ченице Параске́во. Оба́че моли́твами твои́ми получа́юще от Христа́ Бо́га неисче́тная благодея́ния, благода́рни су́ще, пое́м о тебе́ Ему́: Аллилу́иа.
И́кос 11
Возсия́вши нам, я́ко свети́ло светоза́рное, мрак де́монский от челове́к твои́ми мольба́ми отгоня́еши, свята́я му́ченице Параске́во, прие́мши бо благода́ть цели́ти неду́ги, всем ве́рным, притека́ющим к тебе́ с моли́твою, подае́ши исцеле́ние: кровоточи́вии бо и прокаже́ннии прикоснове́нием к ра́це моще́й твои́х очища́ются, глуси́и слы́шат, разсла́бленнии здра́ви быва́ют призыва́нием свята́го твоего́ и́мене. Мы же, помина́юще ско́рое заступле́ние твое́, вопие́м ти:
Ра́дуйся, благово́нная сми́рно, Це́рковь Христо́ву благоуха́ющая;
ра́дуйся, благонаде́жная моли́твеннице, фимиа́м моли́твы о нас к Бо́гу принося́щая.
Ра́дуйся, мирополо́жнице исцеле́ний неоску́дная;
ра́дуйся, сокро́вище Бо́жиих даро́в неиждива́емое.
Ра́дуйся, ча́ше, от оби́лия до́му Бо́жия че́рплющая ра́дость;
ра́дуйся, сосу́де, от исполне́ния Христо́ва прие́млющий всех благ небе́сных сла́дость.
Ра́дуйся, благода́тную ро́су исцеле́ний всем ве́рным источа́ющая;
ра́дуйся, ско́рбныя сердца́ неду́жных дарова́нием исцеле́ний ободря́ющая.
Ра́дуйся, я́ко Христо́с Бог за до́блественная твоя́ страда́ния сла́ву и велеле́пие на тя возложи́л есть;
ра́дуйся, я́ко тебе́ Царь ца́рствующих и Госпо́дь госпо́дствующих блаже́нство Ца́рствия Своего́ дарова́л есть.
Ра́дуйся, Ца́рствия Христо́ва сонасле́днице;
ра́дуйся, сла́вы Бо́жией соприча́стнице.
Ра́дуйся, Параске́во, неве́сто Христо́ва всехва́льная.
Конда́к 12
Благода́ть от Бо́га дана́ ти есть подава́ти исцеле́ния всем тре́бующим, я́ко от исто́чника пребога́таго, храни́ти же и соблюда́ти от разли́чных боле́зней, бед и скорбе́й вся́каго челове́ка, ве́рою, любо́вию и благогове́нием честна́я твоя́ страда́ния воспомина́ющаго и почита́ющаго. Моли́твеннаго твоего́ о нас предста́тельства и благода́тных дарова́ний не лиши́ и нас, многострада́льная Христо́ва страстоте́рпице. Да и мы, здра́ви су́ще те́лом и ду́хом, в ны́нешней и бу́дущей жи́зни о тебе́ пое́м Бо́гу: Аллилу́иа.
И́кос 12
Пое́м твоя́ кре́пкия по́двиги, почита́ем страда́ния, хва́лим долготерпе́ние, ублажа́ем святу́ю твою́ кончи́ну, сла́вим твое́ в не́мощнем те́ле непобеди́мое му́жество, и́мже на земли́ и на Небеси́ просла́вилася еси́, свята́я и добропобе́дная му́ченице Параске́во. И в честь твои́х победоно́сных по́двигов и страда́ний похва́льная воспису́ем ти сия́:
Ра́дуйся, от а́нгельских чино́в в сожи́тельство их любе́зно прия́тая;
ра́дуйся, от де́вственных лико́в в черто́г небе́сный ра́достно введе́нная.
Ра́дуйся, от му́ченических полко́в под вене́ц сла́вы провожда́емая во гла́се ра́дования;
ра́дуйся, от небе́сных жи́телей прие́млющая о Го́споде целова́ние.
Ра́дуйся, я́ко мзда твоя́ мно́га есть на Небесе́х;
ра́дуйся, я́ко ра́дость твоя́ ве́чна есть во све́тлости святы́х.
Ра́дуйся, в небе́сном черто́зе Боже́ственнаго Жениха́ твоего́ со а́нгелы Его́ веселя́щаяся;
ра́дуйся, лицезре́нием Всеблага́го Го́спода та́мо вку́пе со святы́ми наслажда́ющаяся.
Ра́дуйся, душе́вных и теле́сных неду́гов на́ших цели́тельнице;
ра́дуйся, душеспаси́тельных благ и небе́сных даро́в пода́тельнице.
Ра́дуйся, я́ко тобо́ю от неча́янныя сме́рти сохрани́тися упова́ем;
ра́дуйся, я́ко твои́м заступле́нием ве́чную жизнь от Христа́ Бо́га улучи́ти благонаде́жно ча́ем.
Ра́дуйся, Параске́во, неве́сто Христо́ва всехва́льная.
Конда́к 13
О свята́я прему́драя и всехва́льная му́ченице, неве́сто Христо́ва Параске́во! От благогове́йных серде́ц приноси́мую ти, а́ще и недосто́йную, хвале́бную песнь сию́ приими́ от нас, я́ко усе́рдную же́ртву серде́ц, лю́бящих тя и че́ствующих святу́ю па́мять твою́. Охраня́й нас моли́твами твои́ми святы́ми, и вся лю́ди, притека́ющия к честне́й ико́не твое́й и с любо́вию лобыза́ющия ю́, избавля́й от вся́каго зла́го обстоя́ния и ско́рби. Да ти́хое и безмо́лвное житие́ пожи́вше в ны́нешнем ве́це, блаже́нство ве́чное насле́дим, и ку́пно с тобо́ю и все́ми святы́ми вы́ну сподо́бимся воспева́ти Бо́гу: Аллилу́иа.
[Се́й конда́к глаго́лется три́жды.]
[Далее повторяем 1‑е икос и кондак:]
И́кос 1
А́нгелом честну́ю и вселюбе́зную чистоту́ твоего́ сердца́, многострада́льная Параске́во, непоро́чно сохра́нши, а́нгелом собесе́дница бы́ти сподо́билася еси́. С ни́миже воспева́я трисвяту́ю песнь Бо́гу на небеси́, услы́ши и нас, ве́рою и любо́вию чту́щих тя и вопию́щих ти хвале́ния сия́ на земли́:
Ра́дуйся, отрокови́це, Бо́гом Отце́м предуста́вленная бы́ти сообра́зной в страда́нии о́бразу Сы́на Его́;
ра́дуйся, и Сы́ном Бо́жиим укрепле́нная на по́двиги страда́льческия.
Ра́дуйся, и́стинную ве́ру в Животворя́щую и Единосу́щную Тро́ицу свя́то соблю́дшая;
ра́дуйся, свято́е целому́дрие и де́вственную непоро́чность до́бре сохра́ншая.
Ра́дуйся, я́ко ра́достно уневе́стилася еси́ безсме́ртному Небе́сному Жениху́ Христу́;
ра́дуйся, земна́го обру́чника па́че Небе́снаго зна́ти не восхоте́вшая.
Ра́дуйся, я́ко цвет чистоты́, в неувяда́емой сла́ве цвету́щая;
ра́дуйся, я́ко крин, воня́ми твои́х доброде́телей нам благоуха́ющая.
Ра́дуйся, в Небе́сном вертогра́де неизрече́нною ра́достию наслажда́ющаяся;
ра́дуйся, красне́йшаго па́че сыно́в челове́ческих зре́нием та́мо утеша́ющаяся.
Ра́дуйся, убели́вшая ри́зы твоя́ в кро́ви А́гнчей на земли́;
ра́дуйся, в ли́ке де́вственниц предстоя́щая Бо́жиему А́гнцу на небеси́.
Ра́дуйся, Параске́во, неве́сто Христо́ва всехва́льная.
Конда́к 1
Избра́нной Бо́гом от ро́да благоро́днаго, Икони́йскаго гра́да, прему́дрой и всехва́льной неве́сте Христо́ве, я́ко избавля́емии тобо́ю от искуше́ний и бед, благода́рственная пе́ния и хвале́ния воспису́ем ти моли́твенницы твои́, свята́я и многострада́льная му́ченице Параске́во. Ты же, име́я дерзнове́ние ко Го́споду, от вся́ких нас бед свободи́, да со умиле́нием и ра́достию зове́м ти:
Ра́дуйся, Параске́во, неве́сто Христо́ва всехва́льная.
Моли́тва
Свята́я неве́сто Христо́ва, многострада́льная му́ченице Параске́во! Ве́мы, я́ко от ю́ности твоея́ ты все́ю душе́ю твое́ю и всем се́рдцем твои́м возлюби́ла еси́ Царя́ Сла́вы, Христа́ Спаси́теля, и Ему́ еди́ному уневе́стилася еси́, разда́вши име́ния твоя́ неиму́щим и бе́дным. Ты си́лою благоче́стия твоего́, твои́м целому́дрием и пра́ведностию, я́ко луча́ми со́лнечными, просия́ла еси́, жи́вши свя́то среди́ неве́рных и безбоя́зненно пропове́давши им Христа́ Бо́га. Ты, от дней ю́ности твоея́, науче́нная твои́ми роди́телями, всегда́ благогове́йно че́ствовала дни искупи́тельных страсте́й Го́спода на́шего Иису́са Христа́, Его́же ра́ди и сама́ доброво́льно пострада́ла еси́. Ты, десни́цею А́нгела Бо́жия от неисце́льных ран ди́вно исцеле́нная и восприя́вшая неизрече́нную све́тлость, изуми́ла еси́ неве́рных мучи́телей. Ты, и́менем Го́спода на́шего Иису́са Христа́ и си́лою моли́твы твое́я в ка́пище язы́ческом всех и́долов до́лу пове́ргши, в прах сокруши́ла еси́ я́. Ты, опаля́емая свеща́ми, еди́ною моли́твою твое́ю ко всеси́льному Го́споду угаси́ла еси́ огнь есте́ственный, и тем же пла́менем, чуде́сне возжже́нным чрез А́нгела Бо́жия, попали́вши неи́стовых беззако́нников, мног наро́д привела́ еси́ к позна́нию и́стиннаго Бо́га. Ты, во сла́ву Го́спода прия́вши ме́чное главы́ твоея́ усече́ние от мучи́телей, до́блественно сконча́ла еси́ страда́льческий твой по́двиг, возше́дши душе́ю твое́ю на Небеса́, в черто́г вожделе́ннаго твоего́ Жениха́ Христа́ Царя́ Сла́вы, ра́достно сре́тшаго тя сим небе́сным гла́сом: «Ра́дуйтеся, пра́веднии, я́ко му́ченица Параске́ва увенча́ся!» Те́мже и мы днесь приве́тствуем тя, многострада́льная, и, взира́юще на святу́ю твою́ ико́ну, с умиле́нием вопие́м ти: всечестна́я Параске́во! Ве́мы, я́ко ве́лие и́маши дерзнове́ние ко Го́споду: умоли́ у́бо Его́, Человеколю́бца, и о нас предстоя́щих и моля́щихся ти. Да пода́ст Он и нам, я́коже тебе́, терпе́ние и благоду́шие в беда́х и ско́рбных обстоя́ниях; да да́рует Он, хода́тайством твои́м и заступле́нием, ра́достное, благоде́нственное и ми́рное житие́, здра́вие же и спасе́ние, и во всем благо́е поспеше́ние возлю́бленному на́шему оте́честву да ниспо́слет свято́е Свое́ благослове́ние и мир, и всем правосла́вным христиа́ном да пода́ст твои́ми святы́ми моли́твами утвержде́ние в ве́ре, благоче́стии и свя́тости, преспе́яние же в христиа́нской любви́ и вся́кой доброде́тели; да очи́стит нас гре́шных от вся́кия скве́рны и поро́ка; да огради́т нас святы́ми Свои́ми а́нгелами, да засту́пит, сохрани́т и поми́лует всех свято́ю Свое́ю благода́тию и соде́лает насле́дниками и прича́стниками Небе́снаго Своего́ Ца́рствия. И та́ко улучи́вше спасе́ние твои́ми святы́ми моли́твами, предста́тельством и заступле́нием, всесла́вная неве́сто Христо́ва Параске́во, просла́вим вси пречестно́е и великоле́пое и́мя ди́внаго во святы́х Свои́х и́стиннаго Бо́га, Отца́ и Сы́на и Свята́го Ду́ха, всегда́, ны́не и при́сно, и во ве́ки веко́в. Ами́нь.
Тропарь Параскеве (Пятнице)
глас 4
Прему́драя и всехва́льная Христо́ва му́ченица Параске́ва,/ му́жескую кре́пость прии́мши,/ же́нскую же не́мощь отве́ргши,/ диа́вола победи́ и мучи́теля посрами́,/ вопию́щи и глаго́лющи:/ прииди́те, те́ло мое́ мече́м ссецы́те и огне́м сожги́те,/ аз бо, ра́дующися, иду́ ко Христу́, Жениху́ моему́./ Тоя́ моли́твами, Христе́ Бо́же,// спаси́ ду́ши на́ша.
Перевод: Премудрая и всеми прославляемая Христова мученица Параскева, мужскую силу получив, а женскую слабость отвергнув, диавола победила и мучителя посрамила, взывая и говоря: «Придите и рассеките тело мое мечом и сожгите огнем, ибо я, радуясь, иду ко Христу, Жениху моему». По ее молитвам, Христос Бог наш, спаси души наши.
Вернуться к списку